america live Broadcasting

ഷിക്കാഗോ സേക്രട്ട് ഹാർട്ട് ഫൊറോന - നോമ്പുകാല വാർഷിക ധ്യാനം ഇന്ന് മുതൽ. കെവിടിവിയിൽ തത്സമയ സംപ്രേക്ഷണം

ഷിക്കാഗോ: പ്രവാസി ക്നാനായക്കാരുടെ പ്രഥമ ദൈവാലയമായ ഷിക്കാഗോ സേക്രട്ട് ഹാർട്ട് ഇടവകയിൽ, നോമ്പുകാല വാർഷിക ധ്യാനം, ഇന്ന് (മാർച്ച് മാസം 17 വെള്ളിയാഴ്ച) മുതൽ 19 ഞായറാഴ്ച വരെ നടത്തപ്പെടുന്നു. ധ്യാനം കെവിടിവിയിൽ തത്സമയ സംപ്രേക്ഷണം ചെയ്യുന്നുണ്ട്. കുട്ടികൾക്കും, യുവജനങ്ങൾക്കും, മുതിർന്നവർക്കും പ്രത്യേക സെക്ഷനുകളായാണ് ധ്യാനം ഒരുക്കിയിരിക്കുന്നത്. വചന പ്രഘോഷണ രംഗത്ത് ഏറെ പ്രശംസനീയമായ രീതിയിൽ സേവനം ചെയ്യുന്ന കെയ്‌റോസ് ധ്യാന ഗ്രൂപ്പ് അംഗങ്ങളാണ് ഈ കുടുംബ നവീകരണ ധ്യാനത്തിന് നേത്യുത്വം നൽകുന്നത്. ഫാ. അന്റിസൺ ആന്റണിയുടെ നേത്യുത്വത്തിൽ പീറ്റർ ചേരാനല്ലൂർ, റെജി കൊട്ടാരം, ഷൈൻ തോമസ്, ജെറിൻ ജോബി, തെരേസാ ജോസഫ്, ജെനിറ്റ മാളിക, സ്റ്റീഫൻ കണ്ടാരപ്പള്ളിൽ, ബോണി തെക്കനാട്ട്, ബെഞ്ചമിൻ തെക്കനാട്ട്, ഏഞ്ചൽ തൈമാലിൽ, സിസിൽ ചാഴികാട്ട്, നിധി മാത്യു, മായ ബിബി എന്നിവർ ധ്യാനം നയിക്കുന്നു.

മാർച്ച് 17 വെള്ളിയാഴ്ച വൈകുന്നേരം 2:00 മുതൽ രാത്രി 9:00 മണി വരെയും, 18 ശനിയാശ്ച രാവിലെ 9:00 മുതൽ വൈകുന്നേരം 7:00 മണി വരെയും, 19 ഞായറാശ്ച രാവിലെ 9:00 മുതൽ വൈകുന്നേരം 5 മണി വരെയുമാണ് ധ്യാനം ക്രമീകരിച്ചിരിക്കുന്നത്. ശനിയാഴ്ചയും ഞായറാഴ്ചയും ഫൊറോനാംഗങ്ങളേവർക്കും കുമ്പസാരിച്ചൊരുങ്ങുവാനുള്ള അവസരം ഉണ്ടായിരിക്കുന്നതാണ്.

യുവജന വർഷത്തിലെ നോമ്പുകാലത്തിൽ നടത്തപ്പെടുന്ന ഈ ധ്യാനം ഫൊറൊനായിലെ എല്ലാ കുടുംബങ്ങളിലും കൂടുതൽ ദൈവാനുഗ്രഹത്തിന്റേയും നവീകരണത്തിന്റേയും കാരണമാകട്ടെയെന്ന് ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് അഭിപ്രായപ്പെട്ടു. ധ്യാനത്തിൽ പൂർണ്ണമായും പങ്കെടുക്കുവാനും, ശനിയാഴ്ചയും, ഞായറാഴ്ചയും കുട്ടികളെ പങ്കെടുപ്പിക്കുവാനും ഏവരും പ്രത്യേകം ശ്രദ്ധിക്കണമെന്നും ബഹുമാനപ്പെട്ട വികാരി അച്ചൻ ഓർമ്മിപ്പിക്കുന്നു.

തല്‍സമയ സംപ്രേക്ഷണം കാണുവാനായി ഇവിടെ ക്ലിക്ക് ചെയ്യുക.

http://www.youtube.com/user/KVTVUSA/live http://kvtv.com/index.php?mnu=kvtv https://www.facebook.com/KnanayaVoice/

Read more

ഡിട്രോയിറ്റ് സെന്റ് മേരീസ് ദേവാലയത്തില്‍ ഇന്റര്‍നാഷണല്‍ വിമന്‍സ്‌ഡേ ആഘോഷിച്ചു

ഡിട്രോയിറ്റ്:  ലീജിയന്‍ ഓഫ് മേരി ഗ്രൂപ്പിന്റെ നേതൃത്വത്തില്‍ ഡിട്രോയിറ്റ് സെന്റ് മേരീസ് ദേവാലയത്തില്‍ ഇന്റര്‍നാഷണല്‍ വിമന്‍സ്‌ഡേ ആഘോഷിച്ചു.  ദിവ്യബലിയില്‍ കാഴ്ചസമര്‍പ്പണവും, വചന വായനകളും, സ്‌തോത്രക്കാഴ്ച പിരിവും നടത്തപ്പെട്ടു. തുടര്‍ന്ന് ഓഡിറ്റോറിയത്തില്‍വെച്ച് ഇടവക വികാരി ഫാ. ഫിലിപ്പ് രാമച്ചനാട്ട് അച്ചന്റെ പ്രാര്‍ത്ഥനയോടെ മറ്റ് പരിപാടികള്‍ ആരംഭിച്ചു. മാര്‍ത്തോമ്മന്‍ ഗാനവും, സിംഗിള്‍ സോഗും, ഗ്രൂപ്പ് ഡാന്‍സും, അനുഭവ സാക്ഷ്യവും, "സൗഖ്യം അരികെ" എന്ന ലഘുനാടകവും പരിപാടികള്‍ക്ക് കൂടുതല്‍ മിഴിവേകി.

2017-18 വര്‍ഷത്തിലെ ലീജിയന്‍ ഓഫ് മേരി ഗ്രൂപ്പിന്റെ പ്രവര്‍ത്തനങ്ങളുടെ ഉദ്ഘാടനം ബഹു. രാമച്ചനാട്ട് ഫിലിപ്പച്ചനും, ലീജിയന്‍ ഓഫ് മേരി പ്രസിഡന്റ് ശ്രീമതി. മിനി ചെമ്പോലയും മറ്റ് ഭാരവാഹികളും തിരിതെളിച്ചുകൊണ്ട് നടത്തപ്പെട്ടു. പരിപാടികള്‍ക്ക് ചുക്കാന്‍പിടിച്ചത് പ്രോഗ്രാം കോര്‍ഡിനേറ്റര്‍ സിമി രാജു തൈമാലില്‍, ലീജിയന്‍ ഓഫ് മേരി ഭാരവാഹികള്‍ മിനി ചെമ്പോല, ജയ സന്ദീപ് കള്ളിക്കാട്ട്, മേരി ഷീന്‍സ് തൈതറപ്പേല്‍, ഷീജ വലിയപറമ്പില്‍, സിന്‍സി മാക്‌സിന്‍ എടത്തിപ്പറമ്പില്‍ എന്നിവരായിരുന്നു. പ്രോഗ്രാം അവതാരകര്‍ മാഡ്‌ലിന്‍ മനു കുഴിപ്പറമ്പില്‍, സിമി രാജു തൈമാലില്‍ എന്നിവര്‍ അവരുടെ അവതരണ ശൈലിയിലൂടെ ഏറെ ശ്രദ്ധ പിടിച്ചുപറ്റി. ഷീജ വലിയപറമ്പില്‍ നന്ദി രേഖപ്പെടുത്തി.

Read more

മയാമി സെന്റ് ജൂഡ് ക്‌നാനായ കത്തോലിക്കാ പള്ളിയില്‍ നോമ്പുകാല ധ്യാനം

മയാമി: സെന്റ് ജൂഡ് ക്‌നാനായ കത്തോലിക്കാ പള്ളിയില്‍ മാര്‍ച്ച് 18, 19 (ശനി, ഞായര്‍) ദിവസങ്ങളില്‍ നോമ്പുകാല ധ്യാനം നടത്തപ്പെടുന്നു. വചന പ്രഘോഷകരായ ഫാ. സുനി പടിഞ്ഞാറേക്കര, ബ്ര. ടോമി മണിമലേത്ത്, ബ്ര. ബിബി തെക്കനാട്ട് എന്നിവര്‍ അടങ്ങിയ ടീമാണ് ധ്യാനം നയിക്കുന്നത്. വി. കുര്‍ബാന, ആരാധന, സ്തുതി ആരാധന എന്നിവയോടുകൂടിയ ധ്യാനത്തില്‍ കുമ്പസാരത്തിനും കൗണ്‍സിലിംഗിനും ഉള്ള സൗകര്യം ഉണ്ടായിരിക്കുന്നതാണ്. മാര്‍ച്ച് 18-നു ശനിയാഴ്ച രാവിലെ 9.30 മുതല്‍ വൈകുന്നേരം 5.30 വരേയും, മാര്‍ച്ച് 19-നു ഞായറാഴ്ച രാവിലെ 9.30 മുതല്‍ വൈകുന്നേരം 5.30 വരേയുമാണ് ധ്യാനം ക്രമീകരിച്ചിരിക്കുന്നത്. ഞായറാഴ്ച യുവജനങ്ങള്‍ക്കും കുട്ടികള്‍ക്കും പ്രത്യേക ധ്യാനവും ഉണ്ടായിരിക്കും. ഈ നോമ്പൂകാല ധ്യാനത്തില്‍ പങ്കെടുത്ത് അനുഗ്രഹം പ്രാപിക്കുന്നതിനായി ഇടവക വികാരി ഫാ. സുനി പടിഞ്ഞാറേക്കര ഏവരേയും സ്വാഗതം ചെയ്യുന്നു. 

