oceana

മെൽബൺ സെന്റ് പീറ്റേഴ്സ് ക്നാനായ ഇടവകയുടെ കരോൾ പുരോഗമിക്കുന്നു.

Anil Mattathikunnel  ,  2016-12-10 11:25:52amm റോബി ജോസഫ് വാണിയടത്ത്

മെൽബൺ: മെൽബണിലെ സെന്റ് പീറ്റേഴ്സ് ക്നാനായ യാക്കോബായ ഇടവകയിലെ ക്രിസ്തുമസ് കരോൾ പുരോഗമിക്കുന്നു. വികാരി ഫാ. ജെയിംസ് ജേക്കബിന്റെ നേതൃത്വത്തിൽ നടന്നു വരുന്ന കരോളിന്റെ ഭാഗമായി, മെൽബൺന്റെ വിവിധ ഭാഗങ്ങളിൽ അധിവസിക്കുന്ന ഇടവകക്കാരുടെ ഭവനങ്ങൾ സന്ദർശിക്കുകയും സമാധാനത്തിന്റെയും പ്രത്യാശയുടെയും പ്രതീകമായ ക്രിസ്തുമസ് കരോൾ സംഘടിപ്പിക്കുകയും ചെയ്യുന്നുണ്ട്. പ്രായഭേദമന്യേ എല്ലാവർക്കും പങ്കെടുക്കുവാൻ സാധിക്കത്തക്ക വിധത്തിലാണ് ക്രിസ്തുമസ് കരോൾ ക്രമീകരിച്ചിരിക്കുന്നത്. കടന്നു ചെല്ലുന്ന ഭവനങ്ങളിൽ എല്ലാവരും തന്നെ വളരെ ഹൃദ്യമായാണ് ഇടവകയുടെ കരോൾ ടീമിനെ സ്വീകരിക്കുന്നത് എന്നും, ഈ അനുഭവം ഇടവക ജനങ്ങൾക്ക് ഇടവകയോടുള്ള സ്നേഹത്തിന്റെയും ആത്‌മബന്ധത്തിന്റെയും ഉത്തമ ഉദാഹരണമാണ് എന്നും വികാരി ഫാ. ജെയിംസ് ജേക്കബ് അറിയിച്ചു. വികാരിയോടൊപ്പം സെക്രട്ടറി ഷിൻജോ സൈമൺ, കമ്മറ്റി അംഗങ്ങളായ കുര്യൻ പുന്നൂസ് ആഞ്ഞിലിമൂട്ടിൽ, കിരൺ എബ്രഹാം, അജീഷ് കുറ്റിക്കാട്ടിൽ, റ്റിജു എബ്രഹാം എന്നിവർ കരോളിന്‌ നേതൃത്വം നൽകി വരുന്നു.  



Latest

Copyrights@2016.