india live Broadcasting

ബി സി എം ഫുട്ബോൾ ടൂർണമെന്റ് ഉഴവൂരിൽ ജനുവരി 11 മുതൽ.

ഉഴവൂര്‍ : കോട്ടയം അതിരൂപതയിലെ പ്രമുഖഹൈസ്‌കൂള്‍ ഹയര്‍സെക്കന്‍ഡറി സ്‌കൂളുകളെ പങ്കെടുപ്പിച്ചുകൊണ്ടുള്ള ബി.സി.എം. ഫുട്ബോള്‍ മാമാങ്കത്തിന് ഉഴവൂരില്‍ ഒരുക്കങ്ങള്‍ ആരംഭിച്ചു. 2017 ജനുവരി 11 മുതല്‍ 15 വരെ ഒ.എല്‍.എല്‍. ഹയര്‍സെക്കന്‍ഡറി സ്‌കൂള്‍ മൈതാനിയിലാണ് മത്സരങ്ങള്‍ നടത്തപ്പെടുക. മത്സരങ്ങളുടെ സുഗമമായ നടത്തിപ്പിനുവേണ്ടി ആര്‍ച്ച് ബിഷപ്പ് മാര്‍ മാത്യു മൂലക്കാട്ട് മുഖ്യരക്ഷാധികാരിയും മാര്‍ ജോസഫ് പണ്ടാരശ്ശേരി, വെരി റവ. ഫാ. തോമസ് ഇടഞ്ഞിപ്പറമ്പില്‍ എന്നിവര്‍ സഹ രക്ഷാധികാരികളുമായും, സ്‌കൂള്‍മാനേജര്‍ വെരി.റവ. ഫാ. തോമസ് പ്രാലേല്‍ സ്‌കൂള്‍ ഹെഡ്മാസ്റ്റര്‍ ജോസ് എം. ഇടശ്ശേരി പ്രിന്‍സിപ്പല്‍ ശ്രീ. പി.ജെ. എബ്രാഹം , പി.ടി.എ. പ്രസിഡന്റ് ശ്രീ. കെ.എം.മാത്യു എന്നിവര്‍ ജനറല്‍ കണ്‍വീനര്‍മാരുമായി 101 അംഗ സ്വാഗതസംഘ കമ്മിറ്റി പ്രവര്‍ത്തനമാരംഭിച്ചു. ഉഴവൂർ ഓ എൽ എൽ ഹയർ സെക്കണ്ടറി സ്‌കൂൾ സ്റ്റേഡിയത്തിൽ വച്ച് നടത്തപെടുന്ന ടൂർണമെന്റ് ജനുവരി 15 നു സമാപിക്കും. അതിരൂപതയിലെ എട്ടു സ്‌കൂൾ ടീമുകളാണ് ഇത്തവണ മത്സരത്തിൽ പങ്കെടുക്കുന്നത്. ഉദ്ഘാടന മത്സരത്തിൽ ഏറ്റുമുട്ടുന്നത് എസ എസ്എസ്എ മൗണ്ട് കോട്ടയവും സെന്റ് മൈക്കിൾസ് കടുത്തുരുത്തിയുമായിരിക്കും. ടൂർണമെന്റിന്റെ സമ്പൂർണ്ണ ഫിക്‌സചർ താഴെ കൊടുത്തിരിക്കുന്നു.

Read more

ഉഴവൂരിൽ KCYL റീ യൂണിയൻ ഡിസംബർ 26 ന്

ഉഴവൂർ: ഉഴവൂർ കെ സി വൈ എൽ ന്റെ ആഭിമുഖ്യത്തിൽ മുൻ കെ സി വൈ എൽ അംഗങ്ങളുടെ റീ യൂണിയൻ നടത്തപ്പെടുന്നു. ഡിസംബർ 26 തിങ്കളാഴ്ച വൈകുന്നേരം 7 മണിക്ക് മെമ്മോറിയ 2K16 എന്ന പേരിൽ നടത്തപെടുന്ന സംഗമത്തിന്റെ ഭാഗമായി ഏവർക്കും ആസ്വദിക്കാൻ സാധിക്കത്തക്ക വിധത്തിൽ ഡി ജെ പാർട്ടി യടക്കം നിരവധി പരിപാടികൾ സംഘാടകർ ആസൂത്രണം ചെയ്തിട്ടുണ്ട്. ഈ പരിപാടിയിൽ പങ്കെടുക്കുവാനായി ഉഴവൂർ കെ സി വൈ എൽ ന്റെ എല്ലാ മുൻകാല അംഗങ്ങളെയും ഇപ്പോഴത്തെ അംഗങ്ങളെയും ക്ഷണിക്കുന്നതായി ഭാരവാഹികൾ അറിയിച്ചു.

Read more

ഉഴവൂര്‍; സെന്റ് സറ്റീഫന്‍സ് ഫൊറോന പളളിയില്‍ തിരുനാള്‍ ആരംഭിച്ചു.

ഉഴവൂര്‍: സെന്‍റ് സ്റ്റീഫന്‍സ് ഫൊറോന പള്ളിയില്‍ വി.എസ്തപ്പാനോസിന്‍െറ തിരുനാള്‍ ആരംഭിച്ചു.  2016 ഡിസംബര്‍ 24 ശനിയാഴ്ച 6.00 am ന്  : ലദീഞ്ഞ്‌, വി. കുര്‍ബാന, നൊവേന എന്നിവ ഉണ്ടായിരിക്കും വൈകിട്ട് 10.മണിക്കാണ്  : തിരുപ്പിറവിയുടെ തിരുക്കര്‍മ്മങ്ങളും വി. കുര്‍ബാനയും.                                      

2016 ഡിസംബര്‍ 25 ഞായറാഴ്ച ത്തെ തിരുക്കർമ്മങ്ങൾ താഴെ പറയും വിധമാണ് ക്രമീകരിച്ചിട്ടുള്ളത് 

6.00 am : വി. കുര്‍ബാന

7.30 am : വി. കുര്‍ബാന

6.30 pm : ലദീഞ്ഞ്‌ (ടൗണ്‍ കുരിശുപള്ളിയില്‍)

ആഘോഷപൂര്‍വ്വമായ പ്രദക്ഷിണം

(പള്ളിയിലേക്ക്‌)

9.00 pm : തിരുനാള്‍ സന്ദേശം

റവ. ഫാ. ജിന്‍സ്‌ നെല്ലിക്കാട്ടില്‍

9.30 pm : പരി. കുര്‍ബാനയുടെ ആശീര്‍വാദം

റവ. ഫാ. ജേക്കബ്‌ വാലേല്‍

പ്രധാന തിരുനാൾ ദിവസമായ 2016 ഡിസംബര്‍ 26 തിങ്കളാഴ്ചത്തെ തിരുക്കർമ്മങ്ങൾ താഴെ കൊടുത്തിരിക്കുന്നു.

6.00 am : വി. കുര്‍ബാന

6.45 am : വി. കുര്‍ബാന

10.00 am : തിരുനാള്‍ റാസ

വെരി. റവ. ഫാ. തോമസ്‌ കൈതാരം (വികാരി ജനറാൾ , കോട്ടയം അതിരൂപത)

തിരുനാള്‍ സന്ദേശം :റവ. ഫാ. ജോണ്‍ ചേന്നാക്കുഴി

12.30 pm : തിരുനാള്‍ പ്രദക്ഷിണം

1.30 pm : പരി. കുര്‍ബാനയുടെ ആശീര്‍വാദം

റവ. ഫാ. ഫിലിപ്പ്‌ കരിശ്ശേരിക്കല്‍

തിരുനാൾ കർമ്മങ്ങൾക്ക് വികാരി. ഫാ. തോമസ് പ്രാലേൽ, അസി. വികാര. ഫാ. മാത്യു വട്ടുകുളങ്ങര എന്നിവർ നേതൃത്വം നൽകും.

Read more

കെ.സി.സി. കൈപ്പുഴ ഫൊറോന പ്രവര്‍ത്തനോദ്‌ഘാടനം നടത്തി

നീണ്ടൂര്‍: കെ.സി.സി. കൈപ്പുഴ ഫൊറോന പ്രവര്‍ത്തനോദ്‌ഘാടനം നീണ്ടൂര്‍ സെന്റ്‌ മൈക്കിള്‍സ്‌ പാരീഷ്‌ ഹാളില്‍ വച്ച് നടത്തി. ജോസ്‌ കെ. മാണി എം.പി. ഉദ്‌ഘാടനം നിര്‍വഹിച്ചു. ഫൊറോന പ്രസിഡന്റ്‌ ഡോ. ലൂക്കോസ്‌ പുത്തന്‍പുരയില്‍ അധ്യക്ഷത വഹിച്ചു.

