america live Broadcasting

ദിലിപ് ഷോ ഇന്ന് - HOUSE FULL - ഷിക്കാഗോ മലയാളികള്‍ ആവേശത്തില്‍

ചിക്കാഗോ കെ സി എസ് - ദിലീപ് ഷോ ടിക്കറ്റ് ഓണ്ലൈനിയിൽ ലഭ്യമാണ് 
ചിക്കാഗോ: ചിക്കാഗോ  കെ സി എസ് മെയ് 13 നു നടത്തപെടുന്ന ഈ വർഷത്തെ ഏറ്റവും ജനപ്രിയ സ്റ്റേജ് ഷോ  ആയ  ദിലീപ് ഷോയുടെ  ടിക്കറ്റ് ഓണ്ലൈനിയിൽ ലഭ്യമാണ് . വർദ്ധിച്ചുവരുന്ന ആവശ്യകതയെ തുടർന്ന് സംഘാടകർ ടിക്കറ്റിന്റെ ലഭ്യതക്കായി ഓൺലൈൻ സൗകര്യം ഒരുക്കിയിരിക്കുന്നത് . 
ഈ വര്ഷം അമേരിക്കയിൽ വരുന്ന ഏറ്റവും വലുതും കലാകാരന്മാരെ കൊണ്ട് സമ്മാനവുമായ ഏക ഷോ എന്നതിൽ ദിലീപ് ഷോ ഏറെ പ്രേസക്തി നേടി കഴിഞ്ഞു. ചിക്കാഗോയിലെ മുഴുവൻ മലയാളീ സമൂഹവും ഈ ഷോ യെ നെഞ്ചിലേറ്റി കഴിഞ്ഞു. കേരളത്തിലെ സ്റ്റേജ് ഷോ രംഗത്ത് ഏറെ മികച്ച കലാകാരമാരുടെ ഒരു കൂട്ടായ്മ എന്നത് ഈ ഷോ യ്ക്ക് ഏറെ  മാറ്റ് കൂട്ടിയിട്ടുണ്ട്. 
നാദിര്ഷാ അണിയിച്ചൊരുക്കുന്ന ഈ ഷോയിൽ ദിലീപിനെ കൂടാതെ റിമി റ്റോമി, കാവ്യാ മാധവൻ , പിഷാരടി, ധർമ്മജൻ  തുടങ്ങി വാൻ താരനിരയാണ് അരങ്ങത്ത് മാറ്റുരക്കുന്നത് . 
ഇനിയും ടിക്കറ്റ് ലഭിക്കാത്തവർക്കു താഴെ കൊടിത്തിരിക്കുന്ന ലിങ്ക് വഴി ടിക്കറ്റ് ക്രെഡിറ്റ് കാർഡ് ഉപയോഗിച്ച് എടുക്കാവുന്നതാണ് .
ദിലീപ് ഷോക്ക്  ബിനു പുത്തറയിൽ, സാജു കണ്ണമ്പള്ളി , ജോണിക്കുട്ടി പിള്ളവീട്ടിൽ ഡിബിൻ വിലങ്ങുകല്ലേൽ , ഷിബു മുളയാനികുന്നേൽ, ബൈജു കുന്നേൽ, തോമസ് പൂതക്കരി , ജിനോ കക്കാട്ടിൽ, ജോസ് സൈമൺ മുണ്ടപ്ലാക്കൽ , സാജൻ പച്ചിലമാക്കിൽ  എന്നിവർ നേതൃത്വം നൽകും.  
ചിക്കാഗോ:  ദിലിപ് ഷോ ഇന്ന് - HOUSE FULL -  ഷിക്കാഗോ മലയാളികള്‍ ആവേശത്തില്‍ . ചിക്കാഗോ  കെ സി എസ് മെയ് 13 നു നടത്തപെടുന്ന ഈ വർഷത്തെ ഏറ്റവും ജനപ്രിയ സ്റ്റേജ് ഷോ  ആയ  ദിലീപ് ഷോയുടെ  ടിക്കറ്റ് ഓണ്ലൈനിയിൽ ലഭ്യമാണ് . വർദ്ധിച്ചുവരുന്ന ആവശ്യകതയെ തുടർന്ന് സംഘാടകർ ടിക്കറ്റിന്റെ ലഭ്യതക്കായി ഓൺലൈൻ സൗകര്യം ഒരുക്കിയിരിക്കുന്നത് . 

ഈ വര്ഷം അമേരിക്കയിൽ വരുന്ന ഏറ്റവും വലുതും കലാകാരന്മാരെ കൊണ്ട് സമ്മാനവുമായ ഏക ഷോ എന്നതിൽ ദിലീപ് ഷോ ഏറെ പ്രേസക്തി നേടി കഴിഞ്ഞു. ചിക്കാഗോയിലെ മുഴുവൻ മലയാളീ സമൂഹവും ഈ ഷോ യെ നെഞ്ചിലേറ്റി കഴിഞ്ഞു. കേരളത്തിലെ സ്റ്റേജ് ഷോ രംഗത്ത് ഏറെ മികച്ച കലാകാരമാരുടെ ഒരു കൂട്ടായ്മ എന്നത് ഈ ഷോ യ്ക്ക് ഏറെ  മാറ്റ് കൂട്ടിയിട്ടുണ്ട്. 

നാദിര്ഷാ അണിയിച്ചൊരുക്കുന്ന ഈ ഷോയിൽ ദിലീപിനെ കൂടാതെ റിമി റ്റോമി, കാവ്യാ മാധവൻ , പിഷാരടി, ധർമ്മജൻ  തുടങ്ങി വാൻ താരനിരയാണ് അരങ്ങത്ത് മാറ്റുരക്കുന്നത് . 

ഇനിയും ടിക്കറ്റ് ലഭിക്കാത്തവർക്കു താഴെ കൊടിത്തിരിക്കുന്ന ലിങ്ക് വഴി ടിക്കറ്റ് ക്രെഡിറ്റ് കാർഡ് ഉപയോഗിച്ച് എടുക്കാവുന്നതാണ് .

ദിലീപ് ഷോക്ക്  ബിനു പുത്തറയിൽ, സാജു കണ്ണമ്പള്ളി , ജോണിക്കുട്ടി പിള്ളവീട്ടിൽ ഡിബിൻ വിലങ്ങുകല്ലേൽ , ഷിബു മുളയാനികുന്നേൽ, ബൈജു കുന്നേൽ, തോമസ് പൂതക്കരി , ജിനോ കക്കാട്ടിൽ, ജോസ് സൈമൺ മുണ്ടപ്ലാക്കൽ , സാജൻ പച്ചിലമാക്കിൽ  എന്നിവർ നേതൃത്വം നൽകും.  

Read more

ഷിക്കാഗോ ക്നാനായ ഫൊറോനായിൽ വി. യൌസേപ്പ്പിതാവിന്റെ തിരുന്നാൾ ആചരിച്ചു

ഷിക്കാഗോ: ഏപ്രിൽ 30 ഞായറാഴ്ച, ഷിക്കാഗോ തിരുഹൃദയ ക്നാനാ‍യ കത്തോലിക്കാ ദൈവാലയത്തിൽ, വിശുദ്ധ യൌസേപ്പ്പിതാവിന്റെ തിരുന്നാൾ ഭക്തിപുരസരം ആചരിച്ചു. തിരുക്കർമ്മങ്ങൾക്ക്, ഹോളി സ്പിരിറ്റ് ഫാദേഴ്സ് മിഷനറി സന്യാസ സഭയുടെ (ഒ.എസ്.എസ്.) ഇന്ത്യന്‍ പ്രൊവിന്‍സിന്റെ പ്രൊവിന്‍ഷ്യല്‍ സുപ്പീരിയർ ഫാ. ബിജു ചിറത്തറ മുഖ്യകാർമ്മികനും, ഫൊറോനാ വികാരി ഫാ. എബ്രാഹം മുത്തോലത്ത് സഹകാർമ്മികനുമായിരുന്നു.

