america

ചിക്കാഗോ സെന്റ് മേരീസില്‍ സകല വിശുദ്ധരുടേയും തിരുനാള്‍ ആചരിച്ചു.

Tiju Kannampally  ,  2019-11-04 04:54:29amm സ്റ്റീഫന്‍ ചൊള്ളമ്പേല്‍

മോര്‍ട്ടന്‍ ഗ്രോവ്‌ സെന്റ്‌ മേരീസ്‌ ക്‌നാനായ കത്തോലിക്കാ ദൈവാലയത്തില്‍ സകല വിശുദ്ധരുടെയും തിരുനാള്‍ ആചരിച്ചു. സെന്റ്‌ മേരീസ്‌ മതബോധന സ്‌കൂളിന്റെ ആഭിമുഖ്യത്തില്‍ വിശുദ്ധരെപ്പറ്റിയുള്ള പഠനവും തുടര്‍ന്ന്‌ വിശുദ്ധരുടെ വേഷം ധരിച്ച നൂറുകണക്കിന്‌ കുട്ടികളെ പങ്കെടുപ്പിച്ചുകൊണ്ട്‌ സ്‌കൂളില്‍ നിന്ന്‌ ദൈവാലയത്തിലേക്ക്‌ പരേഡും നടത്തപ്പെട്ടു. പരേഡില്‍ ഉടനീളം ചര്‍ച്ച്‌ കൊയര്‍ സകല വിശുദ്ധരുടെയും ലുത്തിനിയ ആലപിച്ചു. കോട്ടയം രൂപത അധ്യക്ഷന്‍ മാര്‍ മാത്യു മൂലക്കാട്ട്‌ തദവസരത്തില്‍ കുട്ടികള്‍ക്ക്‌ ആശീര്‍വാദം നല്‍കി. തുടര്‍ന്ന്‌ വിശുദ്ധരുടെ ജീവിത മാതൃക തങ്ങളുടെ ജീവിതത്തില്‍ പ്രാവര്‍ത്തികമാക്കാം എന്ന്‌ പ്രഖ്യാപിച്ചുകൊണ്ട്‌ സകല വിശുദ്ധരുടെയും പ്രതിജ്ഞ കുട്ടികള്‍ ഏറ്റുചൊല്ലി. വിശുദ്ധകുര്‍ബാനയെത്തുടര്‍ന്ന്‌ കുട്ടികള്‍ക്ക്‌ സമ്മാനങ്ങളും മിഠായിയും വിതരണം ചെയ്‌തു. തുടര്‍ന്നു വിശുദ്ധരെ അനുസ്‌മരിച്ചു നീല ബലൂണുകള്‍ ആകാശത്തേക്ക്‌ പറത്തി. വികാരി ഫാ. തോമസ്‌ മുളവനാല്‍, അസി. വികാരി ഫാ. ബിന്‍സ്‌ ചേത്തലില്‍, സ്‌കൂള്‍ ഡയറക്‌ടര്‍ സജി പൂതൃക്കയില്‍, അസി. ഡയറക്‌ടര്‍ മനീഷ്‌ കൈമൂലയില്‍, സിസ്റ്റേഴ്‌സ്‌, ചര്‍ച്ച്‌ എക്‌സിക്യൂട്ടീവ്‌, പേരന്റ്‌ വോളന്ററീസ്‌, ടീച്ചേഴ്‌സ്‌ എന്നിവര്‍ പരിപാടികള്‍ക്ക്‌ നേതൃത്വം നല്‍കി. 



Latest

Copyrights@2016.