oceana live Broadcasting

കുറിയാക്കോസ് മോര്‍ സേവറിയോസ് തിരുമേനിക്ക് പെര്‍ത്തില്‍ ഉജ്ജ്വല സ്വീകരണം.

പെര്‍ത്ത്: ഓഷ്യാന സന്ദര്‍ശിക്കുവാന്‍ എത്തിയ ക്നാനായ അതിഭദ്രാസനാധിപന്‍ അഭി. കുറിയാക്കോസ് മോര്‍ സേവറിയോസ് വലിയ മെത്രാപ്പോലീത്തയ്ക്ക് പെര്‍ത്തില്‍ ഉജ്ജ്വല സ്വീകരണം നല്‍കി. പെര്‍ത്തിലെ സെന്റ്‌ മേരീസ് ക്നാനാനായ കോണ്‍ഗ്രിഗേഷന്റെ മാനേജിംഗ് കമ്മറ്റിയുടെ നേതൃത്വത്തില്‍ പെര്‍ത്ത് വിമാനത്താവളത്തില്‍ എത്തിയ തിരുമേനിയെ സ്വീകരിച്ചു. ശനിയാഴ്ച്ച രാവിലെ പത്തുമണിമുതല്‍ വൈകിട്ട് നാലുമണി വരെ ഹോളി നെയിം കാത്തലിക്ക് ദൈവാലയത്തില്‍ വച്ച് നടത്തപെട്ട ക്നാനായ സമൂഹത്തിന്റെ ഓണാഘോഷങ്ങളില്‍ അദ്ദേഹം മുഖ്യാഥിതി ആയി പങ്കെടുത്തു. ആഘോഷങ്ങളില്‍ പങ്കെടുത്ത കുട്ടികള്‍ക്കും മുതിര്‍ന്നവര്‍ക്കും ആവേശമായിരുന്നു അഭി. തിരുമേനിയുടെ സാമീപ്യം. വിദൂരങ്ങളിലായിരിക്കുമ്പോഴും ബന്ധങ്ങള്‍ വേര്‍പിടാതെ ഒരുമയിളും കൂട്ടായ്മയിലും വളരുന്ന ക്നാനായ സമുദായംഗങ്ങള്‍ ആഗോള ക്നാനായ സമൂഹത്തിന് അഭിമാനമാണ് എന്ന് അദ്ദേഹം സ്മരിച്ചു. മത്സരങ്ങളില്‍ വിജയികളായവര്‍ക്ക് അദ്ദേഹം സമ്മാനങ്ങള്‍ വിതരണം ചെയ്തു. ഞായറാഴ്ച്ച രാവിലെ 11 മണിക്ക് ആപ്പിള്‍ ക്രോസിലെ സെന്റ്‌ ജോര്‍ജ്ജ് ആഗ്ലിക്കന്‍ ദൈവാലയത്തില്‍ അദ്ദേഹം ക്നാനായ സമൂഹാംഗങ്ങള്‍ക്കായി കുര്‍ബ്ബാനയര്‍പ്പിച്ചു.

Read more

മൂന്നാമത് K.C.C.O കൺവെൻഷന്റെ ഒരുക്കങ്ങൾ പൂർത്തിയായി

ക്നാനായ കാത്തലിക്ക് കോൺഗ്രസ്സ് ഓഫ് ഓഷ്യാനയുടെ കുടക്കീഴിൽ KCCVA യുടെ മേൽനോട്ടത്തിൽ നടത്തപ്പെടുന്ന മൂന്നാമത് കൺവെൻഷനിലേക്ക് എല്ലാ ക്നാനായ മക്കളെയും സ്വാഗതം ചെയ്യുന്നതായി K.C.C.O പ്രസിഡന്റ് ബിനു തുരുത്തിയിൽ അറിയിച്ചു."വിശ്വാസവും പൈതൃകവും നമ്മുടെ ജന്മാവകാശം "എന്ന ആശയവുമായി മെൽബണിലെ ഫിലിപ്പ് ഐലന്റിൽ നടക്കുന്ന കൺവെൻഷന്റെ രെജിസ്റ്റേഷൻ പൂർത്തിയായതായി തോമസി ജിനു കൂടത്തിനാൽ പറഞ്ഞു൯( 1500 ൽ പരം പേർ രെജിസ്റ്റർ ചെയ്തിട്ടുണ്ട് .KCCVA യുടെ നേതൃത്വത്തിൽ 101 അംഗ കമ്മിറ്റിയുടെ നിരന്തരപ്രവർത്തനങ്ങളുടെയും ശ്രമഭലമായി കുട്ടികൾക്കും മുതിർന്നവർക്കും അസ്വാദ്യമായ കലാ കായിക പരിപാടികളാണ് ബെഞ്ചമിൻ മേച്ചേരിയുടെ കീഴിൽ ചിട്ടപ്പെടുത്തിയിരിക്കുന്നത് .കൺവെൻഷന്റെ കമ്മിറ്റി ചെയർമാൻ സുനു സൈമണും വൈസ് ചെയർമാൻ സജീവ്‌ കായിപ്പുറവും ഓഷ്യാനയുടെ കീഴിലുള്ള എല്ലാ യൂണിറ്റുകൾ സന്ദർശിക്കുകയും അവരുടെ സഹഹരണം ഉറപ്പ് വരുത്തുകയും ചെയ്തിട്ടുണ്ട് . ഈ വരുന്ന സെപ്റ്റംബർ 16,17,18,19 തീയതികളിലായി നടക്കുന്ന മഹാ സമ്മേളനത്തിന്റെ മുഖ്യതിഥി സിറിയൻ ക്നാനായ ആർച്ച് ബിഷപ്പ് മാർ സേവേറിയോസ് കുര്യാക്കോസ് ആണ്. കെ സി സി ൻ എ പ്രസിഡന്റ് സണ്ണി പൂഴിക്കാല കെ സി സി പ്രസിഡന്റ് പ്രൊഫ ജോയി മുപ്രാപ്പള്ളി എന്നീ സംഘടനാ നേതാക്കളും വരും ദിവസങ്ങളിൽ എത്തിച്ചേരുമെന്ന് സൈമൺ വേളുപ്പറമ്പിൽ അറിയിച്ചു .