അതിരൂപതാ ചാപ്ലയിന്‍ ഫാ. മൈക്കിള്‍ വെട്ടിക്കാട്ട്‌ മുഖ്യപ്രഭാഷണവും ഫൊറോന ചാപ്ലയിന്‍ ഫാ. ലൂക്ക്‌ പൂതൃക്കയില്‍ അനുഗ്ര പ്രഭാഷണവും നടത്തി. നീണ്ടൂര്‍ പള്ളി വികാരി ഫാ. സജി മെത്താനത്ത്‌, മുന്‍ ഫൊറോന പ്രസിഡന്റ്‌ തോമസ്‌ കോട്ടൂര്‍, വൈസ്‌ പ്രസിഡന്റ്‌ സി.റ്റി. തോമസ്‌, ഫൊറോന സെക്രട്ടറി ജെയ്‌മോന്‍ വഞ്ചിപ്പുരയ്‌ക്കല്‍ എന്നിവര്‍ പ്രസംഗിച്ചു. അതിരൂപതാ ഭാരവാഹികള്‍ക്ക്‌ യോഗത്തില്‍ സ്വീകരണം നല്‍കി. അതിരൂപതാ പ്രസിഡന്റ്‌ സ്റ്റീഫന്‍ ജോര്‍ജ്‌ മറുപടി പ്രസംഗം പറഞ്ഞു.

Read more

കല്ലറ KCYL ന്റെ ക്വിസ്മസ് : അലൻ ജോയി പതതാം ദിന വിജയി. ആഘോഷങ്ങൾ തുടരുന്നു.

കല്ലറ: കെ സി വൈ എൽ ന്റെ ആഭിമുഖ്യത്തിൽ ക്രസിതുമസിനൊരുക്കമായി നടത്തി വന്നിരുന്ന ക്വിസ്‌മസ് എന്ന ക്വിസ് മത്സരത്തിന്റെ പതതാം ദിവസത്തെ ന്യൂഡൽഹിയിൽ നിന്നും അലെൻ ജോയി തെരഞ്ഞെടുക്കപ്പെട്ടു. പത്ത് ദിവസത്തെ മത്സരത്തിനിടയിൽ ഇത് രണ്ടാം തവണയാണ് സമ്മാനം ഡൽഹിയിലേക് എത്തുന്നത്. എട്ടാം ദിവസത്തെ വിജയിയായി ന്യൂഡൽഹിയിൽ നിന്നുള്ള ബീബി മാത്യുവും തെരഞ്ഞെടുക്കപ്പെട്ടിരുന്നു.

ആദ്യമായിട്ടാണ് ഒരു യൂണിറ്റ് ഓൺലൈൻ വഴി ലോകമെമ്പാടുമുള്ളവരെ ഒന്നിച്ച് ചേർത്ത് കൊണ്ട് ഒരു മത്സരം നടത്തുന്നത്. ഓരോ ദിനവും ഒരു ചോദ്യം വീതം 10 ദിനമാണ് മത്സരം ഒരുക്കിയിരുന്നത്. ഓരോ ദിവസവും ശരിയുത്തരം അയയ്ക്കുന്നവരിൽ നിന്നും നറുക്കെടുപ്പിലൂടെ തിരഞ്ഞെടുക്കുന്ന ഒരു വ്യക്തിയ്ക്ക് 200 രൂപ സമ്മാനം ലഭിച്ചിരുന്നു. ഇനി ബാക്കിയുള്ളത് വിജയികളുടെ വിജയിയെ തെരഞ്ഞെടുക്കുന്ന ബമ്പർ തെരഞ്ഞെടുപ്പാണ്. ബമ്പർ നറുക്കെടുപ്പിൽ വിജയിക്കുന്ന വ്യക്തിയ്ക്ക് 2000 രൂപ സമ്മാനം ലഭിക്കുന്നതാണ്. പ്രായമതഭേദമന്യേ ലോകമെങ്ങും ഉള്ളവർക്കൊപ്പം ഒന്നിച്ച് ഈ ക്രിസ്തുമസ് ആഘോഷിക്കുക എന്നതാണ് Jingle Bells എന്ന തങ്ങളുടെ ക്രിസ്തുമസ് ആഘോഷങ്ങൾക്കൊണ്ട് ലക്ഷ്യമാക്കിയത് എന്നും, Quizmas എന്ന് പേര് നൽകിയിരിക്കുന്ന ഈ ഓൺലെൻ ക്വിസ് മത്സരത്തിൽ ആവേശപൂർവ്വം ലോകത്തിന്റെ വിവിധ ഭാഗങ്ങളിൽ നിന്നും പങ്കെടുത്ത എല്ലാവർക്കും നന്ദി അറിയിക്കുന്നതായും കെ സി വൈ എൽ ഭാരവാഹികൾ അറിയിച്ചു. ഓരോ ദിവസവും നൂറിൽ പരം ശരിയുത്തരങ്ങൾ ലഭിച്ചിരുന്നു എന്നത് ഈ മത്സരത്തിന്റെ വിജയത്തെയാണ് സൂചിപ്പിക്കുന്നത് എന്ന് യൂണിറ്റ് ചാപ്ലയിൻ ഫാ. ജോസ് കുറുപ്പന്തറയിൽ അനുസ്മരിച്ചു. ശരിയുത്തരം അയച്ചു തന്ന എല്ലാവരും വിജയികളാണ് എന്നും വിജയികളിൽ നിന്നും തെരെഞ്ഞെടുക്കപ്പെട്ട ഓരോരുത്തർക്കും സമ്മാനങ്ങൾ നൽകുക മാത്രമാണ് ചെയ്തത് എന്നും അദ്ദേഹം ഓർമ്മിപ്പിച്ചു. വ്യത്യസ്‌തവും അനുകരണീയവുമായ മത്സരത്തിലൂടെ മുന്നോട്ടു വന്ന കെ സി വൈ എൽ കലയുടെ ഭാരവാഹികളെ അദ്ദേഹം അഭിനന്ദിച്ചു.

കല്ലറ പഴയപള്ളിയിലെ കെ സി വൈ എൽ നെ സംബന്ധിച്ചിടത്തോളം ആഘോഷങ്ങളുടെ രാവുകൾ ആരംഭിച്ചിട്ടേയുള്ളൂ എന്ന് പ്രസിഡണ്ട് മാത്യു നടുചൂരവേലിൽ പറഞ്ഞു. Jingle Bells എന്ന പേരിൽ ഏഴു പരിപാടികൾ കോർത്തിണക്കികൊണ്ടാണ് ഈ വര്ഷം കല്ലറയിലെ യുവജനങ്ങൾ ക്രിസ്തുമസിനെ വരവേൽക്കുന്നത്. ഡിസംബർ 7 മുതൽ 28 വരെ നീണ്ടു നിൽക്കുന്ന ക്രിസ്തുമസ് ഗ്രൂഫി (groufie) മത്സരം പുരോഗമിക്കുകയാണ്. ക്രിസ്തുമസ് തീമിൽ കുടുംബങ്ങളായി ഒരു ഫോട്ടോ ഫ്രെയിമിൽ എത്തുന്ന ഈ മത്സരം ഇതിനകം തന്നെ ചർച്ചയി കഴിഞ്ഞിട്ടുണ്ട്. കൂടാതെ ഡിസംബർ 17 ന് Old is Gold എന്ന അപ്പച്ചന്മാർക്കും അമ്മച്ചിമാർക്കും ഒപ്പമുള്ള ക്രിസ്തുമസ് എന്ന പരിപാടിയും കല്ലറയിലെ ജനങ്ങൾ ഹൃദയത്തിൽ സ്വീകരിച്ചു കഴിഞ്ഞു. ഇന്ന് മുതൽ ( 22,23 തീയതികളിൽ )നടത്തപെടുന്ന ക്രിസ്തുമസ് സന്ദേശ യാത്രയും വേറിട്ട രീതിയിൽ നടത്തികൊണ്ട് ക്രിസ്തുമസ് രാവുകളുടെ മണിനാദം എല്ലാ കുടുംബങ്ങളിലും എത്തിക്കുവാൻ വേണ്ടിയുള്ള ശ്രമത്തിലാണ് കല്ലറ കെ സി വൈ എൽ ടീം.

