india live Broadcasting

ഏറ്റുമാനൂരില്‍ വിശുദ്ധ യൗസെപ്പിതാവിന്റെ് നവനാള്‍ നൊവേനയും മരണത്തിരുനാളും

ഏറ്റുമാനൂരില്‍ വിശുദ്ധ യൗസെപ്പിതാവിന്റെ് നവനാള്‍ നൊവേനയും മരണത്തിരുനാളും ഏറ്റുമാനൂര്‍ സെന്റ് ജോസഫ് ഇടവക ദേവാലയത്തില്‍ ഇടവക മധ്യസ്ഥനും കുടുംബ ജീവിതക്കാരുടെ കാവല്‍ക്കാരനുമായ വിശുദ്ധ യൗസെപ്പിതാവിന്റെ് നവനാള്‍ നൊവേന മാര്‍ച്ച് 18 വരെ നടത്തപ്പെടും. എല്ലാ ദിവസവും വൈകുന്നേരം 5.30 ന് പരിശുദ്ധ കുര്‍ബാനയും നേര്‍ച്ചയും ഉണ്ടായിരിക്കും. തിരുനാള്‍ ദിവസമായ മാര്‍ച്ച് 19 ന് വൈകുന്നേരം 5 മണിക്ക് ആഘോഷമായ തിരുനാള്‍ കുര്‍ബാന, പ്രദിക്ഷിണം ഊട്ടുനേര്‍ച്ച എന്നിവ ഉണ്ടായിരിക്കുന്നതാണ്.

ഏറ്റുമാനൂര്‍ സെന്റ് ജോസഫ് ഇടവക ദേവാലയത്തില്‍ ഇടവക മധ്യസ്ഥനും കുടുംബ ജീവിതക്കാരുടെ കാവല്‍ക്കാരനുമായ വിശുദ്ധ യൗസെപ്പിതാവിന്റെ് നവനാള്‍ നൊവേന മാര്‍ച്ച് 18 വരെ നടത്തപ്പെടും. എല്ലാ ദിവസവും വൈകുന്നേരം 5.30 ന് പരിശുദ്ധ കുര്‍ബാനയും നേര്‍ച്ചയും ഉണ്ടായിരിക്കും. തിരുനാള്‍ ദിവസമായ മാര്‍ച്ച് 19 ന് വൈകുന്നേരം 5 മണിക്ക് ആഘോഷമായ തിരുനാള്‍ കുര്‍ബാന, പ്രദിക്ഷിണം ഊട്ടുനേര്‍ച്ച എന്നിവ ഉണ്ടായിരിക്കുന്നതാണ്.

Read more

ഡൽഹിയിലെ ക്നാനായ മിഷൻ ഫെസ്റ്റ് ഏപ്രിൽ 30 ന്

ഡൽഹി: ദൽഹി ക്നാനായ മിഷന്റെ ആഭിമുഖ്യത്തിൽ മിഷൻ ഫെസ്റ്റ് എന്ന പേരിൽ കലാ മത്സരങ്ങൾ നടത്തപ്പെടുന്നു. ഏപ്രിൽ 30 ഞായറാഴ്ച രാവിലെ 8.30 ന് ദിവ്യബലിയോടെ ആരംഭിക്കുന്ന കലാ മത്സരങ്ങൾ ഡൽഹിയുടെ കത്തോലിക്കാ സിരാകേന്ദ്രമായ ഗോൾ ഡക് ഖാന കത്തീഡ്രൽ പള്ളിയിലെ കമ്മ്യൂണിറ്റി സെന്ററിൽ വച്ചാണ് നടത്തപ്പെടുന്നത്. Kids, Sub-Juniors, Juniors, Seniors ഇനീ നാല് കാറ്റഗറികളിലായും ജനറൽ കാറ്റഗറിയിലുമാണ് മത്സരങ്ങൾ നടത്തപ്പെടുന്നത്. കൂടാര യോഗങ്ങളുടെയും കെ സി വൈ എൽ ന്റെയും അടിസ്ഥാനത്തിലാണ് മത്സരങ്ങൾ നടത്തപ്പെടുക. കലാ മത്സര ദിവസത്തിൽ തന്നെ വൈകുന്നേരം നാലുമണിക്ക് ദൽഹി ക്നാനായ കാത്തലിക്ക് മിഷന്റെ പൊതുയോഗവും നടത്തപ്പെടും. കലാ മത്സരങ്ങളുടെ സമാപന സമ്മേളനത്തിൽ ഡൽഹി അതിരൂപതാ ആർച്ച് ബിഷപ്പ് മാർ അനിൽ കൂട്ടോ പങ്കെടുക്കും. കൂടുതൽ വിവരങ്ങൾക്ക് ബന്ധപ്പെടുക ഫാ. ചാക്കോ വണ്ടൻകുഴിയിൽ 8800533925

Read more

സേവനം മാതൃകയാക്കി കല്ലറ KCYL

കല്ലറ: കല്ലറ പഴയപള്ളിയിലെ കെ സി വൈ എൽ സേവനം മുഖമുദ്രയാക്കികൊണ്ട് മുന്നോട്ട് കുതിക്കുകയാണ്. കേവലം മീറ്റിങ്ങുകളും സംഘടനാപ്രവർത്തനങ്ങളും കൊണ്ടും മാത്രം ഒതുങ്ങാതെ കല്ലറയുടെ സമഗ്രമായ നമക്ക് വേണ്ടി നിലകൊണ്ടുകൊണ്ടു മാതൃകയാവുകയാണ് കെ സി വൈ എൽ അംഗങ്ങൾ. കഴിഞ്ഞ ദിവസം കല്ലറയിലെ 90-ലധികം വരുന്ന മുഴുവൻ ദിശാ-അറിയിപ്പ് ബോർഡുകളും യൂണിറ്റംഗങ്ങൾ വൃത്തിയാകുകയുണ്ടായ. കല്ലറയിലേക്കുള്ള പ്രവേശിക്കുന്നിടം മുതൽ കല്ലറയുടെ വിവിധ ഭാഗങ്ങളിൽ ട്രാഫിക്ക് സംബന്ധമായും ദിശാ അറിയിപ്പ് സംബന്ധമായും സ്ഥാപിച്ചിരിക്കുന്ന ബോർഡുകളാണ് അംഗങ്ങൾ ഒത്തോരുമയോടെ വൃത്തിയാക്കിയത്. പൊടിയും ചെളിയും കൂടാതെ പോസ്റ്ററുകളുമൊക്കയായി പൊതുജനത്തിന് ഉപകാരപ്രദമല്ലാത്ത രീതിയിലേക്ക് ബോർഡുകൾ നീങ്ങിത്തുടങ്ങിയപ്പോഴേക്കും കെ സി വൈ എൽ അംഗങ്ങൾ സാമൂഹിക നന്മ ലക്ഷ്യമാക്കി എത്തിയപ്പോൾ, ബോർഡുകൾക്ക് പുതു ജന്മവും നാട്ടുകാർക്ക് പ്രയോജനവും ലഭിക്കുകയായിരുന്നു.

Read more

വൻ അപകടത്തിൽ നിന്നും കുടുംബത്തെ രക്ഷിച്ച കുരുന്നുകളെ ആദരിച്ചു.