ഈ കൺവെൻഷന്റെ ആത്മീയ വളർച്ചക്കും നമ്മുടെ കൂട്ടായ്മയിൽ ദിവ്യബലി അർപ്പിക്കുവാനുമായി ആറ് ഓളം വൈദികർ ആണ് കേരളത്തിൽ നിന്നും അമേരിക്കയിൽ നിന്നും എത്തിച്ചേരുക. വിജീഷിന്റെ നേതൃത്വത്തിൽ 20 ഓളം പേർ ദിവ്യബലിയിലെ ഗാനങ്ങളുടെ പരിശീലനം നടത്തി വരുന്നു . കുടിയേറ്റ സംസ്കാരമുള്ള ക്നാനായക്കാർ ഓസ്ട്രേലിയിലേക്ക് കുടിയേറ്റം ആരംഭിച്ചിട്ട് 25 ,30 വർഷം ആയെങ്കിലും, 2004 -2005 കാലഘട്ടത്തിലാണ് ഇത്ര ശക്തമായ വരവ് തുടങ്ങിയത് എന്ന്  I.H.N.A ,I.H.M CEO സജി കുന്നുംപുറത്തും ബിജോ കുന്നുംപുറവും പറഞ്ഞു . ഏകദേശം 1500 ഓളം കുടുബങ്ങളാണ് ഓസ്ട്രേലിയയിലുള്ളത്. മലയോടും മണ്ണിനോടും പടവെട്ടി നമ്മുടെ പൂർവികർ കൈ മുതലായി തന്ന നമ്മുടെ വംശശുദ്ധിയും പാരമ്പര്യവും കാത്തു സൂക്ഷിക്കുവാൻ, ഇങ്ങനെയുള്ള കൂട്ടായ്മയ്ക്കു സാധിക്കും എന്നും ഇതിന്റെ വിജയത്തിനായി പ്രാർത്ഥിക്കുന്നുവെന്നും കോട്ടയം അതിരൂപതാ മെത്രാൻ മാർ മാത്യു മൂലക്കാട്ട് അറിയിച്ചു. വ്യത്യസ്തമായ കലാ കായിക പരിപാടികളാൽ സന്തോഷത്തിന്റെയും ആസ്വാദനത്തിന്റെയും നാലു ദിനങ്ങളാണ് ഇനി ഓസ്‌ട്രേലിയയിലെ ക്നാനായ സമൂഹത്തിനെ കാത്തിരിക്കുന്നത്. യുണിറ്റ് തിരിച്ചുള്ള വിവിധ മത്സരങ്ങൾ ഉണ്ടായിരിക്കും. കായിക മത്സരങ്ങളായ വടംവലിക്ക് എട്ടു ടീമുകളും വോളിബോളിന് പന്ത്രണ്ട് ടീമുകളും, സ്ത്രീകളുടെ വടംവലിക്ക് നാലു ടീമുകളും രെജിസ്റ്റർ ചെയ്തതായി സ്പോർട്സ് കോർഡിനേറ്റർ തോമസ്കുട്ടി അറിയിച്ചു. മറ്റു പ്രധാന മത്സരങ്ങളായ ചെണ്ട മേളം, ദമ്പതിമാരുടെ ഡാൻസ്, MR ക്നാ, MRS ക്നാ, കുട്ടികൾക്കായുള്ള ബൈബിൾ അധിഷ്ഠിത ഡാൻസ്, പുരാതന പാട്ട് എന്നിവയുടെ മത്സരങ്ങൾ അത്യന്തം വാശി നിറഞ്ഞതാവുമെന്ന് ജോബിൻ മാണിയും ഷിനോ മഞ്ഞാങ്കലും പറഞ്ഞു . സ്ത്രീകൾക്കും യുവജനങ്ങൾക്കുമായി പ്രത്യകം സെമിനാറുകൾ സംഘടിപ്പിച്ചിട്ടുണ്ട് എന്ന് സീനാ ബിജു കാരുപ്ലാക്കൽ പറഞ്ഞു .

ചെണ്ട മേളങ്ങളുടെയും ആർപ്പ് വിളികളുടെയും ആരവത്തിനായി മെൽബൺ ഒരുങ്ങിക്കഴിഞ്ഞുവെന്നും 1200 ൽ പരം ആൾക്കാർ ഓസ്‌ട്രേലിയയിൽ നിന്നും 100 ൽ പരം ആൾക്കാർ ന്യൂസിലാൻഡിൽ നിന്നും 150 ഓളം ആൾക്കാർ സിംഗപ്പൂരു നിന്നുമായി വരു ആഴ്ചയിൽ എത്തിച്ചേരുമെന്ന് കെ സി സി വി എ സെക്രട്ടറി തോമസ് ഓട്ടപ്പള്ളി അറിയിച്ചു .വരുന്നവർക്കായി വിവിധ സ്‌ഥലങ്ങളിലായി താമസ സൗകര്യം ഏർപ്പെടുത്തിയിട്ടുണ്ട് എന്ന് കോർഡിനേറ്റർ നൈസൺ അറിയിച്ചിട്ടുണ്ട് .ക്നാനായക്കാരുടെ ഈ കൺവെൻഷൻ വഴി തമ്മിൽ തമ്മിൽ പരിചയപ്പെടുവാനും നിങ്ങളുടെ ബന്ധങ്ങൾ ദൃഡപ്പെടുത്തുവാനും ഉപകരിക്കട്ടെ എന്ന് മെൽബൺ ബിഷപ്പ് മാർ ബോസ്കോ പുത്തുർ അറിയിച്ചു

Read more

മെൽബണിൽ പിതൃദിനആഘോഷങ്ങൾ: മാത്യു പൂഴിക്കാലാ മുഖ്യാ അഥിതി .

മെൽബൺ: സെന്റ് മേരീസ് ക്നാനായ കാത്തലിക്ക് മിഷന്റെ ആഭിമുഖ്യത്തിൽ മെൽബണിലെ ഫൊക്കാനാർ സെന്റ് മാത്യുസ് ചർച്ചിലും ക്ലയിറ്റൻ സെന്റ് പീറ്റേഴ്സ് ചർച്ചിലും നടന്ന ഫാദേഴ്‌സ് ഡേയ് ആഘോഷങ്ങളിൽ നൂറുകണക്കിന് പിതാക്കന്മാർ പങ്കെടുത്തു. ഫൊക്കാനാർ സെന്റ് മാത്യുസ് പള്ളിയിൽ നടന്ന വി. കുർബ്ബാനയ്ക്ക് ഫാ. സ്റ്റിഫൻ കണ്ടാരപ്പള്ളി മുഖ്യ കാർമികത്വം വഹിച്ചു. കോട്ടയം അതിരൂപതാ ക്നാനായ കാത്തലിക്ക് കോൺഗ്രസ്സിന്റെ വൈസ് പ്രസിഡണ്ട് മാത്യു പൂഴിക്കാലായുടെ നേതൃത്വത്തിൽ പിതാക്കന്മാർ കേക്ക് മുറിച്ച് ഫാദേഴ്‌സ് ഡേയ് ആഘോഷിച്ചു. ക്ലയിറ്റൺ സെന്റ് പീറ്റേഴ്സ് പള്ളിയിൽ നടന്ന ദിവ്യബലിക്ക് ഫാ. തോമസ് കൂമ്പുക്കൽ മുഖ്യ കാർമികത്വം വഹിച്ചു. രണ്ടു സെന്ററുകളിൽ ആയി നടന്ന പിതൃദിന പരിപാടികൾക്ക് ട്രസ്റ്റിമാർ, പാരീഷ് കൗൺസിൽ അംഗങ്ങൾ, പോക്ഷക സംഘടനാ ഭാരവാഹികൾ എന്നിവർ നേതൃത്വം നൽകി.

Read more

മെൽബൺ പൊന്നോണം 2016 ഒരുക്കങ്ങൾ പൂർത്തിയായി

മെൽബൺ: സെന്റ് മേരീസ് ക്നാനായ കാത്തലിക് മിഷന്റെ ആഭിമുഖ്യത്തിൽ ഈ വർഷം നടത്തപ്പെടുന്ന ഓണാഘോഷങ്ങൾ യുവജനങ്ങൾ നേതൃത്വം കൊടുത്തുകൊണ്ട് സെപ്റ്റംബർ 10 തിയതി നടത്തപ്പെടുന്നു. മെൽബണിലെ സെന്റ് പീറ്റേഴ്സ് ഹാളിൽ ശനിയാഴ്ച രാവിലെ 8 മണി മുതൽ പൂക്കളത്തോടെ ആരംഭിക്കും. സെന്റ് മേരീസ് ക്നാനായ മിഷനോടൊപ്പം MKCC , MKCWA , MKCYL തുടങ്ങിയ സംഘടനകളും ഓണാഘോഷങ്ങളിൽ പങ്കെടുക്കും . രാവിലെ 10 മണി മുതൽ വിവിധ തരം ഗയിമുകൾ , 12.30 മണി മുതൽ 2 വരെ ഓണസദ്യ , പിന്നീട് കൾച്ചറൽ പരിപാടികൾ , വടംവലി മത്സരം തുടർന്ന് സമ്മാന ദാനം നടത്തപ്പെടും . വടംവലി മത്സരത്തിൽ ഒന്നാം സ്ഥാനം ലഭിക്കുന്നവർക്ക് 201 ഡോളർ ക്യാഷ് അവാർഡ് സ്പോൺസർ ചെയ്തിരിക്കുന്നത് ജോസഫ് – സൂസൻ ഫാമിലി ആണ് . രണ്ടാം സ്ഥാനം ലഭിക്കുന്നവർക്കുള്ള 101 ഡോളർ ജോ – ദീപാ ഫാമിലി ആണ് സ്പോൺസർ ചെയ്തിരിക്കുന്നത് . മൂന്നാം സ്ഥാനക്കാർക്കുള്ള 51 ഡോളർ ബേബി – ഗിൽസ്സി ഫാമിലി സ്പോൺസർ ചെയ്തിരിക്കുന്നു. "പൊന്നോണം 2016" വൻ വിജയമാക്കാൻ എല്ലാവരേയും സെന്റ് പീറ്റേഴ്സ് ഹാളിലേക്ക് ഇതിനാൽ ക്ഷണിക്കുന്നുവെന്ന് ചാപ്ളയിൻ ഫാ. തോമസ് കുമ്പുങ്കൽ , ട്രസ്റ്റിമാരായ സ്റ്റീഫൻ ഓക്കാട്ട് , സോളമൻ ജോർജ് എന്നിവർ അറിയിച്ചു.