ഡിസംബർ 24 ന് ഇടവകയിൽ കെ സി വൈ എൽ ന്റെ നേതൃത്വത്തിൽ കരോൾ മത്സരവും ക്രിസ്തുമസ് നൈറ്റ് പ്രോഗ്രാമും കെ സി വൈ എൽ ന്റെ ആഭിമുഖ്യത്തിൽ നടത്തപെടുന്നുണ്ട്. കൂടാതെ 30, 31 തിയ്യതികളിലായി ഇത് ഞങ്ങളുടെ ഐക്യം എന്ന പേരിൽ യൂണിറ്റിലെ യുവജന സംഗമവും കമോൺട്രാ 2K17 എന്ന പേരിൽ പുതുവർഷാഘോഷങ്ങളും നടത്തപ്പെടുന്നു.

പരിപാടികൾക്ക് ചാപ്ലയിൻ ഫാ. ജോസ് കുറുപ്പന്തറ, അസി. ചാപ്ലയിൻ ഫാ. ബിജു തറയിൽ, ഡയറക്ടർ പീറ്റർ മഠത്തിപ്പറമ്പിൽ, സിസ്റ്റർ അഡ്വൈസർ സി. ജോയിഷ എന്നിവരുടെ മേൽനോട്ടത്തിൽ, ഭാരവാഹികളായ മാത്യു നടുചൂരവേലിൽ (പ്രസിഡണ്ട്), അഭിലാഷ് മറ്റത്തിക്കുന്നേൽ (സെക്രട്ടറി), ആൽബിൻ തൊട്ടീപറമ്പിൽ (ട്രഷറർ), ആനിമോൾ പുൽപ്രയിൽ (വൈസ് പ്രസിഡണ്ട്), ശ്രുതി തറയിൽ (ജോ. സെക്രട്ടറി) എന്നിവർ നേതൃത്വം നൽകി വരുന്നു..

Read more

അത്മാസ് വാര്‍ഷികം സംഘടിപ്പിച്ചു.

ഉഴവൂര്‍ സെന്റ് സ്റ്റീഫന്‍സ് കോളേജിലെ പൂര്‍വ്വ വിദ്യാര്‍ത്ഥി സംഘടനയായ അത്മാസിന്റെ വാര്‍ഷികം ജോസഫ് ചാഴികാട്ട് സ്മാരക ഹാളില്‍ വച്ച് സംഘടിപ്പിക്കപെട്ടു. വിവിധ രാജ്യങ്ങളിലായി ജോലി ചെയ്യുന്ന പൂര്‍വ്വ വിദ്യാര്‍ത്ഥികള്‍ ഉള്‍പെടെ പങ്കെടുത്ത പുര്‍വ്വ വിദ്യാര്‍ത്ഥി അധ്യാപക അനധ്യാപക സംഗമം തലമുറകളുടെ ഒത്തുചേരലുമായി. യോഗത്തില്‍ അധ്യക്ഷ പദവി അലങ്കരിച്ച സംഘടനയുടെ പ്രസിഡന്റ് ഫ്രാന്‍സീസ് കിഴക്കേക്കൂറ്റ് ഉഴവൂരിലെ പൂര്‍വ്വികര്‍ വിദ്യാസമ്പന്നര്‍ ആയിരുന്നില്ലെങ്കിലും അവരുടെ പരിശ്രമവും, കഠിനാധ്വാനവും, ദീര്‍ഘ വീഷണവും കൊണ്ട് 50 വര്‍ഷങ്ങള്‍ക്കപ്പുറം ഉഴവൂരില്‍ ഒരു കോളേജ് സ്ഥാപിക്കുകയും ധാരാളം വിദ്യാര്‍ത്ഥികള്‍ ഈ കോളേജില്‍ നിന്നും ഉന്നത വിദ്യാഭ്യാസം നേടി ലോകത്തെമ്പാടും ഉഴവൂരിന്റെ യശസ് വര്‍ദ്ധിപ്പിക്കുകയും ചെയ്തിട്ടുണ്ടെന്ന് ഫ്രാന്‍സീസ് കിഴക്കേക്കുറ്റ് തന്റെ അധ്യക്ഷ പ്രസംഗത്തില്‍ പറഞ്ഞു.

ആര്‍. ശങ്കര്‍ മുഖ്യമന്ത്രിയായിരിക്കെയാണ് കേരളത്തിലെമ്പാടും എല്ലാവര്‍ക്കും കോളേജുകള്‍ അനുവദിച്ചു നല്‍കിയതെന്നും അതില്‍ ക്രിസ്ത്യന്‍ മാനേജുമെന്റുകള്‍ മറ്റു മാനേജുമെന്റുകളെ അപേക്ഷിച്ച് നല്ലരീതിയില്‍ തങ്ങള്‍ക്കുലഭിച്ച വിദ്യാഭ്യാസ സ്ഥാപനങ്ങളെ വളര്‍ത്തി എന്നതാണ് സത്യമെന്ന് യോഗം ഉദ്ഘാടനം ചെയ്ത പി.സി. ജോര്‍ജ് പറഞ്ഞു. വേദിയില്‍ തന്നോടൊപ്പം ഉള്ള എല്ലാവരും തന്നെ പഴയ ജോസഫ് ഗ്രൂപ്പുകാരാണെന്ന യാദര്‍ശീകതയും അദേഹം സരസമായി തന്റെ പ്രസംഗമധ്യേ അവതരിപ്പിച്ചു. പ്രിന്‍സിപ്പല്‍ ഡോ. മേഴ്‌സി മൂലക്കാട്ട്, അത്മാസ് സെക്രട്ടറി സ്റ്റീഫന്‍ മാത്യൂ പാറയില്‍, അത്മാസ് വൈസ് പ്രസിഡന്റ് അഡ്വ. സ്റ്റീഫന്‍ ചാഴികാടന്‍, പൂര്‍വ്വ വിദ്യാര്‍ത്ഥിയും മഹാത്മാ ഗാന്ധി സര്‍വ്വകലാശാല സിന്‍ഡിക്കേറ്റംഗം ഡോ.എ. ജോസ് എന്നിവരെല്ലാം ഒരുകാലത്ത് ജോസഫ് ഗ്രൂപ്പിന്റെ ഭാഗമായിരുന്നു. അധികം വൈകാതെ കേരളാ കോണ്‍ഗ്രസുകള്‍ ഇല്ലാതാകുമെന്ന പ്രവചനവും അദേഹം നടത്തി. കൂടാതെ താനുള്‍പെടെയുള്ളവരെല്ലാം വലിയ അഹങ്കാരികളാണെന്ന തിരിച്ചറിവ് തനിക്കുണ്ടായതായും അദേഹം സദസില്‍ വെളിപെടുത്തി. അഹങ്കാരത്തില്‍ നിന്നും എല്ലാവരും പുറത്തുവരണമെന്നാണ് താന്‍ ആഗ്രഹിക്കുന്നതെന്ന് അദേഹം പറഞ്ഞു. സമയത്ത് ജോലിക്കെത്താത്ത ഉദ്യോഗസ്ഥരെ പേടിപ്പിച്ചിരുന്ന തന്റെ ശൈലിയിലും ഇനി മാറ്റം വരുത്തുമെന്നും അദേഹം പറഞ്ഞു. കുടുംബങ്ങളിലെ വിവിധ ആവശ്യങ്ങള്‍ പൂര്‍ത്തീകരിച്ച് ഓടിക്കിതച്ച് ജോലിക്കെത്തുന്നവരോട് മാനുഷീക പരഗണനയില്ലാരെ പെരുമാറേണ്ടി വന്നത് തന്റെ തന്നെ അഹന്തകൊണ്ടാണെന്നും ഇനി അതുണ്ടാവില്ലെന്നും അദേഹം പറഞ്ഞു.