ചുങ്കം: ചുങ്കം ഇടവകയിലെ ചേരിയിൽ കുടുംബത്തെ രാത്രിയിൽ ഉണ്ടായ തീപിടിത്തത്തിൽ നിന്നും മനസ്സാന്നിധ്യം കൊണ്ട് രക്ഷപ്പെടുത്തിയ കുരുന്നുകളെ ഇടവകയുടെ കൂടാരയോഗവും നാട്ടുകാരും ചേർന്ന് ആദരിച്ചു. ചേരിയിൽ ജോബിയുടെയും സിബിയുടെയും മക്കളായ ജോയേഷും ജോയലുമാണ് ധീരതയ്കുള്ള ആദരം ഏറ്റുവാങ്ങിയത്. പുലർച്ചെ രണ്ടേമുക്കാലോടെ കിടന്നിരുന്ന റൂമിന്റെ വാതിൽക്കൽ വച്ചിരുന്ന കൂളർ, ഷോർട്ട് സർക്യൂട്ട് തകരാർ മൂലം കത്തുകയും, തീ ബെഡിലേക്ക് പകരുകയും ചെയ്തപ്പോൾ, നിശ്ചയ ദാർഢ്യത്തോടെ ഒൻപത് വയസ്സുകാരനായ ജോയേഷ്‌ ചേട്ടനായ ജോയലിനെ വിളിച്ചുർണർത്തികൊണ്ട് നടത്തിയ സാഹസികമായ ഇടപെടലുകൾ മൂലം ഒരു കുടുംബം മുഴുവൻ ദാരുണമായ ഒരു വൻ അപകടത്തിൽ നിന്നും തലനാരിഴക്ക് രക്ഷപെടുകയായിരുന്നു. നിമിഷങ്ങളുടെ വ്യത്യാസത്തിലാണ് വൻ അപകടത്തിൽ നിന്നും മാതാപിതാക്കളും വല്യമ്മയും രക്ഷപെട്ടത്. തൊടുപുഴ ജയ്‌റാണി ഇഗ്ളീഷ് മീഡിയം സ്‌കൂളിലെ ഒൻപതാം ക്ലാസ് വിദ്യാർത്ഥിയാണ് സഹോദരങ്ങളിൽ മൂത്തവനായ ജോയൽ. ജോയേഷ്‌ അതെ സ്‌കൂളിലെ നാലാം ക്ലാസ്സ് വിദ്യാർത്ഥിയും. തീപിടുത്തത്തിൽ ആറ് വർഷം മുൻപ് മാത്രം നിർമ്മിച്ച വീടിന്റെ വയറിയിങ് മൊത്തമായും, കിടപ്പു മുറികളിലെ സാമഗ്രികളും കത്തി നശിച്ചിരുന്നു. കൃത്യ സമയത്ത് ഉണർന്നതും, മനസ്സാന്നിധ്യം കൈവിടാതെ മറ്റുള്ളവരെ ഉണർത്തി രക്ഷാ പ്രവർത്തനം നടത്തുവാൻ സാധിച്ചതും അപകടത്തിൽ നിന്നും ഒരു കുടുംബത്തെ രക്ഷിക്കുകയായിരുന്നു. മനസ്സാന്നിധ്യം കൈവിടാതെ, അപകടത്തിൽ നിന്നും രക്ഷപെടുവാൻ കുടുംബത്തെ സഹായിച്ച കുട്ടികളെ നാട്ടുകാരും ഇടവകയും അനുമോദിച്ചു.

Read more

വി. അന്തോനീസിന്‍െറ തിരുശേഷിപ്പിന് ഒളശയില്‍ സ്വീകരണം നല്‍കി

ഒളശ: ഇറ്റലിയിലെ പാദുവ ബസിലിക്കയിൽനിന്നു കൊണ്ടുവന്ന വിശുദ്ധ അന്തോണീസിന്റെ തിരുശേഷിപ്പ് സെന്റ് ആന്റണീസ് ദേവാലയത്തിൽ വണക്കത്തിനു വച്ചു. ഇറ്റലിയിൽനിന്നുവന്ന ഫാ. സ്റ്റീഫൻ ഒള്ളത്താഴത്തിന്റെ നേതൃത്വത്തിലാണു തിരുശേഷിപ്പ് എത്തിച്ചത്. ഫാ. കോൾബെയുടെ നേതൃത്വത്തിൽ സമൂഹബലി അർപ്പിച്ചു. ഫാ. സ്റ്റീഫൻ ഒള്ളത്താഴത്ത് സന്ദേശം നൽകി. സെന്റ് ആന്റണീസ് ഗായകസംഘം ഗാനങ്ങൾ ആലപിച്ചു.

രാവിലെ ഏഴു മുതൽ 11 വരെ വിവിധ ഇടവകകളിൽനിന്നുള്ളവർ ദേവാലയത്തിലെത്തി തിരുശേഷിപ്പു വണങ്ങി പ്രാർഥിച്ചു. പിന്നീട് അങ്കമാലി പള്ളിയിലേക്കു കൊണ്ടുപോയി. കുടയംപടി ജംക്‌ഷനിൽനിന്നു ബൈക്ക് റാലിയോടെയാണു തിരുശേഷിപ്പ് എതിരേറ്റത്. ഒളശ ജംക്‌ഷനിൽനിന്നു പ്രദക്ഷിണമായി പള്ളിയിൽ എത്തിയ തിരുശേഷിപ്പ് വികാരി റവ. ഡോ. മാത്യു കുര്യത്തറ ധൂപം അർപ്പിച്ച് സ്വീകരിച്ചു. കൺവീനർ സ്റ്റീഫൻ കുന്നുംപുറം, ഡേവിസ് കളപ്പുരയിൽ, ബാബു കളപ്പുര കുന്നുംപുറം തുടങ്ങിയവർ നേതൃത്വം നൽകി.

Read more

ബി.സി.എം. കോളേജ് ദിനാഘോഷം

കോട്ടയം: ബി.സി.എം. കോളേജിന്റെ 62-ാം കോളേജ് ദിനാഘോഷം മോന്‍സ് ജോസഫ് എം.എല്‍.എ. ഉദ്ഘാടനംചെയ്തു. പ്രിന്‍സിപ്പല്‍ ഷീലാ ചെറിയാന്‍, മാനേജര്‍ ഫാ. അലക്‌സ് അക്കപ്പറമ്പില്‍, ഫാ. ഫില്‍മോന്‍ കളത്ര, കോളേജ് യൂണിയന്‍ വൈസ് ചെയര്‍പേഴ്‌സണ്‍ ഷെറിന്‍ ഷിജു, ജനറല്‍ സെക്രട്ടറി ആഫിയാ ഷെരീഫ് എന്നിവര്‍ സംസാരിച്ചു.

Read more

ക്‌നാനായ കുടിയേറ്റം മലബാറിന്റെ വികസനത്തിന് ഉണര്‍വ് നല്‍കി : മാര്‍ മാത്യു മൂലക്കാട്ട്‌

ശ്രീകണ്ഠപുരം: ക്‌നാനായ കത്തോലിക്കരുടെ കുടിയേറ്റം മലബാറിന്റെ വികസനത്തിന് കരുത്ത് നല്‍കിയതായി കോട്ടയം അതിരൂപത ബിഷപ്പ് മാര്‍ മാത്യു മൂലക്കാട്ട് അഭിപ്രായപ്പെട്ടു. മലബാറിലേക്കുള്ള ക്‌നാനായ കുടിയേറ്റത്തിന്റെ എഴുപത്തിയഞ്ചാം വാര്‍ഷികത്തോടനുബന്ധിച്ച് മടമ്പത്ത് നടന്ന സെമിനാറില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം.

അവികസിത കുടിയേറ്റഗ്രാമങ്ങളില്‍ വികസനമെത്തിക്കാന്‍ ക്‌നാനായ കുടിയേറ്റത്തിന് കഴിഞ്ഞു. പുതിയ തലമുറ പഴയകാല കുടിയേറ്റ കര്‍ഷകരുടെ ത്യാഗം പുതിയ തലമുറ മാതൃകയാക്കണം -ആര്‍ച്ച് ബിഷപ്പ് അഭിപ്രായപ്പെട്ടു.

