india

പ്രളയബാധിത മേഖലകളില്‍ പോര്‍ട്ടബിള്‍ ഹൈടെക് കുടിവെള്ള ശുചീകരണ യൂണിറ്റുകള്‍ ലഭ്യമാക്കി.

Tiju Kannampally  ,  2018-10-06 05:10:08amm

 

പോര്‍ട്ടബിള്‍ ഹൈടെക് കുടിവെള്ള 
ശുചീകരണ യൂണിറ്റുകള്‍ ലഭ്യമാക്കി
കോട്ടയം: പ്രളയ ദുരിതാശ്വാസ പ്രവര്‍ത്തനങ്ങളുടെ ഭാഗമായി കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ പ്രളയബാധിത മേഖലകളില്‍ പോര്‍ട്ടബിള്‍ ഹൈടെക് കുടിവെള്ള ശുചീകരണ യൂണിറ്റുകള്‍ ലഭ്യമാക്കി.  ജെര്‍മന്‍ മെഡിക്കല്‍ എയ്ഡ് ഓര്‍ഗനൈസേഷന്റെയും അന്തേരി ഹില്‍ഫെ ബോണിന്റെയും സഹകരണത്തോടെ കോട്ടയം ജില്ലയിലെ കുമരകം, ഒളശ്ശ, പേരൂര്‍, കിഴക്കേ നട്ടാശ്ശേരി ആലപ്പുഴ ജില്ലയിലെ വെളിയനാട്, കണ്ണംങ്കര എന്നിവടങ്ങളിലാണ് പോര്‍ട്ടബിള്‍ ഹൈടെക് കുടിവെള്ള ശുചീകരണ യൂണിറ്റുകള്‍ ലഭ്യമാക്കിയത്. യൂണിറ്റുകളുടെ വിതരണോദ്ഘാടനം കോട്ടയം അതിരൂപത മെത്രാപ്പോലിത്തായും കെ.എസ്.എസ്.എസ് രക്ഷാധികാരിയുമായ മാര്‍ മാത്യു മൂലക്കാട്ട് നിര്‍വ്വഹിച്ചു. കെ.എസ്.എസ്.എസ് സെക്രട്ടറി ഫാ. സുനില്‍ പെരുമാനൂര്‍, ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്റ് ബീനാ ബിനു, ഏറ്റുമാനൂര്‍ മുനിസിപ്പല്‍ ചെയര്‍മാന്‍ ജോയി ഊന്നുകല്ലേല്‍ എന്നിവര്‍ ചടങ്ങില്‍ സന്നിഹിതരായിരുന്നു. വെള്ളത്തിലെ ബാക്ടീരിയകളെ നിര്‍മ്മാര്‍ജ്ജനം ചെയ്യുന്നതോടൊപ്പം വൈദ്യുതിയുടെയോ കെമിക്കല്‍സിന്റെയോ ആവശ്യമില്ലാതെ പ്രതിദിനം 1200 ലിറ്റര്‍ വെള്ളം ശുചീകരിക്കാവുന്ന പോര്‍ട്ടബിള്‍ യൂണിറ്റുകളാണ് കെ.എസ്.എസ്.എസ് സൗജന്യമായി ലഭ്യമാക്കിയത്. കൂടാതെ വീടുകളിലേയ്ക്കായുള്ള മൈക്രോ ഫില്‍റ്റര്‍ യൂണിറ്റുകളും കെ.എസ്.എസ്.എസിന്റെ നേതൃത്വത്തില്‍ ലഭ്യമാക്കി.
 

കോട്ടയം: പ്രളയ ദുരിതാശ്വാസ പ്രവര്‍ത്തനങ്ങളുടെ ഭാഗമായി കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ പ്രളയബാധിത മേഖലകളില്‍ പോര്‍ട്ടബിള്‍ ഹൈടെക് കുടിവെള്ള ശുചീകരണ യൂണിറ്റുകള്‍ ലഭ്യമാക്കി.  ജെര്‍മന്‍ മെഡിക്കല്‍ എയ്ഡ് ഓര്‍ഗനൈസേഷന്റെയും അന്തേരി ഹില്‍ഫെ ബോണിന്റെയും സഹകരണത്തോടെ കോട്ടയം ജില്ലയിലെ കുമരകം, ഒളശ്ശ, പേരൂര്‍, കിഴക്കേ നട്ടാശ്ശേരി ആലപ്പുഴ ജില്ലയിലെ വെളിയനാട്, കണ്ണംങ്കര എന്നിവടങ്ങളിലാണ് പോര്‍ട്ടബിള്‍ ഹൈടെക് കുടിവെള്ള ശുചീകരണ യൂണിറ്റുകള്‍ ലഭ്യമാക്കിയത്. യൂണിറ്റുകളുടെ വിതരണോദ്ഘാടനം കോട്ടയം അതിരൂപത മെത്രാപ്പോലിത്തായും കെ.എസ്.എസ്.എസ് രക്ഷാധികാരിയുമായ മാര്‍ മാത്യു മൂലക്കാട്ട് നിര്‍വ്വഹിച്ചു. കെ.എസ്.എസ്.എസ് സെക്രട്ടറി ഫാ. സുനില്‍ പെരുമാനൂര്‍, ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്റ് ബീനാ ബിനു, ഏറ്റുമാനൂര്‍ മുനിസിപ്പല്‍ ചെയര്‍മാന്‍ ജോയി ഊന്നുകല്ലേല്‍ എന്നിവര്‍ ചടങ്ങില്‍ സന്നിഹിതരായിരുന്നു. വെള്ളത്തിലെ ബാക്ടീരിയകളെ നിര്‍മ്മാര്‍ജ്ജനം ചെയ്യുന്നതോടൊപ്പം വൈദ്യുതിയുടെയോ കെമിക്കല്‍സിന്റെയോ ആവശ്യമില്ലാതെ പ്രതിദിനം 1200 ലിറ്റര്‍ വെള്ളം ശുചീകരിക്കാവുന്ന പോര്‍ട്ടബിള്‍ യൂണിറ്റുകളാണ് കെ.എസ്.എസ്.എസ് സൗജന്യമായി ലഭ്യമാക്കിയത്. കൂടാതെ വീടുകളിലേയ്ക്കായുള്ള മൈക്രോ ഫില്‍റ്റര്‍ യൂണിറ്റുകളും കെ.എസ്.എസ്.എസിന്റെ നേതൃത്വത്തില്‍ ലഭ്യമാക്കി.

 

 



Latest

Copyrights@2016.