Read more

KCCB യുടെ ഓണാഘോഷങ്ങൾ ബ്രിസ്ബെയ്നിൽ ഉജ്ജ്വലമായി

ബ്രിസ്‌ബേൻ: ക്നാനായ കാത്തലിക്ക് കോൺഗ്രസ് ഓഫ് ബ്രിസ്‌ബേനിന്റെ ഓണാഘോഷങ്ങൾ ബ്രിസ്‌ബേനിലെ സ്പ്രിംഗ് ഫീൽഡിൽ വച്ച് നടത്തപ്പെട്ടു. രാവിലെ 9.30 മുതൽ വൈകിട്ട് 5.30 വരെ നീണ്ടു നിന്ന ആഘോഷ പരിപാടികൾ നാട്ടിൽ നിൻനമ് എത്തിയ മാതാപിതാക്കന്മാരും കമ്മറ്റി അംഗനഗലും ചേർന്നാണ് തിരികൊളുത്തി ഉദ്ഘാടനം ചെയ്തത്. ഓണാഘോഷപരിപാടിയിൽ ഷാജി താഴത്തെമുത്തുപറമ്പിൽ ഓണ സന്ദേശം നൽകി. പരിപാടിയുടെ ഭാഗമായി, ഓണത്തിന്റെ ഐതിഹ്യവും പാരമ്പര്യവും കോർത്തിണക്കിയ ഓണം തീം പ്രോഗ്രാമിൽ ചെണ്ടമേളം ഉൾപ്പെടെയുള്ള വാദ്യ മേളങ്ങളുടെ അകമ്പടിയോടെ മാവേലി എഴുന്നള്ളിയപ്പോൾ, കുട്ടികൾ കൗതുകത്തോടെയും മുതിർന്നവർ ഗൃഹാതുരുത്വത്തോടെയും ആഘോഷങ്ങളിൽ പങ്കു ചേർന്ന്, തനിമയിൽ ഓര്മ്മയില് സഭയോടൊപ്പം എന്ന ആപ്തവാക്യത്തിൽ ഊന്നികൊണ്ട് മുന്നോട്ടു പോകുന്ന ബ്രിസ്‌ബെയിൻലെ ക്നാനായ മക്കൾ, സാഹോദര്യത്തിന്റെയും മത സൗഹാർദത്തിന്റെയും സന്ദേശം പുതു തലമുറയ്ക്ക് പകർന്നു നൽകി.
കെ സി സി ബി യുടെ വനിതകൾ അവതരിപ്പിച്ച തിരുവാതിരയും കുട്ടികളുടെ കലാ പരിപാടികളും കാണികളെ അക്ഷരാർത്ഥത്തിൽ വിസ്മയ ഭരിതരാക്കി. ഡാൻസും പാട്ടും, സംഗീത ഉപകരണങ്ങളുടെ അവതരണവും,ക്നാനായ ചുണ്ടൻ വള്ളം കളിയും, നാടൻ സംഗീത ശില്പങ്ങളും സ്റ്റേജിൽ തകർത്താടി. എല്ലാവരും ഒരു കുടുംബത്തെ പോലെ ഓണ സദ്യയിലും പങ്കെടുക്കുകയും തുടർന്ന് കായിക മത്സരങ്ങളിൽ പ്രായഭേദമന്യേ പങ്കെടുക്കുകയും ചെയ്തു.  പുരുഷന്മാരുടെ  വടംവലി മത്സരത്തിൽ നോർത്ത് തീം വിജയിച്ചപ്പോൾ ഇഞ്ചോടിഞ്ച് പോരാട്ടം നടന്ന വനിതകളുടെ മത്സരത്തിൽ രണ്ടു ടീമുകളും ഒന്നാം സമ്മാനം പങ്കിട്ടു.

ക്നാനായ സമുദായ സഘടനകളിൽ നിന്ന് സഭയെ അകറ്റി നിർത്തുവാനുള്ള പ്രവണതകൾ തെറ്റാണ് എന്നും സഭയും സമുദായവും ഒരേ നാണയത്തിന്റെ രണ്ടു വശങ്ങളാണ് എന്നുമുള്ള സന്ദേശം നൽകുന്ന ബ്രിസ്‌ബേനിലെ ക്നാനായക്കാർ , ഇതിനോടകം ഓസ്‌ട്രേലിയായിൽ ശക്തമായ സാന്നിധ്യം അറിയിച്ചു കഴിഞ്ഞു. ഈ മാസം സെപ്തംബറിൽ 23, 24,25 തീയതികളിൽ നടത്തപെടുന്ന ക്യാമ്പിന്റെ വിജയത്തിനായി വിവിധ കമ്മറ്റികൾ രൂപീകരിച്ചു.

Read more

ക്നാ-ഡേ - ഓണം ആഘോഷങ്ങൾ ഒരു വലിയ പെരുന്നാളാക്കി ബ്രിസ്‌ബേൻ ക്നാനായ കാത്തോലിക് കമ്മ്യൂണിറ്റി

കോട്ടയം അതിരൂപതാ ദിനമായ ഓഗസ്റ് 29 ബ്രിസ്ബേനിൽ ക്നാ ഡേ ആയി ആഘോഷിച്ചു. KCCO യുടെ നാഷണൽ കൗൺസിൽ തീരുമാനപ്രകാരം കഴിഞ്ഞ 2 വർഷങ്ങളായി ഓഷ്യാനയിലെങ്ങും ഓഗസ്റ് 29 അല്ലെങ്കിൽ അതിനോട് ചേർന്ന ദിവസങ്ങൾ വലിയ ആഘോഷമാക്കുകയാണ്.ബ്രിസ്ബെയ്നിൽ BKCC യുടെ നേതൃത്വത്തിൽ നടന്ന ഓണം -ക്നാ ഡേ ആഘോഷങ്ങൾ 200 നു മേൽ ക്നാനായക്കാർ പങ്കെടുത്ത് നടവിളിയും,പ്രദക്ഷിണവും,ചെണ്ടമേളവും ഒക്കെയായി ഒരു വലിയ പെരുന്നാളിന്റെ അനുഭവമാണ് പകർന്നു തന്നത്. അന്തരിച്ച അതിരൂപതാ വൈദികൻ റെവ;കുറുപ്പിനകത്തച്ചന് ആദരാഞ്ജലികൾ അർപ്പിച്ച്, ക്രിസ്റ്റി ചങ്ങുംമൂലയിലിന്റെ പ്രാർഥനാ ഗാനത്തോടെ തുടങ്ങിയ പരിപാടി 6 മണിക്കൂറുകളോളം നീണ്ടു നിന്നു. BKCC പ്രസിഡണ്ട് ശ്രീ ജിജോ ചേരുവൻകാലായിൽ നാട്ടിൽ നിന്ന് എത്തിയ മാതാപിതാക്കളൊപ്പം നിലവിളക്കു കൊളുത്തി. ശ്രീ ജോൺ മാവേലിപുത്തന്പുരയിൽ ക്നാ ഡേ, ഓണ സന്ദേശങ്ങൾ നൽകി. തുടർന്ന് ഓണ സദ്യ, ബ്രിസ്‌ബേനിലെ ക്നാനായ യുവാക്കൾ അവതരിപ്പിച്ച ചെണ്ടമേളം, ക്നാനായ തനിമ വിളിച്ചോതിയ വൻ റാലി, തിരുവാതിര, കുട്ടികൾ അവതരിപ്പിച്ച വിവിധ കലാപരിപാടികൾ തുടങ്ങിയവ ക്നാ ഡേ - ഓണം ആഘോഷങ്ങൾക്ക് കൊഴുപ്പേകി. ജോയി പാരിപ്പള്ളി രചിച്ചു ഈണം പകർന്ന "ഉണരൂ കാനാൻ ജനതേ" എന്ന ഗാനം ശ്രീ ജോയ് പാരിപ്പള്ളിയുടെ നേതൃത്വത്തിൽ ആലപിച്ചപ്പോൾ ചടങ്ങിൽ പങ്കെടുത്ത നൂറു കണക്കിന് ആളുകളുടെ സിരകളിൽ ക്നാനായ വികാരത്തിന്റെ തിരമാലകളാണ് അലയടിച്ചത്.BKCC സെക്രട്ടറി സ്റ്റീഫൻ നെടുംതൊട്ടിയിൽ നന്ദി പറഞ്ഞു. ബിനോയ് കണിയാകുന്നേൽ, ഫെനിൽ തോമസ് നല്ലൂർ , പിപ്സ് വേലികെട്ടൽ, ഷാജി ( സെബാസ്റ്റിയൻ) പടവെട്ടുംകാലായിൽ, പ്രസാദ് തോട്ടപ്ലാക്കിൽ, ജോബി കിഴക്കേക്കാട്ടിൽ, ഷിജു ചെട്ടിയാത്ത്, ടിജോ പ്രാലേൽ തുടങ്ങിയവർ പരിപാടികൾക്ക് നേതൃത്വം കൊടുത്തു. - സെപ്റ്റംബർ 16 -19 തീയതികളിലായി നടക്കുന്ന ഒഷ്യാനാ ക്നാനായ കൺവെൻഷന് വേണ്ടി വിവിധ പരിപാടികളാണ് BKCC ആസൂത്രണം ചെയ്തിരിക്കുന്നത്.