സെന്റ് തോമസ് ക്രിസ്ത്യന്‍ എന്‍സൈക്ലോപീഡിയ എഡിറ്റര്‍ ഫാ. ജോര്‍ജ് മേനാച്ചേരി ഉദ്ഘാടനം ചെയ്തു. കോട്ടയം അതിരൂപത സഹായമെത്രാന്‍ മാര്‍ ജോസഫ് പണ്ടാരശ്ശേരി, ഫാ. ഷാജി മുകളേല്‍, ഫാ. അബ്രഹാം പറമ്പേട്ട്, ഫാ. ജോയി കറുകപ്പറമ്പില്‍, കെ.ബിനോയി എന്നിവര്‍ സംസാരിച്ചു. ഫാ. സൈജു മുകളേല്‍, ഫാ. മാത്യു കുഴിപ്പള്ളി, ഫാ. ജോര്‍ജ് കപ്പുകാലായില്‍, ഫാ. ബാബു കടലാടി മറ്റം, ഫാ. ജേക്കബ് മുള്ളൂര്‍, സിസ്റ്റര്‍ എന്‍.സി.ജസ്സി, ഡോ. സി.കെ.ലൂക്കോസ്, ടി.എ.സ്റ്റീഫന്‍ എന്നിവര്‍ സെമിനാറില്‍ വിഷയങ്ങള്‍ അവതരിപ്പിച്ചു.

Read more

ഇ.ജെ ലൂക്കോസ് അനുസ്മരണം നടത്തി

ഉഴവൂര്‍: യശശരീരനായ ഏറ്റുമാനൂരിന്റെ മുന്‍ എം.എല്‍.എ.യും, കേരളാ കോണ്‍ഗ്രസ് എം. സംസ്ഥാന ജനറല്‍ സെക്രട്ടറിയും, ക്‌നാനായ കത്തോലിക്കാ കോണ്‍ഗ്രസ് മുന്‍ അതിരൂപതാ പ്രസിഡന്റും, റിട്ട. ഹെഡ്മാസ്റ്ററുമായിരുന്ന ഇ.ജെ. ലൂക്കോസ് എക്‌സ്.എം.എല്‍.എ.യുടെ അഞ്ചാം ചരമ വാര്‍ഷിക ദിനം സമുചിതമായി ആചരിച്ചു. ക്‌നാനായ കത്തോലിക്കാ കോണ്‍ഗ്രസിന്റേയും, ഉഴവൂര്‍ പൗരാവലിയുടേയും സംയുക്താഭിമുഖ്യത്തിലാണ് അനുസ്മരണ ചടങ്ങുകള്‍ സംഘടിപ്പിച്ചത്. പൊതുസമ്മേളനത്തില്‍ ക്‌നാനായ കത്തോലിക്കാ കോണ്‍ഗ്രസ് അതിരൂപതാ പ്രസിഡന്റും സംഘാടക സമിതി ജനറല്‍ കണ്‍വീനറുമായ സ്റ്റീഫന്‍ ജോര്‍ജ് എക്‌സ്.എം.എല്‍.എ. അധ്യക്ഷത വഹിച്ചു. മുന്‍ ജലസേചന വകുപ്പുമന്ത്രി പി.ജെ. ജോസഫ്. എം.എല്‍.എ. സമ്മേളനം ഉദ്ഘാടനം ചെയ്തു. കരിങ്കുന്നം സ്‌കൂള്‍ ഹെഡ്മാസ്റ്ററായി ഇ.ജെ. ലൂക്കോസ്‌സാര്‍ സേവനം ചെയ്യുന്ന അവസരത്തിലാണ് തങ്ങള്‍ തമ്മലുള്ള ഊഷ്മളമായ അടുപ്പം ആരംഭിച്ചതെന്നും സ്‌കൂളിന്റെ വികസന കാര്യങ്ങളിലുള്ള സാറിന്റെ പ്രത്യേക താല്പര്യം അദേഹത്തിന്റെ ഉള്ളിലെ പൊതുപ്രവര്‍ത്തകനേയും വീക്ഷണശാലിയേയും അടുത്തറിയുന്നതിനും സഹായിച്ചു. പിന്നീട് 1982ലെ നിയമസഭാ തെരഞ്ഞെടുപ്പില്‍ ലൂക്കോസ് സാറിന് സീറ്റു ലഭ്യമാക്കുന്നതിനുവേണ്ടി ഏറ്റുമാനൂര്‍ സീറ്റില്‍ താന്‍ കടുംപിടുത്തം പിടിക്കുകയും അവസാനം ഡല്‍ഹിയില്‍ വരെ പോയി ഇന്ദിരാ ഗാന്ധിയുമായും ചര്‍ച്ച ചെയ്താണ് ആ സീറ്റ് ലൂക്കോസ് സാറിന് നല്‍കാന്‍ സാധിച്ചത്. പിന്നീട് ഏറ്റുമാനൂര്‍ മണ്ഡലത്തിന്റെ സുവര്‍ണ്ണകാലഘട്ടമായിരുന്നു. ലൂക്കോസ് സാറിന്റെ പ്രത്യേക താല്പര്യപ്രകാരം എം.ജി യൂണിവേഴ്‌സിറ്റി മണ്ഡലത്തിന് ലഭ്യമായതും, ഏറ്റുമാനൂരിലെ മുഴുവന്‍ ജനങ്ങള്‍ക്കും കുടിവെള്ളം ലഭ്യമാകണമെന്ന ആഗ്രഹത്തില്‍ ലൂക്കോസ് സാര്‍ മുന്‍കൈയ്യെടുത്ത് തുടക്കം കുറിച്ച പട്ടര്‍മഠം കുടിവെള്ള പദ്ധതിയും ലൂക്കോസ് സാറിനേക്കുറിച്ചോര്‍ക്കുമ്പോള്‍ തന്റെ സ്മരണയില്‍ തിളങ്ങി നില്‍ക്കുന്ന ഏടുകളാണെന്ന് ഉദ്ഘാടന പ്രസംഗത്തില്‍ പി.ജെ. ജോസഫ് അനുസ്മരിച്ചു.ഭരണവിരുദ്ധ വികാരത്തില്‍ അടുത്ത തെരഞ്ഞെടുപ്പില്‍ ഭരണാധികാരികള്‍ നിലംപൊത്തുമ്പോള്‍ താന്‍ ചെയ്ത വികസനപ്രവര്‍ത്തനങ്ങളുടെ തുടിക്കുന്ന ഓര്‍മ്മകള്‍ ഇ.ജെ. ലൂക്കോസ് സാറിനെ ജനഹൃദയങ്ങളില്‍ നിലനിര്‍ത്തുന്നുവെന്ന് ആര്‍ച്ച് ബിഷപ്പ് മാര്‍ മാത്യൂ മൂലക്കാട്ട് മെത്രാപോലീത്താ തന്റെ അനുഹ്ര പ്രഭാഷണത്തില്‍ പറഞ്ഞു. ലൂക്കോസ് സാറിന്റെ ശിഷ്യനായി ഉഴവൂര്‍ ഒ.എല്‍.എല്‍. ഹൈസ്‌കൂളില്‍ പഠിച്ച തനിക്ക് പിന്നീട് അദേഹം ഹെഡ്മാസ്റ്ററായിരിക്കെ അദേഹത്തിനു കീഴില്‍ അധ്യാപകനായി ജോലിചെയ്യുന്നതിനുള്ള അവസരവും ലഭിക്കുകയുണ്ടായതും അദേഹം തന്റെ പ്രസംഗത്തില്‍ ഓര്‍മ്മിച്ചു.കടുത്തുരുത്തി എം.എല്‍.എ. മോന്‍സ് ജോസഫ്, മുന്‍ ഇടുക്കി എം.പി. ഫ്രാന്‍സീസ് ജോര്‍ജ്, മുന്‍ ഏറ്റുമാനൂര്‍ എം.എല്‍.എ. തോമസ് ചാഴികാടന്‍, ഗ്രമപഞ്ചായത്ത് പ്രസിഡന്റ് ഇന്‍ ചാര്‍ജ് പി.എല്‍. അബ്രാഹം, ബ്ലോക്ക് പഞ്ചായത്ത് പ്രസിഡന്റ് മോളി ലൂക്കോസ്, ഉഴവൂര്‍ ഫൊറോനാ പള്ളി വികാരി റവ.ഫാ. തോമസ് പ്രാലേല്‍, സര്‍വീസ് സഹകരണ ബാങ്ക് പ്രസിഡന്റ് പ്രൊഫ. ബേബി കാനാട്ട്, ഗ്രാമപഞ്ചായത്തംഗം ഷേര്‍ളി രാജു, സി.പിഎം. ലോക്കല്‍ സെക്രട്ടറി ഷെറി മാത്യൂ, സി.പി.ഐ. ലോക്കല്‍ സെക്രട്ടറി വിനോദ് പുളിക്കനിരപേല്‍, കോണ്‍ഗ്രസ് മണ്ഡലം പ്രസിഡന്റ് ടോമി കന്നുംകുളമ്പില്‍, എന്‍.സി.പി. മണ്ഡലം പ്രസിഡന്റ് അനില്‍ ആറുകാക്കല്‍, വ്യാപാരി വ്യവസായി ഏകോപന സമിതി പ്രസിഡന്റ് സൈമണ്‍ ജോസഫ്, കെ.സി.സി. അതിരൂപതാ ജനറല്‍ സെക്രട്ടറി ഷൈജി ഓട്ടപ്പള്ളില്‍, അതിരൂപതാ ട്രഷറാര്‍ സാബു മുണ്ടകപ്പറമ്പില്‍, അതിരൂപതാ ജോയിന്റ് സെക്രട്ടറി ജേക്കബ് വാണിയംപുരയിടത്തില്‍, എ.കെ.സി.സി. പ്രതിനിധി ജോസ് തൊട്ടിയില്‍, എ.ഐ.സി.യു. പ്രതിനിധി സ്റ്റീഫന്‍ ചെട്ടിക്കത്തോട്ടത്തില്‍, മുന്‍ അതിരൂപതാ പ്രസിഡന്റ് പ്രൊഫ. ജോയി മുപ്രാപ്പള്ളില്‍, സെനിത്ത് ലൂക്കോസ് എള്ളങ്കില്‍ എന്നിവര്‍ അനുസ്മരണ പ്രഭാഷണങ്ങള്‍ നടത്തി.നേരത്തെ അനുസ്മരണത്തോടനുബന്ധിച്ച് നടത്തപെട്ട ദിവ്യബലിയില്‍ കോട്ടയം അതിരൂപതാ വികാരി ജനറാള്‍ റവ.ഫാ. മൈക്കിള്‍ വെട്ടിക്കാട്ട് മുഖ്യകാര്‍മ്മികത്വം വഹിച്ചു. റവ.ഫാ. സ്റ്റീഫന്‍ പെയ്യാനിയില്‍ ഒ.എഫ്.എം. കപ്യൂച്ചിന്‍ സഹകാര്‍മ്മികനായിരുന്നു. ശവകുടീരത്തില്‍ നടത്തിയ ഒപ്പീസ് പ്രാര്‍ത്ഥനയില്‍ കെ.സി.സി. ഉഴവൂര്‍ ഫൊറോന ചാപ്ലെയിന്‍ റവ.ഫാ. ജേക്കബ് വാലേല്‍ മുഖ്യകാര്‍മ്മികനായിരുന്നു. പാരീഷ് ഹാളില്‍ നടന്ന മന്ത്രായ്ക്ക് റവ.ഫാ. തോമസ് പ്രാലേല്‍ മുഖ്യകാര്‍മ്മികത്വം വഹിച്ചു.പരിപാടികള്‍ക്ക് ഫാ. ജിബിന്‍ പാറടിയില്‍, പി.എം. മാത്യൂ, അബ്രാഹം വെളിയത്ത്, സണ്ണി വെട്ടുകല്ലേല്‍, മത്തച്ചന്‍ വടക്കേക്കര, സണ്ണി തൊട്ടിയില്‍, സണ്ണി കുഴിപ്പിള്ളില്‍, ഷാജു അഞ്ചക്കുന്നത്ത്, ബേബി കിഴക്കേക്കര, റെജി പുതുപ്പറമ്പില്‍, ജോമി കൈപ്പാറേട്ട്, ജിയോ ജോസഫ് തുടങ്ങിയവര്‍ നേതൃത്വം നല്‍കി.

