america

ഹൂസ്റ്റണിൽ യുവജന വർഷത്തിന് തിരി തെളിഞ്ഞു

Anil Mattathikunnel  ,  2017-01-04 10:22:47pmm

ഹൂസ്റ്റൺ: ഹൂസ്റ്റൺ ക്നാനായ കാത്തലിക്ക് ഫൊറോനാ ഇടവകയിൽ യുവജനവര്ഷത്തിനു തിരി തെളിഞ്ഞു. നമ്മൾ ഒന്നായിരിക്കുന്നത് പോലെ അവരും ഒന്നായിരിക്കണം (യോഹ. 17 / 11 ) എന്ന തിരുവചനം പൂർത്തീകരിക്കുവാൻ വേണ്ടി ചിക്കാഗോ സീറോ മലബാർ രൂപതയുടെ ആഹ്വാനമനുസരിച്ച് ആചരിക്കുന്ന യുവജന വർഷത്തിന്, ഡിസംബർ 24 ന് തിരുപ്പിറവിയുടെ തിരുക്കർമ്മങ്ങൾക്ക് ശേഷം, ഇടവകയിൽ തടിച്ചുകൂടിയ ഇരുന്നൂറിൽ പരം വരുന്ന യുവജന കൂട്ടായ്‍മയെ സാക്ഷി നിർത്തി, ഫൊറോനാ വികാരി ഫാ. സജി പിണർക്കയിലാണ്, യുവജന വര്ഷം തിരി തെളിച്ച് ഉദ്ഘാടനം . ഇടവകയുടെ ആത്മീയമായ ഉണർവിനും വളർച്ചക്കും നിർണ്ണായകമായ പങ്കു വഹിച്ചുകൊണ്ട്, ആത്യാത്മികതയിൽ വേരുറപ്പിച്ച ഒരു യുവജന സമൂഹത്തെ വാർത്തെടുക്കുവാൻ ഈ യുവജന വര്ഷം കൊണ്ട് സാധിക്കണം എന്ന് അദ്ദേഹം ഉദ്‌ബോധിപ്പിച്ചു. ഈ ഉദ്ദേശ്യം സഫലീകരിക്കുന്നതിനായി 2017 ൽ യുവജനങ്ങൾക്കായി നിരവധി കർമ്മ പരിപാടികൾ ആസൂത്രണം ചെയ്തുകൊണ്ട് ഇടവക നേതൃത്വം മുന്നോട്ടു വരുമ്പോൾ, മനസ്സു തുറന്നു എല്ലാ യുവജനങ്ങളും മാതാപിതാക്കളും സഹകരിക്കണമെന്ന് അദ്ദേഹം അഭ്യർത്ഥിച്ചു.



Latest

Copyrights@2016.