Read more

കെ സി എസ് വിമന്‍സ് ഫോറം ആഗോള വനിതാദിനം ആചരിച്ചു

 ചിക്കാഗോ: ക്നാനായ കാത്തലിക് സൊസൈറ്റിയുടെ പോഷക സംഘടനയായ വിമന്‍സ് ഫോറം കെ സി എസിന്റെ ചരിത്രത്തില്‍ ആദ്യമായി ആഗോള വനിതാ ദിനം ആചരിച്ചു. വിമന്‍സ് ഫോറം പ്രസിഡന്റ് ജിജി നെല്ലാമറ്റം, വിസ് പ്രസിഡന്റ് അനി വാച്ചാച്ചിറ, സെക്രട്ടറി ബിനി തെക്കനാട്ട്, ജോയിന്റ് സെക്രട്ടറി ആന്‍ കരികുളം, ട്രഷറര്‍ ആന്‍സി കൂപ്ലിക്കാട്ട് എന്നിവരും ഡയറക്ടര്‍ ബോര്‍ഡ് അംഗങ്ങളും ചിക്കാഗോ സെന്റ് മേരീസ് ക്നാനായ ഇടവക ദൈവാലയത്തിൽ വച്ച് നടത്തപ്പെട്ട പരിപാടികൾക്ക് നേതൃത്വം നല്‍കി. വനിതകളെ ബഹുമാനിക്കുവാനും അവരുടെ കഴിവുകളെ പരിപോഷിപ്പിക്കുവാനും നേട്ടങ്ങളെ അംഗീകരിക്കുവാനും വേണ്ടിയുള്ള വനിതാ ദിനാചരണത്തില്‍ വിമന്‍സ് ഫോറം പ്രസിഡന്റ് ജിജി നെല്ലാമറ്റം വനിതാ ദിന സന്ദേശം നല്‍കി. സ്ത്രീകളുടെ ആരോഗ്യ സംരക്ഷണത്തെപ്പറ്റി ഡോ. എമിലി ചാക്കോ പൂവത്തുങ്കല്‍ ക്ലാസെടുത്തു. യോഗാ ക്ലാസിനു ജോസ്മി ഇടുക്കുതറ നേതൃത്വം നല്‍കി. ലൂസി കണിയാലി, ജെന്നി തണ്ണിക്കരി, മിഷാല്‍ ഇടുക്കുതറ എന്നിവര്‍ കുക്കിംഗ് ഷോ നടത്തി. വൈവിധ്യമാര്‍ന്ന ഗെയിംസും നടത്തപ്പെട്ടു.

Read more

സൗത്ത് ഫ്ലോറിഡ ക്നാനായ അസോസിയേഷൻ പ്രവർത്ത നോത്ഘാടനം മാർച്ച് 18ന്

സൗത്ത് ഫ്ലോറിഡ ക്നാനായ അസോസിയേഷൻ പ്രവർത്തനോത്ഘാടനം മാർച്ച് 18ന് . 
മിയാമി: ക്നാനായ കാത്തലിക്  അസോസിയേഷൻ സൗത്ത് ഫ്ലോറിഡയുടെ പ്രവർത്തനോത്ഘാടനം മാർച്ച് 18 ശനിയാഴ്ച വൈകുന്നേരം ക്നാനായ കമ്മ്യൂണിറ്റി സെന്ററിൽ നടക്കും. 
പ്രസിഡന്റ് ബൈജു വണ്ടന്നൂരിന്റെ അദ്യക്ഷതയിൽ ചേരുന്ന സമ്മേളനം കെ സി സി എൻ എ പ്രസിഡന്റ് ബേബി മണകുന്നേൽ ഉത്ഘാടനം ചെയ്യും. ഫാ സജി പടിഞ്ഞാറേക്കര ആശംസകൾ അർപ്പിക്കും. അസോസിയേഷൻ ഭാരവാഹികളായ മനോജ് താനത്ത് , റോഷ്‌നി കണിയാംപറമ്പിൽ, സിംലാ കൂവപ്ലാക്കിൽ, ജെയ്സൺ തേക്കുംകാട്ടിൽ എന്നിവർ ഉത്ഘാടന സമ്മേളനത്തിന് നേതൃത്വം നൽകും. പ്രസ്‌തുത സമ്മേളനത്തിൽ അടുത്ത രണ്ട് വർഷത്തെ പ്രവർത്തന രൂപരേഖ തെയ്യാറാക്കുന്നതായിരിക്കും. 
 കെ സി സി എൻ എ യിലേക്ക്  പുതുതായി തെരെഞ്ഞെടുക്കപ്പെട്ട ബേബി മണക്കുന്നേലിനെയും രാജൻ പാടവത്തിലിനേയും പ്രേത്യകം ആദരിക്കുന്നതായിരിക്കും. 
ജെസ്സി നടുപറമ്പിൽ , സിമി താനത്ത് ,സുമി പനംതാനത്ത്, ഷിന കുളങ്ങര എന്നിവർ കലാസന്ധ്യക്ക് നേതൃത്വം നൽകും. 
വൈകുന്നേരം ആറു മണിക്ക് ആരംഭിക്കുന്ന പരിപാടികൾ റോബിൻ കല്ലിടാന്തി,ബാബു കോട്ടൂർ എന്നിവരുടെ നേതൃത്വത്തിലുള്ള സ്നേഹ വിരുന്നോടു കൂടി സമാപിക്കും. 
ശനിയാഴ്ച്ച നടക്കുന്ന ഈ മഹാ സമ്മേളനത്തിലേക്ക്‌ മിയാമിയിലെ മുഴവൻ ക്നാനായ മക്കളുടെയും സഹകരണം ഭാരവാഹികൾ അഭ്യർത്ഥിക്കുന്നു. 
 
മിയാമി: ക്നാനായ കാത്തലിക്  അസോസിയേഷൻ സൗത്ത് ഫ്ലോറിഡയുടെ പ്രവർത്തനോത്ഘാടനം മാർച്ച് 18 ശനിയാഴ്ച വൈകുന്നേരം ക്നാനായ കമ്മ്യൂണിറ്റി സെന്ററിൽ നടക്കും. 
പ്രസിഡന്റ് ബൈജു വണ്ടന്നൂരിന്റെ അദ്യക്ഷതയിൽ ചേരുന്ന സമ്മേളനം കെ സി സി എൻ എ പ്രസിഡന്റ് ബേബി മണകുന്നേൽ ഉത്ഘാടനം ചെയ്യും. ഫാ സുനി പടിഞ്ഞാറേക്കര ആശംസകൾ അർപ്പിക്കും. അസോസിയേഷൻ ഭാരവാഹികളായ മനോജ് താനത്ത് , റോഷ്‌നി കണിയാംപറമ്പിൽ, സിംലാ കൂവപ്ലാക്കിൽ, ജെയ്സൺ തേക്കുംകാട്ടിൽ എന്നിവർ ഉത്ഘാടന സമ്മേളനത്തിന് നേതൃത്വം നൽകും. പ്രസ്‌തുത സമ്മേളനത്തിൽ അടുത്ത രണ്ട് വർഷത്തെ പ്രവർത്തന രൂപരേഖ തെയ്യാറാക്കുന്നതായിരിക്കും. 
 കെ സി സി എൻ എ യിലേക്ക്  പുതുതായി തെരെഞ്ഞെടുക്കപ്പെട്ട ബേബി മണക്കുന്നേലിനെയും രാജൻ പടവത്തിലിനേയും പ്രേത്യകം ആദരിക്കുന്നതായിരിക്കും. 
ജെസ്സി നടുപറമ്പിൽ , സിമി താനത്ത് ,സുബി  പനംതാനത്ത്, ഷിൻ  കുളങ്ങര എന്നിവർ കലാസന്ധ്യക്ക് നേതൃത്വം നൽകും. 
വൈകുന്നേരം ആറു മണിക്ക് ആരംഭിക്കുന്ന പരിപാടികൾ റോബിൻ കല്ലിടാന്തി,ബാബു കോട്ടൂർ എന്നിവരുടെ നേതൃത്വത്തിലുള്ള സ്നേഹ വിരുന്നോടു കൂടി സമാപിക്കും. 
ശനിയാഴ്ച്ച നടക്കുന്ന ഈ മഹാ സമ്മേളനത്തിലേക്ക്‌ മിയാമിയിലെ മുഴവൻ ക്നാനായ മക്കളുടെയും സഹകരണം ഭാരവാഹികൾ അഭ്യർത്ഥിക്കുന്നു. 
 