Read more

പുത്തെൻ ഉണർവ്വുമായി KCYL ചന്നൈ റീജിയൻ വിനോദയാത്ര

ചെന്നൈ: ചെന്നൈ നഗരത്തിലും പരിസരങ്ങളിലുമായി പഠിക്കുകയും ജോലി ചെയ്യുകയും ചെയ്യുന്ന കെ സി വൈ എൽ ചെന്നൈ റീജിയൻ അംഗങ്ങൾക്ക് യുവത്വത്തിന്റെ പുത്തെൻ ഉണർവേകി ഏകദിന വിനോദ യാത്ര, തമിഴ്‌നാട് - ആന്ധ്രാ അതിർത്തിയിലുള്ള ഗൂഡിയം കേവ്‌സിലേക്കുള്ള ട്രക്കിങ് അംഗങ്ങൾക്ക് രു നവ്യാനുഭവമായി. ഏകദേശം മുപ്പതോളം അംഗങ്ങൾ പങ്കെടുത്ത യാത്രയിൽ കെ സി വൈ എൽ ചെന്നൈ റീജിയണൽ മാർച്ച് മാസത്തെ മീറ്റിങ്ങും സംഘടിക്കപ്പെട്ടു. റീജിയൻ പ്രസിഡണ്ട് ജെസ്വിൻ പള്ളിപ്പുറത്ത് അധ്യക്ഷത വഹിച്ച മീറ്റിങ്, വിനോദയാത്രയുടെ ആഘോഷങ്ങൾക്കനുസൃതമായി തികച്ചും അനുപചാരികമായാണ് നടത്തപ്പെട്ടത്. ഈ മാസം ജന്മദിനം ആഗഹിഷിക്കുന്ന അംഗങ്ങളുടെ ജന്മദിനാഘോഷങ്ങളും വിനോദയാത്രയുടെ മാറ്റ് കൂട്ടി.

പുരാതന പാട്ടുകളും നാടൻപാട്ടുകളും കൊണ്ട് ആവേശഭരിതമായ വിനോദയാത്ര, മാർച്ച് അഞ്ച് ഞായറാഴ്ച രാവിലെ ഗിണ്ടി റേസ് കോഴ്‌സിൽ നിന്ന് ആരംഭിച്ചു. തിരുവള്ളൂർ ജില്ലയിലെ ഗൂഡിയം കെവ്‌സിലേക്ക് ട്രാക്കിങ്, പൂണ്ടി റിസർവോയർ സന്ദർശനം എന്നിവ അംഗങ്ങൾ ആസ്വദിച്ചു.

Read more

സി. ഷൈനി എസ് വി എം ചെറുപുഷ്പ മിഷൻ ലീഗിന്റെ സംസ്ഥാന വൈസ് ഡയറക്ടർ

ചുങ്കം: കരിങ്കുന്നം സെന്റ് അഗസ്റ്റിൻ ഹൈസ്‌കൂൾ അധ്യാപികയും വിസിറ്റേഷൻ സന്യാസിനിയുമായ സി. ഷൈനി, ചെറുപുഷ്പ മിഷൻ ലീഗിന്റെ സംസ്ഥാന വൈസ് ഡയറക്ടർ ആയി നിയമിതയായി. കിടങ്ങൂർ പുത്തൂർ കുടുംബാംഗമായ സി. ഷൈനി ഇപ്പോൾ ചുങ്കം വിസിറ്റേഷൻ കോൺവെന്റിലാണ് സേവനം അനുഷ്ഠിക്കുന്നത്. 