Read more

KCCVA അനുശോചിച്ചു.

മെല്‍ബണ്‍: ഉഴവൂര്‍ ഫൊറോനാ വികാരിയും അതിരൂപതയിലെ മുതിര്‍ന്ന വൈദീകനും പ്രമുഖ ധ്യാന ഗുരുവും വാഗ്മിയുമായ ഫാ. ജേക്കബ് കുറുപ്പിനകത്തിന്റെ നിര്യാണത്തില്‍ ക്നാനായ കാത്തലിക്ക് കോണ്ഗ്രസ് ഓഫ് വിക്ടോറിയയുടെ അനുശോചനം രേഖപ്പെടുത്തി. അദ്ദേഹത്തിന്റെ നിര്യാണം ക്നാനായ സമൂഹത്തിന്റെ തീരാ നഷ്ടമാണ് എന്ന് KCCVA പ്രസിഡണ്ട്‌ സുനു സൈമണ്‍ അറിയിച്ചു.

Read more

മെല്‍ബണ്‍ ക്നാനായ മിഷന്‍ അനുശോചിച്ചു.

മെല്‍ബണ്‍: അന്തരിച്ച കോട്ടയം അതിരൂപതാ വൈദീകനും പ്രമുഖ ധ്യാന ഗുരുവും വാഗ്മിയുമായ ഫാ. ജേക്കബ് കുറുപ്പിനകത്തിന്റെ നിര്യാണത്തില്‍ മെല്‍ബണിലെ ക്നാനായ കാത്തലിക്ക് മിഷന്‍ അനുശോചിച്ചു. കഴിഞ്ഞ ഒക്ടോബറില്‍ പരിശുദ്ധ കന്യകാമറിയത്തിന്റെ തിരുനാളിനോട്‌ അനുബന്ധിച്ച് മെല്‍ബണിലെ ക്നാനായ ഇടവകാംഗങ്ങള്‍ക്ക് ധ്യാനത്തിന് നേതൃത്വം നല്‍കുകയും യുവജനങ്ങള്‍ക്ക്‌ വേണ്ടി പ്രത്യേകമായ വ്യക്തിത്വ വികസന ക്ലാസ്സുകള്‍ അദ്ദേഹം അന്യിക്കുകയും ചെയ്തിരുന്നു. അകാലത്തില്‍ ദൈവ സന്നിധിയിലേക്ക് വിളിക്കപെട്ട അച്ചന്റെ നിര്യാണത്തില്‍ മെല്‍ബണിലെ ക്നാനായ കാത്തലിക്ക് മിഷന്റെ പ്രഥമ ചാപ്ലെയിന്‍ ഫാ. സ്റ്റീഫന്‍ കണ്ടാരപള്ളി, ചാപ്ലയിന്‍ ഫാ. തോമസ്‌ കുമ്പുക്കല്‍, കൈക്കാരന്മാരായ സ്റ്റീഫന്‍ ഒക്കാട്ട്, സോളമന്‍ ജോര്‍ജ്ജ്, സെക്രട്ടറി ബിജു അലക്സ്, പി ആര്‍ ഓ റെജി പാറയ്ക്കന്‍, പാരീഷ് കൌണ്‍സില്‍ അംഗങ്ങള്‍, പോക്ഷക സംഘടനാ ഭാരവാഹികള്‍ ആയ സജി ഇല്ലിപറബില്‍, സോണിയാ ജോജി, ജോയല്‍ ജോസഫ് എന്നിവര്‍ അനുശോചനം രേഖപ്പെടുത്തി. ഞായറാഴ്ച വിശുദ്ധ കുര്‍ബ്ബാനയ്ക്ക് ശേഷം ക്ലയിറ്റന്‍ സെന്റ്‌ പീറ്റേഴ്സ് പള്ളിയിലും, ഫോക്കനാര്‍ സെന്റ്‌ മാത്യൂസ് പള്ളിയിലും പരേതന്റെ ആത്മശാന്തിക്കു വേണ്ടി ഒപ്പീസ് നടത്തി.

Read more

സേവേറിയോസ് തിരുമേനി, ജോയി മുപ്രാപ്പള്ളി, സണ്ണി പൂഴിക്കാലാ എന്നിവർ പൈതൃകം 16 മുഖ്യാതിഥികൾ

മെൽബൺ: മെൽബണിൽ വച്ച് നടത്തപെടുന്ന കെ സി സി ഓ യുടെ മൂന്നാമത് കൺവെൻഷൻ - പൈതൃകം 16 - ന്റെ മുഖ്യ അതിഥികൾ ആയി സിറിയൻ ക്നാനായ യാക്കോബായ മെത്രാപ്പോലീത്താ കുറിയാക്കോസ് മോർ സേവേറിയോസ് തിരുമേനിയും, കോട്ടയം അതിരൂപതാ ക്നാനായ കത്തോലിക്കാ കോൺഗ്രസ് പ്രസിഡണ്ട് ജോയി മുപ്രാപ്പള്ളിയും, ക്നാനായ കത്തോലിക്കാ കോൺഗ്രസ് ഓഫ് നോർത്ത് അമേരിക്കയുടെ പ്രസിഡണ്ട് സണ്ണി പൂഴിക്കാലായും പങ്കെടുക്കും. ഇവരെ കൂടാതെ ഇന്ത്യയിൽ നിന്നും അമേരിക്കയിൽ നിന്നുമായി നിരവധി വൈദീക പ്രമുഖരും പൈതൃകം 16 ൽ പങ്കുചേരും. സെപ്തംബർ 16, 17, 18, 19 തീയതികളിൽ നടക്കുന്ന കൺവെൻഷന് ഓഷ്യാനയുടെ വിവിധ ഭാഗങ്ങളിൽ നിന്നായി ആയിരത്തിലധികം ക്നാനായക്കാരാണ് പങ്കെടുക്കുന്നത്. പൈതൃകം 16 ന്റെ ചെയർമാൻ സുനു സൈമൺ ഉറവക്കുഴിയുടെയും, വൈസ് ചെയർമാൻ തോമസ് സജീവ് കായിപ്പുറത്തിന്റെയും നേതൃത്വത്തിൽ വിവിധ കമ്മറ്റികളാണ് പൈതൃകം 16 ന്റെ വിജയത്തിനായി പ്രവർത്തിക്കുന്നത്.