Read more

ഷിക്കാഗോ സേക്രട്ട് ഹാർട്ട് ഫൊറോന - നോമ്പുകാല വാർഷിക ധ്യാനം - മാർച്ച് 17 മുതൽ

ഷിക്കാഗോ: പ്രവാസി ക്നാനായക്കാരുടെ പ്രഥമ ദൈവാലയമായ ഷിക്കാഗോ സേക്രട്ട് ഹാർട്ട് ഇടവകയിൽ, നോമ്പുകാല വാർഷിക ധ്യാനം, മാർച്ച് മാസം 17 വെള്ളിയാഴ്ച മുതൽ 19 ഞായറാഴ്ച വരെ നടത്തപ്പെടുന്നു. കുട്ടികൾക്കും, യുവജനങ്ങൾക്കും, മുതിർന്നവർക്കും പ്രത്യേക സെക്ഷനുകളായാണ് ധ്യാനം ഒരുക്കിയിരിക്കുന്നത്. വചന പ്രഘോഷണ രംഗത്ത് ഏറെ പ്രശംസനീയമായ രീതിയിൽ സേവനം ചെയ്യുന്ന കെയ്‌റോസ് ധ്യാന ഗ്രൂപ്പ് അംഗങ്ങളാണ് ഈ കുടുംബ നവീകരണ ധ്യാനത്തിന് നേത്യുത്വം നൽകുന്നത്. ഫാ. അന്റിസൺ ആന്റണിയുടെ നേത്യുത്വത്തിൽ പീറ്റർ ചേരാനല്ലൂർ, റെജി കൊട്ടാരം, ഷൈൻ തോമസ്, ജെറിൻ ജോബി, തെരേസാ ജോസഫ്, ജെനിറ്റ മാളിക, സ്റ്റീഫൻ കണ്ടാരപ്പള്ളിൽ, ബോണി തെക്കനാട്ട്, ബെഞ്ചമിൻ തെക്കനാട്ട്, ഏഞ്ചൽ തൈമാലിൽ, സിസിൽ ചാഴികാട്ട്, നിധി മാത്യു, മായ ബിബി എന്നിവർ ധ്യാനം നയിക്കുന്നു.

മാർച്ച് 17 വെള്ളിയാഴ്ച വൈകുന്നേരം 2:00 മുതൽ രാത്രി 9:00 മണി വരെയും, 18 ശനിയാശ്ച രാവിലെ 9:00 മുതൽ വൈകുന്നേരം 7:00 മണി വരെയും, 19 ഞായറാശ്ച രാവിലെ 9:00 മുതൽ വൈകുന്നേരം 5 മണി വരെയുമാണ് ധ്യാനം ക്രമീകരിച്ചിരിക്കുന്നത്. ശനിയാഴ്ചയും ഞായറാഴ്ചയും ഫൊറോനാംഗങ്ങളേവർക്കും കുമ്പസാരിച്ചൊരുങ്ങുവാനുള്ള അവസരം ഉണ്ടായിരിക്കുന്നതാണ്.

യുവജന വർഷത്തിലെ നോമ്പുകാലത്തിൽ നടത്തപ്പെടുന്ന ഈ ധ്യാനം ഫൊറൊനായിലെ എല്ലാ കുടുംബങ്ങളിലും കൂടുതൽ ദൈവാനുഗ്രഹത്തിന്റേയും നവീകരണത്തിന്റേയും കാരണമാകട്ടെയെന്ന് ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് അഭിപ്രായപ്പെട്ടു. ധ്യാനത്തിൽ പൂർണ്ണമായും പങ്കെടുക്കുവാനും, ശനിയാഴ്ചയും, ഞായറാഴ്ചയും കുട്ടികളെ പങ്കെടുപ്പിക്കുവാനും ഏവരും പ്രത്യേകം ശ്രദ്ധിക്കണമെന്നും ബഹുമാനപ്പെട്ട വികാരി അച്ചൻ ഓർമ്മിപ്പിക്കുന്നു.

Read more

ചിക്കാഗോ സോഷ്യൽ ക്ലബ് ചീട്ടുകളി മത്സരം: ബൈജു കുന്നേൽ & ടീമും സണ്ണി ഇണ്ടിക്കുഴിയും ചാമ്പ്യന്മാർ.

ചിക്കാഗോ: ചിക്കാഗോ സോഷ്യല്‍ ക്ലബിന്റെ നാലാമത് ചീട്ടുകളി മത്സരം 2017 മാര്‍ച്ച് 11-ന് ശനിയാഴ്ച രാവിലെ 9 മണി മുതല്‍ ചിക്കാഗോ കെ.സി.എസ് കമ്യൂണിറ്റി സെന്ററില്‍ വച്ച് നടത്തിയപ്പോൾ ആവേശം നിറഞ്ഞു നിന്ന പോരാട്ടത്തിനൊടുവിൽ, ലേലത്തിൽ ബൈജു കുന്നേൽ & ടീമും, റമ്മിയിൽ സണ്ണി ഇണ്ടിക്കുഴിയും ചാമ്പ്യന്മാരായി. ബൈജു കുന്നേൽ, സാബു നെല്ലാമറ്റം , ബെന്നി കളപ്പുര എന്നിവരുടെ ടീം 28 ലേലത്തിൽ 34 ടീമുകളെ പിന്തള്ളി കൊണ്ടാണ് ചാമ്പ്യന്മാരായത്. അലക്‌സാണ്ടർ കൊച്ചുപുര, കുര്യൻ നെല്ലാമറ്റം, സാജു കണ്ണമ്പള്ളി എന്നിവരുടെ ടീമിനെയാണ് ഫൈനലിൽ ഇഞ്ചോടിഞ്ചു പോരാട്ടത്തിനൊടുവിൽ പരാജയപ്പെടുത്തിയത്.

ബൈജു കുന്നേലിന്റെ ടീമിന് ജോമോന്‍ തൊടുകയില്‍ സ്‌പോണ്‍സര്‍ ചെയ്ത 1001 ഡോളറും ലൂക്കാച്ചന്‍ തൊടുകയില്‍ മെമ്മോറിയല്‍ എവര്‍ റോളിംഗ് ട്രോഫിയും, രണ്ടാം സ്ഥാനം നേടിയ അലക്‌സാണ്ടർ കൊച്ചുപുരയുടെ ടീമിനു സോഷ്യല്‍ ക്ലബ് എക്‌സിക്യൂട്ടീവ് സ്‌പോണ്‍സര്‍ ചെയ്യുന്ന 501 ഡോളറും എവര്‍റോളിംഗ് ട്രോഫിയും ലഭിച്ചു.

റമ്മി മത്സരത്തിൽ നൂറോളം മത്സരാർത്ഥികളെ പിന്തള്ളിക്കൊണ്ട് സണ്ണി ഇണ്ടിക്കുഴി ഒന്നാം സമ്മാനവും ഫിലിപ്പ് പെരികലം രണ്ടാം സമ്മാനവും മോഹിത് മാമ്മൂട്ടിൽ മൂന്നാം സ്ഥാനവും കരസ്ഥമാക്കി.

ഒന്നാം സമ്മാനാർഹനായ സണ്ണി ഇണ്ടിക്കുഴിക്ക് ടിറ്റോ കണ്ടാരപ്പള്ളില്‍ സ്‌പോണ്‍സര്‍ ചെയ്ത 1001 ഡോളറും തോമസ് കണ്ടാരപ്പള്ളില്‍ മെമ്മോറിയല്‍ എവര്‍റോളിംഗ് ട്രോഫിയും, രണ്ടാം സ്ഥാനം ലഭിച്ച ഫിലിപ്പ് പെരികലത്തിന് ജിബി കൊല്ലപ്പള്ളിയില്‍ സ്‌പോണ്‍സര്‍ ചെയ്ത 501 ഡോളറും തോമസ് കൊല്ലപ്പള്ളിയില്‍ എവര്‍ റോളിംഗ് ട്രോഫിയും, മൂന്നാംസ്ഥാനം ലഭിച്ച മോഹിത് മമ്മൂട്ടിലിന് സോഷ്യല്‍ ക്ലബ് സ്പോൺസർ ചെയ്ത 251 ഡോളറും നൽകി.

രാവിലെ പതിനൊന്നു മണിയോടെ ആരംഭിച്ച ടൂര്‍ണമെന്റ്, സോഷ്യൽ ക്ലബ്ബ് പ്രസിഡണ്ട് സാജു കണ്ണമ്പള്ളി ഉദ്ഘാടനം ചെയ്തു. ആദ്യ റെജിഷ്ട്രേഷൻ കാരാപ്പള്ളി സാറിൽ നിന്നും സ്വീകരിച്ചു. ടൂര്‍ണമെന്റിന്റെ കൺവീനർമാരായി ജോസ് മണക്കാട്ടും, അഭിലാഷ് നെല്ലാമറ്റവും പ്രവർത്തിച്ചു. കൺവീനർമാർക്ക് പുറമെ സോഷ്യല്‍ ക്ലബ് പ്രസിഡന്റ് സാജു കണ്ണമ്പള്ളി, വൈസ് പ്രസിഡന്റ് സിബി കദളിമറ്റം, സെക്രട്ടറി ജോയി നെല്ലാമറ്റം, ട്രഷറര്‍ സണ്ണി ഇണ്ടിക്കുഴി, ജോയിന്റ് സെക്രട്ടറി പ്രദീപ് തോമസ് എന്നിവരും, ഫുഡ് കമ്മിറ്റി കണ്‍വീനര്‍മാരായ ബൈജു കുന്നേല്‍, ടോമി എടത്തില്‍, ടൂര്‍ണമെന്റ് നിയന്ത്രിക്കുന്ന (ജഡ്ജ്) സൈമണ്‍ ചക്കാലപ്പടവിൽ, അലക്‌സ് പടിഞ്ഞാറേല്‍ എന്നിവര്‍ ഉള്‍പ്പെട്ട ടൂര്‍ണമെന്റ് കമ്മിറ്റിയംഗങ്ങളും, സോഷ്യല്‍ ക്ലബിന്റെ എല്ലാ അംഗങ്ങളും ടൂണമെന്റിന് നേതൃത്വം നൽകി. 34 ടീമുകൾ ലേലത്തിലും നൂറോളം പേർ റമ്മിയിലും മത്സരിച്ചു.