Read more

സി​​സ്റ്റ​​ർ സാ​​വി​​യോ മെ​​മ്മോ​​റി​​യ​​ൽ പ്ര​​സം​​ഗ മ​​ത്സ​​രം

കോ​​ട്ട​​യം: സ്ത്രീ​​ക​​ളു​​ടെ സു​​ര​​ക്ഷ​​യ്ക്ക് അ​​വ​​ർ​​ത​​ന്നെ രം​​ഗ​​ത്തി​​റ​​ങ്ങേ​​ണ്ട അ​​വ​​സ്ഥ​​യാ​​ണു​​ള്ള​​തെ​​ന്നും ആ​​ധു​​നി​​ക കാ​​ല​​ഘ​​ട്ട​​ത്തി​​ലെ വി​​ദ്യാ​​ർ​​ഥി​​നി​​ക​​ൾ വെ​​ല്ലു​​വി​​ളി​​ക​​ളെ ധൈ​​ര്യ​​ത്തോ​​ടെ നേ​​രി​​ടു​​ന്ന​​വ​​രാ​​ക​​ണ​​മെ​​ന്നും ഡോ. ​​കെ.​​എ​​സ്. രാ​​ധാ​​കൃ​​ഷ്ണ​​ൻ. ബി​​സി​​എം കോ​​ള​​ജ് സ്റ്റാ​​ഫ് അ​​സോ​​സി​​യേ​​ഷ​​ന്‍റെ ആ​​ഭി​​മു​​ഖ്യ​​ത്തി​​ൽ സി​​സ്റ്റ​​ർ സാ​​വി​​യോ മെ​​മ്മോ​​റി​​യ​​ൽ അ​​ഖി​​ല കേ​​ര​​ള പ്ര​​സം​​ഗ മ​​ത്സ​​ര​​ത്തി​​ന്‍റെ സ​​മ്മാ​​ന​​ദാ​​ന​​വും അ​​നു​​സ്മ​​ര​​ണ സ​​മ്മേ​​ള​​ന​​വും ഉ​​ദ്ഘാ​​ട​​നം ചെ​​യ്തു പ്ര​​സം​​ഗി​​ക്കു​​ക​​യാ​​യി​​രു​​ന്നു അ​​ദ്ദേ​​ഹം. പ്രി​​ൻ​​സി​​പ്പ​​ൽ പ്ര​​ഫ. ഷീ​​ല ചെ​​റി​​യാ​​ൻ അ​​ധ്യ​​ക്ഷ​​ത വ​​ഹി​​ച്ചു. ഫാ. ​​ഫി​​ൽ​​മോ​​ൻ ക​​ള​​ത്ര, ഡോ. ​​അ​​ജീ​​സ് ബെ​​ൻ മാ​​ത്യൂ​​സ്, പ്ര​​ഫ. സു​​മ​​ൻ ഏ​​ബ്ര​​ഹാം, പ്ര​​ഫ. രാ​​ജേ​​ഷ് പി.​​സി. എ​​ന്നി​​വ​​ർ പ്ര​​സം​​ഗി​​ച്ചു.

Read more

ക്നാനായ മലബാർ കുടിയേറ്റ സിംപോസിയം മടമ്പത്ത് നടന്നു

മടമ്പം: കോട്ടയം അതിരൂപതയുടെ നേതൃത്വത്തിൽ മലബാറിലേക്ക് 1943 ൽ നടത്തിയ ഐതിഹാസികമായ ക്നാനായ കുടിയേറ്റത്തിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായി മടമ്പം മോൺ. സിറിയക് മറ്റത്തിൽ മെമ്മോറിയൽ ഹാളിൽ ക്നാനായ മലബാർ കുടിയേറ്റ സിംപോസിയം നടന്നു. സിമ്പോസിയം സെന്‍റ് തോമസ്  ക്രിസ്ത്യന്‍ എന്‍സൈക്ളോപീഡിയ ചീഫ് എഡിറ്റര്‍ പ്രഫ.ജോര്‍ജ് മേനാച്ചേരി  ഉദ്ഘാടനം ചെയ്തു. കുടിയേറ്റങ്ങളുടെ സാര്‍വ്വലൗകിക സ്വഭാവം ജോര്‍ജ് മേനാച്ചേരി സമ്മേളനത്തില്‍ ഊന്നി പറഞ്ഞു. കോട്ടയം അതിരൂപതാധ്യക്ഷന്‍ മാര്‍ മാത്യു മൂലക്കാട്ട് മെത്രാപ്പോലീത്തയുടെ അധ്യക്ഷതയില്‍ ചേര്‍ന്ന യോഗത്തിൽ മാര്‍ ജോസഫ് പണ്ടാരശേരില്‍, ഫാ. ഷാജി മുകളേല്‍ എന്നിവര്‍ പ്രസംഗിച്ചു.

ക്നാനായ കുടിയേറ്റങ്ങളുടെ വി. ഗ്രന്ഥ പശ്ചാത്തലവും, ദൈവ ശാസ്ത്ര സാംഗത്യവും എന്ന വിഷയത്തില്‍ റവ. ഡോ. ജോയി കറുകപ്പറമ്പില്‍, ബ്രിട്ടീഷ് മലബാര്‍ കുടിയേറ്റവും സുറിയാനി കത്തോലിക്ക സമൂഹ രൂപികരണവും എന്ന വിഷയത്തില്‍ റവ. ഡോ. കെ.എസ് മാത്യു കുഴുപ്പിള്ളില്‍, സീറോ മലബാര്‍ സഭയുടെ ആവീര്‍ഭാവത്തില്‍ ക്നാനായ മലബാര്‍ കുടിയേറ്റത്തിന്‍െറ പങ്ക് എന്ന വിഷയത്തില്‍ റവ. ഡോ. ജേക്കബ് മുല്ലുര്‍, കൊടുങ്ങല്ലുര്‍ ക്നാനായ കുടിയേറ്റത്തിന്‍െറ ചരിത്ര സന്ധികള്‍ എന്ന വിഷയത്തില്‍ ഫാ.ബൈജു മുകളേല്‍ , മലബാര്‍ ക്നാനായ കുടിയേറ്റം ചരിത്രവഴികള്‍ എന വിഷയത്തില്‍ റവ.ഫാ. ജോര്ജ് കപ്പുകാലായില്‍, ക്നാനായ കുടിയേറ്റം നൂതന പ്രവണതകള്‍ എന്ന വിഷയത്തില്‍ സി. ജെസി എന്‍.സി എന്നിവര്‍ പ്രബന്ധങ്ങള്‍ അവതരിപ്പിച്ചു. റവ. ഫാ. ഏബ്രാഹം പറമ്പേട്ട് , ബാബു കദളിമറ്റം എന്നിവര്‍ മോഡറേറ്റര്‍മാരായിരുന്നു. കണ്‍വീനര്‍ ഡോ.ടി.എ സ്റ്റീഫന്‍ നന്ദി പറഞ്ഞു.

