oceana

മെൽബണിൽ മിഷ്യൻ ഞായർ ആഘോഷിച്ചു.

Anil Mattathikunnel  ,  2016-11-02 06:41:12amm സോളമൻ പാലക്കാട്ട്

സെന്റ് മേരിസ് ക്നാനായ കാത്തലിക് മിഷ്യൻ മെൽബണിൽ ചെറുപുഷ്‌പ മിഷ്യൻ ലീഗിലെ കുട്ടികളുടെയും കോർഡിനേറ്റർസിന്റെയും നേതൃത്വത്തിൽ മിഷ്യൻ ഞായർ അതിഗംഭീരമായി ആഘോഷിച്ചു. ഒക്ടോബർ 30 ഞായറാഴ്ച വൈകുന്നേരം 4.30 ന് വിശുദ്ധ കുർബ്ബാനയോടുകൂടി ആരംഭിച്ച പരിപാടികൾ രണ്ടു സെന്ററുകളിലായിട്ടാണ് നടത്തപ്പെട്ടത്.

 

സെന്റ് പീറ്റേഴ്സ് ചർച് ക്ലെയ്റ്റനിൽ ഫാ.സ്റ്റീഫൻ കണ്ടാരപ്പള്ളിയും സെന്റ് മാത്യൂസ് ചർച് ഫൊക്കാനറിൽ ഫാ. തോമസ് കുമ്പുക്കലും വിശുദ്ധ കുർബ്ബാന അർപ്പിച്ച് വളർന്നു വരുന്ന തലമുറയ്ക്ക് മിഷ്യൻ ഞായർ എന്താണെന്നും മിഷ്യൻ പ്രവർത്തനങ്ങളുടെ പ്രാധാന്യം എന്താണെന്നും, ക്രിസ്തിയാനികളായ നാം ഓരോരുത്തരും ഒരു വിധത്തിൽ അല്ലെങ്കിൽ മറ്റൊരു വിധത്തിൽ ക്രിസ്തുവിന്റെ മിഷിണറിമാരായിരിക്കണം എന്നുള്ള ഒരു വലിയ സന്ദേശം കൈമാറി കൊടുക്കുവാൻ ഈ ആഘോഷത്തിലൂടെ സാധിച്ചു.

 

വിശുദ്ധ കുർബ്ബാനയ്ക്ക് ശേഷം എട്ടു മുതൽ പതിനഞ്ചു വയസ്സ് വരെയുള്ള കുട്ടികളുടെ നേതൃത്വത്തിൽ ചാരിറ്റിക്ക് വേണ്ടിയുള്ള ധനശേഖരണാർദ്ധം വിവിധ തരത്തിലുള്ള സ്റ്റാളുകൾ തയാറാക്കി വിൽക്കുകയും അങ്ങനെ ഒരു വൻ തുക പാവപ്പെട്ടവരെ സഹായിക്കുവാനായി ശേഖരിക്കുകയും ചെയ്തു.

 

മിഷ്യൻ ലീഗിന്റെ ഡയറെക്ടർസ് ആയ സജിമോൾ അനിലും മെജു അജിയും കുട്ടികൾക്ക് എല്ലാവിധ മാർഗനിർദേശവും നൽകി ഈ പരിപാടി വൻ വിജയമാക്കി തീർത്തു.



Latest

Copyrights@2016.