europe

മടമ്പം നഴ്സസ് ഗ്രാമത്തിൽ🌹നഴ്സസ് സംഗമം🌹 നടത്തി

Saju Kannampally  ,  2017-11-12 04:54:17pmm

മടമ്പം: മലബാറിലെ ലണ്ടൻ ഗ്രാമമെന്നറിയപ്പെടുന്ന മടമ്പത്ത് നഴ്സസ് സംഗമം നടത്തി.എല്ലാഭവനത്തിലും തന്നെ ഒന്നിൽ കൂടുതൽ നേഴ്സുമാർ ഉണ്ട് എന്നുള്ളതാണ് ഈ കുടിയേറ്റ ഗ്രാമത്തിന്റെ പ്രത്യേകത. അതിൽ മികവരും UK യിലും, ലോകത്തിന്റെ വിവിധ ഭാഗങ്ങളിലായി ജോലി നോക്കുന്നവരാണ്.ഇന്ന് നാട്ടിൽ പല ഹോസ്പിറ്റലുകളിലായി ജോലിനോക്കുന്നവരും, റിട്ടയേർഡ് ആയവരും സംഗമത്തിൽ പങ്കെടുത്തു. ആദ്യസംഗമത്തിൽ മടമ്പം പ്രദേശത്ത് താമസിക്കുന്ന നാനാ മതസ്ഥരായ 40-ാം പേർ പങ്കെടുത്തു. ജീവകാരുണ്യ പ്രവർത്തനങ്ങൾക്ക് തുടക്കം കുറിക്കുന്നതിനുവേണ്ടി കൂടിയാണ് ഇങ്ങനെ ഒരു സംഗമം നടത്തിയത്. സംഗമം ഫാ. ജോർജ്ജ് കപ്പുകാലായിൽ ഉദ്ഘാടനം ചെയ്തു. ശ്രീ. സി. ജെ . ജോസ് ചിറ്റേട്ട്, കൗൺസിലർമാരായ ശ്രീ. ബിനോയ് പറമ്പേട്ട്, ഷൈല ബേബി പാലനാനിയിൽ തുടങ്ങിയർ ആശംസ പ്രസംഗം നടത്തി.സംഗമത്തിൽ വച്ച് ഭാരവാഹികളെ തിരഞ്ഞെടുത്തു. രക്ഷാധികാരികൾ : ഫാ.ജോർജ്ജ് കപ്പുകാലായിൽ , ബിനോയ് പറമ്പേട്ട് , ഷൈല ബേബി പാലനാനിയിൽ, പ്രസിഡന്റ്: ലിജു പിലിപ്പ് പുഴിക്ക്നടയിൽ , വൈസ് പ്രസിഡന്റ് : ലീല ജോയി കുഴിയാപ്പാടത്ത്, സെക്രട്ടറി: മോൺസൺ അബ്രാഹം മുല്ലൂർ, ജോ.സെക്രട്ടറി: മിനി ബിജു മുല്ലൂർ, ട്രഷർ : ജോസ് പുല്ലാട്ട്തടത്തിൽ. 7 അംഗ എക്സിക്യൂട്ടീവിനെയും തിരഞ്ഞെടുത്തു.



Latest

Copyrights@2016.