Read more

കെ.സി.ഡബ്ള്യൂ.എ തുവാനീസയില്‍ ഏകദിന ധ്യാനം നടത്തി

കോതനല്ലൂര്‍: കെ.സി.ഡബ്ള്യൂ.എ അതിരൂപത സമിതിയുടെ നേതൃത്വത്തില്‍ തുവാനീസയില്‍ ഏകദിന ധ്യാനം നടത്തി. ബ്രദര്‍ മാരിയോ ജോസഫ് വചനപ്രഘോഷണം നടത്തി. ഫാ.മൈക്കിള്‍ വെട്ടികാട്ട്, ഫാ. ജിബില്‍ കുഴിവേലില്‍, ഫാ ജിന്‍സ് നെല്ലികാട്ടില്‍ , അതിരൂപത പ്രസിഡന്‍റ് ഡെയ്സി ജോസ് , സെക്രട്ടറി ബീന രാജു തുടങ്ങിയവര്‍ നേതൃത്വം നല്‍കി.

Read more

മ​ട​ന്പം പി.​കെ.​എം. കോ​ള​ജ് ദേ​ശീ​യ ശാ​സ്ത്ര​ദി​നം ആ​ച​രി​ച്ചു

മ​ട​ന്പം പി.​കെ.​എം. കോ​ള​ജ് ദേ​ശീ​യ ശാ​സ്ത്ര​ദി​നം ആ​ച​രി​ച്ചു മ​ട​ന്പം: മ​ട​ന്പം പി.​കെ.​എം. കോ​ള​ജ് ഓ​ഫ് എ​ഡ്യു​ക്കേ​ഷ​നി​ൽ കേ​ര​ള സ്റ്റേ​റ്റ് കൗ​ൺ​സി​ൽ ഫോ​ർ സ​യ​ൻ​സ് ടെ​ക്നോ​ള​ജി ആ​ൻ​ഡ് എ​ൻ​വ​യ​ൺ​മെ​ന്‍റി​ന്‍റെ​യും ഡി​പ്പാ​ർ​ട്ട്മെ​ന്‍റ് ഓ​ഫ് സ​യ​ൻ​സ് ആ​ൻ​ഡ് ടെ​ക്നോ​ള​ജി​യു​ടെ​യും സ​ഹാ​യ​ത്തോ​ടെ ദേ​ശീ​യ ശാ​സ്ത്ര​ദി​നം ആ​ച​രി​ച്ചു. ശ്രീ​ക​ണ്ഠ​പു​രം സാ​ൻ​ജോ​ർ​ജി​യ സ്പെ​ഷ​ൽ സ്കൂ​ൾ പ്രി​ൻ​സി​പ്പ​ൽ സി​സ്റ്റ​ർ ടോം​സി മ​രി​യ ഉ​ദ്ഘാ​ട​നം ചെ​യ്തു. കോ​ള​ജ് പ്രി​ൻ​സി​പ്പ​ൽ ഡോ. ​ടി.​എ. സ്റ്റീ​ഫ​ൻ അ​ധ്യ​ക്ഷ​ത വ​ഹി​ച്ചു. പ്രോ​ഗ്രാം കോ​ഓ​ർ​ഡി​നേ​റ്റ​ർ ഡോ. ​പ്ര​ശാ​ന്ത് മാ​ത്യു ശാ​സ്ത്ര​ദി​നാ​ഘോ​ഷ​ത്തി​ന്‍റെ ആ​വ​ശ്യ​ക​ത​യെ​ക്കു​റി​ച്ച് വി​ശ​ദീ​ക​രി​ച്ചു. സം​യോ​ജി​ത വി​ദ്യാ​ഭ്യാ​സം സാ​ധ്യ​മാ​ക്കു​ന്ന​തി​ൽ ശാ​സ്ത്രസാ​ങ്കേ​തി​ക വി​ദ്യ​ക​ളു​ടെ പ​ങ്ക് എ​ന്ന വി​ഷ​യ​ത്തെ ആ​ധാ​ര​മാ​ക്കി ന​ട​ത്തി​യ സം​സ്ഥാ​ന​ത​ല സെ​മി​നാ​റി​ൽ ത​ല​ശേ​രി ഗ​വ. ബ്ര​ണ്ണ​ൻ കോ​ള​ജ് ഓ​ഫ് ടീ​ച്ച​ർ എ​ഡ്യു​ക്കേ​ഷ​നി​ലെ അ​സി​സ്റ്റ​ന്‍റ് പ്ര​ഫ. കെ. ​സ​നോ​ജ്, ഇ​രി​ക്കൂ​ർ ബി​ആ​ർ​സി​യി​ലെ കെ. ​പ്ര​സീ​ത, സു​ജ തോ​മ​സ് എ​ന്നി​വ​ർ വി​വി​ധ വി​ഷ​യ​ങ്ങ​ളി​ൽ ക്ലാ​സു​ക​ളെ​ടു​ത്തു. ക​രു​വ​ഞ്ചാ​ൽ ആ​ശാ​ഭ​വ​ൻ സ്പെ​ഷ​ൽ സ്കൂ​ളി​ലെ വി​ദ്യാ​ർ​ഥി​ക​ളു​ടെ പ്ര​ത്യേ​ക പ​രി​പാ​ടി​ക​ളും സം​ഘ​ടി​പ്പി​ച്ചു. ഡോ​ക്യു​മെ​ന്‍റ​റി പ്ര​ദ​ർ​ശ​ന​വും ന​ട​ത്തി.

Read more

ഒളശ്ശ സെന്റ് ആന്റണീസ് ദേവാലയത്തില്‍ വി. അന്തോനീസിന്റെ തിരുശേഷിപ്പിനു സ്വീകരണം

ഒളശ്ശ സെന്റ് ആന്റണീസ് ദേവാലയത്തില്‍ വി. അന്തോനീസിന്റെ തിരുശേഷിപ്പിനു സ്വീകരണം. ഒളശ്ശ സെന്റ് ആന്റണീസ് ദേവാലയത്തില്‍ ഇറ്റലിയില്‍ പാദുവായിലെബസിലിക്കയില്‍ നിന്നുളള അത്ഭുത പ്രവര്‍ത്തകനായ വി. അന്തോനീസിന്റെ തിരുശേഷിപ്പിനു മാര്‍ച്ച് 12-ാം തീയതി ഞായറാഴ്ച രാവിലെ 7 മുതല്‍ 11 മണി വരെ സ്വീകരണം നല്‍കുന്നു 

 ഒളശ്ശ: ഒളശ്ശ സെന്റ് ആന്റണീസ് ദേവാലയത്തില്‍ ഇറ്റലിയില്‍ പാദുവായിലെബസിലിക്കയില്‍ നിന്നുളള അത്ഭുത പ്രവര്‍ത്തകനായ വി. അന്തോനീസിന്റെ തിരുശേഷിപ്പിനു മാര്‍ച്ച് 12-ാം തീയതി ഞായറാഴ്ച രാവിലെ 7 മുതല്‍ 11 മണി വരെ സ്വീകരണം നല്‍കുന്നു.

