gulf

ഖത്തർ കെ സി വൈ എൽ പ്രവർത്തനോൽഘാടനവും ഇഫ്താർ വിരുന്നും സംഘടിപ്പിച്ചു

Clintis Thekumkattil  ,  2017-06-18 07:47:35amm ചാക്കോ ജോണി

ദോഹ: കെ സി വൈ എൽ ഖത്തർ യൂണിറ്റിന്റെ നേതൃത്വത്തിൽ 2017-2018 വർഷത്തെ പ്രവർത്തനോൽഘാടനവും ഇഫ്താർ വിരുന്നും ദോഹയിലുള്ള ഇന്ത്യൻ കൾചറൽ സെന്ററിൽ (I.C.C.) വച്ച് വിപുലമായ ആഘോഷങ്ങളോടെ സംഘടിപ്പിച്ചു. ഖത്തർ കെ സി വൈ എൽ പ്രസിഡന്റ് ചാക്കോ പൂക്കുമ്പേലിന്റെ അധ്യക്ഷതയിൽ നടത്തപ്പെട്ട യോഗത്തിൽ ഖത്തർ ക്നാനായ കത്തോലിക്ക് അസോസിയേഷൻ പ്രിസിഡന്റും ഖത്തർ കെ സി വൈ എൽ ഡയറക്ടറുമായ ബിജു കണ്ടച്ചാംകുന്നേൽ ഈ വർഷത്തെ പ്രവർത്തനങ്ങളുടെ ഉത്ഘാടനം നിർവഹിക്കുകയും, കഴിഞ്ഞ ഒരു വർഷമായി ഖത്തറിലെ ക്നാനായ യുവജനങ്ങളുടെ ബഹുമുഖ വളർച്ചക്കുതകുന്ന രീതിയിൽ പ്രവർത്തനങ്ങൾ കാഴ്ചവെക്കുന്ന ക്നാനായ യുവജന സംഘടനക്കു ഈ വർഷവും വ്യത്യസ്തങ്ങളായ പ്രവർത്തനങ്ങളിലൂടെ മുന്നേറുവാൻ സാധിക്കട്ടെ എന്ന് ആശംസിക്കുകയും ചെയ്തു. തുടർന്ന് ഖത്തർ ക്നാനായ കത്തോലിക്ക് അസോസിയേഷൻ ജനറൽ സെക്രെട്ടറി ബൈജു പുളിവേലിൽ ആശംസകൾ അർപ്പിക്കുകയുണ്ടായി.

വിവിധയിനം കലാപരുപാടികളോടെ സംഘടിപ്പിച്ച പ്രവർത്തനോൽഘാടനം വ്യത്യസ്തത നിറഞ്ഞുനിന്ന ഒന്നായിരുന്നു. ഇഫ്താർ വിരുന്നോടെ നടത്തപ്പെട്ട സമ്മേളനത്തിൽ വച്ച് അംഗങ്ങളുടെ ജന്മദിനം ആഘോഷിക്കുകയും മധുരം പങ്കിടുകയൂം ചെയ്തു . ഖത്തറിലെ വിവിധ സ്ഥലങ്ങളിൽ നിന്നായി ധാരാളം ക്നാനായ യുവജനങ്ങൾ പങ്കെടുത്ത പരുപാടിയിൽ പുരാതന പാട്ടുകളും മറ്റു കലാപരിപാടികളും അരങ്ങേറി. ഖത്തർ കെ സി വൈ എൽ എക്സിക്യൂട്ടീവ് കമ്മിറ്റി പരിപാടികൾക്ക് നേതൃത്വം നൽകി.



Latest

Copyrights@2016.