europe

മാഞ്ചസ്റ്റർ സെന്റ് മേരീസ് ക്നാനായ മിഷനിലെ പരിശുദ്ധ കന്യകാമറിയത്തിന്റെ തിരുന്നാളിന്റെ ഒരുക്കങ്ങൾ അവസാന ഘട്ടത്തിലേക്ക്.

Tiju Kannampally  ,  2018-10-04 12:05:12amm

മാഞ്ചസ്റ്റർ ;ജൂത ക്രിസ്ത്യ പാരമ്പര്യത്തിൽ പെട്ട ഏഴ് ഇല്ലങ്ങളിലെ എഴുപത്തിരണ്ട് കുടുബങ്ങളിൽ നിന്നും നാനൂറ് യഹൂദ ക്രിസ്ത്യാനികൾ ക്നായി തൊമ്മന്റെ നേതൃത്വത്തിൽ ബിഷപ് ഉർഹാ മാർ യൗസേപ്പിന്റെയും നാല് വൈദികരുടേയും ഡീക്കൻമാരുടേയും അകമ്പടിയോടെ AD 345 ൽ ദക്ഷിണ മെസോപൊട്ടാമിയയിൽ നിന്നും കൊടുങ്ങല്ലൂരിൽ വന്ന് താമസിക്കുകയും അങ്ങനെ ക്നാനായ പാരമ്പര്യം കേരളത്തിൽ ആരംഭിക്കുകയും ചെയ്തു. തങ്ങളുടെ അടിയുറച്ച വിശ്വാസത്തിലും പാരമ്പര്യത്തിലും സ്വയവംശ ശുദ്ധിയിലും ദൈവപരിപാലനയിൽ  ആ ജനത വളന്നുവന്നു. കാലക്രമേണ കേരളത്തിൽ നിന്നും ഇന്ത്യയുടെ പല ഭാഗങ്ങളിലേക്കും ലോകത്തിലെ ഒട്ടുമിക്ക രാജ്യങ്ങളിലേക്കും അവരുടെ കുടിയേറ്റം തുർന്നു കൊണ്ടേയിരിക്കുന്നു.ഏത് ദേശത്ത് ആയിരുന്നാലും തങ്ങൾക്ക് തലമുറ തലമുറയായി പകർന്നു കിട്ടിയ വിശ്വസ ജീവിതവും പാരമ്പര്യങ്ങളും സ്വവംശശുദ്ധിയും നെഞ്ചിലേറ്റി അവർ അടുത്ത തലമുറക്ക് പകർന്ന് കൊണ്ടിരിക്കുന്നു.യുകെയിലേക്ക് കുടിയേറിയ ക്നാനായ ജനത UKKCA എന്ന വടാ വൃക്ഷത്തിന്റെ തണലിൽ ഒന്നായി മാറി.  ക്നാനായ ജനതയുടെ ശക്തമായ പ്രാർഥന പരിശുദ്ധ അമ്മയുടെ മദ്ധ്യസ്ഥതയിൽ കർത്താവിലേക്ക് ഉയർന്നപ്പോൾ ,ക്നാനായ ജനതയുടെ വിശ്വസ തീവ്രത ബോദ്ധ്യപെട്ട തിരുസഭ നേതൃത്വം ഷൂഷ്ബറി രൂപതയിലൂടെ മാഞ്ചസ്റ്ററിൽ പ്രഥമ സെന്റ് മേരീസ് ക്‌നാനയ ചാപിളിയൻസി അനുവദിച്ചു നല്കി. ഇപ്പോൾ 15 മിഷനുകളുമായി സഭയോടൊത്ത് വിശ്വാസ തീവ്രതയും പാരമ്പര്യവും മുറുകെ പിടിച്ച് ക്നാനായ ജനത ദൈവപരിപാലനയിൽ വളർന്നുകൊണ്ടെയിരിക്കുന്നു. കാലഘട്ടത്തിന്റെ ആവശ്യം അനുസരിച്ച് ഈ ജനത്തെ നയിക്കുവാൻ വേണ്ട ശ്രേഷ്ഠമായ വൈദികരെ നല്കി ദൈവം തന്റെ ജനത്തെ അനുഗ്രഹിച്ചു കൊണ്ടിരിക്കുന്നു.

 

 യുകെയിലെ പ്രഥമ ക്നാനായ മിഷനായ മാഞ്ചസ്റ്റർ സെന്റ് മേരീസ് ക്നാനായ മിഷനിൽ ആറാം തിയതി ശനിയാഴ്ച വിഥിൻഷോയിലെ മനോഹരമായ സെന്റ് ആന്റണീസ് ദേവാലത്തിൽ രാവിലെ പത്തുമണിക്ക് പ്രസുദേന്തി വാഴ്ചയോടെ തിരുന്നാൾ കർമ്മങ്ങൾക്ക് തുടക്കമാകും .വർഷങ്ങളായി ഇടവകയിൽ നടന്നുവരുന്ന തിരുന്നാളിൽ നിന്നും വിത്യസ്തമായി ഈ വർഷം ബഹു: റവ: ഫ. സെബാസ്റ്റ്യൻ ചാമക്കാലയുടെ മുഖ്യകാർമ്മികത്വത്തിൽ അർപ്പിക്കുന്ന തിരുന്നാൾ റാസ, നിരവധി വൈദികരുടെ സഹകാർമ്മികത്വത്തിൽ ഭക്തി സാന്ദ്രമാകും. നമ്മുടെ കർത്താവിന്റെ ഈ ബലിയർപ്പണത്തിൽ സ്വർഗ്ഗത്തിലെ മാലഖ വ്രന്തത്തോടും വിശുദ്ധ രോടൊപ്പം പരിശുദ്ധ അമ്മയും നമ്മുക്ക് വേണ്ടി മാദ്ധ്യസ്ഥ്യം അപേഷിക്കുവാൻ ബലി പീഠത്തിന്റെ ചുറ്റിലും അൾത്താരയിൽ ഉണ്ടാവും. അങ്ങനെ സ്വർഗത്തിന്റെ വാതിൽ കർത്താവ്  നമ്മുക്കായി തുറക്കും. നമ്മുക്ക് ഒരുങ്ങാം ആ പുണ്യ നിമിഷങ്ങൾക്കായി . നമ്മുടെ പ്രാർഥകളെ പരിശുദ്ധ അമ്മ വഴി കർത്താവിലേക്ക് അർപ്പിക്കാം, നിരവധിയായ അനുഗ്രഹങ്ങൾ നമ്മുക്ക് പ്രാപിക്കാം. നമ്മുക്ക് ലഭിച്ച  നിരവധിയായ അനുഗ്രഹങ്ങക്ക് പരിശുദ്ധ അമ്മ വഴി കർത്തവിനോട് നന്ദി പറയാം. പരിശുദ്ധ അമ്മയെ നമ്മുടെ ജിവിതത്തോട് ചേർത്ത് പിടിക്കാം.ഈ പുണ്യ നിമിഷങ്ങളിലേക്ക് നിങ്ങളെ എല്ലാവരേയും ക്ഷണിക്കുന്നു.          ദൈവം നിങ്ങളേയും കുടുബത്തേയും അനുഗ്രഹിക്കട്ടെ. തിരുന്നാൾ കമ്മിറ്റിക്കു വേണ്ടി വികാരി ജനറൽ ഫ. സജി മലയിൽ പുത്തൻപുരയിൽ.

 

കന്യകാമറിയത്തിന്റെ

 

 



Latest

Copyrights@2016.