Read more

ചിക്കാഗോ കെ സി എസ് ദിലീപ് ഷോ : പേരന്റ് പെട്രോളിയം ഡയമണ്ട് സ്പോൺസർ

ചിക്കാഗോ: ചിക്കാഗോ ക്നാനായ കാത്തലിക്ക് സൊസൈറ്റിയുടെ ആഭിമുഖ്യത്തിൽ മെയ് 13 ന് നടത്തപ്പെടുന്ന ധന ശേഖരണ പരിപാടിയായ ദിലീപ് ഷോയുടെ ഡയമണ്ട് സ്പോൺസർ ആയി പേരന്റ് പെട്രോളിയം എത്തുന്നു. പതിനായിരം ഡോളറിന്റെ സ്‌പോൺസർഷിപ്പ് ആണ് പാരന്റ് പെട്രോളിയം നൽകുന്നത്. ഈ വർഷത്തെ ഏറ്റവും താര സമ്പന്നവും മനോഹരവുമായ സ്റേജ്ജ് ഷോ ആയിരിക്കും ദിലീപ് ഷോ എന്ന് കെ സി എസ പ്രസിഡണ്ട് ബിനു പൂത്തുറയിൽ അറിയിച്ചു. സ്റ്റേജ് ഷോ സംവിധായകൻ, സിനിമാ സംവിധായകൻ, സംഗീത സംവിധായകൻ, ഗായകൻ എന്നീ നിലകളിലെല്ലാം പ്രാവീണ്യം തെളിയിച്ചിട്ടുള്ള നാദിർഷാ സംവിധാനം ചെയ്യുന്ന ഈ ഷോയിൽ, ദിലീപ്, കാവ്യാ മാധവൻ, നമിത പ്രമോദ്, പിഷാരടി, റിമി ടോമി, ധർമജൻ, ഹരിശ്രീ യൂസഫ് തുടങ്ങിയ നിരവധി സിനിമാ - ടിവി രംഗത്തെ പ്രഗത്ഭർ അണിനിരക്കുന്നുണ്ട്. ജന പ്രിയ താരങ്ങളുടെ സാന്നിധ്യത്താൽ അനുഗ്രഹീതമായ ഈ പരിപാടി, നോർത്ത് അമേരിക്കയിലെ മലയാളി തറവാടയായ ചിക്കാഗോയിൽ അരങ്ങേറുമ്പോൾ, അതിനു ആതിഥ്യം വഹിക്കുവാൻ ചിക്കാഗോ കെ സി എസ് നു അവസരം ലഭിക്കുന്നു എന്നത് അഭിമാനിക്കാവുന്ന കാര്യമാണ് എന്ന് ചിക്കാഗോ കെ സി എസ് പ്രസിഡണ്ട് ബിനു പൂത്തുറയിൽ അറിയിച്ചു. ഈ പരിപാടിയുടെ വിജയത്തിനായി എല്ലാവരുടെയും സഹകരണങ്ങൾ അഭ്യര്ഥിക്കുന്നതായി അദ്ദേഹം ക്നാനായ വോയിസിനോട് പറഞ്ഞു.

പരിപാടിയെ സംബന്ധിച്ച് കൂടുതൽ വിവരങ്ങൾക്കായി ബന്ധപ്പെടുക:

ബിനു പൂത്തുറയിൽ : 847 644 9869 

Read more

ക്‌നാനായ കാത്തലിക് അസോസിയേഷന്‍ ഓഫ് സൗത്ത് ഫ്‌ളോറിഡയുടെ പ്രവര്‍ത്തനോദ്ഘാടനം മാര്‍ച്ച് 18-ന്

ഡേവി, ഫ്‌ളോറിഡ: ക്‌നാനായ കാത്തലിക് അസോസിയേഷന്‍ ഓഫ് സൗത്ത് ഫ്‌ളോറിഡയുടെ 2017-ലെ പ്രവര്‍ത്തനോദ്ഘാടനം മാര്‍ച്ച് 18-ന് ക്‌നാനായ കമ്യൂണിറ്റി സെന്ററില്‍ വച്ചു വിവിധ കലാപരിപാടികളോടുകൂടി നടത്തുന്നതാണ്. തദവസരത്തില്‍ ക്‌നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയുടെ പ്രസിഡന്റ് ബേബി മണക്കൂന്നേല്‍ മുഖ്യാതിഥിയായി നിലവിളക്ക് കൊളുത്തി യോഗം ഉദ്ഘാടനം ചെയ്യും. അസോസിയേഷന്‍ പ്രസിഡന്റ് ബൈജു വണ്ടന്നൂര്‍, സെക്രട്ടറി മനോജ് താനത്ത്, ട്രഷറര്‍ സിംല കുഞ്ഞുമോന്‍ എന്നിവരുടെ നേതൃത്വത്തില്‍ വൈകുന്നേരം 6 മണിക്ക് നടക്കുന്ന പൊതുയോഗത്തില്‍ വച്ചു അസോസിയേഷന്റെ 2017- 19 വര്‍ഷത്തേക്കുള്ള ഭാവി പരിപാടികള്‍ക്ക് രൂപം നല്‍കുന്നതാണ്. കെ.സി.വൈ.എല്‍ കോര്‍ഡിനേറ്റര്‍മാരായ ജസ്സി നടുപ്പറമ്പില്‍, സിമി താനത്ത് എന്നിവരുടെ നേതൃത്വത്തിലുള്ള കുട്ടികളുടേയും, കിഡ്‌സ് ക്ലബ് കോര്‍ഡിനേറ്റര്‍മാരായ സുബി പനംതാനത്തിന്റേയും ഷീന്‍ കുളങ്ങരയുടേയും നേതൃത്വത്തിലുള്ള കുട്ടികളുടേയും കലാസന്ധ്യയും അരങ്ങേറും. എക്‌സിക്യട്ടീവ് അംഗങ്ങളായ റോഷ്‌നി റോജി, ജസ്റ്റിന്‍ തേക്കുംകാട്ടില്‍, ബാബു കോട്ടൂര്‍, റോബിന്‍ കല്ലിടാന്തി എന്നിവരുടെ നേതൃത്വത്തിലുള്ള വിഭവസമൃദ്ധമായ സ്‌നേഹവിരുന്നോടെ പരിപാടികള്‍ പര്യവസാനിക്കും. രാജന്‍ പടവത്തില്‍ അറിയിച്ചതാണിത്.

Read more

കാനഡയിൽ KCWFC വനിതാ ദിനം ആഘോഷിച്ചു.

മിസ്സിസാഗാ: ക്യാനഡയിലെ ക്നാനായ കാത്തലിക്ക് വിമൻസ് ഫോറത്തിന്റെ ആഭിമുഖ്യത്തിൽ വനിതാ ദിനം ആഘോഷിച്ചു. ക്നാനായ മിഷൻ ഡയറക്ടർ ഫാ. പത്രോസ് ചമ്പക്കര വനിതാ ദിനത്തിൽ ഒത്തുകൂടിയ വിമൻസ് ഫോറം അംഗങ്ങളെ അനുമോദിക്കുകയും അനുഗ്രഹിക്കുകയും ചെയ്തു. ഏതൊരു കുടുംബത്തിന്റെയും സമഗ്രമായ വളർച്ചക്ക് ഏറ്റവും വലിയ സംഭാവനകൾ നൽകുന്നവരാന് വനിതകൾ എന്ന് അദ്ദേഹം ഓർമ്മിപ്പിച്ചു. പുതു തലമുറയുടെ ഭാവിയെ നിർണ്ണായകമായ രീതിയിൽ സ്വാധീനിക്കുവാൻ അമ്മമാർക്ക് സാധിക്കും എന്നും നസ്രത്തിലെ മറിയത്തെ പോലെ കുടുംബങ്ങളുടെ വിളക്കാകുന്ന വനിതകൾക്ക് എല്ലാ വിധ ആശംസകൾ നേരുന്നതായും അദ്ദേഹം അറിയിച്ചു. ചടങ്ങിൽ സീനിയർ സിറ്റിസൺ വനിതകളെ ആദരിച്ചു. KCWFC പ്രസിഡണ്ട് ഷീന കിഴക്കേപ്പുറം, സെക്രട്ടറി ബിന്ദു കൈതാരം എന്നിവരുടെ നേതൃത്വത്തിലുള്ള KCWFC എക്സിക്യൂട്ടീവ് പരിപാടികൾക്ക് നേതൃത്വം നൽകി.  

Read more

കരിമ്പുംകലാ അച്ഛൻ രചിച്ച തനിമയിൽ ഒരു ജനത എന്ന സിനിമാസ്കോപ്പ് ഡ്രാമാ അമേരിക്കയിലേക്ക്

ചിക്കാഗോ: കോട്ടയം അതിരൂപതാ വൈദീകനും കരിങ്കുന്നം പള്ളി വികാരിയുമായ ഫാ. തോമസ് കരിമ്പുംങ്കാല രചിച്ച് പ്രശസ്ത നാടക സംവിധായകൻ ജിന്റോ തെക്കിനിയത്ത് സംവിധാനവും അവണൂർ ജയൻ തിരക്കഥയും സംഭാഷണവും ചെയ്യുന്ന തനിമയിൽ ഒരു ജനത എന്ന ക്നാനായ കുടിയേറ്റത്തെ സംബന്ധിച്ചുള്ള സിനിമാസ്‌കോപ് ഡ്രാമ അമേരിക്കയിലെ വിവിധ നഗരങ്ങളിൽ പ്രദര്ശിപ്പിക്കുവാനായി എത്തുന്നു. സിനിമാ സീരിയൽ രംഗത്തെ പ്രമുഖർ അഭിനേതാക്കളായി എത്തുന്നു എന്നുള്ള പ്രത്യേകത കൂടി ഉണ്ട് ഈ നാടകത്തിന്. പ്രശസ്ത പിന്നണി ഗായകരും ഐഡിയ സ്റ്റാർ സിംഗറിലൂടെ പ്രശസ്തരുമായ ജോബി ജോൺ, ആൻമേരി എന്നിവർ കൂടി ചേരുന്നതോടെ ക്നാനായ കുടിയേറ്റത്തെ ആസ്പദമാക്കിയുള്ള ഒരു ഉഗ്രൻ സ്റ്റേജ് ഷോയാണ് അണിയറയിൽ ഒരുങ്ങുന്നത്. താമ്പാ കേന്ദ്രീകരിച്ച് പ്രവർത്തിക്കുന്ന ജെ വി എം എന്റെർറ്റൈന്മെന്റും ക്നാനായവോയിസും സംയുക്തമായാണ് ഈ സ്റ്റേജ് ഷോ അമേരിക്കയിലെത്തിക്കുന്നത്. ഷോ സംബന്ധിച്ചുള്ള കൂടുതൽ വിവരങ്ങൾക്കും ബുക്കിങ്ങിനുമായി പോസ്റ്ററിൽ കൊടുത്തിരിക്കുന്ന നമ്പരുകളിൽ ബന്ധപ്പെടുക.

