america

ക്നാനായ റീജിയൻ ഫാമിലി കോൺഫറൻസിന് ഭക്തി സാന്ദ്രമായ കൊടിയിറക്കം

Anil Mattathikunnel  ,  2017-07-05 10:04:49pmm അനിൽ മറ്റത്തിക്കുന്നേൽ

ചിക്കാഗോ: നോർത്ത് അമേരിക്കൻ ക്നാനായ കാത്തലിക്ക് റീജിയന്റെ ആഭിമുഖ്യത്തിൽ ചിക്കാഗോയിലെ ഇരു ക്നാനായ ദൈവാലയങ്ങളിലുമായി നടത്തപ്പെട്ട ക്നാനായ റീജിയൺ ഫാമിലി കോൺഫ്രൻസ് ഭക്‌തസാന്ദ്രമായ അന്തരീക്ഷത്തിൽ പര്യവസാനിച്ചു. ചിക്കാഗോ സെന്റ് മേരീസിൽ കോട്ടയം അതിരൂപതാ സഹായ മെത്രാൻ മാർ ജോസഫ് പണ്ടാരശ്ശേരിയുടെയും ചിക്കാഗോ സെക്രട്ട ഹാർട്ടിൽ ചിക്കാഗോ രൂപതാ സഹായ മെത്രാൻ മാർ ജോയി ആലപ്പാട്ടിന്റെയും മുഖ്യ കാർമ്മികത്വത്തിലുള്ള ദിവ്യബലിയോടെയാണ് മൂന്നാം ദിവസം ആരംഭിച്ചത്. ഫാ. ജോസഫ് പാംപ്ളാനി, ബ്രദർ റെജി കൊട്ടാരം എന്നിവർ സെന്റ് മേരീസിൽ മുതിർന്നവർക്കായും ബ്രദർ റെജി കൊട്ടാരം, ഫാ. എബ്രഹാം മുത്തോലത്ത് എന്നിവർ യുവജനങ്ങൾക്കായും ക്ലാസ്സുകൾ നയിച്ചു. ഉച്ച ഭക്ഷണത്തിനു ശേഷം സെന്റ് മേരീസിൽ മാർ ജോസഫ് പണ്ടാരശ്ശേരിൽ, ഫാ. തോമസ് മുളവനാൽ ഫാ. എബ്രഹാം മുത്തോലത്ത് എന്നിവർ ക്നാനായ സമുദായത്തിന്റെ ഭാവിയെ സംബന്ധിച്ചുള്ള ചർച്ചകൾക്കും ക്ളാസ്സുകൾക്കും നേത്ര്ത്വം നൽകി. തുടർന്ന് ഇരു ദൈവാലയങ്ങളിലുമായി കോൺഫ്രൻസിൽ പങ്കെടുത്തിരുന്നവർ ചിക്കാഗോ സെന്റ് മേരീസിൽ ഒന്നിച്ചു കൂടുകയും കോൺഫറൻസിന്റെ സമാപന സമ്മേളനം നടത്തപ്പെടും ചെയ്തു. മാർ ജോസഫ് പണ്ടാരശ്ശേരിൽ ഉദ്ഘാടനം ചെയ്ത സമ്മേളനത്തിൽ ക്നാനായ റീജിയൺ ഡയറക്ടർ ഫാ. തോമസ് മുളവനാൽ അധ്യക്ഷത വഹിച്ചു. ഫാ. എബ്രഹാം മുത്തോലത്ത്, ചിക്കാഗോ കെ സി എസ് പ്രസിഡണ്ട് ബിനു പൂത്തുറയിൽ, ക്നാനായ റീജിയൺ യൂത്ത് കോൺഫ്രൻസ് കൺവീനർ സാബു മുത്തോലം, മുൻ കെ സി സി എൻ എ പ്രസിഡന്റും ക്നാനായ റീജിയൻ കണ്സൽട്ടന്റുമായ ജോയി വാച്ചാച്ചിറ, എന്നിവർ ആശംസകൾ അർപ്പിച്ചുകൊണ്ട് പ്രസംഗിച്ചു. ഫാമിലി കോൺഫ്രൻസ് കൺവീനർ ടോണി പുല്ലാപ്പള്ളി സ്വാഗതം ആശംസിച്ചു.

 

തുടർന്ന് അത്താഴത്തിനു ശേഷം കൈറോസ് യൂത്ത് ടീമിന്റെ ആഭിമുഖ്യത്തിൽ ക്രൈസ്റ്റ് വിൻ നൈറ്റ് എന്ന പേരിൽ ഇഗ്ളീഷിൽ അവതരിപ്പിച്ച ആരാധാനാ സംഗീത നിശ യുവജനങ്ങളും മുതിർന്നവരും ഒരേപോലെ ഹൃദയത്തിൽ സ്വീകരിച്ചു. മനോഹരമായ ആരാധാനാ ഗീതങ്ങളുടെ അകമ്പടിയോടെ അമേരിക്കയുടെ വിവിധ ഭാഗങ്ങളിൽ നിന്നും എത്തിയ യുവജനങ്ങൾ ചിക്കാഗോ സെന്റ് മേരീസിൽ ഒത്തുകൂടിയ നൂറുകണക്കിന് ജനങ്ങളെ ഭക്തി സാന്ദ്രമായ അന്തരീക്ഷത്തിലൂടെ ബ്രദർ റെജി കൊട്ടാരം നയിച്ച ആരാധനയിലേക്ക് കൂട്ടികൊണ്ട് പോയപ്പോൾ തികച്ചും വ്യത്യസ്‍തമായ ഒരു പരിപാടിയായി അത് മാറി. വളർന്നു വരുന്ന തലമുറയ്ക്ക് മനസ്സിലാകുന്ന വിധത്തിൽ, അവരെ ക്രൈസ്റ്റ് കൾച്ചർ എന്താണ് എന്ന് പരിശീലിപ്പിക്കുന്ന ഈ പരിപാടിക്ക് ഇതിനു നേതൃത്വം നൽകിയ യുവജനങ്ങൾക്ക് നന്ദി അർപ്പിക്കുന്നതായി മാർ ജോസഫ് പണ്ടാരശ്ശേരിൽ അറിയിച്ചു. മൂന്നു ദിവസം നീണ്ടു നിന്ന ഫാമിലി കോൺഫറൻസിന് അർഹമായ ഭക്തി സാന്ദ്രമായ ഒരു സമാപനം ക്രൈസ്റ്റ് വിൻ നെറ്റിലൂടെ നൽകുവാൻ സാധിച്ചത് ദൈവാനുഗ്രഹമായി കരുതുന്നു എന്ന് റീജിയൻ ഡയറക്ടർ ഫാ. തോമസ് മുളവനാൽ അറിയിച്ചു.

 

 



Latest

Copyrights@2016.