Read more

പി.​കെ.​എം. കോളേജില്‍ പ്ര​ഫ. ജോ​സ​ഫ് ക​ണ്ടോ​ത്ത് അ​നു​സ്മ​ര​ണം ന​ട​ത്തി

മടമ്പം: മ​ട​മ്പം പി.​കെ.​എം കോ​ള​ജ് ഓ​ഫ് എ​ഡ്യൂ​ക്കേ​ഷ​നി​ൽ പ്ര​ഫ. ജോ​സ​ഫ് ക​ണ്ടോ​ത്ത് അ​നു​സ്മ​ര​ണം ന​ട​ത്തി. കോ​ള​ജ് മാ​നേ​ജ​രും കോ​ട്ട​യം അ​തി​രൂ​പ​ത സ​ഹാ​യ മെ​ത്രാ​നു​മാ​യ മാ​ർ ജോ​സ​ഫ് പ​ണ്ടാ​ര​ശേ​രിൽ അ​നു​സ്മ​ര​ണ പ്ര​ഭാ​ഷ​ണം ന​ട​ത്തി. കോളജ് യൂ​ണി​യ​ൻ ചെ​യ​ർ​മാ​ൻ അ​ല​ക്സ് മാ​ത്യു അ​ധ്യ​ക്ഷ​ത വ​ഹി​ച്ചു. ച​ട​ങ്ങി​ൽ ക​ണ്ടോ​ത്ത്‌ സ്കോ​ള​ർ​ഷി​പ്പു​ക​ളും മാ​നേ​ജ​ർ സ്കോ​ള​ർ​ഷി​പ്പു​ക​ളും വി​ത​ര​ണം ചെ​യ്തു. ച​ട​ങ്ങി​നോ​ട​നു​ബ​ന്ധി​ച്ച് ഇ​ന്‍റ​ർ​കോ​ള​ജി​യ​റ്റ് പ്ര​സം​ഗ​മ​ത്സ​രം സം​ഘ​ടി​പ്പി​ച്ചു. മ​ത്സ​ര​ത്തി​ൽ മ​ല​ബാ​ർ ബി​എ​ഡ് ട്രെ​യി​നിം​ഗ് കോ​ള​ജ് വി​ദ്യാ​ർ​ഥി കെ.​കെ.​ഷി​ബി​ൻ ഒ​ന്നാം സ്‌​ഥാ​ന​വും നി​ർ​മ​ല​ഗി​രി കോ​ള​ജി​ലെ ലെ​ന​റ്റ് മ​രി​യ, ആ​ൽ​ബി ടോം, ​പി.​കെ.​എം കോ​ള​ജി​ലെ പി.​പി.​നൗ​ഫ​ൽ എ​ന്നി​വ​ർ യ​ഥാ​ക്ര​മം ര​ണ്ടും മൂ​ന്നും സ്‌​ഥാ​ന​വും നേ​ടി.​കോ​ള​ജ് പ്രി​ൻ​സി​പ്പ​ൽ ഡോ. ​ടി.​എ.​സ്റ്റീ​ഫ​ൻ, സ്റ്റാ​ഫ് അ​ഡ്വൈ​സ​ർ ഡോ. ​വീ​ണ അ​പ്പു​ക്കു​ട്ട​ൻ വി​ദ്യാ​ർ​ഥി പ്ര​തി​നി​ധി സി​സ്റ്റ​ർ ട്രീ​സ, കോ​ള​ജ് യൂ​ണി​യ​ൻ ജ​ന​റ​ൽ സെ​ക്ര​ട്ട​റി ന​വ്യ എ​ന്നി​വ​ർ പ്ര​സം​ഗി​ച്ചു.

Read more

വെങ്ങാലൂർ സ്കൂൾ വാർഷികവും യാത്രയയപ്പ് സമ്മേളനവും

വഴിത്തല: വെങ്ങാലൂർ സെന്റ് ആന്റണീസ് എൽപി സ്കൂൾ വാർഷികവും രക്ഷാകർത്തൃദിനവും യാത്രയയപ്പ് സമ്മേളനവും  വൈകിട്ട് അഞ്ചിനു സെന്റ് ആന്റണീസ് പാരീഷ് ഹാളിൽ നടക്കും. യോഗത്തിൽ പ്രധാനാധ്യാപകൻ സൈമൺ കെ. പീറ്ററിന് യാത്രയയപ്പ് നൽകും. സ്കൂൾ മാനേജർ ഫാ. വിൻസൺ കുരുട്ടുപറമ്പിൽ അധ്യക്ഷത വഹിക്കും. കോട്ടയം രൂപത കോർപറേറ്റ് വിദ്യാഭ്യാസ സെക്രട്ടറി ഫാ. തോമസ് ഇടത്തിപറമ്പിൽ മുഖ്യപ്രഭാഷണം നടത്തും.പുറപ്പുഴ പഞ്ചായത്ത് വൈസ് പ്രസിഡന്റ് റെനീഷ് മാത്യു മുഖ്യപ്രഭാഷണം നടത്തും.

Read more

വടക്കുംമുറിയിൽ ഇന്ന് രണ്ടാം വെള്ളിയാഴ്ച തീർത്ഥാടനം: ക്നാനായവോയിസിൽ തത്സമയം 3.30 PM മുതല്‍

വടക്കുംമുറി: കോട്ടയം അതിരൂപതയിലെ തീർത്ഥാടന കേന്ദ്രമായ വടക്കുംമുറി സാൻജോ മൗണ്ടിൽ നോമ്പുകാല ശുശ്രൂഷകളോടനുബന്ധിച്ച് എല്ലാ വെള്ളിയാഴ്ചകളിലും ആഘോഷമായ നടന്നുവരുന്ന കുരിശുമല കയറ്റവും വചന പ്രഘോഷണവും രണ്ടാം വെള്ളിയാഴ്ചയിലേക്ക് കടക്കുമ്പോൾ, ഇന്നത്തെ തിരുക്കര്‍മ്മങ്ങള്‍ ക്നാനായവോയിസിൽ തത്സമയം സംപ്രേക്ഷണം ചെയ്യുന്നു. ഇന്നത്തെ തിരുക്കർമ്മങ്ങൾക്ക് കരിങ്കുന്ന ഇടവകാംഗവും ബാലസോർ രൂപതാധ്യക്ഷനുമായ മാർ സൈമൺ കായിപ്പുറം മുഖ്യ കാർമികത്വം വഹിക്കും. തീർത്ഥാടനത്തിന് നേതൃത്വം നൽകുന്നത് കിടങ്ങൂർ ഫൊറോനായും അതിരൂപതയിലെ സെമിനാരി വിദ്യാർത്ഥികളും ചേർന്നാണ്. ഉച്ചകഴിഞ്ഞ് മൂന്നര മണിയോടെ തല്‍സമയ സംപ്രേക്ഷണം ആരംഭിക്കും. തല്‍സമയ സംപ്രേക്ഷണം കാണുവാനുള്ള ലിങ്ക് താഴെ കൊടുത്തിരിക്കുന്നു.

നോമ്പുകാലത്തെ ആദ്യ വെള്ളിയാഴ്ചയായ മാർച്ച് മൂന്നാം തിയതി മുതലാണ് നോമ്പുകാല ശുശ്രൂഷകളും കുരിശുമല കയറ്റവും ആരംഭിച്ചത്. ആദ്യ വെള്ളിയാഴ്ചത്തെ തിരുക്കർമ്മങ്ങൾക്ക് കോട്ടയം അതിരൂപതാ സഹായ മെത്രാൻ മാർ. ജോസഫ് പണ്ടാരശ്ശേരിൽ മുഖ്യ കാർമികത്വം വഹിച്ചിരുന്നു. അതിരൂപതയിലെ ഭക്ത സംഘടനകൾക്കും ഫൊറോനാകൾക്കും ഓരോ വെള്ളിയാഴ്ചത്തെയും കുരിശുമല കയറ്റത്തിൽ തീർത്ഥാടകരായി പങ്കെടുക്കുവാൻ സാധിക്കത്തക്ക വിധത്തിലാണ് നോമ്പുകാലത്തെ ശുശ്രൂഷകൾ ആസൂത്രണം ചെയ്തിരിക്കുന്നത്. ഇടക്കാട്ട് ഫൊറോനായും അതിരൂപതാ കെ സി സി നേതൃത്വവും ആദ്യവെള്ളിയാഴ്ചത്തെ തീർത്ഥാടനത്തിന് നേതൃത്വം നൽകി ,

കെ സി വൈ എൽ അതിരൂപതാ സമിതിയുടെ നേതൃത്വത്തിലുള്ള തീർത്ഥാടനം നിശ്ചയിക്കപ്പെട്ടിരിക്കുന്നത് ഏപ്രിൽ 8 ശനിയാഴ്ചയാണ്. കൈപ്പുഴ (മാർച്ച് 17), ഉഴവൂർ & മലങ്കര (മാർച്ച് 24), കടുത്തുരുത്തി (മാർച്ച് 31), പടമുഖം (ഏപ്രിൽ 7), ചുങ്കം (ഏപ്രിൽ 14- ദുഃഖ വെള്ളി) എന്നീ ഫൊറോനാകൾ തീർത്ഥാടനത്തിൽ പങ്കെടുക്കും. അവരോടൊപ്പം അതിരൂപതയിലെ സിസ്റ്റേഴ്സ് & സ്ഥാപനങ്ങളിൽ സേവനം അനുഷ്ഠിക്കുന്ന വൈദീകർ (മാർച്ച് 17), അതിരൂപതാ വിൻസന്റ് ഡി പോൾ സൊസൈറ്റി അംഗങ്ങൾ & ലീജിയൻ ഓഫ് മേരി അംഗങ്ങൾ (മാർച്ച് 24), KCWA അതിരൂപതാ സമിതി (മാർച്ച് 31), സി എം എൽ അതിരൂപതാ സമിതി (ഏപ്രിൽ 7 ) എന്നിവരും തീത്ഥാടനത്തിൽ പങ്കുചേരും.

