gulf

സൂര്യചന്ദ്രന്‍മാരുള്ള കാലത്തോളം ക്‌നാനായ സമൂഹം മറക്കില്ലൊരിക്കലും: കെ.കെ.സി.എ

Clintis Thekumkattil  ,  2017-06-18 01:19:12pmm

കുവൈറ്റ് : കുവൈറ്റിലെ ക്‌നാനായ മക്കളുടെ കൂട്ടായ്മയായ കുവൈറ്റ് ക്നാനായ കൾച്ചറൽ അസോസിയേഷന്റെ (കെ.കെ.സി.എ) നേതൃത്വത്തില്‍ ദിവംഗതനായ മാര്‍.കുര്യാക്കോസ് കുന്നശ്ശേരി പിതാവിന് അനുശോചനം അര്‍പ്പിക്കാനായി അബ്ബാസിയായിലെ പോപ്പിന്‍സ് ഹാള്‍ ഓഡിറ്റോറിയത്തിലേക്ക് ഒഴുകിയെത്തിയത് നൂറുകണക്കിന് വിശ്വാസികളും ദൈവികശ്രേഷ്ഠരും ആയിരുന്നു. ശനിയാഴ്ച്ച വൈകിട്ട് ഏഴുമണിക്ക് കൊന്തനമസ്‌ക്കാരവും തുടര്‍ന്ന് കുവൈറ്റിലെ കത്തീഡ്രല്‍ ദേവാലയത്തിനു കീഴിലുളള മലയാളി വൈദീകര്‍ എല്ലാവരും ചേര്‍ന്ന് നടത്തിയ ഒപ്പീസിനു ശേഷമായിരുന്നു അനുസ്മരണ സമ്മേളനം നടന്നത്. കെകെസിഎ ജനറല്‍ സെക്രട്ടറി ജയേഷ് ഓണശേരില്‍ അനുശോചന പ്രമേയം അവതരിപ്പിച്ചു.

സംഘടനയുടെ പ്രസിഡന്റ് ജോബി മാത്യു അനുസ്മരണ പ്രഭാഷണം നടത്തി. കേരളസഭയില്‍ കുടിയേറ്റ തീര്‍ത്ഥാടനത്തിനു തുടക്കം കുറിച്ച മഹത് വ്യക്തിത്വമായിരുന്നു അന്തരിച്ച പിതാവെന്നും വിദേശ രാജ്യങ്ങളിലേക്ക് തൊഴിലിനായി വിശ്വാസസമൂഹത്തെ അയയ്ക്കുകയും അവരുടെ ഭൗതീക വളര്‍ച്ചയ്ക്ക് ഒപ്പം തന്നെ അവിടങ്ങളിലേക്ക് ആത്മീയ വളര്‍ച്ചയ്ക്കും കോട്ടം വരാതെ കാത്തുസൂക്ഷിക്കാന്‍ പിതാവ് എപ്പോഴും ശ്രദ്ധാലുവായിരുന്നുവെന്നും വിദ്യാഭ്യാസ ,സാമൂഹിക മേഖലകളില്‍ സഭാമക്കളെ വളര്‍ത്തുന്നതില്‍ അദ്ദേഹം വഹിച്ച പങ്ക് സഭയ്ക്ക് മറക്കാനാകില്ലെന്നും ഒരു കൂട്ടായ്മയെ ഒരുമയിലേക്ക് തന്റെ ജീവിതം കൊണ്ട് വഴിനടത്തിയ പിതാവിന്റെ ദര്‍ശനങ്ങളും , ആഗ്രഹങ്ങളും കാത്തു പരിപാലിക്കപ്പെടേണ്ടതാണെന്നും അത് വരും തലമുറയ്ക്ക് പകര്‍ന്നു നല്‍കാന്‍ വിശ്വാസികള്‍ കടപ്പെട്ടവരാണെന്നും അനുസ്മരണ പ്രഭാഷണത്തില്‍ വൈദീകര്‍ ഓര്‍മ്മിപ്പിച്ചു.

കെകെസിഎ പ്രസിഡന്റ് ജോബി മാത്യു അധ്യക്ഷ പ്രസംഗം നടത്തി. വികാര്‍ ജനറല്‍ റവ.ഫാ മാത്യൂസ് കുന്നെപുരയിടം, അബ്ബാസിയ പാരീഷ് പ്രീസ്റ്റ് പീറ്റര്‍ പി മാത്യു , ക്‌നാനായ ജേക്കോബൈറ്റ് പള്ളി വികാരി കൊച്ചുമോന്‍ തോമസ് , അബ്ബാസിയ പാരീഷിലെ ഫാ.ഡോണി ാേനിസ്, പോള്‍ മാനുവല്‍ , സിറ്റി പാരീഷ് പോള്‍ മാനുവല്‍ , എസ്എംസിഎ പ്രസിഡന്റ് ജോണ്‍സണ്‍ നീലന്‍കാവില്‍ , ആരോണ്‍ , കെഎംസിഎ പ്രസിഡന്റ് ജോസ് ഇമ്മാനുവേല്‍ , ക്‌നാനായ ജേക്കോബൈറ്റ് ജനറല്‍ സെക്രട്ടറി കെസി കുര്യാക്കോസ് , കെകെസിഎ ജോയിന്റ് സെക്രട്ടറി സോജന്‍ തോമസ് , കെസിവൈഎല്‍ പ്രസിഡന്റ് സാലസ് അബ്രഹാം തുടങ്ങിയവര്‍ അനുസ്മരണ പ്രഭാഷണം നടത്തി.



Latest

Copyrights@2016.