സിന്ഡിക്കേറ്റംഗമായി തെരഞ്ഞെടുക്കപെട്ട പൂര്‍വ്വ വിദ്യാര്‍ത്ഥി ഡോ. എ. ജോസിന് മെമന്റോ നല്‍കി ആദരിച്ചു. യോഗത്തില്‍ പ്രിന്‍സിപ്പല്‍ ഡോ. മേഴ്‌സി മൂലക്കാട്ട്, പ്രൊഫ. സ്റ്റീഫന്‍ പാറയില്‍, അഡ്വ. സ്റ്റീഫന്‍ ചാഴികാടന്‍, ഡോ. ഫ്രാന്‍സീസ് സിറിയക്ക്, ഫാ. ലൂക്ക് പുതിയകുന്നേല്‍, സ്റ്റീഫന്‍ ചെട്ടിക്കന്‍, സണ്ണി ആനാലില്‍ തുടങ്ങിയവര്‍ പ്രസംഗിച്ചു. കോളേജിലെ കുട്ടികളുടെ വിവിധ കലാപരിപാടികള്‍ സംഗമത്തിന് കൊഴുപേകി.

സിംഗപ്പൂരില്‍ നിന്നെത്തിയ മെട്രീസ്, ദുബായില്‍ നിന്നെത്തിയ അജേഷ്, സ്റ്റീഫന്‍ ജോസഫ് കരിംതൊണ്ടിയില്‍, മലബാറില്‍ നിന്നെത്തിവര്‍, ജോമോന്‍ കെ.എസ്., ബിജു കെ.എല്‍., രാജേഷ് കെ. ഷാജു അഞ്ചക്കുന്നത്ത്, ജോസ് ചാണ്ടി തുടങ്ങി ലോകത്തിന്റെ വിവിധ കോണുകളില്‍ നിന്നും നാട്ടില്‍ നിന്നും ഒക്കെ ഒത്തുചേര്‍ന്നവര്‍ പരസ്പരം സൗഹൃദങ്ങള്‍ പങ്കുവെച്ചും, സെല്‍ഫികള്‍ എടുത്തും തങ്ങളുടെ കൂടിച്ചേരലുകളെ കൂടുതല്‍ അര്‍ത്ഥ പൂര്‍ണ്ണമാക്കി.

Read more

ഇരവിമംഗലം കക്കത്തുമല അഖിലകേരളാ വടംവലി മത്സരം ഇന്ന് LIVE on KVTV

ഇരവിമംഗലം: മലയാളി വടംവലി പ്രേമികളെ ആവേശം കൊള്ളിച്ച് കൊണ്ട് ഇരവിമംഗലം ഒരു സൂപ്പർ വെയിറ്റ് വടംവലി പോരാട്ടത്തിനും ഓവർ വെയിറ്റ് വടംവലി പോരാട്ടത്തിനും ഇന്ന് വേദിയാകുന്നു. സെന്റ് മേരീസ് ഇരവിമംഗലവും മൈത്രി ക്ലബും ചേർന്ന് അണിയിച്ചൊരുക്കുന്ന 6-> മത് അഖില കേരള വടംവലി മത്സരം ഇരവിമംഗലം, കക്കത്തുമലയിൽ ഇന്ന് (ഡിസംബർ 21 ബുധനാഴ്ച്ച (21-12-2016)) നടക്കുമ്പോൾ, ലോകമെമ്പാടുമുള്ള വടംവലി പ്രേമികൾക്കായി മത്സരങ്ങൾ തത്സമയ സംപ്രേക്ഷണം ക്നാനായവോയിസിലും കെ വി ടിവിയിലും തത്സമയം സംപ്രേക്ഷണം ചെയ്യുന്നു. കോട്ടയം ജില്ലാ വടംവലി അസോസിയേഷന്റെ നിയന്ത്രണത്തിൽ നടക്കുന്ന മത്സരങ്ങൾ കേവലം ഓൺലൈനിൽ കാണുക എന്നതിനുപരിയായി ഒരേസമയം ടി വിയിലും, സ്മാർട്ട് ഫോണുകളിലൂടെയും, റോക്കുബോക്സിലൂടെ കാണുവാനുള്ള അവസരമാണ് ഇന്ന് ഒരുങ്ങുന്നത്.

ഉച്ചകഴിഞ്ഞ് 3 മണിക്ക് റവ. ഫാ.ജോസഫ് മുളവനാല്‍ (വികാരി. സെന്റ് മേരീസ് ചര്‍ച്ച്. ഇരവിമംഗലം) ന്റെ അദ്ധ്യക്ഷതയില്‍ കൂടുന്ന പൊതുസമ്മേളനം അഡ്വ. മോന്‍സ് ജോസഫ് M L A ഉദ്ഘാടനം ചെയ്യും . ശ്രീ. ബിജു മറ്റപ്പളളി (മെമ്പര്‍. മാഞ്ഞൂര്‍. ഗ്രാമപഞ്ചായത്ത് ),ശ്രീ. മാത്യു പുല്ലുകാലാ (മെമ്പര്‍. കടുത്തുരുത്തി ഗ്രാമപഞ്ചായത്ത് ), റവ. ഫാ.സതീഷ് രാമച്ചനാട്ട് (വികാരി. കുറ്റൂര്‍ & ഓതറ ചര്‍ച്ച് തിരുവല്ല.) തുടങ്ങിയവര്‍ ആശംസകള്‍ അര്‍പ്പിച്ചുകൊണ്ട് സംസാരിക്കും.

450kg വിഭാഗത്ത്റ്റിൽ ഒന്നാം സമ്മാനമായി നൽകപ്പെടുന്നത് കുന്നേൽ കുര്യാക്കോ സ്പോൺസർ ചെയ്യുന്ന 50,001 രൂപയും കുന്നേൽ എബ്രഹാം & ഏലി മെമ്മോറിയൽഎവറോളിംഗ് ട്രോഫിയും മൂരിക്കുട്ടനുമാണ്. രണ്ടാം സമ്മാനമായി ബൈജു കുന്നേൽ സ്പോൺസർ ചെയ്യുന്ന 25001രൂപയും ബിജു കുന്നേൽ മെമ്മോറിയൽ എവർറോളിങ് ട്രോഫിയും മുട്ടനാടും നൽകപ്പെടും. മൂന്നാം സ്ഥാനത്ത് എത്തുന്ന ടീമിന് ജോയി തൈപ്പറമ്പിൽ സ്പോൺസർ ചെയ്യുന്ന 20001 രൂപയും ഉതുപ്പ് അന്നമ്മ തൈപ്പറമ്പിൽ മെമ്മോറിയൽ എവറോളിംഗ്‌ ട്രോഫിയും നൽകപ്പെടും. ഇതിനു പുറമെ നാലുമുതൽ പതിനാറു വരെ സ്ഥാനത്ത് എത്തുന്നവർക്കും പതിനയ്യായിരം മുതൽ 2500 വരെയുള്ള ആകർഷകമായ ക്യാഷ് പ്രൈസുകളും ഉണ്ടായിരിക്കും.

ഓവർ വെയിറ്റ് മത്സരവിഭാഗത്തിൽ ഒന്നാമതായി എത്തുന്ന ടീമിന് ബിനീഷ് പനങ്കാലാ സ്പോൺസർ ചെയ്യുന്ന 20001 രൂപയും ലൂക്കാ പുലിയളകുന്നേൽ മെമ്മോറിയൽ എവറോളിംഗ് ട്രോഫിയും മൂരികുട്ടനും ലഭിക്കും. രണ്ടാം സമ്മാനമായി നൽകപ്പെടുന്ന 1 5001 രൂപയും വി കെ അലക്‌സാണ്ടർ മെമ്മോറിയൽ എവറോളിംഗ്‌ ട്രോഫിയും മുട്ടനാടും സ്പോൺസർ ചെയ്യുന്നത് അലക്സ് പന്തമാൻചുവട്ടിലാണ്. ഇതിനു പുറമെ മൂന്നു മുതൽ എട്ടു വരെയുള്ള സ്ഥാനക്കാരെ കാത്തിരിക്കുന്നത് 10001 രൂപാ മുതൽ 2501 രൂപ വരെയുള്ള സമ്മാനങ്ങളാണ്.

കേരളത്തിലെ പേരുകേട്ട വടംവലി ടീമുകൾ പങ്കെടുക്കും എന്ന് പ്രതീക്ഷിക്കുന്ന ഇരവിമംഗലം വടംവലി, കേരളത്തിലെ വടംവലിമത്സരങ്ങളുടെയിടയിൽ ഏറ്റവും പ്രധാനമായ മത്സരങ്ങളുടെ ഗണത്തിലേക്ക് എത്തിയിരിക്കുകയാണ്.

