america

ദൈവവുമായുള്ള ബന്ധം ഒരിക്കലും ഒരു ബന്ധനമായി തോന്നരുത്: ആർച്ച്ബിഷപ്പ് തോമസ് മാർ കൂറിലോസ്

Saju Kannampally  ,  2018-08-14 05:01:09pmm സ്റ്റീഫൻ ചൊള്ളംമ്പേൽ (പി.ആർ.ഒ)

ചിക്കാഗോ:തിക്കും തിരക്കും നിറഞ്ഞ ഈ ലോകത്തിലായിരിക്കുമ്പോൾ ദൈവവുമായുള്ള ബന്ധം ഒരു ബന്ധനമായി തോന്നരുതെന്നും പരിശുദ്ധ അമ്മയുടെ സഹായത്തോടെ ആ ബന്ധത്തിലേക്ക് നാം എത്തിപ്പെടണമെന്നും സെ.മേരീസ് ദേവാലയത്തിലെ പ്രധാന തിരുനാൾ ആഘോഷ വാരത്തിലെ രണ്ടാം ദിനമായ തിങ്കളാഴ്ച വൈകിട്ട് വി. ബലി അർപ്പിച്ച്വ ചനസന്ദേശം നല്കുകയായിരുന്നു തിരുവല്ല ആർച്ച് ബിഷപ്പ് തോമസ് മാർ കൂറിലോസ്. വി.ഗ്രന്ഥത്തിൽ പ്രതിപാദിച്ചിരിക്കുന്ന രക്തസ്രാവകാരി സ്ത്രീയുടെ കഥ വിവരിച്ചു കൊണ്ട് അദ്ദേഹം തൻറെ വചനസന്ദേശം തുടർന്നു.വിശ്വാസത്തോടെ യേശുവിനെ തൊട്ടാൽ ദൈവത്തിൻറെ ശക്തി നമ്മളിലേക്ക് ഒഴുകിയെത്തുമെന്നും അദ്ദേഹം ജനങ്ങളെ ഉദ്ബോധിപ്പിച്ചു. മലങ്കര റീത്തിൽ അർപ്പിക്കപ്പെട്ട വിശുദ്ധ ബലിയിൽ സെ.മേരീസ് ഇടവക വികാരി മോൺസിഞ്ഞോർ.തോമസ് മുളവനാൽ, അസി. വികാരി റെവ.ഫാ. ബിൻസ് ചേത്തലിൽ, റെവ.ഫാ. ബാബു മഠത്തിപ്പറമ്പിൽ എന്നിവർ സഹകാർമികരായിരുന്നു. യുവജനങ്ങൾ ഇടവകയുമായി എങ്ങനെ ബന്ധപ്പെട്ടു ജീവിക്കണമെന്നതിന്റെ പ്രാധാന്യത്തെക്കുറിച്ച് സ്വന്തം ജീവിതാനുഭവത്തിന്റെ വെളിച്ചത്തിൽ യുവജനപ്രതിനിധിയും അറ്റോർണിയുംമായ മിസ്. റ്റീന നെടുംവാമ്പുഴ ചടങ്ങുകളുടെ സമാപനത്തിൽ ജനങ്ങളുമായി പങ്കുവച്ചു. തിരുനാൾ ആഘോഷ വാരത്തിലെ രണ്ടാം ദിനത്തിൽ നടന്ന ദിവ്യബലിയിലും, നൊവേന പ്രാർത്ഥനയിലും നൂറുകണക്കിന് വിശ്വാസികൾ പങ്കെടുത്തു. 



Latest

Copyrights@2016.