america

ക്നാനായ ഫാമിലി കോൺഫ്രൻസ് രജിഷ്ട്രേഷന് ഡാളസ്സിൽ ഉജ്ജ്വല തുടക്കം

Anil Mattathikunnel  ,  2017-01-04 10:28:08pmm അനില്‍ മറ്റത്തിക്കുന്നേല്‍

ഡാളസ്: 2017 ജൂൺ 28 മുതൽ ജൂലൈ 1 വരെ നടത്തപ്പെടുന്ന ക്നാനായ ഫാമിലി കോൺഫറൻസിന്റെ രജിസ്‌ട്രേഷൻ ഡാളസ് ക്രൈസ്റ്റ് ദി കിംഗ് ക്നാനായ കാത്തലിക്ക് ആരംഭിച്ചു. ഡിസമ്പർ 24 നു രാത്രി, തിരുപ്പിറവിയുടെ തിരുകർമ്മങ്ങൾക്കും ദിവ്യബലിക്കും ശേഷം, ദേവാലയ അങ്കണത്തിൽ നടത്തപ്പെട്ട ലളിതമായ ചടങ്ങിൽ, വികാരി, റവ:ഫാ: ജോസ് ചിറപ്പുറത്ത് രജിസ്‌ട്രേഷന്റെ ഉത്‌ഘാടനം നിർവഹിച്ചു. ആദ്യ ദിവസം തന്നെ, കോൺഫ്രൻസിനു റജിസ്റ്റർ ചെയ്‌യുകയും കോൺഫ്രൻസിന്റെ വിജയത്തിനായി എല്ലാവിധ പിന്തുണയും വാഗ്‌ദാനം ചെയ്യുകയും ചെയ്ത 15 ഓളം കുടുംബങ്ങളെ അദ്ദേഹം അഭിനന്ദിക്കുകയും ചെയ്തു. ഈ കോൺഫ്രൻസിൽ യുവജനങ്ങൾക്കായി വിവിധ പരിപാടികൾ യുവജനങ്ങൾ തന്നെ രൂപം നൽകി നടപ്പിലാക്കുന്നതാണ് എന്നും, ഡാളസ്സിൽ നിന്നും സാധിക്കുന്നിടത്തോളം യുവജന പങ്കാളിത്തം ഉറപ്പു വരുത്താൻ മാതാപിതാക്കൾ ശ്രദ്ധിക്കണം എന്നും അദ്ദേഹം ഇടവക അംഗങ്ങളെ ഓർമ്മിപ്പിച്ചു. ഈ ഫാമിലി കോൺഫ്രൻസിന്റെ വിജയത്തിനായി 17 ഓളം വിവിധ കമ്മിറ്റികൾക്ക് രൂപം നൽകുന്നതാണ് എന്നും, കോൺഫ്രൻസിൽ പങ്കെടുക്കാൻ താൽപ്പര്യം ഉള്ളവർ എത്രയും വേഗം രജിസ്റ്റർ ചെയ്യണം എന്നും അദ്ദേഹം അറിയിച്ചു. രജിഷ്ട്രേഷൻ കമ്മറ്റി അംഗങ്ങളായ ജോൺസൺ വാരിയത്ത്, തൊമ്മച്ചൻ തറയിൽ, ബീനാ സിബി പടിഞ്ഞാറേവാരിക്കാട്ട്, ജോസഫ് ഇലകുടിക്കൽ, കൈക്കാരന്മാരായ സണ്ണി വറ്റമറ്റത്തിൽ, ജോസഫ് മ്യാലിൽ, സേവി ചിറയിൽ എന്നിവർ രജിഷ്ട്രേഷന് നേതൃത്വം നൽകി.



Latest

Copyrights@2016.