oceana

മെല്‍ബണ്‍ ബൈബിള്‍ കലോത്സവം 2017 പരിസമാപിച്ചു

Clintis Thekumkattil  ,  2017-09-01 02:28:50amm

മെല്‍ബണ്‍: സെന്‍്റ് മേരിസ് ക്നാനായ കാത്തലിക് മിഷനിലെ സണ്‍ഡേ സ്കൂള്‍ വിദ്യാര്‍ത്ഥികള്‍ക്ക് വേണ്ടി സെന്‍്റ് പീറ്റഴേ്സ് ചര്‍ച് ക്ലെയ്റ്റണില്‍ സംഘടിപ്പിച്ച ബൈബിള്‍ കലോത്സവം 2017 വര്‍ണ്ണാഭമായി പരിസമാപിച്ചു. തുടര്‍ച്ചയായി നാലാം വര്‍ഷവും നടത്തപ്പെട്ട ബൈബിള്‍ ആസ്പദമായ മത്സരങ്ങള്‍ ചാപ്ളിയ്ന്‍ ഫാ.തോമസ് കുമ്പുക്കല്‍ ഉത്ഘാടനം ചെയ്തു. വളര്‍ന്നു വരുന്ന പുതു തലമുറയ്ക്ക് ഇതുപോലുള്ള കലോത്സവങ്ങള്‍ ബൈബിളിനെക്കുറിച്ചും ദൈവിക കാര്യങ്ങളെക്കുറിച്ചും ഒരുപാട് അറിവ് പകര്‍ന്നു നല്‍കി ഒരു നല്ല തലമുറയെ വാര്‍ത്തെടുക്കുവാന്‍ ഉപകരിക്കുമെന്ന് അദ്ദേഹം പറഞ്ഞു.

സണ്‍ഡേ സ്കൂളിലെ ഭൂരിഭാഗം കുട്ടികളും പരിപാടിയില്‍ വളരെയധികം ഉത്സാഹത്തോടെ പങ്കടെുത്തു. ബൈബിള്‍ ക്വിസ്, സോളോ, ബൈബിള്‍ സ്റ്റോറി, ഉപന്യാസം , കളറിംഗ്, ഡ്രോയിങ്, പ്രസംഗ മത്സരം, പുരാതന പാട്ടുമത്സരം, ബൈബിള്‍ സ്കിറ്റ്, സോളോ ഡാന്‍സ്, ഗ്രൂപ്പ് ഡാന്‍സ്, ഫാന്‍സി ഡ്രസ്സ് എന്നിങ്ങനെ വിവിധതരം മത്സരങ്ങളാണ് ഒരുക്കിയിരുന്നത്.മതാധ്യാപകരുടെ കോര്‍ഡിനേറ്റേഴ്സായ സിജോ ജോണ്‍, ജോര്‍ജ് പൗവത്തില്‍, മറ്റു മതാധ്യാപകര്‍, പാരിഷ് കൗണ്‍സില്‍ അംഗങ്ങള്‍ എന്നിവര്‍ പരിപാടികള്‍ക്ക് നേതൃത്വം നല്‍കി.



Latest

Copyrights@2016.