Click here to View the Live Streaming on KVTV Live Channel

CLick Here to View the Live broadcast on YouTube

Read more

ചുളളിക്കരയില്‍ ക്രിസ്തുമസ് രാവും പാപ്പാ ഷോയും ഡിസംബർ 23ന്

ചുളളിക്കര: കെ.സി.സി. ചുളളിക്കരയുടെ നേതൃത്വത്തില്‍ സെന്റ് മേരീസ് പളളിയിലെ ഭക്തസംഘടനകളുടെ സഹകരണത്തോടെ "ക്രിസ്തുമസ്സ് സായാഹ്നം - 2016" എന്ന പേരിൽ ക്രിസ്തുമസ്സ് ആഘോഷങ്ങൾ ഡിസംബർ 23നു വൈകുന്നേരം 6.30-ന് നടത്തപ്പെടുന്നു.

വിവിധ മതസാംസ്‌കാരിക നേതാക്കള്‍ പങ്കെടുക്കുന്ന പരിപാടികൾ രാജപുരം കെ.സി.സി.ഫൊറോന ചാപ്ലയിന്‍ ഫാ. ഷാജി മുകളേല്‍ ഉദ്ഘാടനം നിര്‍വഹിക്കും. ചുളളിക്കര സെന്റ് മേരീസ് ചര്‍ച്ച് വികാരി ഫാ. ഫിലിപ്പ് ആനിമൂട്ടില്‍ അധ്യക്ഷത വഹിക്കും. ചുളളിക്കര ഡോണ്‍ ബോസ്‌ക്കോയിലെ ബ്രദര്‍ പോള്‍ ക്രിസ്മസ് സന്ദേശം നല്‍കും. കെ.സി.സി. മലബാര്‍ റീജിയണ്‍ പ്രസിഡന്റ് ബാബു കദളിമറ്റം, ചുളളിക്കര ഖത്തീബ് ജുമാ മസ്ജിദ് എം. ബഷീര്‍ ഹനീഫി, ചുളളിക്കര ശ്രീ ധര്‍മ്മ ശാസ്താ ഭജന മഠം പ്രസിഡന്റ് ഗോപി കുറുമാണം, ചുളളിക്കര സണ്‍ഡേ സ്‌കൂള്‍ ഹെഡ്മാസ്റ്റര്‍ സജി മുളവനാല്‍ എന്നിവര്‍ ആശംസകള്‍ അര്‍പ്പിക്കും. ചുളളിക്കര കെ.സി.സി.പ്രസിഡന്റ് ബിജു മുണ്ടപ്പുഴ സ്വാഗതവും ചുളളിക്കര കെ.സി.സി. സെക്രട്ടറി ഷാജി തറപ്പുത്തൊട്ടിയില്‍ നന്ദിയും പറയും. തുടര്‍ന്ന് സെന്റ് മേരീസ് പളളിയുടെ ഭക്തസംഘടനകള്‍ അണിയിച്ചൊരുക്കുന്ന ക്രിസ്തുമസ് രാവും പാപ്പാ ഷോയും.

Read more

പയ്യാവൂര്‍ സെന്റ്‌ ആന്‍സ് ടൗണ്‍ ഇടവകയില്‍ കാരുണ്യ ഭവനം നിർമിച്ചു നൽകി

പയ്യാവൂര്‍: സെന്റ്‌ ആന്‍സ് ടൗണ്‍ ഇടവകയിലെ വിശ്വാസ പരിശീലന കേന്ദ്രത്തിന്റെ നേതൃത്വത്തില്‍ കാരുണ്യ വര്‍ഷാചരണത്തിന്റെ ഭാഗമായി ഇടവകയിലെ നിര്‍ധനരായ ഒരു കുടുംബത്തിന് കാരുണ്യ ഭവനമൊരുങ്ങി. ഇടവകയിലെ ഇന്‍ഫന്‍റ്  ജീസസ് വെമ്പുവ വാര്‍ഡിലാണ് ഏഴര ലക്ഷം രൂപ ചെലവഴിച്ച് വീടിന്റെ നിര്‍മ്മാണം പൂര്‍ത്തിയായത്. വികാരി ഫാ. ബാബു പാറത്തോട്ടുംകര, സഹ .വികാരി ഫാ. അരുണ്‍ മുയല്‍ക്കല്ലിങ്കല്‍, വിശ്വാസപരിശീലനകേന്ദ്രം ഹെഡ്മാസ്റ്റര്‍ ജേക്കബ് സൈമണ്‍ എന്നിവരുടെ നേതൃത്വത്തില്‍ ഇടവകയിലെ പൂര്‍വ്വ വിദ്യാര്‍ത്ഥികളില്‍ നിന്നും അഭ്യുദയകാംക്ഷികളില്‍ നിന്നും സുമനസ്സുകളില്‍ നിന്നും സംഭാവനകള്‍ സ്വീകരിച്ചാണ് ഭവനനിര്‍മാണം പൂര്‍ത്തിയാക്കിയത്. മുന്‍ വികാരിയും ഈ സംരംഭത്തിന് തുടക്കക്കാരനുമായ ഫാ. ലൂക്ക് കരിമ്പില്‍ വെഞ്ചരിപ്പിന് മുഖ്യകാര്‍മികത്വം വഹിച്ചു.

Read more

ക്യാപ് @ കാമ്പസ് സന്ദേശ ജാഥയ്ക്കു കാരിത്താസ് ആശുപത്രിയിൽ സ്വീകരണം നൽകി

തെള്ളകം: ദീപികയും സർഗക്ഷേത്രയും മേളം ഫൗണ്ടേഷനും ചേർന്നുള്ള ക്യാപ് @ കാമ്പസ് സംസ്‌ഥാനതല സന്ദേശ ജാഥയ്ക്കു കാരിത്താസ് ആശുപത്രിയിൽ സ്വീകരണം നൽകി. കാൻസർ ചികിത്സാരംഗത്ത് ശ്രദ്ധേയമായ പ്രവർത്തനം കാഴ്ചവയ്ക്കുന്ന തെള്ളകം കാരിത്താസ് ആശുപത്രിയിൽ വൈകുന്നേരം യാത്രയെത്തി.

കാരിത്താസ് കാൻസർ ഇൻസ്റ്റിറ്റ്യൂട്ട് അങ്കണത്തിൽ കോട്ടയം അതിരൂപതയുടെ വികാരി ജനറാൾ ഫാ. മൈക്കിൾ വെട്ടിക്കാട്ടിന്റെ അധ്യക്ഷതയിൽ ചേർന്ന യോഗം ആർച്ച്ബിഷപ് മാർ മാത്യു മൂലക്കാട്ട് ഉദ്ഘാടനം ചെയ്തു. എംജി യൂണിവേഴ്സിറ്റി പ്രോ –വൈസ് ചാൻസലർ ഡോ. ഷീന ഷുക്കൂർ, ജോസ് കെ. മാണി എംപി, ആശുപത്രി ഡയറക്ടർ ഫാ.തോമസ് ആനിമൂട്ടിൽ, ഫാ. ബിനു കുന്നത്ത്. ഡോ. ബോബി എൻ. ഏബ്രഹാം, ഡോ. ജോസ് തോമസ്, ജാഥാ കോ–ഓർഡിനേറ്റർ സിറിയക് ചാഴികാടൻ എന്നിവർ പ്രസംഗിച്ചു.

കാൻസർ ചികിത്സാരംഗത്തും ബോധവത്കരണരംഗത്തും സമഗ്ര സംഭാവന നൽകിയതിന്റെ പേരിൽ യാത്രാ ടീം ആശുപത്രിയെ ആദരിച്ചു. യാത്രയുടെ ഉപഹാരം എംജി യൂണിവേഴ്സിറ്റി പ്രോ–വൈസ് ചാൻസലർ ഡോ. ഷീന ഷുക്കൂർ, ആശുപത്രി ഡയറക്ടർ ഫാ. തോമസ് ആനിമൂട്ടിലിനു സമർപ്പിച്ചു.