Read more

ക്നാനായ കാത്തലിക് കോണ്‍ഗ്രസ് ക്നാനായ ബ്രിസ്ബേന്‍ ഓണാഘോഷം സെപ്റ്റംബര്‍ മൂന്നിന്

ബ്രിസ്ബേന്‍: ലോകമെമ്പാടുമുള്ള മലയാളികള്‍ ഓണത്തെ വരവേല്‍ക്കാന്‍ ഒരുങ്ങുമ്പോള്‍ ബ്രിസ്ബേനിലുള്ള ക്നാനായക്കാരും ഓണം വിപുലമായി ആഘോഷിക്കുുന്നു. 26 വെള്ളിയാഴ്ച വൈകുന്നേരേം ബാഡ്മിന്‍റണ്‍ ടൂര്‍ണമെന്‍റോടു കൂടി ആരംഭിക്കുന്ന മത്സരങ്ങളില്‍ ചീട്ടുകളി, ചെസ്, കാരംസ് എന്നിവയും ഉള്‍പ്പെടുത്തിയിട്ടുണ്ട്. സെപ്റ്റംബര്‍ മൂന്നിനാണ് ഓണാഘോഷം നടത്തുക. രാവിലെ ഒമ്പതിന് അത്തപ്പൂക്കളം ഇടുന്നതോടു കൂടി ഓണാഘോഷത്തിന് തുടക്കം കുറിക്കും. തുടര്‍ന്ന് നടക്കുന്ന ആഘോഷപരിപാടികളില്‍ കേരളത്തിന്‍റെ തനതായ കലാരൂപങ്ങളായ തിരുവാതിര, ഒപ്പന, കുട്ടികളുടേയും മുതിര്‍വരുടേയും വിവിധ കലാപരിപാടികള്‍, ചെണ്ടമേളം എന്നിവയും ഉണ്ടായിരിക്കുതാണ് എന്ന് സംഘാടകര്‍ അറിയിച്ചു. തുടര്‍ന്ന് ഓണസദ്യയും വിവിധ കായികമത്സരങ്ങളും സംഘടിപ്പിച്ചിട്ടുണ്ട്. കഴിഞ്ഞ ജൂണ് 11ന് ഉദ്ഘാടനം ചെയ്യപ്പെട്ട ക്നാനായ കാത്തലിക് കോണ്‍ഗ്രസ് ബ്രിസ്ബേന്‍ (കെസിസിബി) എന്ന സംഘടനയുടെ പ്രഥമ ഓണാഘോഷം ആണിത്.

Read more

മെല്‍ബണില്‍ KCCVA യുടെ ഓണാഘോഷം ഓഗസ്റ്റ് 28ന്

മെല്‍ബണ്‍: ക്നാനായ കാത്തലിക്ക് കോണ്ഗ്രസ് ഓഫ് വിക്ടോറിയയുടെ ഈ വര്‍ഷത്തെ ഓണാഘോഷം നോബിള്‍ പാര്‍ക്ക് സെന്റ്‌ ആന്റണീസ് പാരീഷ് ഹാളില്‍ വച്ച് വി. കുര്‍ബ്ബാനയ്ക്ക് ശേഷം അത്തപൂക്കളത്തോട് കൂടി ആരംഭിക്കും. വ്യത്യസ്തങ്ങളായ വിവിധ പരിപാടികളാണ് സംഘാടകര്‍ ഓണാഘോഷത്തിന് അണിയിച്ചോരുക്കിയിരിക്കുന്നത്. ഏരിയാ തിരിച്ചുള്ള വടം വലി മത്സരം, മുതിര്‍ന്നവര്‍ക്കും കുട്ടികള്‍ക്കും വേണ്ടിയുള്ള കായിക മത്സരങ്ങള്‍, ക്നാനായ മങ്ക, ക്നാനായ കേസരി മത്സരം തുടങ്ങിയ പരിപാടികള്‍ ഓണാഘോഷത്തിന് മാറ്റു കൂട്ടും. മുന്നൂറില്‍ പരം ക്നാനായ അംഗങ്ങള്‍ പങ്കെടുക്കുന്ന ഓണാഘോഷത്തിന് സദ്യ തയ്യാറാക്കുന്നത് മെല്‍ബണിലെ പ്രശസ്ത മലയാളി റേസ്റ്റോറന്റ്കളില്‍ ഒന്നായ കോക്കനട്ട് ലഗൂണ്‍ ആണ്. പ്രസിഡണ്ട്‌ സുനു സൈമന്റെ നേതൃത്വത്തിലുള്ള കെ സി സി വി എ ഭാരവാഹികള്‍ ഓണാഘോഷത്തിന് നേതൃത്വം വഹിക്കും.

Read more

മെൽബൺ സെന്റ് മേരീസ് ക്നാനായ കാത്തലിക് മിഷന്റെ എട്ടുനോയമ്പ് ആചരണവും പരിശുദ്ധ കന്യാമറിയത്തിന്റെ പിറവി തിരുനാൾ ആഘോഷവും

മെൽബൺ ∙ സെന്റ് മേരീസ് ക്നാനായ കാത്തലിക് മിഷന്റെ ആഭിമുഖ്യത്തിൽ പരിശുദ്ധ കന്യാമറിയത്തിന്റെ പിറവി തിരുന്നാളും എട്ടുനോയമ്പ് ആചരണവും പൂർവ്വാധികം ഭംഗിയായി ആചരിക്കുന്നു. മെൽബണിന്റെ ക്ലയിറ്റൺ സെന്റ് പീറ്റേഴ്സ് ദേവാലയത്തിൽ സെപ്റ്റംബർ 1 മുതൽ 8 വരെ വൈകിട്ട് 7 മണി മുതലും ഞായറാഴ്ചകളിൽ വൈകിട്ട് 4.30 നും ആയിരിക്കും ജപമാല ആരംഭിക്കുക. വിശുദ്ധ കുർബാന, നൊവേന, പരിശുദ്ധ കുർബാനയുടെ ആശീർവാദം എന്നിവയുമാണ് പരിപാടികൾ ക്രമീകരിച്ചിരിക്കുന്നത്. തുടർന്ന് വിശ്വാസികൾക്ക് പാച്ചോർ നേർച്ചയും ഉണ്ടായിരിക്കുന്നതാണ്. ഫാ. സ്റ്റീഫൻ കണ്ടാരപ്പളളി, ചാപ്ലയിൻ ഫാ. തോമസ് കുമ്പുക്കൽ, പ്രസുദേന്തിമാർ എന്നിവർ നേതൃത്വം നൽകുമെന്ന് കൈക്കാരന്മാരായ സ്റ്റീഫൻ ഓക്കാട്, സോളമൻ ജോർജ് എന്നിവർ അറിയിച്ചു.

Read more

മെല്‍ബന്‍ ഇടവക ദിനത്തിലെ ഒപ്പന സോഷ്യല്‍മീഡിയയില്‍ വൈറലായി

മെല്‍ബന്‍:സെന്‍റ് മേരീസ് ക്നാനായ കാത്തലിക്ക് മിഷന്‍െറ ആഭിമുഖ്യത്തില്‍ നടത്തിയ ഇടവക ദിനത്തില്‍ അവതരിപ്പിച്ച ഒപ്പന സോഷ്യല്‍ മീഡിയയില്‍ വൈറലായി.വേഷവിധാനം കൊണ്ടും അവതരണ ശൈലികൊണ്ടും ഒപ്പന വിസ്മയമായിരുന്നു.ഗെദ്സമയ കൂടാരയോഗമാണ് ഒപ്പന അവതരിപ്പിച്ചത്. സ്റ്റീഫന്‍ ഒക്കാടിന്‍െറ നേതൃത്വത്തിലുള്ള ടീമില്‍ ഡൊമനിക്ക് താന്നിമൂട്ടില്‍,ബിജി ഒക്കാട് ,ബിനോയി ജോര്‍ജ്, സ്റ്റെബിന്‍ ഒക്കാട് ,ലയാ പയസ് ,മഹിമാ സ്റ്റീഫന്‍, സെസ്സില്‍, ബനിറ്റ ബിനോജി, മറിയ ബിജി,സയോന ഡൊമനിക്, സിയോണ ബിജി, ബനില്‍ ബിനോജി എന്നിവരായിരുന്നു ഉണ്ടായിരുന്നത്.

