oceana

പൈതൃകം 2016 ൽ ജോൺസൺ സാജു മിസ്റ്റർ ക്നാ; നീതു ബാബു മിസ് ക്നാ.

Anil Mattathikunnel  ,  2016-10-03 07:43:03pmm റ്റിനു സൈമൺ മംഗലത്ത്

മെൽബൺ: മെൽബണിൽ നടന്ന പൈതൃകം 2016 ലെ വാശിയേറിയ മത്സരങ്ങളിൽ ഒന്നായിരുന്ന മിസ്റ്റർ ആൻഡ് മിസ്സ് ക്നാ മത്സരത്തിൽ 16 മത്സരാർത്ഥികളെ പിന്തള്ളി ജോൺസൺ സാജുവും നീതു ബാബുവും വിജയികളായി. മൂന്നു റൗണ്ടുകളിലായി നടന്ന മത്സരത്തിൽ ഓരോ സ്ഥാനാർത്ഥിയും തങ്ങളുടെ കഴിവിന്റെ പാമാവധി വിജയികളാകുവാൻ ശ്രമിച്ചു. ആദ്യ റൗണ്ടായ സ്വയം പരിചയപ്പെടുത്തലിന്റെ ഒരു മിനിറ്റ് വീഡിയോ ആവിഷ്കാരം കൊണ്ടും അവതരണ രീതികൊണ്ടും വ്യത്യസ്തത നിറഞ്ഞതായിരുന്നു. മുപ്പത് സെക്കന്റിന്റെ റാം വാക്കിങ് അക്ഷരാർത്ഥത്തിൽ കാണികളെ ഹറാം കൊള്ളിച്ചു. രണ്ടാം റൗണ്ടിൽ നടന്ന രണ്ടു മിനിറ്റ് പ്രസന്റേഷൻ ഏരിയാ തിരിച്ചുള്ളതായിരുന്നു. മൂന്നാം റൗണ്ടായ ചോദ്യോത്തരവേള ക്നാനായ പാരമ്പര്യത്തിന്റെയും പൊതുവിജ്ഞാനത്തിലും അതിഷ്ഠിതമായിരുന്നു. മത്സരത്തിൽ പങ്കെടുത്ത ഓരോ വ്യക്തികളും തങ്ങളുടെ കഴിവിന്റെ പരമാവധി കാണികളുടെയും വിധികർത്താക്കളുടെയും ശ്രദ്ധ പിടിച്ചു പാടുവാൻ ശ്രമിച്ചു.

അത്യന്തം വാശിയേറിയ മതസരത്തിൽ മിസ്റ്റർ ക്നാ റണ്ണർ അപ്പ് ആയി മെൽബണിലെ പോൾ ജോൺസൻ തെരെഞ്ഞെടുക്കപ്പെട്ടപ്പോൾ മിസ്സ് ക്നാ റണ്ണർ അപ്പ് ആയത് അഡിലെയ്ഡിൽ നിന്നുള്ള സിയാൻ ജോബിയാണ്. ന്യൂസിലാൻഡിൽ നിന്നുള്ള ജോൺസൺ ബാബു മിസ്റ്റർ ക്നാ പട്ടവും സിഡ്‌നിയിൽ നിന്നുള്ള നീതു ബാബു മിസ്സ് ക്നാ പട്ടവും സ്വന്തമാക്കി. ഇവരുടെ കഴിവുകളെയും ആത്മവിശ്വാസത്തെയും എത്ര പ്രശംസിച്ചാലും മതിയാവില്ല എന്ന് വിധികർത്താക്കൾ പറഞ്ഞു. ഒന്നാം സ്ഥാനം കരസ്ഥമാക്കിയ ജോൺസൺ സാജുവിന്‌ കഴിഞ്ഞ വർഷത്തെ ജേതാവായ മെബിൻ ബാബു ഷാൾ അണിയിച്ചു. മിസ്സ് ക്നായായി തെരെഞ്ഞെടുക്കപ്പെട്ട നീതു ബാബുവിന് കഴിഞ്ഞ വർഷത്തെ വിജയിയായ ക്ലെയർ ബൈജു പട്ടം കൈമാറി.

മത്സര വിജയികളെ മുഖ്യാതിഥിയായ മാർ സേവേറിയോസ് കുറിയാക്കോസ് തിരുമേനിയും കെ സി സി പ്രസിഡണ്ട് ജോയി മുപ്രാപ്പള്ളി, കെ സി സി എൻ എ പ്രസിഡണ്ട് സണ്ണി പൂഴിക്കാലാ, കെ സി സി ഓ പ്രസിഡണ്ട് ബിനു തുരുത്തിയിൽ, കെ സി സി വി എ പ്രസിഡണ്ട് സുനു ഉറവക്കുഴി എന്നിവർ അനുമോദിച്ചു.  



Latest

Copyrights@2016.