Read more

മനോരമക്കെതിരെ കെ.സി.സി രാജപുരം ഫൊറോനാ പ്രതിഷേധിച്ചു

രാജപുരം: മലയാള മനോരമയുടെ ഭാഷാപോഷണി ക്രിസ്തുവിന്റെ അന്ത്യ അത്താഴത്തെ അപമാനിക്കുന്ന ചിത്രം പ്രസിദ്ധീകരിച്ചതിനെ ക്നാനായ കത്തോലിക്ക കോൺഗ്രസ് (കെ.സി.സി) രാജപുരം ഫൊറോനാ കൗൺസിൽ ശക്തമായി പ്രതിഷേധിച്ചു. മതവികാരത്തിന് മുറിവേൽപ്പിച്ച ഇത്തരം നടപടികൾ തുടർന്നാൽ മനോരമ പത്രം ബഹിഷ്ക്കരിക്കുവാൻ കെ.സി.സി നിർബന്ധിതരാകുമെന്നു യോഗം മുന്നറിയിപ്പു നൽകി. ക്രിസ്ത്യൻ സഭകളും മലയോര കർഷകരും ഭൂരിഭാഗവും മനോരമ വരിക്കാരാണ് എന്ന കാര്യം കെ.സി.സി ചൂണ്ടിക്കാട്ടി. കർഷകരുടേയും പാവപ്പെട്ടവരുടേയും സംരക്ഷണത്തിനു വേണ്ടി ക്രിയാത്മകമായി പ്രവർത്തിക്കേണ്ടതിന്നു പകരം അവരെ ദ്രോഹിക്കുന്ന നടപടി സ്വീകരിച്ചാൽ ശക്തമായി പ്രതികരിക്കുമെന്ന് ഫൊറോനാ കൗൺസിൽ പ്രഖ്യപിച്ചു. ഫൊറോനാ ചാപ്ലിൻ ഫാ.ഷാജി മുകളേൽ യോഗം ഉദ്ഘാടനം ചെയ്തു.ഫൊറോനാ പ്രസിഡന്റ് സജി പ്ലാച്ചേരിപ്പുറത്ത് അദ്ധ്യക്ഷത വഹിച്ചു. ഫിലിപ്പ് കൊട്ടോടി, ബിജു മുണ്ടപുഴ, സുരേഷ് പേരുക്കരോട്ട്, പത്രോസ് മരോട്ടികുഴിയിൽ എന്നിവർ പ്രസംഗിച്ചു.

Read more

പയ്യാവൂർ സ്കൂളിൽ കരാട്ടെ പരിശീലനം ആരംഭിച്ചു

പയ്യാവൂർ: സർവ്വശിക്ഷാ അഭിയാൻ ഇരിക്കൂർ ബി ആർ സി യുടെ ആഭിമുഖ്യത്തിൽ പെൺകുട്ടികളുടെ ആരോഗ്യ- കായിക വിദ്യാഭ്യാസത്തിന്റെ ഭാഗമായി അവരുടെ ആത്മവിശ്വാസം വളർത്തുവാൻ ലക്‌ഷ്യം വച്ചുകൊണ്ട് പയ്യാവൂർ സേക്രഡ് ഹാർട്ട് സ്‌കൂളിൽ കരാട്ടെ പരിശീലനം ആരംഭിച്ചു. പി ടി എ പ്രസിഡണ്ട് ജോൺ ലൂക്കോസിന്റെ അധ്യക്ഷതയിൽ ഹെഡ്മാസ്റ്റർ പി എം മാത്യു ഉദ്ഘാടനം ചെയ്തു. ഇരിക്കൂർ ബി.പി.ഓ.ടി വി പവിത്രൻ പദ്ധതിയെക്കുറിച്ച് വിശദീകരണം നൽകി. പയ്യാവൂർ ഗ്രാമപഞ്ചായത്ത് മെമ്പർ സുഷ ബെന്നി, ബി.ആർ.സി. കോർഡിനേറ്റർ ഉണ്ണികൃഷ്ണൻ എന്നിവർ ആശംസ നേർന്നു. പ്രോഗ്രാം കോർഡിനേറ്റർ ജേക്കബ് സൈമൺ സ്വാഗതവും സ്റ്റാഫ് സെക്രട്ടറി മാത്യു മത്തായി നന്ദിയും പറഞ്ഞു.

Read more

പൂക്കയം സെന്റ് സ്റ്റീഫന്‍സ് ദേവാലയത്തില്‍ രജത ജൂബിലി സമാപനവും തിരുനാളും

രാജപുരം: പൂക്കയം സെന്റ് സ്റ്റീഫന്‍സ് ദേവാലയത്തില്‍ രജത ജൂബിലി സമാപനത്തിനും വിശുദ്ധ എസ്തഫാനോസിന്റെ തിരുനാളിനും തുടക്കം കുറിച്ചു. ഡിസംബര്‍ 18 മുതല്‍ 21 വരെ വൈകുന്നേരം 4 മണിക്ക് ലദീഞ്ഞ്, വിശുദ്ധ കുര്‍ബാന, നൊവേന. 22, 23 തീയതികളിൽ കളളാര്‍ തുരുഹൃദയ ആശ്രമ ടീം നയിക്കുന്ന വാര്‍ഷിക ധ്യാനം.

24ന് ശനിയാഴ്ച രാവിലെ 6.30ന് വിശുദ്ധ കുര്‍ബാന, നൊവേന. വൈകുന്നേരം 11 മണിക്ക് പിറവിയുടെ തിരുകര്‍മ്മങ്ങള്‍. ഡിസംബര്‍ 25 ഞായറാഴ്ച വൈകുന്നേരം 6 മണിക്ക് കനീലടുക്കം സെന്റ് ജോസഫ്് ദേവാലയത്തില്‍ നിന്ന് പ്രദക്ഷിണം. 8ന് തിരുനാള്‍ സന്ദേശം - ഫാ.ഡോ.ജോണ്‍സണ്‍ നിലാനിരപ്പേല്‍ (പ്രൊഫ. സെന്റ് തോമസ് സെമിനാരി വടവാതൂര്‍) , 8.30ന് പരിശുദ്ധ കുര്‍ബാനയുടെ ആശീര്‍വാദം - ഫാ. ഫിലിപ്പ് ആനിമൂട്ടില്‍.

ഡിസംബര്‍ 26 തിങ്കളാഴ്ച രാവിലെ 10 മണിക്ക് തിരുനാള്‍ കുര്‍ബ്ബാനയിൽ കോട്ടയം അതിരൂപത സഹായ മെത്രാന്‍ മാര്‍. ജോസഫ് പണ്ടാരശ്ശേരില്‍ മുഖ്യ കാർമ്മികനാകും. ഫാ.അബ്രാഹം പറമ്പേട്ട്, റവ. ഫാ. ഷാജി വടക്കേത്തൊട്ടി എന്നിവർ സഹകാര്‍മികരാകും. 12 മണിക്ക് പ്രദക്ഷിണം, പരിശുദ്ധ കുര്‍ബ്ബാനയുടെ വാഴ്‌വ്, 12.30ന് ജൂബിലി മെമ്മോറിയല്‍ മതബോധന കേന്ദ്രത്തിന്റെ സമര്‍പ്പണം - മാര്‍. ജോസഫ് പണ്ടാരശ്ശേരില്‍. തുടര്‍ന്ന് സ്‌നേഹ വിരുന്ന്.

Read more

പരിശുദ്ധ കന്യക മറിയത്തിന്റെ തിരുസ്വരൂപ പ്രയാണം രാജപുരം ദേവാലയത്തില്‍ സമാപിച്ചു.

രാജപുരം: രാജപുരം ബൈബിള്‍ കണ്‍വെന്‍ഷന്റെ ഒരുക്കമായി പരിശുദ്ധ കന്യക മറിയത്തിന്റെ തിരുസ്വരൂപ പ്രയാണം രാജപുരം ദേവാലയത്തില്‍ സമാപിച്ചു. ഡിസംബര്‍ ഒന്നിന് പാണത്തൂര്‍ സെന്റ് മേരീസ് ദേവാലയത്തില്‍ നിന്നും ആരംഭിച്ച പ്രയാണം, പനത്തടി രാജപുരം ഫൊറോനയിലെ ഇടവകളിലൂടെ സഞ്ചരിച്ചു. സമാപന ദിവസമായ ഡിസംബര്‍ 17ാം തീയ്യതി ചുളളിക്കര സെന്‍ര് മേരീസ് ദേവാലയത്തില്‍ നിന്നും രാജപുരം ഫൊറോന വികാരി ഫാ. ഷാജി വടക്കേത്തോട്ടിയുടെയും കളളാര്‍ ഒ.എസ്.എച്ച്. ആശ്രമത്തിലെ ഫാ. ജോര്‍ജ്ജ് കുടന്തയുടെയും നേത്യത്വത്തില്‍ ജപമാലയോടുകൂടി ആരംഭിച്ച്, നൂറുകണക്കിന് വാഹന അകമ്പടിയോടുകൂടി രാജപുരം തിരുകുടുംബ ദേവാലയത്തില്‍ എത്തിച്ചേര്‍ന്നു. തുടര്‍ന്ന് വിശുദ്ധകുര്‍ബാന, നൊവേന, ആരാധന എന്നിവ നടന്നു.