മാർ ജോസഫ് പണ്ടാരശ്ശേരിയിലിനും മാർ. സൈമൺ കായിപ്പുറത്തിനും പുറമെ കോട്ടയം അതിരൂപതാധ്യക്ഷൻ മാർ. മാത്യു മൂലക്കാട്ട്, മാർ. ജോർജ്ജ് മഠത്തിക്കണ്ടത്തിൽ, , ഫീലിപ്പോസ്‌ മാർ സ്തേഫാനോസ്, ഫാ. മൈക്കിൾ വെട്ടിക്കാട്ട്, ചുങ്കം ഫൊറോനായിലെ വൈദീകർ എന്നിവർ വിവിധ ദിവസങ്ങളിൽ തിരുക്കർമ്മങ്ങൾക്ക് മുഖ്യ കാർമികത്വം വഹിക്കും. അഞ്ചാം വെള്ളിയാഴ്ചത്തെ വചന പ്രഘോഷണം ശ്രീ ബേബി ജോൺ കാലയന്താനിയും ദുഃഖ വെള്ളിയാഴ്ചത്തെ വചന പ്രഘോഷണം ഫാ. ജോസഫ് പുത്തെൻ പുരയ്‌ക്കലും (കപ്പൂച്ചിൻ) നടത്തും.

നോമ്പ് കാല ശുശ്രൂഷകളിലും തീർത്ഥാടനത്തിലും പങ്കുചേർന്നു അനുഗ്രഹങ്ങൾ പ്രാപിക്കുവാനായി ഏവരെയും ക്ഷണിക്കുന്നതായി വികാരി. ഫാ. ഷാജി പൂത്തുറ അറിയിച്ചു. കൂടുതൽ വിവരങ്ങൾക്ക് ബന്ധപ്പെടുക ഫാ. ഷാജി പൂത്തുറ - 9446201976

തല്‍സമയ സംപ്രേക്ഷണം കാണുവാനായി ഇവിടെ ക്ലിക്ക് ചെയ്യുക 

Read more

KSSS ചാമക്കാലാ മേഖലാ വനിതാദിനാഘോഷം

ചാമക്കാല: കോട്ടയം സോഷ്യൽ സർവീസ് സൊസൈറ്റിയുടെ ചാമക്കാല മേഖലാ വനിതാ ദിനാഘോഷം വർണാഭമായി. സ്ത്രീ ശാക്തീകരണവും സമൂഹത്തിൽ സ്ത്രീകളുടെ സംരക്ഷണവും സമത്വം വിളിച്ചോതി ചാമക്കാല കുരിശുപള്ളിയിൽ നിന്നും ആരംഭിച്ച വനിതാ ദിനറാലിയിൽ നൂറുകണക്കിന് വനിതകൾ അണിനിരന്നു. റീജിയണിലെ പല ഗ്രൂപ്പുകളിൽനിന്നുമായി വനിതാദിനസന്ദേശങ്ങളുടെ പ്ലക്കാർഡുകളും കൈയിലേന്തി വിവിധ വേഷപ്പകർച്ചയോടെ അണിനിരന്ന വനിതാദിന റാലി കാഴ്ചക്കാരിൽ കൗതുകം ഉണർത്തി. കുരിശുപള്ളി കവലയിൽ നിന്നും ആരംഭിച്ച റാലിയെ തുടർന്ന് പൊതുസമ്മേളനവും വനിതാ ദിന സെമിനാറും ചാമക്കാല പാരിഷ് ഹാളിൽ നടന്നു. വനിതാ ദിനത്തിന് ആശംസകളർപ്പിച്ചു പൊതുസമ്മേളനം കോട്ടയം ജില്ലാ വൈസ് പ്രസിഡന്റ് മേരി സെബാസ്റ്റ്യൻ ഉൽഘാടനം ചെയ്തു. തുടർന്ന് നടന്ന വനിതാദിന സെമിനാറിനു Sr. ലിനറ്റ് നേത്രത്വം നൽകി. KSSS ഡയറക്ടർ Rev.Fr ബീൻസ് ചേത്തലിൽ, ചാമക്കാല വികാരി Rev. Fr. ജോസ് കടവിൽച്ചിറയും വനിതാദിനത്തിനു ആശംസകൾ അർപ്പിച്ചു സംസാരിച്ചു.

Read more

ഉഴവൂര്‍ സെന്റ് സ്റ്റീഫന്‍സ് കോളേജില്‍ ഡോ. കെ. ആര്‍. നാരായണന്‍ മെമ്മോറിയല്‍ പ്രഭാഷണം നടത്തി

ഉഴവൂര്‍: ഉഴവൂര്‍ സെന്റ് സ്റ്റീഫന്‍സ് കോളേജിലെ പൂര്‍വ്വവിദ്യാര്‍ത്ഥി സംഘടനയുടെ ആഭിമുഖ്യത്തില്‍ നടത്തപ്പെടുന്ന ഡോ. കെ. ആര്‍. നാരായണന്‍ മെമ്മോറിയല്‍ പ്രഭാഷണ പരമ്പരയില്‍ മുന്‍ കേന്ദ്ര മന്ത്രിയും പബ്ലിക് അക്കൗണ്ട്‌സ് കമ്മറ്റി ചെയര്‍മാനുമായ പ്രൊഫ. കെ.വി തോമസ് എം.പി. പ്രഭാഷണം നിര്‍വ്വഹിച്ചു. സ്വാതന്ത്ര്യാനന്തര ഇന്ത്യയില്‍ കഴിഞ്ഞ എഴുപതുവര്‍ഷമായി നടത്തപ്പെട്ട വിപ്ലവകരമായ മാറ്റങ്ങളും അതില്‍ ഡോ. കെ.ആര്‍. നാരായണന്‍ ഉള്‍പ്പടെയുള്ള മഹത്‌വ്യക്തിത്വങ്ങളുടെ പങ്കും അദ്ദേഹം അനുസ്മരിച്ചു. അലുമ്‌നി അസ്സോസിയേഷന്‍ വൈസ്പ്രസിഡന്റ് അഡ്വ. സ്റ്റീഫന്‍ ചാഴിക്കാടന്റെ അദ്ധ്യക്ഷതയില്‍ ചേര്‍ന്ന സമ്മേളനത്തില്‍ സെക്രട്ടറി പ്രൊഫ. സ്റ്റീഫന്‍ മാത്യു സ്വാഗതവും, പ്രിന്‍സിപ്പല്‍ ഡോ. മേഴ്‌സി ഫിലിപ്പ് ആമുഖ പ്രസംഗവും, ശ്രീ. സണ്ണി ആനാലില്‍ നന്ദിയും അറിയിച്ചു.

Read more

Copyrights@2016.