പുന്നത്തുറ ഇടവകക്കാരനായ ഫാ. ബിജു ചിറത്തറ, 2000 - ൽ ബന്ധുവായ ആർച്ച് ബിഷപ്പ് മാർ എബ്രാഹം വിരുത്തിക്കുളങ്ങര പിതാവിൽ നിന്നും വൈദിക പട്ടം സ്വീകരിച്ച്, വികാരി, സ്കൂൾ പ്രിൻസിപ്പാൾ ഓർഫനേജ് ഡയറക്ടർ തുടങ്ങിയ മേഖലകളിൽ സേവനം അനുഷ്ഠിച്ചതിനുശേഷം, മിഷൻ പ്രവർത്തനങ്ങൾക്കുവേണ്ടി ജർമ്മനിയിൽ പോയി, ജർമ്മൻ ഭാഷയിൽ പ്രാവീണ്യം നേടി വികാരിയായി സേവനം ചെയ്തുകൊണ്ടിരിക്കെ, ഹോളി സ്പിരിറ്റ് ഫാദേഴ്സ് മിഷനറി സന്യാസ സഭയുടെ ഇന്ത്യന്‍ പ്രൊവിന്‍സിന്റെ പ്രൊവിന്‍ഷ്യല്‍ സുപ്പീരിയറായി തിരഞ്ഞെടുക്കയും ചെയ്തു. തെലുങ്കാന, ആന്ധ്രപ്രദേശ് എന്നീ സംസ്ഥാനങ്ങളിലെ വിദൂര ഗ്രാമങ്ങളിലുള്ള 45 ഇടവകളിൽ സേവനം ചെയ്യുകയും, 225 - ൽ കൂടുതൽ കുട്ടികൾക്ക് ആശ്രയം നൽകുന്ന അനാഥാലയം നടത്തുകയും, 125 ന് മുകളിൽ സെമിനാരി വിദ്യാർത്ഥികളുമുള്ള ഒ എസ്എസ് സഭയുടെ പ്രവർത്തങ്ങളെപ്പറ്റി തിരുന്നാൾ സന്ദേശത്തിന്റെ മധ്യേ ചിറത്തറയച്ചൻ വിശദീകരിച്ചു. പ്രവാസി ക്നാനായക്കാരുടെ പ്രഥമ ദൈവാലയത്തിൽ വരുവാനും, ബലിയർപ്പിക്കുവാനും അനുവദിച്ച കാരുണ്യവാനായ ദൈവത്തിനും, അതിന് അവസരം തന്ന ബഹു. മുത്തോലത്തച്ചനും നന്ദി പറയുകയും, തൊഴിലാളി മധ്യസ്ഥനായ വിശുദ്ധ യൌസേപ്പ്പിതാവിന്റെ തിരുന്നാൾ മംഗളങ്ങൾ ഏവർക്കും ആശംസിക്കുകയും ചെയ്തു.

വചന സന്ദേശം, ലദീഞ്ഞ്, നേർച്ചകാഴ്ച വിതരണം, എന്നിവ തിരുന്നാൾ ആഘോഷങ്ങളെ ഭക്തിസാന്ദ്രമാക്കി. ജോയി & ഗ്രേസി വാച്ചാച്ചിറ, സുമിത് & ജോമിത കളത്തിൽ, ബിനു & മിനി ആൽബേർട്ട് എന്നിവരും, അവരുടെ കുടുംബാംഗങ്ങളുമായുരുന്നു തിരുന്നാളിന്റെ പ്രസുദേന്തിമാർ.

Read more

ന്യൂയോർക്ക് ക്നാനായ ഫൊറാനാ പള്ളിയിൽ വിശുദ്ധ എസ്തപ്പാനോസ് സഹദായുടെ തിരുനാൾ

ന്യൂയോർക്ക്: ക്നാനായ കത്തോലിക്ക ഫൊറാനോന പള്ളിയിൽ വിശുദ്ധ എസ്തപ്പാനോസ് സഹദായുടെ തിരുനാൾ മെയ് 19 ,20 ,21 തീയതികളിൽ ആഘോഷിക്കുന്നു. മെയ് 19 വെള്ളിയാഴ്ച വൈകുന്നേരം 7 .30 ന് വികാരി ഫാദർ ജോസ് തറക്കന്റെ നേതൃത്വത്തിൽ തിരുനാൾ കൊടിയേറ്റ്. തുടർന്ന് ലദീഞ്ഞു ,വെസ്പര, സ്നേഹവിരുന്ന്. 20 -തിയതി ശനിയാഴ്ച വൈകുന്നേരം 4 മണിക്ക് കുട്ടികളുടെ പ്രഥമ ദിവ്യകാരുണ്യ സ്വികരണം, ദിവ്യബലി - ഫാദർ ജോസഫ് ആദോപ്പള്ളിൽ. തുടർന്ന് ആദ്യകുർബാന പാർട്ടിയും കലാസന്ധ്യയും.

21 -തിയതി ഞായറാഴ്ച രാവിലെ 10 .30-ന് തിരുനാൾ കുർബാനയും തിരുനാൾ സന്ദേശവും - ഫാദർ റെന്നി കട്ടേൽ . തുടർന്ന് താളലയങ്ങളുടെ അകമ്പടിയോടെയുള്ള പ്രദിക്ഷണം, സ്നേഹവിരുന്ന്. തിരുനാൾ ദിവസങ്ങളിൽ യൂത്ത് മിനിസ്ട്രിയുടെ നേതൃത്വത്തിൽ കാർണിവൽ ഒരുക്കിയിരിക്കുന്നു.

കുമരകം ഇടവകകരായ മാത്യു & ഏലിയാമ്മ വട്ടക്കളം, ജസ്റ്റിൻ & ബിന്ദു വട്ടക്കളം, ഷെറിൻ & ലിസാ വട്ടക്കളം, തോമസ് & ജെസി വട്ടക്കളം, എബ്രഹാം & മേഴ്‌സി വായിത്തറ, ജോൺ & ത്രേസിയാമ്മ മൂത്താരയാശ്ശേരിയിൽ എന്നിവരാണ് ഈ വർഷത്തെ തിരുനാൾ പ്രസുദേന്തിമാർ. വിശുദ്ധന്റെ ഈ തിരുനാളിൽ പങ്കെടുത്ത്‌ അനുഗ്രഹങ്ങൾ പ്രാപിക്കാൻ ഗ്രെയ്റ്റർ ന്യൂയോർക്കിലുള്ള എല്ലാ വിശ്വാസികളെയും വികാരി ഫാദർ ജോസ് തറക്കലിനോടൊപ്പം കൈക്കാരന്മാരായ, ജെയിംസ് തോട്ടം, എബ്രഹാം പുല്ലാനപ്പള്ളിയിൽ, ജോണി ആക്കംപറമ്പിൽ എന്നിവർ ക്ഷണിക്കുന്നതായി അറിയിച്ചു.

Read more

വിമൻസ് സമ്മിറ്റ് - 2017 : ന്യൂയോർക്കിൽ രജിസ്‌ട്രേഷൻ കിക്ക്‌ ഓഫ് നടത്തി

ന്യൂയോർക്ക്: ക്നാനായ കാത്തലിക്ക് വിമന്‍സ് ഫെഡറേഷന്‍ ഓഫ് നോര്‍ത്ത് അമേരിക്ക (കെ.സി.ഡബ്ല്യൂ. എഫ്.എൻ.എ.) യുടെ നേതൃത്വത്തില്‍ ഒക്ടോബര്‍ 13 മുതല്‍ 15 വരെ തീയതികളില്‍ ലാസ് വേഗസിൽ വച്ചു സംഘടിപ്പിക്കുന്ന വിമൻസ് സമ്മിത്തിന്റെ രജിസ്‌ട്രേഷൻ കിക്ക്‌ ഓഫ് ന്യൂയോർക്ക് യൂണിറ്റിൽ നടത്തി. വിമന്‍സ് ഫോറം മുൻ പ്രസിഡന്‍റ് മീരാ ഉറുമ്പത്ത് ആദ്യ രജസ്ട്രേഷന്‍ നടത്തി. ന്യൂയോർക്ക് വനിതാ ഫോറം പ്രസിഡന്റ് ബിന്ദു വെളിയംന്തറ, സെക്രട്ടറി അനീഷ കാരയ്ക്കാട്ട് എന്നിവർ പരിപാടികൾക്ക് നേതൃതം നൽകി.

Read more

കരിങ്കുന്നം സംഗമം - ജൂലൈ 15 ന്

ചിക്കാഗോ : ചിക്കാഗോയിലും പരിസരപ്രദേശങ്ങളിലുമായി പടര്‍ന്നുകിടക്കുന്ന കരിങ്കുന്നം നിവാസികളുടെ കൂട്ടായ്മ (പിക്‌നിക്) 2017 ജൂലൈ 15 ശനിയാഴ്ച രാവിലെ 11 മണി മുതല്‍ ഡസ്‌പ്ലെയിന്‍സിലുള്ള (92 Bender RD, Desplaines IL 60016) പാര്‍ക്കില്‍ വച്ച് നടത്തുവാന്‍ സാജന്‍ ഇരുമ്പിന്റെ ഭവനത്തില്‍ വച്ചു കൂടിയ ആലോചനാ മീറ്റിംഗില്‍ വച്ച് തീരുമാനിച്ചു.