Read more

കെ.എസ്.എസ്.എസ് സ്വാശ്രയ നേതൃസംഗമം സംഘടിപ്പിച്ചു

കോട്ടയം: കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ സ്വാശ്രയ നേതൃസംഗമം സംഘടിപ്പിച്ചു. തെള്ളകം ചൈതന്യയില്‍ സംഘടിപ്പിച്ച സംഗമത്തിന്‍്റെ ഉദ്ഘാടനം കോട്ടയം അതിരൂപത മെത്രാപ്പോലിത്തായും കെ.എസ്.എസ്.എസ് രക്ഷാധികാരിയുമായ മാര്‍ മാത്യു മൂലക്കാട്ട് നിര്‍വ്വഹിച്ചു. കെ.എസ്.എസ്.എസ് സെക്രട്ടറി ഫാ. ബിന്‍സ് ചത്തേലില്‍, അസി. സെക്രട്ടറി ഫാ. ബിബിന്‍ കണ്ടോത്ത്, ഫാ. അലക്സ് ഓലിക്കര, ജോയി പുത്തേട്ട് എന്നിവര്‍ പ്രസംഗിച്ചു.

കെ.എസ്.എസ്.എസിന്‍്റെ നേതൃത്വത്തില്‍ കോട്ടയം, ഇടുക്കി, ആലപ്പുഴ, പത്തനംതിട്ട, എറണാകുളം ജില്ലകളിലായി സ്വാശ്രയസംഘ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന വനിതാ സന്നദ്ധ പ്രവര്‍ത്തകരുടെയും ഭര്‍ത്താക്കന്മാരുടെയും സംഗമമാണ് സംഘടിപ്പിച്ചത്. സംഗമത്തോടനുബന്ധിച്ച് കര്‍മ്മരേഖ രൂപീകരണവും വിവിധ കലാപരിപാടികളും നടത്തപ്പെട്ടു. 200 പേര്‍ പങ്കെടുത്തു.

Read more

ചാമക്കാലായിൽ ഇടവക യുവജന സംഗമം 26 ന്

ചാമക്കാല: ചാമക്കാല സെന്റ് ജോൺസ് ഇടവകയിലെ കെ സി വൈ എൽ ന്റെ ആഭിമുഖ്യത്തിൽ ഇടവക യുവജന സംഗമം നടത്തുന്നു. ഡിസംബർ 25 ന് സെന്റ് ജോൺസ് പാരീഷ് ഹാളിൽ വച്ചാണ് സംഗമം നടത്തപ്പെടുക. വൈകുന്നേരം 6 മണിമുതൽ ആരംഭിക്കുന്ന സംഗമത്തിന്റെ ഭാഗമായി നിരവധി കലാ കായിക പരിപാടികൾ ആസൂത്രണം ചെയ്തിട്ടുണ്ട്. ക്രിസ്തുമസ് ആഘോഷങ്ങളും, കരോൾ ഗാനങ്ങളും വ്യത്യസ്തങ്ങളായ ഗെയിമുകളും ഒക്കെ കോർത്തിണക്കി കൊണ്ട് നടത്തപെടുന്ന യുവജന സംഗമത്തിൽ പങ്കെടുക്കുവാനായി എല്ലാവരെയും ക്ഷണിക്കുന്നതായി കെ സി വൈ എൽ ഭാരവാഹികൾ അറിയിച്ചു. 

Read more

ഉഴവൂരിൽ സ്നേഹ കൂടാരം: നിങ്ങൾക്കും ഈ കാരുണ്യദീപ്തിയിൽ പങ്കാളിയാകാം.

ആഗോള കത്തോലിക്കായ് സഭ ആചരിച്ച കാരുണ്യ കാരുണ്യ വർഷം ഔദ്യോഗികമായി അവസാനിച്ചു എങ്കിലും കാരുണ്യത്തിന്റെ കരങ്ങൾ അവസാനിക്കുന്നില്ല എന്ന സന്ദേശവുമായി ഉഴവൂരിലെ യുവജനങ്ങൾ സ്നേഹ കൂടാരത്തിനു വേണ്ടി കൈകോർക്കുന്നു. ഉഴവൂർ KCYL UNIT ന്റെ ഏറെ നാളത്തെ സ്വപ്നമായിരുന്ന "സ്നേഹകൂടാരം" എന്ന ഭവനപദ്ധതിയുമായി മുന്നോട്ടു പോകുകയാണ് ഉഴവൂർ കെ സി വൈ എൽ. ഭവനരഹിതരായ ഒരു കുടുംബത്തിൻ ഒരു വീട് നിർമ്മിച്ചു നൽകുക എന്നതാണ് ഈ പദ്ധതിയുടെ ലക്ഷ്യം. ഈ പദ്ധതിയുടെ ഫണ്ട് സമാഹരണാർത്ഥം GLORIA-2016 എന്ന പേരിൽ ഒരു താരനിശ ഡിസംബർ മാസം 30-തിയതി ഉഴവൂർ O.L.L.H.S.S SCHOOL GROUNDൽ വച്ചു നടത്തപ്പെടുന്നു. മലയാള സിനിമയുടെ എക്കാലത്തേയും മികച്ച ഹാസ്യരാജാക്കന്മാരായ രമേഷ്_പിഷാരടി ‐ ധർമ്മജൻ കൂട്ടുകെട്ടിന്റെ ചിരിയുടെ മാലപടക്കം തീർക്കുന്ന ഒരു താരസന്ധ്യയാണ് നടത്തപ്പെടുന്നത്. ഉഴവൂർ കെ സി വൈ എൽ ന്റെ ഈ സ്നേഹകൂടാരത്തിൽ പങ്കാളിയാകുവാനുള്ള അവസരം ലോകമെമ്പാടുമുള്ള എല്ലാവർക്കും ലഭ്യമാണ്. ഈ മെഗാഷോയിൽ സ്പോൺസർ ആവുകയോ, സ്നേഹ കൂടാരം എന്ന ഭവന പദ്ധതിയിലേക്ക് നേരിട്ട് സംഭാവന നൽകുകയോ ചെയ്തു കൊണ്ട് ഉഴവൂരിലെ യുവജനങ്ങളുടെ കൂടെ കാരുണ്യത്തിന്റെ കൈത്തങ്ങായി മാറുവാൻ ഏവരേയും സ്നേഹപൂർവ്വം ക്ഷണിക്കുന്നു. കൂടുതൽ വിവരങ്ങൾക്ക് Contact- 9526302373 8086887674 8086266554 9656327200

Read more

കല്ലും തൂവാല സി.ഡി പ്രകാശനം ചെയ്തു

കുറുമുള്ളൂർ :  വി:എസ്തപ്പാനോസിന്റെ തിരുനാളിനോട്
അനുബന്ധിച്ചുള്ള കുര്‍ബാനയ്ക്ക് ശേഷം 
അനുബന്ധിച്ചുള്ള  കല്ലും തൂവാല സി ഡി  പ്രകാശനം ചെയ്തു. കുറുമുള്ളൂര്‍ വികാരി ഫാ. ജോസ് തേക്കുംനില്‍ക്കുന്നതില്‍, സ്റ്റെഫാന്‍ വോയ്‌സ് ജയേഷ് പൂത്തറയുടെയും മറ്റു ഇടവകാഗംങ്ങളുടെയും സാനിധ്യത്തില്‍ കെസിസി അതിരൂപതാ പ്രസിഡന്റും മുന്‍ എംഎല്‍എ യുമായ സ്റ്റീഫന്‍ ജോര്‍ജ്ജില്‍ നിന്നും ഫാ. ജോബി കൊച്ചുപറമ്പില്‍ ഏറ്റുവാങ്ങി. ജയേഷ് പൂത്തറയുടെ  സ്റ്റെഫാൻ വോയിസ് നേതൃത്വം നൽകുന്ന വി:എസ്തപ്പാനോസിന്റെ വിവിധങ്ങളായ ഭക്തിഗാനങ്ങളും വിശുദ്ധന്റെ നോവേനയുമാണ്‌ കല്ലും തൂവാലയിൽ ഉൾപ്പെടുത്തിയിരിക്കുന്നത്. 
                               ജയേഷ് മാത്യു , സ്മിതാ ജോൺ എന്നിവർക്ക് പുറമെ പിന്നണി ഗായകരായ കെസ്റ്റർ വിൽസൺ പിറവം എന്നിവരുടെ ആലാപനവും കല്ലുംതൂവാലയെ   ശ്രേദ്ധേയമാക്കിയിരിക്കുകയാണ്. ഗാന രചന നിർവഹിച്ചിരിക്കുന്നത് ജയേഷ് മാത്യു , ജെയ്‌മോൾ ടോമി, സാജു കണ്ണമ്പള്ളി എന്നിവരാണ്. വിശുദ്ധന്റെ നോവേനപ്രാര്‍ത്ഥന ഫാ. തോമസ് പ്രാലേലാണ് നിര്‍വഹിച്ചിരിക്കുന്നത്. തോമസ് നടക്കൽ പ്രെദീപ് അതിരമ്പുഴ എന്നിവർ അണിയറ പ്രവർത്തകരാണ്.
Read more