Read more

മെൽബണിൽ കൂടാരയോഗ വാർഷികവും ഇടവക ദിനവും സമുചിതമായി ആഘോഷിച്ചു.

മെൽബൺ: സെന്റ് മേരീസ് ക്നാനായ കാത്തലിക്ക് മിഷന്റെ ആഭിമുഖ്യത്തിൽ കൂടാര യോഗ വാർഷികവും ഇടവക ദിനവും നിറഞ്ഞ സദസ്സിൽ ആഘോഷിച്ചു. പാലക്കാട്ട് ജെഫ്രി മെമ്മോറിയൽ സോക്കർ ടൂർണമെന്റോടുകൂടി പരിപാടികൾ ആരംഭിച്ചു. വിവിധ കൂടാര യോഗങ്ങൾ തമ്മിലുള്ള സോക്കർ മത്സരത്തിൽ ഒന്നാം സ്ഥാനം കാൽവരി കൂടാര യോഗവും രണ്ടാം സ്ഥാനം സെഹിയോൻ കൂടാര യോഗവും കരസ്ഥമാക്കി. ആവേശം വിതറിയ നാടവിലി മത്സരത്തിൽ ഒന്നാം സ്ഥാനം സെഹിയോൻ കൂടാര യോഗവും രണ്ടാം സ്ഥാനം ബദലഹേം കൂടാര യോഗവും കരസ്ഥമാക്കി. പുരാതനപ്പാട്ട് മത്സരത്തിൽ ഒന്നാം സ്ഥാനം നസ്രത്ത്‌ കൂടാര യോഗവും നേടി. തുടർന്ന് സൗത്ത് ഈസ്റ്റ് സെന്ററിലെ പെൺകുട്ടികളുടെ മാർഗ്ഗംകളി അരങ്ങേറ്റം നടത്തപ്പെട്ടു. തുടർന്ന് വിവിധ കൂടാര യോഗങ്ങളുടെ കലാ പരിപാടികളും സദസ്സിനു വിസ്മയമായി. ബീറ്റ്‌സ് ബൈ സെന്റ് മേരീസ് ചെണ്ടമേളത്തിന്റെയും ശാസിക്ക ഡോളിന്റെയും അരങ്ങേറ്റവും ആവേശം വിതറിയ സ്റ്റേജിൽ നടത്തപ്പെട്ടു. കഴിഞ്ഞ കായിക ദിനത്തിൽ വിജയികളായവർക്ക് സെന്റ് മേരീസ് മിഷന്റെ ചാപ്ലയിൻ ഫാ. തോമസ് കുമ്പുക്കൽ, ട്രസ്റ്റിമാരായ സ്റ്റിഫൻ ഒക്കാട്ട്, സോളമൻ പാലക്കാട്ട്,മെൽബൺ ക്നാനായ കാത്തലിക്ക് കോൺഗ്രസ് പ്രസിഡണ്ട് സജി ഇല്ലിപ്പറമ്പിൽ എന്നിവർ സമ്മാനങ്ങൾ വിതരണം ചെയ്തു. ഇടവകാംഗങ്ങൾ ഒത്തു ചേർന്ന് നടത്തിയ കലാ പരിപാടികളും കലാ മത്സരങ്ങളും ഒന്നിനൊന്ന് മെച്ചമായിരുന്നു. വിവിധ കൂടാരയോഗങ്ങളുടെ സെക്രട്ടറിമാർ, കോർഡിനേറ്റേഴ്‌സ് എന്നിവർ പരിപാടികൾക്ക് ചുക്കാൻ പിടിച്ചു. ഫാ. സ്റ്റിഫൻ കണ്ടാരപ്പള്ളിൽ, ഫാ. തോമസ് കുമ്പുക്കൽ, ട്രസ്റ്റിമാർ, പാരീഷ് കൗൺസിൽ അംഗങ്ങൾ, വിവിധ സംഘടനാ ഭാരവാഹികൾ എന്നിവർ പരിപാടികൾക്ക് നേതൃത്വം നൽകി. വൈകിട്ട് 9 മാണിയോട് കൂടി സ്‌നേഹവിരുന്നോടെ കൂടാരയോഗ വാർഷികവും ഇടവക ദിനവും വാൻ വിജയമായി അവസാനിച്ചു.

Read more

മെല്‍ബണില്‍ കൂടാരയോഗ വാര്‍ഷികവും ഇടവകദിനവും

മെല്‍ബണ്‍: സെന്റ്‌ മേരീസ് ക്നാനായ കാത്തലിക്ക് മിഷന്റെ ആഭിമുഖ്യത്തില്‍ മെല്‍ബണിലെ ക്നാനായ കൂടാരയോഗത്ത്തിന്റെ വാര്‍ഷികവും ഇടവക ദിനവും സമുചിതമായി ആഘോഷിക്കുന്നു. ഓഗസ്റ്റ് 6 ശനിയാഴ്ച്ച ഉച്ചകഴിഞ്ഞ് 2 മണിക്ക് സോക്കര്‍ ടൂര്‍ണമെന്റോടുകൂടി ആഘോഷങ്ങള്‍ ആരംഭിക്കും. മെല്‍ബണിലെ ക്ലയിറ്റണ്‍ സെന്റ്‌ പീറ്റേഴ്സ് ദൈവാലയ ഹാളില്‍ വച്ചാണ് പരിപാടികള്‍ നടത്തപ്പെടുന്നത്. സോക്കര്‍ ടൂര്‍ണമെന്റിന് ശേഷം വിവിധ കൂടാര യോഗങ്ങളുടെ പുരാതനപ്പാട്ട് മത്സരം, നടവിളി മത്സരം, മറ്റ് കലാ പരിപാടികള്‍ എന്നിവ നടത്തപെടും. പെണ്‍കുട്ടികളുടെ മാര്‍ഗ്ഗം കളി അരങ്ങേറ്റവും, മുപ്പത്തി അഞ്ചോളം യുവാക്കളുടെ ചെണ്ടാമെലത്ത്തിന്റെ അരങ്ങേറ്റവും കൂടാര യോഗ വാര്‍ഷികത്തിനോടനുബന്ധിച്ച് സ്ടീജില്‍ അവതരിപ്പിക്കും. മെല്‍ബണിലെ വിവിധ കൂടാര യോഗങ്ങളുടെ വ്യത്യസ്ഥമായ കലാ പരിപാടികള്‍ക്ക് കൂടാര യോഗങ്ങളുടെ സെക്രട്ടറിമാര്‍ നേതൃത്വം നല്‍കും. കൂടാതെ പാരീഷ് കൌണ്‍സില്‍ അംഗങ്ങള്‍, പോക്ഷക സംഘടനാ ഭാരവാഹികള്‍ എന്നിവര്‍ പരിപാടികള്‍ക്ക് നേതൃത്വം നല്‍കുമെന്ന് സ്നേറ്റ് മേരീസ് ക്നാനായ കാത്തലിക്ക് മിഷന്റെ ചാപ്ലെയിന്‍ ഫാ. തോമസ്‌ കുമ്പുക്കല്‍, ട്രസീമാരായ സ്റ്റീഫന്‍ ഒക്കാട്ട്, സോളമന്‍ പാലക്കാട്ട് എന്നിവര്‍ അറിയിച്ചു.

Read more

മെൽബൺ ബൈബിൾ കലോൽസവം 2016 ആദ്ധ്യാത്മിക ഉണർവ് നൽകി.