കരിങ്കുന്നം നിവാസിയും ഇടുക്കി ജില്ലാ പഞ്ചായത്ത് വൈസ് പ്രസിഡന്റുമായ തമ്പി മാനുങ്കല്‍ ഈ കൂട്ടായ്മയില്‍ പങ്കെടുക്കുമെന്ന് അറിയിച്ചിട്ടുണ്ട്.

ചിക്കാഗോയിലെ മുഴുവന്‍ കരിങ്കുന്നം നിവാസികളെയും പങ്കെടുപ്പിച്ചു നടത്തുന്ന സംഗമത്തിന് സാജന്‍ ഉറുമ്പിലിന്റെ നേതൃത്വത്തില്‍ ജയിംസ് പാട്ടപതി, ബിജോയി നടുപ്പറമ്പില്‍ എന്നിവര്‍ കണ്‍വീനര്‍മാരായുള്ള കമ്മിറ്റി വിപുലമായ ഒരുക്കങ്ങള്‍ നടത്തിവരുന്നു. കരിങ്കുന്നംകാര്‍ക്ക് ഓര്‍ക്കാനും സ്മരണകള്‍ പങ്കിടാനും ഇത് ഒരു നല്ല അവസരമായിരിക്കുമെന്നതില്‍ സംശയമില്ല.

ഗൃഹാതുരത്വത്തിന്റെ നല്ല ഓര്‍മ്മകള്‍ പങ്കിടാനും സുഹൃദ്ബന്ധങ്ങളും കുടുംബബന്ധങ്ങളും പുതുക്കുതിനും അമേരിക്കയിലെ എല്ലാ കരിങ്കുന്നം നിവാസികളെയും കരിങ്കുന്നത്തു നിന്നും വിവാഹം കഴിപ്പിച്ചുവിട്ടവരെയും അവരുടെ കുടുംബാംഗങ്ങളെയും ക്ഷണിക്കുതായി സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക്: സാജന്‍ ഉറുമ്പില്‍ (1 773 407 7744), ജോസ് ഓലിയാനിയ്ക്കല്‍ (1 773 837 8924), ബിജോയി നടുപ്പറമ്പില്‍ (1 847 722 5555), ജെയിംസ് പാട്ടപ്പതിയില്‍ (1 847 410 1100).

Read more

ബീന ഇണ്ടിക്കുഴിക്ക് ഡോക്ടറേറ്റ് : ചിക്കാഗോ ക്നാനായ സമൂഹത്തിന് അഭിമാന നിമിഷം

ചിക്കാഗോ: വിദ്യാഭ്യാസ മേഖലയിലും തൊഴില്‍ മേഖലയിലും വിസ്മയ നേട്ടങ്ങളുടെ തിരക്കഥയെഴുതിയ ബീന ഇണ്ടിക്കുഴിക്ക് ഡോക്ടറല്‍ ബിരുദം. ചിക്കാഗോ കെ സി എസ് അംഗവും ചിക്കാഗോ സേക്രട്ട് ഹാർട്ട് ഫൊറോനാ ഇടവകാംഗവും , ഇന്ത്യന്‍ അമേരിക്കന്‍ നേ ഴ്‌സ്‌സ് അസോസിയേഷന്‍ ഓഫ് ഇല്ലിനോയി സ്ഥാപക പ്രസിഡണ്ടും കൂടിയായ ബീന നേ ഴ്‌സിംഗ് അഡ്മിനിസ്‌ട്രേഷന്‍ ആന്‍ഡ് ഹെല്‍ത്ത് സിസ്റ്റം ലീഡര്‍ഷിപ്പിലാണ് ഡോക്ടറേ റ്റ് നേടിയത്.

വെല്ലൂര്‍ ക്രിസ്ത്യന്‍ മെഡിക്കല്‍ കോളജില്‍ നിന്നും ബി.എസ്.സി നേഴ്‌സിംഗ് പാസായി തൊഴില്‍ മേഖലയിലേക്കു കടന്ന ബീന ഇണ്ടിക്കുഴി ഇക്കാലമത്രയും നടത്തിയ പരീക്ഷ ണ, നിരീക്ഷണ വിജയങ്ങളുടെ വര്‍ത്തമാനകാല നേട്ടമായി വേണം ഡോക്ടറല്‍ ബിരുദ ത്തെ വിലയിരുത്താന്‍. പുഴയ്ക്ക് അതിന് ഒഴുകേണ്ട വഴിയറിയാം എന്നു പറയുന്നതു പോ ലെ. അമേരിക്കയിലെത്തിയ ശേഷം യൂണിവേഴ്‌സിറ്റി ഓഫ് ഇല്ലിനോയിയില്‍ നിന്നുമാണ് മാസ്‌റ്റേഴ്‌സ് നേടിയത്. നേഴ്‌സിംഗ് പ്രാക്ടീസ് എന്ന വിഷയത്തിലുളള ഗവേഷണം തുട ങ്ങുന്നതാകട്ടെ 2015 ലും.

മുപ്പതാണ്ടു നീളുന്ന ഔദ്യോഗിക ജീവിതത്തില്‍ അപൂര്‍വതകളുടെ ബയോഡേറ്റ സൃ ഷ്ടിച്ചെടുത്തിട്ടുണ്ട് ബീന ഇണ്ടിക്കുഴി. ചിക്കാഗോയിലെ യൂണിവേഴ്‌സിറ്റി ഓഫ് ഇല്ലി നോയിസ് ഹോസ്പിറ്റലില്‍ അസോസിയേറ്റ് ചീഫ് നേഴ്‌സിംഗ് ഓഫിസറായ ബീന സീ നിയര്‍ ഹെല്‍ത്ത് കെയര്‍ എക്‌സിക്യൂട്ടീവ് എന്ന നിലയില്‍ ആരും കൊതിക്കുന്ന പ്രവര്‍ത്തന വിജയമാണ് കൈപ്പടിയിലൊതുക്കിയത്. ശുശ്രൂഷാ മേഖലയുടെ നിലവാരം ഒട്ടും താഴ്ന്നു പോകാതെയും എന്നാല്‍ ചിലവ് കുറച്ചുമാണ് ഹെല്‍ത്ത് സയന്‍സ് സിസ്റ്റത്തി ല്‍ ബീന നടപ്പാക്കിയ പരീക്ഷണങ്ങള്‍ വിജയം കണ്ടത്. ആതുര ശുശ്രൂഷയെന്ന സേവ നത്തിനൊപ്പം തന്നെ കോസ്റ്റ് ഇഫക്ടീവ്‌നെസിന്റെ ബിസിനസ് മാനേജ്‌മെന്റും സമ്മേ ളിക്കുകയായിരുന്നു ഈ പരീക്ഷണങ്ങളില്‍. രോഗികളുടെ സംതൃപ്തിക്കൊപ്പം ഹോസ് പിറ്റല്‍ സിസ്റ്റത്തിന്റെ വരുമാനവും വര്‍ധിപ്പിച്ചതിലൂടെ സേവനം ലാഭകരവുമായിരിക്കണം എന്ന ന്യൂജെന്‍ ചിന്തയാണ് വിജയം കണ്ടത്.

യൂണിവേഴ്‌സിറ്റി ഓഫ് ഇല്ലിനോയിസ് ഹോസ്പിറ്റലില്‍ 1991 ല്‍ സ്റ്റാഫ് നേഴ്‌സായി പ്ര വര്‍ത്തനമാരംഭിച്ച ബീന അഡ്മിനിസ്‌ട്രേറ്റീവ് നേഴ്‌സ്, ക്ലിനിക്കല്‍ നേഴ്‌സ് സ്‌പെഷ്യലിസ് റ്റ് (നിയോ നേറ്റല്‍ ഇന്റന്‍സീവ് കെയര്‍), പേറോള്‍ ആന്‍ഡ് നേഴ്‌സിംഗ് ഇന്‍ഫോമാറ്റിക്‌സ് ആന്‍ഡ് ഡിസിഷന്‍ സപ്പോര്‍ട്ട് ഡയക്ടര്‍ എന്നിങ്ങനെ പടിപടിയായി ഉയര്‍ന്നാണ് ഇപ്പോ ഴത്തെ അസോസിയേറ്റ് ചീഫ് നേഴ്‌സിംഗ് ഓഫിസര്‍ പദവിയിലെത്തിയത്. മികച്ച ധനകാ ര്യ മാനേജ്‌മെന്റിലൂടെ ഹോസ്പിറ്റലിന് സാമ്പത്തിക നേട്ടങ്ങള്‍ സമ്മാനിക്കാനും ബീന ഇ ണ്ടിക്കുഴിക്ക് കഴിഞ്ഞിട്ടുണ്ട്. ബീനയുടെ ചുമതലയില്‍ തുടക്കമിട്ട യൂണിവേഴ്‌സിറ്റി ഓഫ് ഇല്ലിനോയിസ് ചില്‍ഡ്രന്‍സ് ഹോസ്പിറ്റല്‍, ആശുപത്രിക്കുളളിലെ ആശുപത്രിയെന്ന് അറി യപ്പെടുന്നു.

