america

KCCNA പ്രസിഡണ്ട് ബേബി മണക്കുന്നേലിന്‌ സ്വീകരണം നൽകി

Anil Mattathikunnel  ,  2017-03-20 09:05:19pmm ജിമ്മി കുന്നശ്ശേരി

ഹൂസ്റ്റൺ: ആദ്യമായി ഹൂസ്റ്റണിൽ നിന്നും കെ സി സി എൻ എ പ്രസിഡണ്ട് സ്ഥാനത്തേക്ക് എത്തിയ ബേബി മണക്കുന്നേലിന്‌ ഹൂസ്റ്റൺ ക്നാനായ കാത്തലിക്ക് സൊസൈറ്റിയുടെ കമ്മ്യൂണിറ്റി സെന്ററിൽ കൂടിയ യോഗത്തിൽ സ്വീകരണം നൽകി. സൊസൈറ്റി പ്രസിഡണ്ട് ഫ്രാൻസിസ് ഇല്ലിക്കാട്ടിലിന്റെ അധ്യക്ഷതയിൽ കൂടിയ സമ്മേളനത്തിലേക്ക് സെക്രട്ടറി തോമസ് കൊരട്ടിയിൽ സ്വാഗതം ആശംസിച്ചു. തോമസ് ചെറുകര, മലയാളീ അസോസിയേഷൻ പ്രസിഡണ്ട് എബ്രഹാം പറയൻകാലായിൽ, ഫാ. സജി പിണർക്കയിൽ, ഫാ. ജോസഫ് മണപ്പുറം, സാജൻ മണപ്പുറം, ടോം വിരിപ്പൻ, വുമൺസ് ഫോറം പ്രസിഡണ്ട് ദിവ്യ വള്ളിപ്പടവിൽ, ജോബി കിഴക്കേൽ, സിറിയക്ക് വേലിമറ്റം, അലക്സ് മഠത്തിൽതാഴെ, എന്നിവർ കെ സി സി എൻ എ പ്രസിഡന്റിനെ അനുമോദിച്ചുകൊണ്ട് സംസാരിക്കുകയും, സംഘടനകളും പള്ളികളും ഒന്നിച്ച് പ്രവർത്തിക്കുവാനുള്ള വേദി ഒരുക്കിയെടുത്ത്, ക്നാനായ സമുദായം ഒറ്റക്കെട്ടായി, മായം ചേർക്കാതെ പ്രവർത്തിക്കുവാനുള്ള വേദി ഉണ്ടാക്കിയെടുക്കണമെന്നുമുള്ള ആശയം എല്ലാവരും പ്രകടിപ്പിക്കുകയും ആശംസകൾ നേരുകയും ചെയ്തു.

 

ബേബി തന്റെ മറുപടി പ്രസംഗത്തിൽ, ഒറ്റക്കെട്ടായുള്ള പ്രവർത്തനത്തിന് എല്ലാവരുടെയും സഹകരണം അഭ്യർത്ഥിക്കുകയും, പുതിയ കമ്മറ്റി ഒറ്റക്കെട്ടായി നിന്ന്, സമുദായത്തിന്റെ ഉന്നമനത്തിന് വേണ്ടി പ്രവർത്തിക്കുമെന്ന് അറിയിക്കുകയും ചെയ്തു. സൈമൺ തോട്ടപ്ലാക്കിൽ തദവസരത്തിൽ എല്ലാവര്ക്കും നന്ദി രേഖപ്പെടുത്തി. ഷാജു ചക്കുങ്കൽ എം സി ആയിരുന്നു. റ്റിജി പള്ളികിഴക്കേതിൽ ഉൾപ്പെടെയുള്ള സൊസൈറ്റി എക്സിക്യൂട്ടീവ് പരിപാടികൾക്ക് നേതൃത്വം നൽകി. സ്‌നേഹവിരുന്നോടെ പരിപാടികൾ പര്യവസാനിച്ചു. 



Latest

Copyrights@2016.