മെൽബൺ: സെന്റ് മേരീസ് ക്‌നാനായ കാത്തലിക് മിഷന്റെ ആഭിമുഖ്യത്തിൽ നടന്ന  ബൈബിൾ കലോൽസവം 2016 കുട്ടികൾക്ക് ആദ്ധ്യാത്മിമിക ഉണർവും ചൈതന്യവും നൽകി. മെൽബണിലെ ക്ലയിറ്റൻ സെന്റ് പീറ്റേഴ്സ് ഹാളിൽ നടത്തപ്പെട്ട ബൈബിൾ അധിഷ്ടിത കലാമൽസരങ്ങളുടെ ഉൽഘാടനം മെൽബൺ ക്നാനയ കാത്തലിക്ക്  കോൺഗ്രസിന്റെ പ്രസിഡന്റ് സജി  ഇല്ലിപ്പറമ്പിൽ നിർവ്വഹിച്ചു. ബൈബിൾ കലോൽസവം പോലെയുള്ള പരിപാടികൾ ക്രിസ്തുവിനെ കുറിച്ചും ബൈബിളിനെ കുറിച്ചും ഉള്ള അറിവുകൾ മനസ്സിലാക്കി സഭയോടും സമുദായത്തോടും ചേർന്ന് വളരുവാൻ സഹായിക്കുമെന്ന് ഉൽഘാടന പ്രസ്ഗത്തിൽ സജി ഇല്ലിപ്പറമ്പിൽ പറഞ്ഞു. മതാദ്ധ്യാപക കോർഡിനേറ്റർമാരായ ജോർജ്  പൗവ്വത്തേൽ, സിജോ ജോൺ എന്നിവർ ആശംസകൾ അർപ്പിച്ച് സംസാരിച്ചു. രാവിലെ പത്തുമണിക്ക് ആരംഭിച്ച ബൈബിൾ കലോൽസവത്തിൽ വിവിധ ഇനം  ബൈബിൾ അധിഷ്ടിത പരിപാടികൾ ഒരുക്കിയിരുന്നു.  പരിപാടികൾ മികവുറ്റതാക്കീതീർത്ത മതാദ്യാപകർ, പാരീഷ്  കൗൺസിൽ അംഗങ്ങൾ, മാതാപിതാക്കൾ എന്നിവരെ ഫാദർ തോമസ് കുസുക്കൽ അഭിനന്ദിച്ചു. മിഷന്റെ പ്രഥമ ചാപ്ളിയൻ ഫാദർ സ്റ്റീഫൻ കണ്ടാരപ്പള്ളി കലോൽസവത്തിൽ പങ്കെടുത്ത എല്ലാ കുട്ടികൾക്കും ആശംസകൾ നേർന്നു. മിഷ്യൻലീഗ് ഡയറക്ടർ സജീമോൾ അനിൽ ഏവർക്കും നന്ദി പറഞ്ഞു. വിജയികൾക്കായുള്ള സമ്മാനങ്ങൾ സ്പോൺസർ ചെയ്തത് ജോസ്- സ്മിത,  സജീവ്- മിനി ദമ്പതികളായിരുന്നു.

Read more

ഡാരിൻ ലൂക്ക് എരുമത്തറയും റ്റിബി തോമസ് കോനത്താട്ടും മികച്ച ക്യാമ്പർമാർ

മെൽബൺ: ജൂലൈ 1,2,3 തീയതികളിൽ മെൽബൺ കെ സി വൈ എൽ ന്റെ നേതൃത്വത്തിൽ നടന്ന അഞ്ചാമത് നേതൃത്വ പരിശീലന ക്യാമ്പ് - Faith, Fun, Friendship 16- ൽ മികച്ച ക്യാമ്പർമാരായി ഡാരിൻ ലൂക്ക് എരുമത്തറയും റ്റിബി തോമസ് കോനത്താട്ടും തെരഞ്ഞെടുക്കപ്പെട്ടു. മൂന്നു ദിവസങ്ങളിലായി നാൽപ്പത്തിയൊന്നു കെ സി വൈ എൽ അംഗങ്ങൾ പങ്കെടുത്ത പ്രസ്തുത ക്യാമ്പിൽ ഏറ്റവും മികച്ച പ്രകടനം നടത്തുന്നതിന്റെ അടിസ്ഥാനത്തിലാണ് മികച്ച ക്യാമ്പർമാരെ തെരെഞ്ഞെടുത്തത്.  സംക്റാന്തി ഇടവകാംഗമായ എരുമത്തറ ലൂക്ക് മിനി ദമ്പതികളുടെ പുത്രനായ ഡാരിൻ ലൂക്ക് ബി ടെക്ക് വിദ്യാർത്ഥിയാണ്. കുമരകം ഇടവകാംഗമായ കോനത്തോട് തോമസ് റെജി ദമ്പതികളുടെ പുത്രി റ്റിബിയുടെ പ്രഥമ കെ സി വൈ എൽ ക്യാമ്പായിരുന്നു ഇത്തവണ നടന്നത്. മികച്ച എന്റർടൈനർ ആയി ജെർളിൻ ജിജോ മേക്കരയും തെരഞ്ഞെടുക്കപ്പെട്ടു.

Read more

ക്നാനായ കുടിയേറ്റ അനുസ്മരണ യാത്ര 2016 പ്രവർത്തനങ്ങൾ വിലയിരുത്തി

മെൽബൺ -സെപ്റ്റംബർ 17,18,19,,20 തിയതികളിൽ മെൽബണിൽ നിന്നും  താസ്മേനിയായിലേക്ക് നടത്തുന്നക്നാനായ കുടിയേറ്റ അനുസ്മരണ  കപ്പൽ യാത്രയുടെ പ്രവർത്തനങ്ങൾ വിലയിരുത്തുന്നതിനുവേണ്ടി കമ്മിറ്റി ഭാരവാഗികൾ താസ്മേനിയായിയിലെ വിവിധ സ്‌ഥലങ്ങൾ സന്ദർശിച്ചു.താസ്മേനിയായിയിലെ പ്രശസ്തമായ താമർവാലിയിൽ ആണ്   കപ്പൽ യാത്രയിൽ പങ്കെടുക്കുന്നവർക്ക് താമസസൗകര്യം ഒരുക്കിയിരിക്കുന്നത് .വിശാലമായ റിസോർട്ടിൽ വിവിധ തരത്തിലുള്ള ഗയിമുകൾക്കും സ്പോർട്സിനും കലാ പരിപാടികൾക്കും ഉള്ള സൗകര്യങ്ങൾ ഒരുക്കിയിട്ടുണ്ട് .കുട്ടികൾക്ക് ആസ്വദിക്കാൻ പറ്റുന്ന വിവിധ തരത്തിലുള്ള കളിക്കോപ്പുകൾ വരെ  താമർവാലി റിസോർട്ടിൽ ഒരുക്ക്കിയിട്ടുണ്ട് .വാട്ടർ ഫ്രണ്ട് വില്ലാസ് ഇവിടുത്തെ പ്രെത്യേകത ആണ് .ഏകദേശം അഞ്ചുറിൽ പരം ആൾക്കാർക്ക് ഇരിക്കാവുന്ന കോൺഫെറെൻസ് ഹാൾ മറ്റൊരു പ്രെത്യേകത ആണ് .താമർവാലി റിസോർട്ടിൽ താമസിക്കുന്ന മുഴുവൻ ആൾക്കാർക്കും കേരളീയ ഭക്ഷണം ഉൾപ്പെടെ വിളമ്പുന്നതിനു സൗകര്യം ഏർപ്പെടുത്തിയിട്ടുണ്ട് .താസ്മേനിയായിയിലെ ഹോബോട്ടിലെ വിവിധ ആകർ ഷകങ്ങളായ സ്‌ഥലങ്ങൾ കാണുന്നതിനും ഈ യാത്ര വഴി സാധിക്കുമെന്ന് സംഘാടകർ അവകാശപ്പെട്ടു . ക്നാനായ കുടിയേറ്റ അനുസ്മരണ യാത്രയുടെ വിവിധ ഭാരവാഗികളായ അലൻ ജോസഫ്‌ ,സ്റ്റീഫൻ ഓക്കാട്ട് ,ജോ ചാക്കോ ,സിജോ ചാലയിൽ ,ജോബി ജോസ് ,സജി ഇല്ലിപ്പറബിൽ,ബേബി കരിശ്ശെരിക്കൽ ,റെജി പാറക്കൻ  എന്നിവർ താസ്മേനിയായിയിലെ ഒരു ദിവസത്തെ പരിപാടികൾക്ക് നേതൃത്വം നൽകി . ഓസ്‌ട്രേലിയയുടെ വിവിധ ഭാഗങ്ങളിൽ നിന്നും ക്നാനായ കുടിയേറ്റ അനുസ്മരണ യാത്രക്ക് പൂർണ്ണമായ പിന്തുണ ഇതിനോടകം ഉറപ്പാക്കിക്കഴിഞ്ഞു .കേരളത്തിന് വെളിയിൽ ആദ്യമായിട്ടാണ് ഓസ്‌ട്രേലിയായിൽ ക്നാനായ കുടിയേറ്റ അനുസ്മരണ യാത്ര നടത്തപ്പെടുന്നത് 