അര്‍പ്പണ സേവനത്തിനുളള അംഗീകാരമെന്ന നിലയില്‍ ഹോസ്പിറ്റല്‍ സിസ്റ്റത്തിലെ വിവിധ കമ്മിറ്റികളിലേക്കും ബീനയെ തിരഞ്ഞെടുത്തിട്ടുണ്ട്. പലതിന്റെയും ചെയറായും പ്രവര്‍ത്തിച്ചു. മാഗ്‌നറ്റ് സ്റ്റിയറിംഗ് കമ്മിറ്റി, ക്ലിനിക്കല്‍ ഓപ്പറേഷന്‍സ് കൗണ്‍സില്‍ ചെയ ര്‍, ഹോസ്പിറ്റല്‍ സ്റ്റിയറിംഗ് കമ്മിറ്റി, എക്‌സിക്യൂട്ടീവ് കമ്മിറ്റി അംഗം, നേഴ്‌സിംഗ് ഫിനാ ന്‍സ് കമ്മിറ്റി ചെയര്‍, യൂണിയന്‍ നെഗോസിയേഷന്‍ ടീം അംഗം, ഒബ്‌സ്‌റ്റെട്രിക്‌സ് ഓപ്പ റേഷണല്‍ കമ്മിറ്റി ചെയര്‍, ചില്‍ഡ്രന്‍ ഹോസ്പിറ്റല്‍ ലീഡര്‍ഷിപ്പ് കമ്മിറ്റി കൊചെയര്‍, ഹോസ്പിറ്റല്‍പേഷ്യന്റ്‌സ്റ്റിയറിംഗ് കമ്മിറ്റി, ഇബോള റെഡിനെസ് ടാസ്ക്‌ഫോഴ്‌സ് മെ മ്പര്‍ എന്നിവ ചിലത്.

അസോസിയേറ്റ് ചീഫ് നേഴ്‌സിംഗ് ഓഫിസര്‍ എന്ന നിലയില്‍ സ്ത്രീകള്‍, കുട്ടികള്‍, എന്നിവരുടെ ആശുപത്രി, മാനസികാരോഗ്യ കേന്ദ്രം, നേഴ്‌സിംഗ് സര്‍വീസ് ഫിനാന്‍സ് എന്നിവയുടെ ചുമതലയാണ് ബീന ഇണ്ടിക്കുഴിക്കുളളത്. ഏകദേശം 38 മില്യണ്‍ ഡോളര്‍ ബഡ്ജറ്റാണ് ഇവയുടേത്. വിവിധ മാനേജ്‌മെന്റ് മേഖലകളില്‍ പ്രവര്‍ത്തിച്ചതിലൂടെ വര്‍ഷം 110 മില്യനിലേറെ ബഡ്ജറ്റ് കൈകാര്യം ചെയ്ത അനുഭവ സമ്പത്തും ബീനക്ക് സ്വന്തം.

രാജ്യാന്തര നിലവാരം പുലര്‍ത്തുന്ന യൂണിവേഴ്‌സിറ്റി ഓഫ് ഇല്ലി നോയിസ് ഹോസ്പിറ്റ ല്‍ ആന്‍ഡ് ഹെല്‍ത്ത് സയന്‍സ് സിസ്റ്റം അഞ്ഞൂറോളം കിടക്കകളുളള ആശുപത്രിയാണ്. അറുപതിലേറെ ഔട്ട്‌പേഷ്യന്റ്ക്ലിനിക്കുകളും ഫെഡറല്‍ സ്റ്റാന്‍ഡേര്‍ഡുളള പന്ത്രണ്ടോളം ഹെല്‍ത്ത് സെന്ററുകളും ഇവിടുണ്ട്.

വിജയങ്ങളുടെ തുടര്‍ക്കഥയെന്നവണ്ണം അവാര്‍ഡുകളും ബഹുമതികളും സ്വന്തമാക്കിയിട്ടു ണ്ട് ബീന ഇണ്ടിക്കുഴി. മാര്‍ച്ച് ഓഫ് ഡൈംസ് ഇല്ലിനോയി ചാപ്റ്ററിന്റെ ജോനാസ് സാല്‍ ക് ഹെല്‍ത്ത് ലീഡര്‍ഷിപ്പ് അവാര്‍ഡ് (2009), നേഴ്‌സിംഗ് പിനാകിള്‍ ലീഡര്‍ഷിപ്പ് അവാര്‍ ഡ് (2007, 2009, 2016), അഡ്‌വൈസറി ബോര്‍ഡ് സര്‍ട്ടിഫൈഡ് ഫെലോ (2009), അമേരിക്ക ന്‍ കോളജ് ഓഫ് ഹെല്‍ത്ത് കെയര്‍ എക്‌സിക്യൂട്ടീവ് ബോര്‍ഡ് സര്‍ട്ടിഫൈഡ് ഫെലോ (2011) എന്നിവ ചിലത്. അമേരിക്കന്‍ കോളജ് ഓഫ് ഹെല്‍ത്ത് കെയര്‍ എക്‌സിക്യൂട്ടീവ് അംഗമായും പ്രവര്‍ത്തിച്ചു. നേഴ്‌സിംഗ് സംബന്ധിയായ നിരവധി ലേഖനങ്ങള്‍ പ്രസിദ്ധീ കരിക്കുകയും പ്രസന്റേഷന്‍ നടത്തുകയും ചെയ്തിട്ടുണ്ട്.

കമ്മ്യൂണിറ്റി പ്രവര്‍ത്തനങ്ങളിലും സജീവമാണ് ബീന ഇണ്ടിക്കുഴി. കെ.സി.സി.എന്‍.എ (ക്‌നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്ക) റീജിയണല്‍ വൈസ് പ്രസിഡന്റായിരുന്നു. ചിക്കാഗോ സേക്രട്ട്ഹാര്‍ട്ട് ക്‌നാനായ ചര്‍ച്ചിന്റെ വിമന്‍സ് മിനിസ്ട്രി ചെയര്‍ ആയിരുന്നു. ചിക്കാഗോ കാത്തലിക് യൂത്ത് ലീഗ് ഡയറക്ടറായും യൂത്ത് കാറ്റികി സം ടീച്ചറായും പ്രവര്‍ത്തിക്കുകയുണ്ടായി. ഇടക്കോലി കിഴക്കേപ്പുറത്ത് കുടുംബാംഗമാണ് ബീന.

ചിക്കാഗോയില്‍ വ്യവസായിയും ക്നാനായ സമൂഹത്തിലും മലയാളി സമൂഹത്തിലും അറിയപ്പെടുന്ന വ്യക്തിത്വവും ചിക്കാഗോ സോഷ്യൽ ക്ലബ്ബിന്റെ മുൻ ട്രഷററും കൂടിയായ കോതനല്ലൂർ സ്വദേശി സണ്ണി ഇണ്ടിക്കുഴിയാണ് ഭര്‍ത്താവ്. സ്‌റ്റെബി, ടോബിന്‍, വനേസ എന്നിവര്‍ മക്കള്‍.

ക്നാനായ സമൂഹത്തിന് അഭിമാനമായികൊണ്ടു നേട്ടങ്ങൾ കൈവരിച്ചുകൊണ്ടിരിക്കുന്ന ബീനാ ഇണ്ടിക്കുഴിക്ക്, ചിക്കാഗോ കെ സി എസ് പ്രസിഡണ്ട് ബിനു പൂത്തുറയിൽ, ക്നാനായ റീജിയൻ ഡയറക്ടർ മോൺ: തോമസ് മുളവനാൽ, ചിക്കാഗോ സേക്രട്ട് ഹാർട്ട് ഇടവക വികാരി ഫാ. എബ്രഹാം മുത്തോലത്ത്, പ്രവാസി ക്നാനായ കത്തോലിക്കാ കോൺഗ്രസ് വൈസ് ചെയർമാൻ സാജു കണ്ണമ്പള്ളി, ചിക്കാഗോ സോഷ്യൽ ക്ലബ് പ്രസിഡണ്ട് അലക്സ് പടിഞ്ഞാറേൽ എന്നിവർ അഭിനന്ദിച്ചു.

