oceana

കല്ലറ സംഗമത്തിന് യാത്ര തിരിച്ച തയ്യിൽ ബിജോയും കുടുംബവും അപകടത്തില്‍പ്പെട്ടു ; കുട്ടികളുടെ നില ഗുരുതരം

Editor  ,  2017-02-11 07:36:23amm

കാന്‍ബറിയില്‍ താമസിക്കുന്ന ബിജോയും ഭാര്യ സിനിയും കല്ലറ സംഗമത്തിന് പോകവേ ബ്രേയ്ഡ്വുഡ് എന്ന സ്ഥലത്ത് വച്ച് അപകടത്തില്‍പ്പെട്ടു.12.40നായിരുന്നു സംഭവം.ബിജോയും സിനിയും കൂടാതെ ഇവരുടെ രണ്ടു വയസ്സും ഏഴു വയസ്സും ഒൻപതു വയസ്സുമുള്ള ഉള്ള കുട്ടികളും ഒപ്പമുണ്ടായിരുന്നു.ബിജോയിയെ വെസ്റ്റ്മീഡ് ഹോസ്പിറ്റല്‍ സിഡ്‌നിയിലേക്കും കുട്ടികളെ ചില്‍ഡ്രന്‍ ഹോസ്പിറ്റലിലേക്കും എയര്‍ആംബുലന്‍സ് വഴി എത്തിച്ചു.ബിജോയുടെ ഭാര്യ സിനിയ്ക്കും ഏഴുവയസ്സുള്ള കുട്ടിക്കും കാര്യമായ പരിക്കില്ലെങ്കിലും ഒൻപതു വയസ്സുള്ള മൂത്തകുട്ടിയുടെയും ബിജോയുടെയും നില ഗുരുതരമായി തുടരുകയാണ്. ഒന്നര വയസ്സുള്ള കുട്ടിയുടെ അപകടനില തരണം ചെയ്തിട്ടുണ്ട് .യാത്രയ്ക്കിടയിൽ സഞ്ചരിച്ചിരുന്ന വാഹനം വഴിയിൽ നിന്നും തെന്നിമാറി തലകീഴായി മറിയുകയായിരുന്നു. കല്ലറ സ്വദേശികൾ തന്നെയാണ് അപകട സ്ഥലത്ത് ആദ്യം എത്തിയത്. തുടർന്ന് നിരവധി പേര് സ്ഥലത്ത് എത്തുകയും തല കീഴായി കിടന്ന വാഹനം എല്ലാവരും ചേർന്ന് നേരെയാക്കിയാണ് അപകടത്തിൽ പെട്ടവരെ പുറത്തെടുത്തത്. കല്ലറ സംഗമം ബാറ്റ്‌സ്മാന്‍ ബേയില്‍ വച്ചായിരുന്നു നടത്തുവാൻ തീരുമാനിച്ചത് .ഇവിടേയ്ക്കുള്ള യാത്രയിലായിരുന്നു കുടുംബം.കിങ്‌സ് ഹൈവേ അപകടം മൂലം അടച്ചിട്ടിരിക്കുകയാണ് .



Latest

Copyrights@2016.