Read more

KCYL മെല്‍ബണ്‍ ന്റെ നേതൃത്വ പരിശീലന ക്യാമ്പിന് ആവേശകരമായ പരിസമാപ്തി.

മെല്‍ബണ്‍: ഒഷ്യാനയിലെ പ്രഥമ കെ സി വൈ എല്‍ യൂണിറ്റായ മെല്‍ബണ്‍ കെ സി വൈ എല്‍ ന്റെ അഞ്ചാമത് നേതൃത്വ പരിശീലന ക്യാമ്പ് - Faith Fun Friendship - ന് ആവേശകരമായ പരിസമാപ്തി. മെല്‍ബണിന്റെ വിവിധ ഭാഗ്നഗ്ലില്‍ നിന്നായി 41 യുവജനങ്ങള്‍ പങ്കെടുത്തു. മെല്‍ബണില്‍നിന്നും 200 കി.മി അകലെ ശാന്ത സുന്ദരമായ Neerim South ലെ CYC സെന്ററില്‍ ആയിരുന്നു പ്രസ്തുത ക്യാമ്പ്. മെല്‍ബണ്‍ കെ സി വൈ എല്‍ ന്റെ പ്രഥമ ഭാരവാഹിയായിരുന്ന ബഞ്ചമിന്‍ മേച്ചെരില്‍ നേതൃത്വം നല്ക്യ Ice Breaking ക്യാമ്പിന്റെ ആവേശം തുടക്കത്തില്‍ തന്നെ വാനോളം എത്തിച്ചു. വിദേശ രാജ്യങ്ങളും കെ സി വൈ എല്‍ ഉം എന്ന വിഷയത്തെ ആസ്പദമാക്കി മുന്‍ എസ് എച്ച് മൌണ്ട് സ്കൂള്‍ അദ്ധ്യാപകന്‍ പ്രസാദ് പീറ്റര്‍ നയിച്ച ക്ലാസ്സ് കെ സി വൈ എല്‍ അംഗങ്ങള്‍ക്ക് വേറിട്ട ഒരു അനുഭവമായിരുന്നു. മുന്‍ ബാഗ്ലൂര്‍ കെ സി വൈ എല്‍ പ്രസിഡണ്ട്‌ ജോബിന്‍ മാണി നേതൃത്വം നല്‍കിയ ക്യാമ്പ് ഒരു നവ്യാനുഭവം ആയിരുന്നു. വ്യത്യസ്ഥമായ പരിപാടികളാല്‍ സമ്പന്നമായിരുന്ന ക്യാമ്പില്‍ Sale രൂപതാ വികാരി ജെനറാള്‍ Youth and Faith എന്ന വിഷയത്തെ ആസ്പദമാക്കി ക്ലാസ്സ് നയിച്ചു. തുടര്‍ന്ന് Neering East ഇടവകാംഗങ്ങളെ സന്ദര്‍ശിച്ച് സെന്റ്‌ ഇഗ്നേഷ്യസ് പള്ളിയിലെ കുര്‍ബ്ബാനയില്‍ പങ്കുചേരുകയും ചെയ്തു. ഞായറാഴ്ച്ച ഉച്ചയോടെ തിരശ്ശീല വീണ ക്യാമ്പ്, വ്യതസ്തമായ പരിപാടികള്‍ കൊണ്ട് ഏവര്‍ക്കും ഒരു പുത്തെന്‍ ഉണര്‍വ്വായിരുന്നു. കെ സി വൈ എല്‍ മെല്‍ബണ്‍ ഭാരവാഹികളായ മെബിന്‍ കുഴിയം പറമ്പില്‍, പോള്‍ കായിപ്പുറത്ത്, മെല്‍വിന്‍ കുന്നുംപുറം, റ്റീന കോതാത്തോട്, ഷാരോണ്‍ നിരപ്പേല്‍, മെല്‍വിന്‍ വരിക്കമാന്‍തൊട്ടിയില്‍, ഡയറക്ടര്‍ സുനു സൈമണ്‍ ഉറവക്കുഴിയില്‍, ജോസി ജിനൂ എന്നിവരും കെ സി സി വി എ ഭാരവാഹികളും ക്യാമ്പിന് നേതൃത്വം നല്‍കി

Read more

KCYL മെല്‍ബണിന്റെ ത്രിദിന നേതൃത്വ പരിശീലന ക്യാമ്പ്

മെല്‍ബണ്‍: ഒഷ്യാനയിലെ പ്രഥമ KCYL യൂണിറ്റായ മെല്‍ബണ്‍ KCYL ന്റെ നേതൃത്വത്തില്‍ എല്ലാവര്‍ഷവും നടത്തിവരുന്ന നേതൃത്വ പരിശീലന ക്യാമ്പ് "Fun Faith Friendship 16"ജൂലൈ 1,2,3 തിയതികളില്‍ Neerim East ലുള്ള CYC ക്യാമ്പ് സെന്ററില്‍ വച്ച് നടത്തപെടും. തുടര്‍ച്ചയായി അഞ്ചാം തവണയാണ് KCYL മെല്‍ബണ്‍ പ്രസ്തുത ക്യാമ്പ് സംഘടിപ്പിക്കുന്നത്. വെള്ളിയാഴ്ച വൈകുന്നേരം നാല് മണിക്ക് വി. കുര്‍ബ്ബാനയോട് കൂടി ആരംഭിക്കുന്ന ക്യാമ്പില്‍ വിനോദവും വിജ്ഞാനവും പ്രദാനം ചെയ്യുന്ന വിവിധ പരിപാടികളാണ് സംഘടിപ്പിച്ചിരിക്കുന്നത് എന്ന് ഭാരവാഹികള്‍ അറിയിച്ചു.

ഐസ് ബ്രേക്കിംഗ്, ക്യാമ്പ് ഫയര്‍, സംവാദം, കായിക മത്സരങ്ങള്‍, Social Awareness ക്ലാസ്സുകള്‍ തുടങ്ങി നിരവധി പരിപാടികളാല്‍ സമ്പന്നമായിരിക്കും ക്യാമ്പ്. മെല്‍ബണിന്റെ വിവിധ പ്രദേശങ്ങളില്‍ നിന്നായി 43 അംഗങ്ങള്‍ പങ്കെടുക്കുന്ന ക്യാമ്പിന് ഞായറാഴ്ച്ച ഉച്ചയോടുകൂടി തിരശ്ശീല വീഴും. KCYL മെല്‍ബണ്‍ ഭാരവാഹികളായ മെബിന്‍ കുഴിയംപറമ്പില്‍, പോള്‍ കായിപ്പുറം, മെല്‍വിന്‍ കുന്നുംപുറം, ഷാരോണ്‍ നിരപ്പേല്‍, റ്റീനാ കോറത്തേട്ട്, മെല്‍വിന്‍ വരിക്കമാന്‍തൊട്ടിയില്‍ എന്നിവര്‍ പരിപാടികള്‍ക്ക് നേതൃത്വം നല്‍കും.

Read more

Copyrights@2016.