Read more

ന്യൂയോര്‍ക്ക് സെന്റ് സ്റ്റീഫന്‍സ് ഫൊറാന പള്ളിയില്‍ ആദ്യകുര്‍ബാന സ്വികരണം മെയ് 20-ന് ശനിയാഴ്ച

ന്യൂയോര്‍ക്ക്: സെന്റ് സ്റ്റീഫന്‍സ് ക്‌നാനായ കത്തോലിക്കാ ഫൊറാന പള്ളിയില്‍ മെയ് ഇരുപതാം തിയതി ശനിയാഴ്ച മൂന്ന് മണിക്ക് ആദ്യകുര്‍ബാന സ്വികരണം . ജെറിന്‍ ജയ്‌മോന്‍ ചെരുവന്‍കാലായില്‍ , ജോസഫ് ജെയിംസ് കരിപ്പറമ്പില്‍ , ജോസഫ് സാനു ആലപ്പാട്ട് , നിഖില്‍ മാത്യു തെക്കേവട്ടത്തറ , സാറാ പ്രിന്‍സ് കോരകുടിലില്‍ , സെറീന സാബു തെക്കേവട്ടത്തറ , അലീന ചാക്കോ പുത്തന്‍പുരയില്‍ എന്നി കുട്ടികളാണ് ഈ വര്‍ഷം ആദ്യകുര്‍ബാന സ്വികരിക്കുന്നുന്നത് .

തിരുകര്‍മ്മങ്ങള്‍ക്ക് റോക്‌ലാന്‍ഡ് മിഷന്‍ ഡയറക്ടര്‍ ഫാദര്‍ ജോസഫ് ആദോപ്പള്ളി നേതൃത്വം നല്‍കുന്നു . കുട്ടികളുടെ പരിശീലന പരിപാടികള്‍ക്ക് നേതൃത്വം നല്‍കുകയും ഒരുക്കുകയും ചെയ്തത് ലിസി വട്ടക്കളം , അനി നെടുംതുരുത്തിയുമാണ് . കുട്ടികളുടെ ദിവ്യകാരുണ്യസ്വികരത്തില്‍ പങ്കെടുക്കാനും കുട്ടികള്‍ക്കുവേണ്ടി പ്രാര്‍ത്ഥിക്കുവാനും ഏവരെയും വികാരി ഫാദര്‍ ജോസ് തറക്കല്‍ ക്ഷണിക്കുന്നു .

Read more

സാന്‍ ജോസില്‍ വിമൻസ് സമ്മിത്തിന്റെ രജിസ്ട്രേഷന്‍ കിക്കോഫ് നടത്തി

സാന്‍ ജോസ്: ക്നാനായ കാത്തലിക്ക് വിമന്‍സ് ഫെഡറേഷന്‍ ഓഫ് നോര്‍ത്ത് അമേരിക്ക (കെ.സി.ഡബ്ല്യൂ. എഫ്.എൻ.എ.) യുടെ നേതൃത്വത്തില്‍ ലാസ് വേഗസിൽ വച്ചു സംഘടിപ്പിക്കുന്ന വിമൻസ് സമ്മിത്തിന് മുന്നോടയായി സാന്‍ ജോസില്‍ രജിസ്ട്രേഷന്‍ കിക്കോഫ് നടത്തി. വികാരി ഫാ. മാത്യു മേലേടം മുന്‍ വിമന്‍സ് ഫോറം പ്രസിഡന്‍റ് സുജാ പുറയംപള്ളിന് നല്‍കി രജിസ്ട്രേഷന്‍ ഉദ്ഘാടനം ചെയ്തു. അന്‍പതോളം പേര്‍ ആദ്യ ദിവസം തന്നെ രജിസ്ട്രേഷന്‍ നടത്തി. സാന്‍ ജോസ് വനിതാ ഫോറം പ്രസിഡന്റ് സൂസന്‍ തെങ്ങുംതറയും ഭാരവാഹികളും പരിപാടികൾക്ക് നേതൃതം നൽകി.

Read more

ഷിക്കാഗോ സെന്റ് മേരീസിലെ ഗുഡലുപ്പേ തീർത്ഥാടനത്തിന് ഉജ്ജ്വല തുടക്കം

ഷിക്കാഗോ: ഷിക്കാഗോ സെന്റ് മേരീസ് ക്നാനായ ദൈവാലയത്തിൽ നിന്നുള്ള ഗുഡലുപ്പേ തീർത്ഥാടനത്തിന് തുടക്കമായി. ഇന്ന് ( മെയ് 2, ചൊവ്വാഴ്ച ) വൈകിട്ട് ഒഹയർ അന്താരാഷ്‌ട്ര വിമാനത്താവളത്തിൽ നിന്നും പുറപ്പെട്ട തീർത്ഥാടന സംഘം മെയ് 6 ശനിയാഴ്ച്ച തിരിച്ച് എത്തുന്ന വിധത്തിലാണ് തീർത്ഥാടനം ക്രമീകരിച്ചിരിക്കുന്നത്. സെന്റ് മേരീസ് തീർത്ഥാടന കമ്മറ്റിയുടെ ആഭിമുഖ്യത്തിൽ നടത്തപെടുന്ന തീർത്ഥാടനത്തിന് നേതൃത്വം നൽകുന്നത് ഇടവക വികാരി ഫാ. തോമസ് മുളവനാലും അസി വികാരി ഫാ. ബോബൻ വട്ടംപുറത്തും ചേർന്നാണ്.

ഫാത്തിമയിൽ മാതാവ് പ്രത്യക്ഷപെട്ടതിന്റെ ജൂബിലി ആഘോഷിക്കുന്ന വർഷത്തിലെ മാതാവിനെ വണക്കമാസം ആചരിക്കുന്ന മെയ്മാസത്തിൽ തന്നെ മാതാവിന്റെ പേരിൽ ചിക്കാഗോയിൽ സ്ഥാപിക്കപ്പെട്ടിരിക്കുന്ന ദൈവാലയത്തിൽ നിന്നും നോർത്ത് അമേരിക്കയിലെ ഏറ്റവും പ്രസിദ്ധമായ മാതാവിന്റെ തീർത്ഥാടനകേന്ദ്രത്തിലേക്ക് താർത്ഥാടനം നടത്തുന്നു എന്നത് ഏറ്റവും അഭിലഷണീയവും അനുഗ്രഹ ദായകവുമാണ് എന്ന് തീർത്ഥാടനത്തിന് തയ്യാറായി എത്തിയവർ എല്ലാവരും തന്നെ അഭിപ്രായപ്പെട്ടു. മാതാവ് പ്രത്യക്ഷപ്പെട്ട സ്ഥലങ്ങൾക്കും തീർത്ഥാടന കേന്ദ്രങ്ങൾക്കും പുറമെ മെക്സിക്കോ സിറ്റിയും സന്ദർശിക്കുവാനുള്ള സൗകര്യങ്ങളും തീർത്ഥാടനത്തിന്റെ ഭാഗമായി ഒരുക്കിയിട്ടുണ്ട്. വൈദീകർക്ക് പുറമെ 23 കുടുംബങ്ങളാണ് ഈ പ്രത്യേക തീർത്ഥാടനത്തിൽ പങ്കെടുക്കുന്നത്.

തീത്ഥാടനത്തിന്റെ തത്സമയ ദൃശ്യങ്ങൾ ക്നാനായ വോയിസിന്റെ ഫേസ്ബുക് പേജിൽ ലഭ്യമാക്കുന്നതായിരിക്കും എന്ന് തീർത്ഥാടനത്തിൽ പങ്കെടുക്കുന്ന ക്നാനായ വോയിസ് മാനേജിങ് ഡയറക്ടറും പ്രവാസി ക്നാനായ കത്തോലിക്കാ കോൺഗ്രസിന്റെയും ഷിക്കാഗോ കെ സി എസ് ന്റെയും വൈസ് പ്രസിഡണ്ടുമായ സാജു കണ്ണമ്പള്ളി അറിയിച്ചു.

Read more

അറ്റലാന്റയിൽ ക്നാനായ ഗ്രാന്റ് പേരന്റ്സിനെ ആദരിച്ചു.

അറ്ലാന്റാ: ക്നാനായ കാത്തലിക്ക് അസോസിയേഷൻ ഓഫ് ജോർജ്ജിയായും, പോക്ഷക സംഘടനയായ വിമൻസ് ഫോറവും ചേർന്ന് ഏപ്രിൽ 29 ശനിയാഴ്ച അറ്റലാന്റായിലുള്ള മക്കളോടും കൊച്ചുമക്കളോടും കൂടി വസിക്കുന്ന മാതാപിതാക്കളെ ആദരിക്കുകയുണ്ടായി.