ഇരവിമംഗലം കക്കത്തുമല അഖിലകേരളാ വടംവലി മത്സരം നാളെ Live Telecast Available

അഖിലകേരളാ വടംവലി മത്സരം .നാളെ (21.12.2016 ) ഇരവിമംഗലം കക്കത്തുമല സെന്റ് മേരീസ് ഫ്‌ളഡ് ലൈറ്റ് സ്‌റ്റേഡിയത്തില്‍.ഉച്ചകഴിഞ്ഞ് 3 മണിക്ക് റവ.ഫാ.ജോസഫ് മുളവനാല്‍ (വികാരി. സെന്റ് മേരീസ് ചര്‍ച്ച്. ഇരവിമംഗലം)ന്റ് അദ്ധ്യക്ഷതയില്‍ കൂടുന്ന പൊതുസമ്മേളനം അഡ്വ. മോന്‍സി ജോസഫ് M L A ഉദ്ഘാടനം ചെയ്യുന്നു. ശ്രീ. ബിജു മറ്റപ്പളളി (മെമ്പര്‍. മാഞ്ഞൂര്‍. ഗ്രാമപഞ്ചായത്ത് ),ശ്രീ. മാത്യു പുല്ലുകാലാ (മെമ്പര്‍. കടുത്തുരുത്തി ഗ്രാമപഞ്ചായത്ത് ), റവ.ഫാ.സതീഷ് രാമച്ചനാട്ട് (വികാരി. കുറ്റൂര്‍ & ഓതറ ചര്‍ച്ച് തിരുവല്ല.) തുടങ്ങിയവര്‍ ആശംസകള്‍ അര്‍പ്പിച്ചുകൊണ്ട് സംസാരിക്കുന്നു.തുടര്‍ന്നു നടക്കുന്ന വടംവലി മത്സരത്തില്‍ 1st Prize നേടുന്ന ടീമിന് 50000 രൂപയും എവറോളിംഗ് ട്രോഫിയും, 2nd Prize നേടുന്ന ടീമിന് 30000 രുപയും എവറോളിംഗ് ട്രോഫിയും, 3rd Prize നേടുന്ന ടീമിന് 20000 രൂപയും എവറോളിംഗ് ട്രോഫിയും,4th Prize നേടുന്ന ടീമിന് 15000 രൂപയും എവറോളിംഗ് ട്രോഫിയും തുടര്‍ന്നുളള ടീമുകള്‍ക്ക് നിരവധി ക്യാഷ് അവാര്‍ഡുകളും ഉണ്ടായിരിക്കും.ഇതിനേതുടര്‍ന്നു ഓവര്‍ വെയിറ്റ് മത്സരവും ഉണ്ടായിരിക്കും.ഈ വടംവലി മാമാങ്കം KV TV -ലും Knanayavoice - ലും തത്സമയം സംപ്രേക്ഷണം ചെയ്യുന്നു.

അഖിലകേരളാ വടംവലി മത്സരം നാളെ (21.12.2016 ) ഇരവിമംഗലം കക്കത്തുമല സെന്റ് മേരീസ് ഫ്‌ളഡ് ലൈറ്റ് സ്‌റ്റേഡിയത്തില്‍. ഉച്ചകഴിഞ്ഞ് 3 മണിക്ക് റവ. ഫാ.ജോസഫ് മുളവനാല്‍ (വികാരി. സെന്റ് മേരീസ് ചര്‍ച്ച്. ഇരവിമംഗലം)ന്റ് അദ്ധ്യക്ഷതയില്‍ കൂടുന്ന പൊതുസമ്മേളനം അഡ്വ. മോന്‍സി ജോസഫ് M L A ഉദ്ഘാടനം ചെയ്യുന്നു. ശ്രീ. ബിജു മറ്റപ്പളളി (മെമ്പര്‍. മാഞ്ഞൂര്‍. ഗ്രാമപഞ്ചായത്ത് ),ശ്രീ. മാത്യു പുല്ലുകാലാ (മെമ്പര്‍. കടുത്തുരുത്തി ഗ്രാമപഞ്ചായത്ത് ), റവ. ഫാ.സതീഷ് രാമച്ചനാട്ട് (വികാരി. കുറ്റൂര്‍ & ഓതറ ചര്‍ച്ച് തിരുവല്ല.) തുടങ്ങിയവര്‍ ആശംസകള്‍ അര്‍പ്പിച്ചുകൊണ്ട് സംസാരിക്കുന്നു. തുടര്‍ന്നു നടക്കുന്ന വടംവലി മത്സരത്തില്‍ 1st Prize നേടുന്ന ടീമിന് 50000 രൂപയും എവറോളിംഗ് ട്രോഫിയും, 2nd Prize നേടുന്ന ടീമിന് 30000 രുപയും എവറോളിംഗ് ട്രോഫിയും, 3rd Prize നേടുന്ന ടീമിന് 20000 രൂപയും എവറോളിംഗ് ട്രോഫിയും, 4th Prize നേടുന്ന ടീമിന് 15000 രൂപയും എവറോളിംഗ് ട്രോഫിയും തുടര്‍ന്നുളള ടീമുകള്‍ക്ക് നിരവധി ക്യാഷ് അവാര്‍ഡുകളും ഉണ്ടായിരിക്കും. ഇതിനേതുടര്‍ന്നു ഓവര്‍ വെയിറ്റ് മത്സരവും ഉണ്ടായിരിക്കും. ഈ വടംവലി മാമാങ്കം KV TV -ലും Knanayavoice - ലും തത്സമയം സംപ്രേക്ഷണം ചെയ്യുന്നു.

Read more

KCYL ചങ്ങലെരി ഫൊറോനാ ക്രിസ്തുമസ് ആഘോഷങ്ങൾ 26 ന്

ചുള്ളിയോട്: കെ സി വൈ എൽ ചങ്ങലെരി ഫൊറോനായുടെ ആഭിമുഖ്യത്തിൽ ക്രിസ്തുമസ് ആഘോഷങ്ങൾ സംഘടിപ്പിക്കുന്നു. ചുള്ളിയോട് പ്രത്യാശാ മാതാവിന്റെ നാമധേയത്തിലുള്ള ഇടവക പള്ളിയിൽ വച്ചാണ് ആഘോഷങ്ങൾ സംഘടിപ്പിക്കുക. 26 വൈകുന്നേരം അഞ്ചുമണി മുതൽ ആരംഭിക്കുന്ന ആഘോഷങ്ങളുടെ ഭാഗമായി നിരവധി ആകർഷകമായ പരിപാടികളാണ് ആസൂത്രണം ചെയ്യപ്പെട്ടിരിക്കുന്നത്. കരോൾ ഗാനങ്ങളും ഗെയിമുകളും ഒക്കെ ചേർത്ത് ആസ്വാദ്യകരമായ ഒരു വൈകുന്നേരം സമ്മാനിക്കത്തക്ക വിധത്തിൽ ആസൂത്രം ചെയ്യപ്പെട്ടിരിക്കുന്ന ആഘോഷങ്ങളിലേക്ക് ഏവരെയും ക്ഷണിക്കുന്നതായി ചെങ്ങേലെരി കെ സി വൈ എൽ ഫൊറോനായ നേതൃത്വം അറിയിച്ചു.

Read more

Copyrights@2016.