Read more

കെ സി സി എൻ എ യുടെ പുതിയ ഭരണസമിതിയിൽ ഒളശ്ശ ഇടവകയ്ക്ക് മുൻ‌തൂക്കം

ചിക്കാഗോ: നോർത്ത് അമേരിക്കയിലെ ക്നാനായ സംഘടനകളുടെ സംഘടനയായ കെ സി സി എൻ എ യെ നയിക്കുവാൻ പുതിയ നേതൃത്വത്തെ കഴിഞ്ഞ ദിവസം നടന്ന വാശിയേറിയ തെരഞ്ഞെടുപ്പിലൂടെ നാഷണൽ കൗൺസിൽ അംഗങ്ങൾ തെരെഞ്ഞെടുത്തപ്പോൾ, പുതിയ ഭരണ സമിതി ഒളശ്ശ ഇടവകാംഗങ്ങളുടെ സംഗമ വേദിയാകുന്നു. അഞ്ചിൽ മൂന്ന് പേരും ഒളശ്ശ ഇടവകാംഗങ്ങളാണ് എന്നത് കൗതുകം ഉണർത്തി. വൈസ് പ്രസിഡണ്ട് മേയമ്മ വെട്ടിക്കാട്ട്, സെക്രട്ടറി എബ്രഹാം പുതിയടത്ത്‌ശ്ശേരിൽ, ജോയിന്റ് സെക്രട്ടറി രാജൻ പടവത്തിൽ എന്നിവരാണ് കെ സി സി എൻ യെ നയിക്കുവാൻ നിയുക്തരായ ഒളശ്ശ ഇടവകാംഗങ്ങൾ. പ്രസിഡണ്ട് ആയി തെരെഞ്ഞെടുക്കപ്പെട്ട ബേബി മണക്കുന്നേൽ, കെ സി സി എൻ യുടെ മുൻ പ്രസിഡണ്ട് ജോൺ ആകശാലക്ക് ശേഷം പ്രസിഡണ്ട് പദവിയിൽ എത്തുന്ന രണ്ടാമത്തെ പിറവം ഇടവകാംഗമാണ്. ട്രഷറർ ആയി തെരെഞ്ഞെടുക്കപ്പെട്ട അനിൽ മറ്റപ്പള്ളിക്കുന്നേൽ ഉഴവൂർ ഇടവകാംഗമാണ്. രണ്ടു വ്യത്യസ്‍ത പാനലിൽ നിന്ന് മത്സരിച്ച് വിജയിച്ചതാണ് എങ്കിലും ഒരേ മനസ്സോടെ ഒരേ ഹൃദയ താളത്തോടെ, നോർത്ത് അമേരിക്കയിലെ ക്നാനായ സമുദായത്തിന്റെ ആത്മാവിനെ തൊട്ടറിഞ്ഞ കെ സി സി എൻ യെ നയിക്കുവാൻ ക്നാനായ വികാരവും സുഹൃത്ത്ബന്ധങ്ങളും എന്നും മുതൽക്കൂട്ടാകും എന്നതിൽ സംശയമില്ല എന്ന് മേയമ്മ വെട്ടിക്കാട്ട് ക്നാനായവോയിസിനോട് പ്രതികരിച്ചു. 

Read more

വലിയനോമ്പിന്റെ സുകൃതവുമായി സജിയച്ഛന്റെ "ഇടയാ നിൻ വിളി കേൾക്കാൻ" എന്ന പ്രഭാഷണ പരമ്പര

ഹൂസ്റ്റൺ: വലിയ നോമ്പിലേക്ക് ആഗോള ക്രൈസ്തവ സമൂഹം എത്തിയിരിക്കുന്ന ഈ ദിവസങ്ങളിൽ, നോമ്പിന്റെ സന്ദേശവുമായി എത്തുകയാണ് ഹൂസ്റ്റൺ ഇടവക വികാരി ഫാ. സജി പിണർക്കയിൽ. നോമ്പിന്റെ എല്ലാ ദിവസവും അഞ്ചുമിനിട്ടോളമുള്ള ഹൃസ്വ സന്ദേശങ്ങൾ സെന്റ് മേരീസ് ക്നാനായ ദൈവാലയത്തിന്റെ യൂട്യൂബ് ചാനലിലൂടെ എത്തിച്ചുകൊണ്ടാണ് സജിയച്ചൻ വ്യത്യസ്‍തനായിരിക്കുന്നത്. ആത്മാവിൽ നിറഞ്ഞ വചന പ്രഘോഷണം കൊണ്ട് സുപരിചിതനായ സജിയച്ചന്റെ സന്ദേശം ഇതിനകം തന്നെ നിരവധി പേരാണ് യൂട്യൂബിലൂടെ കാണുന്നത്. കൂടാതെ സമൂഹ മാധ്യമങ്ങളിലൂടെ വളരെയധികം പ്രചാരവും ഈ വിഡിയോകൾ നേടുന്നുണ്ട്. ക്രൂശിതന്റെ പാതയിൽ ചരിക്കുന്ന ദൈവജനത്തിന് വഴികാട്ടുക എന്ന ദൗത്യം നിറവേറ്റുക എന്ന ലക്ഷ്യത്തോടെയാണ് ഈ സംരംഭത്തിന് മുതിർന്നത് എന്നും, സന്ദേശങ്ങൾ ശ്രവിച്ച നിരവധിപ്പേരുടെ സാക്ഷ്യങ്ങൾ ഈ ഉദ്യമത്തിന് ശക്തിയും കരുത്തുമായി കൂടെ ഉണ്ട് എന്ന യാഥാർഥ്യം ദൈവപരിപാലനയുടെ ശക്തമായ അടയാളമാണ് എന്നും സജിയച്ചൻ ക്നാനായ വോയിസിനോട് പറഞ്ഞു. തിരക്ക് പിടിച്ച ജീവിതത്തിന്റെ ഓട്ടത്തിനിടയിൽ ഒരു നിമിഷം സ്വന്തം ജീവിതത്തിലേക്കും കൂടെ വസിക്കുന്ന സഹ ജീവികളുടെ ജീവിതത്തിലേക്കും തിരിഞ്ഞു നോക്കുവാൻ ഈ ഹ്ര്വസ സന്ദേശങ്ങൾ കൊണ്ട് സാധിക്കുമെന്നു പ്രതീക്ഷിക്കുന്നതായി അദ്ദേഹം കൂട്ടിച്ചേർത്തു. സന്ദേശങ്ങൾ കാണുവാനായി https://www.youtube.com/channel/UCGrRM3v-meDgHIroZXofNGg എന്ന ലിങ്ക് സന്ദർശിക്കുക.