വിമൻസ് ഫോറം പ്രസിഡണ്ട് ബീനാ വാഴക്കാലായിലും അസോസിയേഷൻ പ്രസിഡണ്ട് ജസ്റ്റിൻ പുത്തെൻപുരയ്ക്കലും ചേർന്ന് നേതൃത്വം നൽകിയ ചടങ്ങിൽ നിരവധി മാതാപിതാക്കൾ പങ്കെടുക്കുകയുണ്ടായി. ഏവരും ആസ്വദിച്ച കായിക വിനോദങ്ങളും സ്വാദേറിയ ഭക്ഷണവും ആഘോഷങ്ങളുടെ മാറ്റ് കൂട്ടി. ഇടവക വികാര ഫാ. ജെമി പുതുശ്ശേരിയിലിന്റെ സാന്നിധ്യം ഏവരിലും ആഹ്ളാദം ഉണർത്തി. മാത്യു പുല്ലാഴി, ഷീല ചക്കാലപ്പടവിൽ, ജോബി വാഴക്കാലാ, ഷാജൻ പൂവത്തുംമൂട്ടിൽ, ഷാജു തെക്കേൽ എന്നിവർ പരിപാടികൾക്ക് നേതൃത്വം നൽകി. എല്ലാ മാതാപിതാക്കളുടെ അനുഗ്രാഹിഷിസുകളോടെ അസോസിയേഷന്റെയും വിമൻസ് ഫോറത്തിന്റെയും 2017-18 കാലഘട്ടത്തെ പ്രവർത്തനങ്ങൾക്ക് ഇതേ വേദിയിൽ വച്ച് തന്നെ ഔദ്യോഗിക തുടക്കം കുറിക്കുകയും ചെയ്തു. വൈകുന്നേരം ആറുമണിക്ക് നടന്ന ദിവ്യബലിയിൽ പങ്കെടുത്തതുകൊണ്ടാണ് ആഘോഷങ്ങൾക്ക് സമാപനമായത്. 

Read more

വിമൻസ് സമ്മിറ്റ് - 2017 : ഡിഡ്രോയിറ്റിൽ രജിസ്‌ട്രേഷന് ഉജ്ജ്വല തുടക്കം

ഡിഡ്രോയിറ്റ്: ക്നാനായ കാത്തലിക്ക് വിമന്‍സ് ഫെഡറേഷന്‍ ഓഫ് നോര്‍ത്ത് അമേരിക്ക (കെ.സി.ഡബ്ല്യൂ. എഫ്.എൻ.എ.) യുടെ നേതൃത്വത്തില്‍ ഒക്ടോബര്‍ 13 മുതല്‍ 15 വരെ തീയതികളില്‍ ലാസ് വേഗസിൽ വച്ചു സംഘടിപ്പിക്കുന്ന വിമൻസ് സമ്മിത്തിന്റെ ഡിട്രോയിറ്റ് യൂണിറ്റിലെ രജിസ്‌ട്രേഷൻ കിക്കോഫ് ഇൗസ്റ്റര്‍ ആഘോഷ ത്തോടനുബന്ധിച്ച് നടത്തി. വിമന്‍സ് ഫോറം ആദ്യ പ്രസിഡന്‍റ് മിനി കോട്ടൂര്‍ ആദ്യ രജസ്ട്രേഷന്‍ നടത്തി. ആദ്യ ദിവസം തന്നെ 15പേര്‍ രജിസ്ട്രേഷന്‍ നടത്തി. ഡിഡ്രോയിറ്റ് വനിതാ ഫോറം പ്രസിഡന്റ് ജൂബി ചക്കുങ്കലും ഭാരവാഹികളും പരിപാടികൾക്ക് നേതൃതം നൽകി.

Read more

റോക്ക്‌ലാന്‍ഡ് കമ്മ്യൂണിറ്റി സെന്ററില്‍ വിശുദ്ധവാരം ഭക്തിനിര്‍ഭരമായി ആചരിച്ചു.

റോക്ക്‌ലാൻഡ് കമ്മ്യൂണിറ്റി സെന്ററിൽ വിശുദ്ധവാരം ഭക്തിസാന്ദ്രമായി ആഘോഷിച്ചു. ഓശാന ഞായർ, പെസഹാ വ്യാഴം, ദുഃഖവെള്ളി, ഈസ്റ്റർ തുടങ്ങി വിശുദ്ധവാരത്തിലെ എല്ലാ പ്രത്യേകദിവസങ്ങളിലും കമ്മ്യൂണിറ്റി സെന്ററിൽ വച്ച് നടത്തിയ തിരുക്കർമ്മങ്ങളിൽ നൂറുകണക്കിന് വിശ്വാസികളാണ് പങ്കെടുത്തത്

ഓശാന ഞായറാഴ്ച യേശുവിന്റെ രാജകീയ പ്രവേശാനത്തോടനുബന്ധിച്ചുള്ള ഓശാന പ്രൗഢമായരീതിയില്‍ നടത്തപ്പെട്ടൂ. ഓശാന ഓശാന... എന്ന ഗാനം സെന്ററിലെ എല്ലാ ദിശകളില്‍ നിന്നു മറ്റൊലികൊണ്ടു.കൊച്ചുകുട്ടികളടക്കം അബാലവൃം ജനങ്ങള്‍ ഓശാനയില്‍ പങ്കാളികളായി. കുരുത്തോലയുമേന്തി എല്ലാവരും പ്രദക്ഷിണത്തില്‍ പങ്കുചേര്‍ന്നു. പുതുക്കി പണിതഅള്‍ത്താരയുടെ വെഞ്ചരിപ്പ് കര്‍മ്മവും നടത്തപ്പെട്ടൂ.

പെസഹാവ്യാഴം പരിശുദ്ധ കുര്‍ബാന മദ്ധ്യേ12ശിഷ്യന്മാരുടെ കാല്‍കഴുകല്‍ ശുശ്രുഷ നടത്തപെട്ടൂ. വിനയത്തിന്റെ മാതൃകകാണിച്ചുകൊണ്ടുള്ള വൈദികന്റെ ശുശ്രുഷ ഹൃദയസ്പര്‍ശിയായിരുന്നു. കുര്‍ബാനക്ക്‌ശേഷം ഇടവക അംഗങ്ങള്‍ വീടുകളില്‍നിന്ന് കൊണ്ടു വന്നകുരിശ് അപ്പവുപാലും വൈദികന്‍ ആശീര്‍വദിച്ചു വിതരണംചെയ്തു.

ദുഃഖവെള്ളി കുരിശിന്റെ വഴിയോട് കൂടിദുഃഖ വെള്ളി സെര്‍വിസുകള്‍ ആരംഭിച്ചു. അതിനുശേഷം യേശുവിന്റെ പീഡാനുഭവചരിത്രം വളരെ ഹൃദയസ്പര്ശിയായി വായിച്ചു. വൈദികന്‍ യേശുവിന്റെ പീഡനുഭവത്തെക്കുറിച്ചും മനുഷ്യകുലത്തിന്റെപാപമോചനത്തെപ്പറ്റിയും സന്ദേശംനല്‍കി. കയ്പുനീര്‍ നല്‍കികൊണ്ട് ശുശ്രുഷകള്‍ അവസാനിപ്പിച്ചു. women"s forum കഞ്ഞിയുപയറും ഒരുക്കിയിരുന്നു.

ഉയര്‍പ്പുഞായര്‍ ഏറ്റവുപരിപാവനവും പരിശുദ്ധവുമായഉയിര്‍പ്പ്ശുശ്രുഷനടത്തപ്പെട്ടൂ. വൈദികന്‍ ഉത്ഥാനത്തെപ്പറ്റി സന്ദേശം നല്‍കി. കുര്‍ബാനക്ക്‌ശേഷം women"s forum നേതൃത്വത്തില്‍ അപ്പവും ഇറച്ചിക്കറിയുമായി സ്‌നേഹവിരുന്നൊരുക്കി. വിശുദ്ധവാരത്തിലെ പരിപാടികളൊക്കെ ക്‌നാനായമക്കളുടെ ഒരുമയും തനിമയും വിളിച്ചോതുന്നതായിരുന്നു.

Read more

കെ.സി.എസ് ഡിട്രോയിറ്റ് വിൻഡ്സർ ഈസ്റ്റർ ആഘോഷങ്ങൾ ഉജ്ജലമായി.

