oceana

യുവജന ഐക്യം ഊട്ടിയുറപ്പിച് "പ്രോസ്പെർ ഇൻ ഫെയ്ത് ആൻഡ് ഫ്രണ്ട്ഷിപ്"

Anil Mattathikunnel  ,  2016-11-21 02:36:05pmm സോളമൻ പാലക്കാട്ട്

മെൽബൺ സെന്റ് മേരിസ് ക്നാനായ കാത്തലിക് മിഷന്റെ യുവജന സംഘടനയായ മെൽബൺ ക്നാനായ കാത്തലിക് യൂത്ത് ലീഗിന്റെ (KCYL) നേതൃത്വത്തിൽ നടത്തപ്പെട്ട ത്രിദിന ക്യാമ്പ് "പ്രോസ്പെർ ഇൻ ഫെയ്ത് ആൻഡ് ഫ്രണ്ട്ഷിപ്" വിജയകരമായി പരിസമാപിച്ചു.

അലക്സാണ്ട്ര അഡ്വെഞ്ചർ റിസോർട്ടിൽ വെച്ച് നവംബർ 18, 19, 20 തീയതികളിൽ നടത്തപ്പെട്ട ഈ ക്നാനായ യുവജന കൂട്ടായ്മ മെൽബണിലെ ക്നാനായ കത്തോലിക്ക യുവജനങ്ങളുടെ ഐക്യവും ഫ്രണ്ട്ഷിപ്പും ഊട്ടിഉറപ്പിക്കുന്നതിന് വളരെയധികം സഹായകമായി.

വിവിധതരം പ്രോഗ്രാമുകളാണ് സംഘാടകർ ഈ ക്യാമ്പിൽ ഒരുക്കിയിരുന്നത്. Dr. ആൻഡ്രൂസ് ക്രിസ്റിഗോ, ഡോണി പീറ്റർ, Bro. ജിജിമോൻ കുഴിവേലിൽ എന്നിവരുടെ നേതൃത്വത്തിലുള്ള വിജ്ഞാനപ്രദമായ വിവിധ തരം ക്ലാസുകൾ, ഐസ് ബ്രേക്കിംഗ്, ഡിബേറ്റ്സ്, സനീഷ് പാലക്കാട്ടിന്റെ നേതൃത്വത്തിൽ വിവിധതരം കളികൾ, അജുമോൻ അബ്രഹാമിന്റെ കുക്കറി ക്ലാസ്, കനോയിങ്, ട്രെഷർ ഹണ്ട്, ക്യാമ്പ് ഫയർ എന്നിവയായിരുന്നു പ്രധാന പ്രോഗ്രാമുകൾ. സെന്റ് മേരിസ് ക്നാനായ കാത്തലിക് മിഷന്റെ ചാപ്ലിൻ ഫാ. തോമസ് കുമ്പുക്കലിന്റ സാന്നിധ്യവും അദ്ദേഹത്തിന്റെ കാർമ്മികത്വത്തിൽ എല്ലാദിവസവും നടത്തിയ വിശുദ്ധ കുർബ്ബാനയും ഈ ക്യാമ്പിന് ആത്‌മീയ ഉണർവ് നൽകി.

ബെസ്ററ് മെയിൽ ക്യാമ്പർ ആയി സ്റ്റെബിൻ സ്റ്റീഫനും, അലക്സ് വടക്കേക്കരയും, ബെസ്ററ് ഫിമെയിൽ ക്യാമ്പർ ആയി ഷാരൻ പത്തുപറ, ജെനറ്റ്‌ ജോസഫ് എന്നിവർ തെരഞ്ഞെടുക്കപ്പെട്ടു.

മെൽബണിലെ ക്നാനായ യുവജനങ്ങൾക്ക്‌ ആഘോഷവും ആവേശവും ആയിത്തീർന്ന ഈ ക്യാമ്പിന് നേതൃത്വം കൊടുത്ത ജോയൽ ജോസഫ് (പ്രസിഡന്റ്) ഡെൻസിൽ ഡൊമിനിക് (സെക്രട്ടറി) ജോയൽ ജിജിമോൻ, ജെറിൻ എലിസബത്ത്, KCYL ഡയറക്ടർസ് അനൂപ് ജോസഫ്, സോജി അലൻ എന്നിവരെയും മറ്റെല്ലാ വോളന്റീർസിനെയും ചാപ്ലിൻ ഫാ. തോമസ് കുമ്പുക്കൽ അനുമോദിക്കുകയും നന്ദി അറിയിക്കുകയും ചെയ്തു.



Latest

Copyrights@2016.