Read more

ക്നാനായ റീജിയൺ ഫാമിലി കോൺഫ്രൻസ്: ഫാ. ജോസഫ് പുത്തെൻപുരയിൽ പങ്കെടുക്കും

ചിക്കാഗോ: ക്നാനായ റീജിയന്റെ ആഭിമുഖ്യത്തിൽ നടത്തപ്പെടുന്ന പ്രഥമ ഫാമിലി കോൺഫ്രൻസിൽ കുടുംബ നവീകരണ സെമിനാർ നയിക്കുവാൻ ഫാ. ജോസഫ് പുത്തെൻപുരയിലും എത്തുന്നു. ജൂൺ 30 മുതൽ ജൂലൈ 2 വരെ ചിക്കാഗോയിൽ വച്ച് നടത്തപ്പെടുന്ന ഫാമിലി കോൺഫ്രൻസിൽ സെമിനാർ നയിക്കുവാൻ എത്തുന്ന ഫാ. ജോസഫ് പാംപ്ലാനിക്ക് പുറമെയാണ് പ്രശസ്ത വചന പ്രഘോഷകനും ലോകമെമ്പാടും നിരവധി ധ്യാനങ്ങളും സെമിനാറുകളും നർമ്മത്തിൽ ചാലിച്ച് നടത്തിക്കൊണ്ടു പേരെടുത്ത കപ്പൂച്ചിൻ വൈദീകനായ ഫാ. ജോസഫ് പുത്തെൻപുരയിൽ എത്തുന്നത്. ചിക്കാഗോ സെന്റ് മേരീസ് ദൈവാലയത്തിലും ചിക്കാഗോ സേക്രട്ട് ഹാർട്ട് ദൈവാലയത്തിലുമായി നടത്തപെടുന്ന ഫാമിലി കോൺഫ്രൻസിൽ മുതിർന്നവർക്കും യുവജനങ്ങൾക്കുമായി നിരവധി പരിപാടികളാണ് ക്രമീകരിച്ചുകൊണ്ടിരിക്കുന്നത്. എല്ലാ ദിവസവും രാവിലെ 9 മണിക്ക് വി. കുർബ്ബാനയോടെ ആരംഭിച്ച്, ഉച്ച വരെ കുടുംബ നവീകരണ പ്രഭാഷണങ്ങളും, ഉച്ച കഴിഞ്ഞു കുടുംബ ജീവിതവും യുവജനങ്ങളുടെയും കുട്ടികളുടെയും പരിശീലനവും ആസ്പദമാക്കി സെമിനാറുകളും, വൈകുന്നേരങ്ങളിൽ ഇടവകളുടെയും മിഷനുകളുടെയും നേതൃത്വത്തിൽ ബൈബിൾ അധിഷ്ഠിതവും, ക്നാനായ പാരമ്പര്യങ്ങളിൽ അധിഷ്ഠിതവുമായ കലാ പരിപാടികളുമായി രാത്രി 9 മണിയോടെ സമാപിക്കുന്ന രീതിയിലാണ് പരിപാടികൾ ക്രമീകരിച്ചിരിക്കുന്നത്. ക്നാനായ സമുദായത്തെ സംബന്ധിച്ചും, സഭാത്മകമായ കുടുംബ നവീകരണത്തെ സംബന്ധിച്ചും, യുവജന വർഷവുമായി ബന്ധപ്പെട്ടതുമായ വിഷയങ്ങളെ ആസ്പദമാക്കിയാണ് സെമിനാറുകൾ സംഘടിപ്പിക്കുന്നത്. സാമൂഹിക മാധ്യമങ്ങളുടെ ആധുനിക യുഗത്തിൽ, കുടുംബങ്ങളിൽ ഉണ്ടായിക്കൊണ്ടിരിക്കുന്ന മൂല്യച്യുതിയും സഭയെപ്പറ്റിയുള്ള വികലമായ കാഴ്ചപ്പാടുകളും തിരുത്തികൊണ്ടു, പുതിയ ഒരു തലമുറയെ വാർത്തെടുക്കുവാനും, സുറിയാനി കത്തോലിക്കാ സഭയുടെ വളർച്ചയിൽ നിർണ്ണായക പങ്കു വഹിച്ച ക്നാനായ സമുദായത്തിന്റെ പാരമ്പര്യങ്ങളെ കൂടുതൽ ആഴത്തിൽ മനസ്സിലാക്കിക്കൊണ്ട്, വരും തലമുറകളിലേക്ക് അവയെ പകർന്നു നൽകുവാനും റീജിയണിലെ അംഗങ്ങളെ പ്രാപ്തരാക്കുക എന്നുള്ള ലക്ഷ്യമാണ് ക്നാനായ റീജിയന്റെ ഫാമിലി കോൺഫ്രൻസ് കൊണ്ട് ഉദ്ദേശിക്കുന്നത്.

ഫാമിലി കോൺഫ്രൻസ് സംബന്ധിച്ച് കൂടുതൽ വിവരങ്ങൾക്കായി ബന്ധപ്പെടുക

ഫാ. തോമസ് മുളവനാൽ : 310 709 5111

ഫാ. എബ്രഹാം മുത്തോലത്ത് :773 412 6254

ഫാ. ബോബൻ വട്ടംപുറത്ത് :773 934 1644

ടോണി പുല്ലാപ്പള്ളി: 630 205 5078

Read more

2018 KCCNA കൺവെൻഷൻ ലോസാഞ്ചൽസിൽ

ലോസാഞ്ചൽസ്: കെ സി സി എൻ 2018 ലെ കൺവെൻഷൻ ലോസാഞ്ചൽസിൽ വച്ച് നടത്തപ്പെടും. പുതിയ ഭരണ സമിതിയുടെ നേതൃത്വത്തിൽ ഫിലാഡൽഫിയയിൽ വച്ച് പുതുതായി ചുമതലയേറ്റ നാഷണൽ കൗൺസിലിൽ വച്ചാണ് ഇത് സംബന്ധിച്ച് തീരുമാനം കൈക്കൊണ്ടത്. കൺവെൻഷൻ സംബന്ധിച്ചുള്ള കൂടുതൽ തീരുമാനങ്ങൾ പിന്നീട് കൈക്കൊള്ളും.

Read more

ചിക്കാഗോ സെന്റ് മേരീസിൽ പ്രീ മാരിയേജ് കോഴ്സ് നടത്തപ്പെട്ടു

ചിക്കാഗോ: ക്നാനായ റീജിയന്റെ ആഭിമുഖ്യത്തിലുള്ള പ്രീ മാരിയേജ് കോഴ്സ് മാർച്ച് 3,4,5 തിയ്യതികളിൽ ചിക്കാഗോ സെന്റ് മേരീസ് ക്നാനായ കാത്തലിക്ക് ഇടവക ദൈവാലയത്തിൽ വച്ച് നടത്തപ്പെട്ടു. നോർത്ത് അമേരിക്കയുടെ വിവിധ ഭാഗങ്ങളിൽ നിന്നായി 49 യുവജനങ്ങൾ പങ്കെടുത്ത ഈ മൂന്നു ദിവസത്തെ കോഴ്‌സിൽ, വിവാഹിതരാകുവാൻ പോകുന്ന യുവജനങ്ങൾ അറിഞ്ഞിരിക്കേണ്ട വിവിധ വിഷയങ്ങളെ ആസ്പദമാക്കി സെമിനാറുകളും ചർച്ചകളും നടത്തപ്പെട്ടു.

ക്നാനായ റീജിയൻ ഡയറക്ടർ ഫാ. തോമസ് മുളവനാൽ, സീറോ മലബാർ രൂപതാ ചാൻസലർ ഫാ. പോൾ ചാലിശ്ശേരിൽ , ഫാമിലി കമ്മീഷൻ ഡയറക്ടർ ടോണി പുല്ലാപ്പള്ളി, ഡോ. അജിമോൾ പുത്തെൻപുരയിൽ, ബെന്നി കാഞ്ഞിരപ്പാറ, തമ്പി & ഷൈനി വിരുത്തികുളങ്ങര, ടോം മൂലയിൽ, ജോണി തെക്കേപറമ്പിൽ, ടോമി മേത്തിപ്പാറ, ജിൻസ് & ഷിന പുത്തൻപുരയിൽ തുടങ്ങിയവർ നേതൃത്വം നൽകി.

അമേരിക്കയിലോ, നാട്ടിലോ വച്ച് വിവാഹിതാരാകുവാൻ ഉദ്ദേശിക്കുന്ന മുഴുവൻ യുവജനങ്ങളും പ്രീ മാര്യേജ് കോഴ്‌സിൽ പങ്കെടുത്ത് സർട്ടിഫിക്കറ്റുകൾ കരസ്ഥമാക്കണം എന്ന് ക്നാനായ റീജിയൻ ഡയറക്ടർ ഫാ. തോമസ് മുളവനാൽ അറിയിച്ചു. ക്നാനായ റീജിയണിലെ അടുത്ത പ്രീ മാരിയേജ് കോഴ്സ് ഒക്ടോബർ 20, 21, 22 തിയ്യതികളിൽ ചിക്കാഗോ സേക്രട്ട് ഹാർട്ട് ഫൊറോനാ ദൈവാലയത്തിൽ വച്ച് നടത്തപ്പെടുന്നതാണ്. പങ്കെടുക്കുവാൻ ആഗ്രഹിക്കുന്നവർ 6302055078 എന്ന നമ്പറിൽ ബന്ധപ്പെടേണ്ടതാണ്.

Read more

കെ.സി.സി.എന്‍.എ ജോയിന്റ് സെക്രട്ടറി രാജന്‍ പടവത്തിലിന് ഉജ്വല സ്വീകരണം

മയാമി: ക്‌നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയുടെ ജോയിന്റ് സെക്രട്ടറിയായി ഫിലാഡല്‍ഫിയയില്‍ വച്ചു നടന്ന തെരഞ്ഞെടുപ്പില്‍ വിജയിച്ച രാജന്‍ പടവത്തിലിന് ഫോര്‍ട്ട് ലോഡര്‍ഡെയില്‍ എയര്‍പോര്‍ട്ടില്‍ വച്ചു സ്വീകരണം നല്‍കി.

ക്‌നാനായ കാത്തലിക് അസോസിയേഷന്‍ ഓഫ് സൗത്ത് ഫ്‌ളോറിഡ പ്രസിഡന്റ് ബൈജു വണ്ടന്നൂര്‍, സെക്രട്ടറി മനോജ് താനത്ത്, നാഷണല്‍ കൗണ്‍സില്‍ മെമ്പര്‍മാരായ ബാബു കോട്ടൂര്‍, റോബിന്‍ കല്ലിടാന്തിയില്‍, എക്‌സ് ഒഫീഷ്യോമാരായ ജൂബിന്‍ കുളങ്ങര, റോജി കണിയാംപറമ്പില്‍, ഷാജന്‍ പുളക്കീല്‍, ബെന്നി വള്ളിപ്പറമ്പില്‍ എന്നിവരുടെ നേതൃത്വത്തില്‍ അസോസിയേഷന്‍ പ്രസിഡന്റ് ബൈജു വണ്ടന്നൂര്‍ രാജന്‍ പടവത്തിലിന് ബൊക്കെ നല്‍കിയാണ് സ്വീകരിച്ചത്.

ക്‌നാനായ കാത്തലിക് അസോസിയേഷന്റെ ചരിത്രത്തില്‍ ആദ്യമായിട്ടാണ് ഒരു മെമ്പര്‍ കെ.സി.സി.എന്‍.എയില്‍ ഇങ്ങനെയൊരു സ്ഥാനം വഹിക്കുന്നത്. അതുപോലെതന്നെ ക്‌നാനായ സമുദായത്തിന്റെ ഗ്ലോബല്‍ സംഘടനയായ ഡി,കെ.സി.സിയുടെ ഡെലിഗേറ്റായി, അസോസിയേഷന്‍ ജനറല്‍ സെക്രട്ടറി മനോജ് താനയിലിനേയും ഐക്യകണ്‌ഠ്യേന തെരഞ്ഞെടുത്തു. ഇവരുടെ മുമ്പോട്ടുള്ള പ്രവര്‍ത്തനങ്ങള്‍ക്ക് ക്‌നാനായ അസോസിയേഷന്‍ ഓഫ് സൗത്ത് ഫ്‌ളോറിഡയുടെ എല്ലാ പിന്തുണയും ഉണ്ടാകുമെന്നു പ്രസിഡന്റ് ബൈജു വണ്ടന്നൂര്‍ അറിയിച്ചു.