ഡിട്രോയിറ്റ് - 2017 ഏപ്രിൽ 22 ന് KCS ഡിട്രോയ്റ് വിൻഡ്സർ ഭക്തി സാന്ദ്രമായി ഈസ്റ്റർ ആഘോഷിച്ചു. ഫെർമിങ്‌ടോൺ ഹില്ലിലുള്ള കലാക്ഷേത്രയിലാണ് അതിഗംഭീരമായി ഈ വർഷത്തെ ഈസ്റ്റർ ആഘോഷിച്ചത്‌. ആറുമണിക്ക് കെ സി വൈ ൽ യുവതി യുവാക്കൾ തുടങ്ങിയ കൊന്തനമസ്കാരം പരിപാടികളെ ഭക്തി സാന്ദ്രമാക്കി. തുടർന്ന് കിഡ്സ്‌ക്ലബ്‌ തയ്യാറാക്കിയിരുന്ന “ബെന്നി ദി ബണ്ണി” ലൈവ് ഷോയും, എഗ്ഗ് ഹണ്ടും, പിക്ചർ വിത്ത് ദി ബണ്ണിയും, മറ്റു ആകര്ഷണീയവും വിനോദകരവും ആയ നിരവധി ഗെയിംകളും കുട്ടികൾക്കായി തയ്യാറാക്കിയിരുന്നു.ആദ്യമായി ബണ്ണിയെ അഭിവാദ്യം ചെയ്ത അഞ്ച് കൊച്ചുകൂട്ടുകാർക്കു ബണ്ണി ഡോർ പ്രൈസസ്‌ കൊടുക്കുകയും ചെയ്തു.

വാസന്തകാല സായാഹ്നവും നിറപ്പകിട്ടാർന്ന വേഷഭൂഷാതികളും ഔട്ട് ഡോർ എഗ്ഗ് ഹണ്ടിനേ വർണ്ണശഭളമാക്കി.തുടർന്ന് രുചിയുള്ള നാട്ടു പലഹാരങ്ങൾ ഭക്ഷിച്ചു വിശ്രമിച്ചശേഷം "മാർത്തോമൻ നന്മയാൽ" എന്ന ക്നാനായ പ്രാർത്ഥനാഗാനത്തോടെ കാര്യപരിപാടികൾ തുടർന്നു.KCS പ്രസിഡന്റ് ശ്രീ രാജു കാക്കാട്ടിൽ അവേശഭരിതമായ അധ്യക്ഷ പ്രെസംഗം കശ്ച്ചവെയ്ക്കുകയും ഏവർക്കും ഈസ്റ്ററിന്റെ മംഗളങ്ങൾ നേരുകയും ചെയ്തു.തുടർന്ന് KCS Spiritual Director Rev. Fr. Phillip Ramachanattu ഭക്തിസാന്ദ്രമായ ഈസ്റ്റർ സന്ദേശം നൽകുകയും, വർണപ്പകിട്ടാർന്ന ഈസ്റ്റർ സെലെബ്രഷൻ സങ്കടിപ്പിച്ചതിൽ KCS ഭാരവാഹികളെ പ്രെശംസിക്കുകയും ചെയ്തു.KCS സെക്രട്ടറി ജോസ് ചാമക്കാല ധീർക്കകാലത്തെ കാത്തിരിപ്പിനു ശേഷം തയാറാക്കിയ ഫാമിലി ഡിറക്ടറിക്കു ചുക്കാൻ പിടിച്ച മുൻ KCS 2015-2016 പ്രസിഡന്റ് ബാബു ഇട്ടൂപ്പിനേയും കമന്ററി അംഗങ്ങളെയും ഡിറക്ടറിയെന്ന സ്വപ്‌നം സാക്ഷാത്കരിക്കാൻ തന്നെ സഹായിച്ച സജി മരങ്ങാട്ടിലിനെയും ജോബി മംഗലത്തെറ്റിനെയും പ്രെശംസിക്കുകയുണ്ടായി. ഈ ഡയറക്ടറി സമുദായത്തിലെ അംഗങ്ങൾ തമ്മിലുള്ള ഒരുമ കൂട്ടുന്നതും ഒന്നിപ്പിക്കുന്നതുമായ ഒരുകടകമാകട്ടെ എന്ന് പ്രാർത്ഥിക്കുകയും ചെയ്‌തു. തുടർന്ന് എഡിറ്റോറിയൽ ബോർഡ് ഹെഡ് ആയ ബാബു ഇട്ടൂപ് ആദ്യകോപ്പി സ്പിറ്റിട്യുൽ ഡിറക്ടർ Fr Phillip Ramachanatt നു നൽകിക്കൊണ്ട് പ്രേകാശനം ചെയ്തതായി പ്രെഖ്യാപിക്കുകയും ചെയ്‌തു. തുടർന്ന് വിമൻസ് ഫോറം പ്രസിഡന്റ് ജൂബി ചക്കുങ്കൽ, വിമൻസ് ഫോറം RVP ജെയ്‌ന ഏലക്കാട്ടിന്റ്റെയും നേതൃത്വത്തിൽ Wemen Summit 2017 ന്റെ രേജിസ്ട്രേഷന്റെ ഉൽഘടനം നടത്തപ്പെട്ടു.ഇരുപതിലേറെ വനിതകൾ രെജിസ്ട്രേഷൻ ഫോറം സ്പിറ്റിട്യുൽ ഡിറക്ടർ Fr Phillip Ramachanatt നു നൽകി.

വിദ്യാഭ്യാസ രംഗത്തും പ്രവർത്തന മേഘലയിലും നേട്ടങ്ങൾ കൊയ്ത ശ്രീ ജോസ് കോട്ടൂർ ( വൈസ് പ്രസിഡണ്ട് ഓഫ് ഓൿവൂഡ് അനപൊല്യൂസ് ഹോസ്പിറ്റൽ ),അലക്സ് കോട്ടൂർ (കെ സി സി എൻ എ ,ആർ.വി.വി.പി),ജൈന ഏലക്കാട്ട് (വിമൻസ് ഫോറം ആർ.വി.വി.പി),സുജ തോട്ടത്തിൽ ( ഡെയ്‌സി അവാർഡ് ),ജോമി കണ്ണച്ചാംപറമ്പിൽ (നേഴ്സ് പ്രാക്ടിസിഷണർ),ജോസ്‌മി എരുമ്മിയിത്തറ( (നേഴ്സ് പ്രാക്ടിസിഷണർ),ജൂലിയൻ പള്ളികിഴക്കേതിൽ( ഫിസിഷ്യൻ അസിസ്റ്റന്റ് ),മെർലിൻ കല്ലേലിമണ്ണിൽ( ഡോക്ടർ ഓഫ് പിസിക്കൽ തെറാപ്പി),ടോംസ് കിഴകെകാട്ടിൽ ( ഡോക്ടർ ഓഫ് പിസിക്കൽ തെറാപ്പി),അനു കണ്ണച്ചാംപറമ്പിൽ ( ഡോക്ടർ ഓഫ് ഫർമസി),ജോസഫ് തെക്കേൽ (സി പി എ),ബീന ചക്കുങ്കൽ (പ്രൊജക്റ്റ് മാനേജ്‌മന്റ് പ്രൊഫഷണൽ സർട്ടിഫിക്കേഷൻ),ഫിലിപ്പ് ചിറെമയിലിൽ (പ്രൊജക്റ്റ് മാനേജ്‌മന്റ് പ്രൊഫഷണൽ സർട്ടിഫിക്കേഷൻ) എന്നിവരെ കെ.സി.എസ് പ്രെസിഡെന്റ് രാജു കാക്കാട്ടിൽ പൂച്ചെണ്ടുകൾ നൽകി ആദരിക്കുകയും, സമൂഹത്തിലെ അംഗങ്ങളുടെ വ്യക്തിപരമായ നേട്ടങ്ങൾ മറ്റുള്ളവർക്ക് ആരോഗ്യകരമയ പ്രെജോതനമാകട്ടെയെ ന്ന് സെക്രട്ടറി ജോസ് ചാമക്കാലാ ആശംസിച്ചു.

