oceana

മെൽബണിൽ ക്രിസ്തുമസ്സ് പുതുവത്സര ആഘോഷങ്ങൾക്ക് ആവേശകരമായ പരിസമാപ്തി

Anil Mattathikunnel  ,  2017-01-02 09:47:16pmm സോളമന്‍ പാലക്കാട്ട്

മെൽബൺ സെന്റ് മേരിസ് ക്നാനായ കാത്തലിക് മിഷന്റെ ഈ വർഷത്തെ ക്രിസ്തുമസ്സ് പുതുവത്സര ആഘോഷങ്ങൾക്ക് സമാപനമായി. ഡിസംബർ 16 ന് ക്രിസ്തുമസ് കരോളോട് കൂടി തുടങ്ങിയ ആഘോഷങ്ങൾ ജനുവരി ഒന്നിന് നടത്തപ്പെട്ട പുതുവത്സരാഘോഷത്തോട് കൂടിയാണ് പരിസമാപിച്ചത്.

 

ഡിസംബർ 24 ശനിയാഴ്ച രാത്രിയിൽ രണ്ട് സെന്ററുകളിലായി നടത്തപ്പെട്ട പിറവിത്തിരുന്നാൾ ശുശ്രുഷകൾക്ക് ഫാ. തോമസ് കുമ്പുക്കലും ഫാ.സ്റ്റീഫൻ കണ്ടാരപ്പള്ളിയും മുഖ്യ കാർമ്മികത്വം വഹിച്ചു.

 

ജനുവരി ഒന്നിന് നടത്തിയ ക്രിസ്തുമസ് പുതുവത്സരാഘോഷം സെന്റ് പീറ്റേഴ്സ് ചർച് ക്ലെയ്ടണിൽ വിശുദ്ധ കുർബ്ബാനയോടുകൂടി ആരംഭിച്ചു. തുടർന്ന് ബഹുമാനപ്പെട്ട വൈദികരും കൈക്കാരൻമാരും ചേർന്ന് കേക്ക് മുറിക്കുകയും പുതുവത്സര സന്ദേശം നൽകുകയും ചെയ്തു. പരിപാടിയിൽ പങ്കെടുത്ത എല്ലാ കുടുംബങ്ങളും പരസ്പരം ക്രിസ്തുമസ് സമ്മാനങ്ങൾ കൈമാറുകയും വിവിധതരം കലാപരിപാടികൾ അവതരിപ്പിക്കുകയും ചെയ്തു. സ്നേഹവിരുന്നിന്‌ ശേഷം നടത്തപ്പെട്ട ഡി.ജെ ഏവരുടെയും മനം കവരുകയും നവവത്സരാഘോഷങ്ങൾക്ക് മാറ്റു കൂട്ടുകയും ചെയ്തു.

 

കൈക്കാരന്മാരായ ജിജോ മാറികവീട്ടിൽ, കുര്യൻ ചാക്കോ, സെക്രട്ടറി ബൈജു ജോസഫ്, MKCC സെക്രട്ടറി ജോ മുരിയന്മ്യാലിൽ മറ്റു പാരിഷ് കൌൺസിൽ അംഗങ്ങൾ എന്നിവർ ഈ പരിപാടികൾക്ക് നേതൃത്വം നൽകി.



Latest

Copyrights@2016.