Read more

മോര്‍ട്ടന്‍ഗ്രോവ് സെന്റ് മേരീസ് ദേവാലയത്തില്‍ നോമ്പാചരണത്തിനു തുടക്കും കുറിച്ചു; നോമ്പുകാലധ്യാനം ഏപ്രില്‍ 7 മുതല്‍ 9 വരെ

ചിക്കാഗോ: മോര്‍ട്ടന്‍ഗ്രോവ് സെന്റ് മേരീസ് ക്‌നാനായ കത്തോലിക്കാ ഇടവക ദൈവാലയത്തില്‍ ഫെബ്രുവരി 27 തിങ്കളാഴ്ച്ച അര്‍പ്പിക്കപ്പെട്ട ദിവ്യ ബലിയോടുകൂടി വിഭൂതി ആചരണ തിരുകര്‍മ്മങ്ങങ്ങള്‍ക്കു ആരംഭം കുറിച്ചു. റവ. മോണ്‍ തോമസ് മുളവനാല്‍ ദിവ്യബലിയിലും കുരിശുവര തിരുനാള്‍ കര്‍മ്മങ്ങള്‍ക്കും മുഖ്യ കാര്‍മികത്വം വഹിച്ചു .റവ. ഫാ. ബോബന്‍ വട്ടേമ്പുറത്ത് സഹ കാര്‍മ്മികനായിരുന്നു. യേശു ക്രിസ്തു തന്റെ പരസ്യ ജീവിതാരംഭത്തിനു തൊട്ടുമുമ്പ് മരുഭൂമിയില്‍ നാല്‍പ്പതു ദിനരാത്രങ്ങള്‍ ഉപവസിച്ചതിന്റെ ഓര്‍മ്മയാചരണമാണ് നോമ്പാചരണത്തിനു ആധാരം. പാശ്ചാത്യ ആരാധനക്രമമനുസരിച്ചു വിഭൂതി ആചരണം ബുധനാഴ്ചയിലും , പൗരസ്ത്യ ആരാധനക്രമമനുസരിച്ചു തിങ്കളാഴ്ചയിലുമാണ് തുടങ്ങന്നത് .

കുരിശുവര തിരുനാളിനോടുനുബന്ധിച്ചു ആരംഭിക്കുന്ന നോമ്പാചരണമെന്നതു മത്സ്യ മാംസാദികളുടെ വര്‍ജനം മാത്രമല്ല മറിച്ചു തന്റെ ജീവതത്തില്‍ ഒരു മാറ്റം വരുത്തുന്നതിലാണ് പ്രാധാന്യം. നമ്മുടെ മുന്നില്‍ ഇരിക്കുന്ന ഒരു വിശിഷ്ട ഭോജനം ഒഴിവാക്കാന്‍ സാധിക്കുന്നില്ലായെങ്കില്‍ എങ്ങനെയാണു ശരീരത്തിന്റെ മോഹങ്ങളോട്, പാപ ചിന്തകളോട് "നോ" പറയുവാന്‍ സാധിക്കുക. എല്ലാ വിശപ്പിന്റെയും പരിഹാരം അപ്പമല്ലയെന്നു ദൈവം തന്റെ മരുഭൂമിയിലെ പരീക്ഷണംകൊണ്ട് നമ്മെ പഠിപ്പിക്കുന്നു. വിഭൂതി തിരുന്നാള്‍ ദിനത്തില്‍ പുരോഹിതര്‍ നമ്മുടെ നെറ്റിയില്‍ ഭസ്മം പൂശി കൊണ്ടു പറയുന്നു "മനുഷ്യാ നീ മണ്ണാകുന്നു മണ്ണിലേക്ക് തന്നെ നീ മടങ്ങുന്നു" വെന്ന്. ശരിക്കും ഇതു ഒരു ഓര്‍മ്മപ്പെടുത്തലാണ് , ഒരു ഞൊടിയിടക്കുള്ളില്‍ പതിയിരിക്കുന്ന മരണത്തെ കുറിച്ച്; നോമ്പ് അങ്ങനേയും ഒരു ചിന്ത തരുന്നുണ്ട് .

ഈ അമ്പതു നോമ്പാചരണത്തോട് അനുബന്ധിച്ചു സെന്റ് മേരീസ് ക്‌നാനായ ദേവാലയത്തില്‍ വച്ച് ഏപ്രില്‍ മാസം 7ന് വെള്ളിയാഴ്ച രാവിലെ 10 മണി മുതല്‍ ഞായറാഴ്ച വൈകിട്ട് 5 .30 വരെ കോട്ടയം കളത്തിപ്പടി ക്രിസ്റ്റീന്‍ ധ്യാന കേന്ദ്രത്തിന്റെ നേതൃത്വത്തില്‍ ഫാ. ജോണുസ് ചെറുനിലത്ത്, ബ്ര സന്തോഷ് .റ്റി , മേരിക്കുട്ടി റ്റീച്ചര്‍ എന്നിവര്‍ നയിക്കുന്ന നോമ്പുകാലധ്യാനം നടത്തപ്പെടുന്നു . യുവജനങ്ങള്‍ക്ക് വേണ്ടി കയ്‌റോസ് ടീം ഇംഗ്ലീഷിലും ധ്യാനം നടത്തുന്നുണ്ട്. നോമ്പാചരണത്തോടനുബന്ധിച്ചു നടക്കുന്ന ഈ ധ്യാനത്തില്‍ ഇടവകയിലുള്ള എല്ലാ വിശ്വവാസികളുടെയും സജീവ സാന്നിധ്യം ഉറപ്പാക്കണമെന്ന് ഇടവക വികാരി മോണ്‍ തോമസ് മുളവനാല്‍ അറിയിച്ചു.

Read more

KCCNA തെരെഞ്ഞെടുപ്പ്, ചിക്കാഗോ റീജണൽ വൈസ് പ്രസിഡണ്ട് സ്ഥാനത്തേക്ക് സമനില.

ഫിലാഡൽഫിയ: കെ സി സി എൻ എ തെരഞ്ഞെടുപ്പിന്റെ ആവേശം വാനോളം ഉയർത്തിക്കൊണ്ടായിരുന്നു ചിക്കാഗോയിലെ റീജിണൽ വൈസ് പ്രസിഡണ്ട് സ്ഥാനത്തേക്ക് മത്സരം നടന്നത്. ജോയി നെല്ലാമറ്റവും ജെയ്‌മോൻ നന്ദികാട്ടും ശക്തമായ മത്സരം കാഴ്ചവെച്ചപ്പോൾ, മത്സരം സമനിലയിൽ പിരിഞ്ഞത് ഏവരിലും കൗതുകം നിറച്ചു. ഇരുവരും വോട്ടുകളുടെ എണ്ണത്തിൽ തുല്യത പാലിച്ചതോടെ രണ്ടു വർഷത്തെ ഭരണത്തിൽ ഇരുവരും ഓരോ വര്ഷം വീതം റീജണൽ വൈസ് പ്രസിഡണ്ട് സ്ഥാനം പങ്കുവെയ്ക്കും. ആദ്യവർഷം ജെയ്‌മോൻ നന്ദികാട്ടും പിന്നീട് ജോയി നെല്ലാമറ്റവും റീജണൽ വൈസ്പ്രസിഡന്റ് സ്ഥാനവുമായി കെ സി സി എൻ എ എക്‌സിക്യൂട്ടീവിൽ പ്രവർത്തിക്കും. മറ്റു റീജിണൽ വൈസ്പ്രസിഡന്റുമാരായി തെരെഞ്ഞെടുക്കപെട്ടവർ ഇവർ. അറ്റ്‌ലാന്റ: ജോബി വാഴക്കാലായില്‍; ടെക്‌സസ്: ലിജോ മച്ചാനിക്കൽ ; ന്യു യോര്‍ക്ക്: ജോണിച്ചന്‍ കുസുമാലയം; കാനഡ: ജോര്‍ജ് തച്ചേട്ട്; സൈമണ്‍ കോട്ടൂര്‍-കാലിഫോര്‍ണിയ. ബോസ്റ്റൺ: ജോബോയ് മണലേൽ, താമ്പാ. മനോജ് താനത്ത് ഡിട്രോയിറ്റ്‌ : അലക്സ് കോട്ടൂർ

Read more

KCCNA ക്ക് ബേബി മണക്കുന്നേലിന്റെ നേതൃത്വതിൽ പുതിയ ഭരണസമിതി. കൂടുതൽ തെരെഞ്ഞെടുപ്പ് വിശേഷങ്ങൾ

ഫിലാഡൽഫിയ: നോര്‍ത്ത് അമേരിക്കയിലെ ക്‌നാനായ സംഘടനകളുടെ മാതൃസംഘടനയായ ക്‌നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയെ അടുത്ത രണ്ടു വർഷത്തേക്ക് നയിക്കുവാനായി ബേബി മണക്കുന്നേലിനെ തെരെഞ്ഞെടുത്തു. നോർത്ത് അമേരിക്കയുടെ വിവിധ സംസ്ഥാനങ്ങളിൽ നിന്നും ഫിലാഡൽഫിയയിൽ എത്തിയ നാഷണൽ കൗൺസിൽ അംഗങ്ങൾ, ഫ്‌ളോറിഡയിലെ താമ്പായില്‍ നിന്നും ജെയിംസ് ഇല്ലിക്കല്‍ നേതൃത്വം നല്‍കുന്ന പാനലും, ടെക്‌സാസിലെ ഹൂസ്റ്റണില്‍ നിന്നും ബേബി മണക്കുന്നേല്‍ നേതൃത്വം നല്‍കുന്ന പാനലും തമ്മിൽ നടന്ന ആവേശം അണപൊട്ടിയൊഴുകിയ സൗഹൃദ മത്സരത്തിൽ, ബേബി മണക്കുന്നേലിന്റെ പാനലിലെ വൈസ് പ്രസിഡണ്ട് സ്ഥാനാർഥി ഒഴികെ എല്ലാവരെയും വിജയിപ്പിക്കുകയായിരുന്നു.

