oceana

മെൽബൺ ക്നാനായ കാത്തലിക് മിഷന്റെ നേതൃത്വത്തിൽ മാർ കുര്യാക്കോസ് കുന്നശ്ശേരി പിതാവിന്റെ 41-)൦ ചരമദിനം ആചരിച്ചു.

Saju Kannampally  ,  2017-08-08 07:02:13amm

 

മെൽബൺ: മെൽബൺ സെന്റ് മേരിസ് ക്നാനായ കാത്തലിക് മിഷന്റെ നേതൃത്വത്തിൽ ദിവ൦ഗതനായ മാർ കുര്യാക്കോസ് കുന്നശ്ശേരി പിതാവിന്റെ 41-)൦  ചരമദിനം ഭക്ത്യാദരപൂർവ്വം ആചരിച്ചു. ജൂലൈ 23 ഞായറാഴ്ച സെന്റ് മാത്യൂസ് ചർച് ഫോക്‌നറിൽ വെച്ച് നടന്ന വിശുദ്ധ കുർബ്ബാനയിൽ  ചാപ്ലിൻ ഫാ. തോമസ് കുമ്പുക്കൽ മുഖ്യ കാർമ്മികത്വം വഹിച്ചു. 

വിശുദ്ധ കുർബ്ബാനയ്ക്ക് ശേഷം പിതാവിനെ കുറിച്ചുള്ള ഒരു വീഡിയോ പ്രേസേന്റ്റേഷനും, ഒപ്പീസും, മന്ത്രയും, പാച്ചോറും സ്‌നേഹവിരുന്നും നടത്തി. തങ്ങളുടെ പ്രിയ പിതാവിനോടുള്ള സ്നേഹവും ആദരവും അറിയിക്കുവാനും അദ്ദേഹത്തിനുവേണ്ടി പ്രാർത്ഥിക്കുവാനും മെൽബണിലെ എല്ലാ ക്നാനായ കത്തോലിക്ക വിശ്വാസികളും ചടങ്ങിൽ സന്നിഹിതരായിരുന്നു.

നേരത്തെ നടത്തിയ അനുശോചന ചടങ്ങിൽ മെൽബൺ സിറോമലബാർ ബിഷപ്പ് മാർ ബോസ്കോ പുത്തൂർ, വികാർ  ജനറൽ ഫാ. ഫ്രാൻസിസ് കോലഞ്ചേരി, ചാൻസലർ ഫാ. മാത്യു കൊച്ചുപുരക്കൽ, മിഷന്റെ പ്രഥമ ചാപ്ലിൻ ഫാ. സ്റ്റീഫൻ കണ്ടാരപ്പള്ളി തുടങ്ങി പത്തോളം വൈദികർ സന്നിഹിതരായിരുന്നു.

 

 



Latest

Copyrights@2016.