ഓരോ സ്ഥാനാർത്ഥികൾക്കും ലഭിച്ച വോട്ടുകളുടെ എണ്ണം ഇങ്ങിനെ. എക്‌സിക്യൂട്ടിവ് വൈസ് പ്രസിഡന്റ്: പ്രൊഫ. മേയമ്മ വെട്ടിക്കാട്ട്, ചിക്കാഗോ, 64 വോട്ട്; എതിര്‍ത്ത സൈമണ്‍ ഇല്ലിക്കാട്ടിലിനു 53 വോട്ട്. ജനറല്‍ സെക്രട്ടറി ഏബ്രഹാം പുതിയിടത്തുശേരില്‍ (ന്യു യോര്‍ക്ക്) 70 വോട്ട് നേടി വിജയിച്ചു. എതിരാളി ജെയ്‌സണ്‍ ഓളിയിലിനു 47 വോട്ട്; ട്രഷറര്‍: അനില്‍ മറ്റപ്പള്ളികുന്നേല്‍ (ലോസ് ഏഞ്ചലസ്) 74 വോട്ട് നേടി; എതിര്‍ത്ത ഷീജോ പഴയമ്പള്ളിക്കു 43 വോട്ട്. ; ജോ. സെക്രട്ടറി: ജേക്കബ് പടവത്തില്‍ (ഫ്‌ളോറിഡ) 59 വോട്ട് നേടി; എതിര്‍ത്ത ജയ്ക്ക് പോാളപ്രയിലിനു 58 വോട്ട്.

റീജിണൽ വൈസ് പ്രസിഡന്റുമാറായി തെരെഞ്ഞെടുക്കപ്പെട്ടവർ ഇവർ. അറ്റ്‌ലാന്റ: ജോബി വാഴക്കാലായില്‍; ടെക്‌സസ്: ലിജോ മച്ചാനിക്കൽ  ; ന്യു യോര്‍ക്ക്: ജോണിച്ചന്‍ കുസുമാലയം; കാനഡ: ജോര്‍ജ് തച്ചേട്ട്; സൈമണ്‍ കോട്ടൂര്‍-കാലിഫോര്‍ണിയ. ബോസ്റ്റൺ: ജോബോയ് മണലേൽ, ഡിട്രോയിറ്റ്‌ : അലക്സ് കോട്ടൂർ. ചിക്കാഗോയ്ല്‍ നിന്നു ജയ്‌മോന്‍ നന്ദികാട്ടിനും ജോയി നെല്ലാമറ്റത്തിനും തുല്യവോട്ട് കിട്ടി. ജയ്‌മോന്‍ 2017-ലും ജോയി 2018-ലും റീജിണൽ വൈസ് പ്രസിഡന്റ് സ്ഥാനം വഹിക്കും.

മുന്‍ പ്രസിഡന്റുമാരായ ജോര്‍ജ് നെല്ലാമറ്റം, ടോമി മ്യാല്‍ക്കരപ്പുറത്ത്, ഷീന്‍സ് ആകശാല എന്നിവരടങ്ങിയ ഇലക്ഷന്‍ കമ്മിറ്റിയാണു ഇലക്ഷന്‍ നടത്തിയത്. എല്ലാ വോട്ടര്‍മാരും വോട്ടു ചെയ്തതായി ചീഫ് ഇലക്ഷന്‍ കമ്മീഷണര്‍ ജോര്‍ജ് നെല്ലാമറ്റം പറഞ്ഞു. കടുത്ത മത്സരമായിരുന്നു. പ്രശ്‌നങ്ങൊളൊന്നുമില്ലാതെ ഇലക്ഷന്‍ നടത്താനായി

തികച്ചും സൗഹ്രുദ മത്സരമാണ് നടന്നതെന്നു ഇരു വിഭാഗവും പറഞ്ഞു. പുതിയ പ്രസിഡന്റിനൊപ്പം ഒറ്റക്കെട്ടായി പ്രവര്‍ത്തിക്കാന്‍ താന്‍ മുന്‍ നിരയിലുണ്ടാവുമെന്നു ജെയിം,സ് ഇല്ലിക്കല്‍ പറഞ്ഞു.

പുതിയ പ്രസിഡന്റ് ബേബി മണക്കുന്നേല്‍ പിറവം സ്വദേശിയാണ്. ഭാര്യ ആനി, മാറിക ഇല്ലിക്കാട്ടില്‍ കുടുംബാംഗം. ഫില്‍മോന്‍ ബേബി, ജോയല്‍ ബേബി എന്നിവര്‍ മക്കള്‍. എം. കോം. ബിരിുദധാരിയാണ് കെ.സി.സി.എന്‍.എ ജനറല്‍ സെക്രട്ടറി എന്ന നിലയില്‍ 1998, 99, 2000 വര്‍ഷങ്ങളില്‍ പ്രവര്‍ത്തിച്ച പരിചയത്തില്‍ നിന്നു സമുദായത്തിന്റേയും, സംഘടനയുടേയും പ്രശ്‌നങ്ങളെപ്പറ്റി തനിക്ക് വ്യക്തമായ ധാരണയുണ്ടെന്നു അദ്ധേഹംനേരത്തെ ചൂണ്ടിക്കാട്ടിയിരുന്നു.

ക്‌നാനായ യൂത്ത് ലീഗില്‍ 1974 മുതല്‍ പ്രവര്‍ത്തിച്ചു. വിവിധ സ്ഥാനങ്ങള്‍ വഹിച്ചു. 1985 മുതല്‍ 1990 വരെ പിറവം മണ്ഡലം യൂത്ത് കോണ്‍ഗ്രസ് പ്രസിഡന്റായിരുന്നു. ഹൂസ്റ്റണ്‍ ക്‌നാനായ കാത്തലിക് സൊസൈറ്റി പ്രസിഡന്റായി 1997, 1998, 2012 വര്‍ഷങ്ങളില്‍ സേവനം അനുഷ്ഠിച്ചു. കേരളത്തില്‍ പത്തുവര്‍ഷം അധ്യാപകനായിരുന്നു. യു.എസ് പോസ്റ്റല്‍ സര്‍വീസില്‍ സേവനം അനുഷ്ഠിച്ചശേഷം ഒന്നര പതിറ്റാണ്ട് മുമ്പ് ബിസിനസ് രംഗത്തേക്ക് തിരിഞ്ഞു. ഫോമയുടെ 2008ലെ കണ്‍വന്‍ഷന്‍ ചെയറും, 2012, 16 വര്‍ഷത്തെ റീജിയന്‍ വൈസ് പ്രസിഡന്റുമായിരുന്നു.

എക്‌സിക്യൂട്ടീവ് വൈസ് പ്രസിഡന്റ് പ്രൊഫ. മേയമ്മ വെട്ടിക്കാട്ട്ഒളശ്ശ തയ്യില്‍ മാളികയില്‍ കുടുംബാംഗമാണ്. അവര്‍ 1971 മുതല്‍ 21 വര്‍ഷം കോട്ടയം ബി.സി.എം കോളജില്‍ അധ്യാപികയായിരുന്നു. 1992ല്‍ ചിക്കാഗോയിലെത്തിയ അവര്‍ നഴ്‌സിംഗ് പഠിച്ച് 1996 മുതല്‍ ആര്‍.എന്‍. ആയി. ഭര്‍ത്താവ് പ്രൊഫ. പീറ്റര്‍ മാത്യു വെട്ടിക്കാട്ട് ഉഴവൂര്‍ കോളജ് റിട്ട. പ്രൊഫസറാണ്.

1970 മുതല്‍ ക്‌നാനായ സംഘടനകളില്‍ തുടര്‍ച്ചയായി പ്രവര്‍ത്തിച്ചു. കെ.സി.വൈ.എല്‍ തുടങ്ങുമ്പോള്‍ അഡൈ്വസറായിരുന്നു. കോട്ടയം രൂപതയുടെ വിദ്യാഭാസ പ്രവര്‍ത്തനങ്ങളില്‍ രണ്ടു പതിറ്റാണ്ട് സജീവമായി പങ്കാളിത്വം വഹിച്ചു. 1992 മുതല്‍ ചിക്കാഗോ കെ.സി.എസില്‍ സജീവം. ചിക്കാഗോ കെ.സി.വൈ.എല്‍ അഡൈ്വസറായി നിരവധി വര്‍ഷം പ്രവര്‍ത്തിച്ചു.

വിമന്‍സ് ഫോറം കോാര്‍ഡിനേറ്ററും പിന്നീട് അഡൈ്വസറുമായി. 2004 മുതല്‍ 2006 വരെ കെ.സി.എസ് വൈസ് പ്രസിഡന്റ്. 2008ല്‍ പ്രസിഡന്റായി. കെ.സി.എസിലെ ഏക വനിതാ പ്രസിഡന്റാണ്. കെ.സി.എസ്. ഭരണഘടനാ സമിതിയുടെ ചെയര്‍ പേഴ്‌സണുമായിരുന്നു. കെ.സി.സി.എന്‍.എ ഭരണഘടനാ സമിതിയിലും അംഗമായിരുന്നു

Read more

Copyrights@2016.