തുടർന്ന് "ക്നാനായത്തനിമ" എന്ന ക്നാനായ ബോധവത്കരണ സിമ്പോസിയം നടത്തുകയുണ്ടായി. ക്‌നാനായ ചരിത്രത്തിൽ അഷമായ പാണ്ഡിത്യവും പ്രേവര്തനപരിചയവും ഉള്ള ശ്രീ കുരിയാക്കോസ് ചിറയുംയുമ്യാലിയും മുൻ KCCNA പ്രെസിഡെന്റ് ശ്രീ ജോസ് കോട്ടൂരും ക്നാനായ പൈതൃകത്തിന്റെ മഹിമയെപ്പറ്റിയും നോർത്ത് അമേരിക്കയിലെ ക്നാനായ സമുദായം ഇന്ന് അഭിമുകീകരിക്കുന്ന ദയനീയമായ നിന്ദകളെപ്പറ്റിയും, പ്രീതുകൂല സാഹചര്യങ്ങളേ മറികടക്കാൻ എങ്ങനെ ഒരുമയും വിശ്വാസവും സഹായകമാകും എന്നും ചൂണ്ടിക്കാട്ടി.ക്നാനായക്കാർ മതപീഢനത്തിന്റെ സംതാതികളല്ലെന്നും,പ്രേഷിത ദൗധ്യത്തോടെ എഡെസയില്നിന്നും കുടിയേറിയവരാണെന്നും, ഏഴുപത്തിരണ്ടില്പരം രാജപദവികളോടെയാണ് ചേരമാൻ പെരുമാൾ ക്നായി തൊമ്മനെയും സംഘത്തെയും സ്വീകരിച്ചെന്ന ചരിത്ര സത്യങ്ങളും ഊന്നിപ്പറയുകയുണ്ടായി. തുടർന്ന് വിവിധ മത്സരങ്ങളിൽ പങ്കെടുത്ത കൊച്ചു കൂട്ടുകാർക്ക് പ്രെസിഡെന്റ് രാജു കക്കാട്ട് സമ്മാനങ്ങൾ നൽകി അനുമോദിച്ചു.

ബിജു തേക്കിലക്കാട്ടിന്റെയും ജൂബി ചക്കുങ്ങലിന്റെയും നേതൃത്വത്തിൽ ആവേശകരമായ ജോപാർടി സ്റ്റൈലിൽ ക്വിസ് കോംപെറ്റീഷൻ ക്നാനായ ചരിത്രത്തിനും കേരളം ചരിത്രത്തിനും മുൻ‌തൂക്കം നൽകിക്കൊണ്ടാണ് ഈ നടത്തപ്പെട്ടു തുടർന്ന് വിജയികൾക്ക് സംഘര്ഷകമായ സമ്മാനങ്ങളും നൽകി. 2017 ഈസ്റ്റര് സെലിബ്രേഷൻസ് വര്ണശബളമാക്കാൻ സഹായിച്ച എല്ലാവര്ക്കും നന്ദിനല്കികൊണ്ടു വൈസ് പ്രെസിഡെന്റ് സജി മരങ്ങാട്ടിൽ ആശംസകൾ അർപ്പിച്ചു.

2017 ഈസ്റ്റര് സെലിബ്രേഷൻ മോടിപിടിപ്പുക്കുന്നതിൽ കിഡ്സ് ക്ലബ് കോർഡിനേറ്റർ ജോംസ് കിഴക്കേക്കട്ടിലിന്റെയും സംഘത്തിന്റെയും വൈസ് പ്രെസിഡെന്റ് സജി മരങ്ങാട്ടിലിന്റേയും സേവന സന്നദ്ധത പ്രെശംസനീയമായിരുന്നു.ഏകദേശത്തോളം നുറ്റി അൻപതോളം ക്നാനയമാക്കൾ ഈസ്റെർ പരിപാടികളിൽ പങ്കെടുത്തു വമ്പിച്ച വിജയമാക്കി.പരിപാടികൾ സ്നേഹ വിരുന്നിനു ശേഷം പതിനൊന്നു മണിയോടെ പരിയവസാനിച്ചു.

More photos https://drive.google.com/drive/folders/0B0wqV9D99WEQekdxaDJEcDZTOGs

Read more

ആവേശ തിരമാലകളുയർത്തി ന്യൂ ജേഴ്‌സി ക്നാനായ മിഷന്റെ കൂടാരയോഗ വാർഷികം

ന്യൂജേഴ്‌സി: ന്യൂ ജേഴ്‌സി ക്നാനായ മിഷനിലെ നോർത്ത് ജേഴ്‌സി കൂടാരയോഗത്തിന്റെ ആഭിമുഖ്യത്തിൽ നടന്ന വാർഷികാഘോഷം വര്ണശബളമായി. ഏപ്രിൽ 22 ശനിയാഴ്ച വൈകുന്നേരം ജപമാലയോടുകൂടി ആരംഭിച്ച വാർഷികാഘോഷത്തിന്റെ ഉദ്ഘാടനം കൂടാരയോഗം പ്രസിഡണ്ട് പീറ്റർ മാന്തുരുത്തിലിന്റെ അധ്യക്ഷതയിൽ കൂടിയ യോഗത്തിൽ വച്ച്, ന്യൂയോർക്ക് ക്നാനായ കാത്തലിക്ക് ഫൊറോനാ വികാരി ഫാ. ജോസ് തറയ്ക്കൽ നിർവ്വഹിച്ചു. മിഷൻ ഡയറക്ടർ ഫാ. റെനി കട്ടേൽ ആമുഖ പ്രസംഗവും, റോക്ക്‌ലാൻഡ് മിഷൻ ഡയറക്ടർ ഫാ. ജോസ് ആദോപ്പള്ളിൽ ആശംസാ പ്രസംഗവും നടത്തി. തദവസരത്തിൽ മിഷനിലെ മറ്റ് മൂന്നു കൂടാരയോഗ പ്രസിഡണ്ടുമാരും, മിഷന്റെ യൂത്ത് കോർഡിനേറ്റർ അനീറ്റാ മാളികയും ആസംസകൾ നേർന്നു. പ്രോഗ്രാം കമ്മറ്റി ചെയർമാൻ ബിജു വലിയകല്ലുങ്കൽ സ്വാഗതവും, ടോം കടിയമ്പള്ളിൽ കൃതജ്ഞതാപ്രകാശനവും നിർവ്വഹിച്ചു.

തുടർന്ന് കൾച്ചറൽ പ്രോഗ്രാം കോർഡിനേറ്റർ വിൻജു മാന്തുരുത്തിലിന്റെ നേതൃത്വത്തിൽ മിഷനിലെ കൂടാര യോഗങ്ങളെല്ലാം ചേർന്ന് ഒരുക്കിയ രണ്ടു മണിക്കൂർ നീണ്ട കലാസന്ധ്യ വാർഷികാഘോഷങ്ങൾ ആവേശ തിരമാലകളാൽ വർണ്ണാഭമാക്കി. കുട്ടികളുടെ മുതൽ മുതിർന്നവരുടെ വരെ ഡാന്സുകളും, മാർഗ്ഗം കളിയും , ചെണ്ടമേളവും, ഗാനാലാപനങ്ങളുമൊക്കെയായി ശനിയാഴ്ച്ചത്തെ സായാഹ്നം അവിസ്മരണീയമായ ഒരു അനുഭവമാക്കി തീർക്കുവാൻ മിഷൻ ഭാരവാഹികൾക്ക് സാധിച്ചു.  മെറിൻ വെമ്മേലിയും നിഖിത വാണിയാംകുന്നേലും പ്രോഗ്രാമിനെ മനോഹരമായ രീതിയിൽ MC മാരുടെ റോളിൽ മുന്നോട്ടു നയിച്ചു. പങ്കാളിത്തം കൊണ്ടും, സംഘാടന മികവുകൊണ്ടും അതിലുപരി ഗുണമേന്മയുള്ള കലാ പരിപാടികൾകൊണ്ടും ന്യൂജേഴ്‌സി ക്നാനായ മിഷന്റെ ചരിത്രത്തിൽ തന്നെ മറ്റൊരു നാഴികക്കല്ലിനു നാന്ദിയാകുവാൻ ഈ കൂടാരയോഗ വാർഷികത്തിന് സാധിച്ചു എന്ന തന്റെ സമാപന സന്ദേശത്തിൽ മിഷൻ ഡയറക്ടർ ഫാ. റെനി കട്ടേൽ പറഞ്ഞപ്പോൾ നിറഞ്ഞ ഹർഷാരവത്തോടെയാണ് സദസ്സ് സ്വീകരിച്ചത്. നോർത്ത് ജേഴ്‌സി കൂടാരയോഗക്കാർ ഒരുക്കിയ ആസ്വാദ്യകരമായ വിരുന്നോടെ വാർഷികാഘോഷങ്ങൾ സമാപിച്ചു.

For More pictures Click here

Read more

"അമ്മത്തണൽ" - താങ്ങും തണലുമായി ചിക്കാഗോ യുവജനങ്ങൾ

ചിക്കാഗോ : മാതൃദിനത്തോടനുബന്ധിച്ചു, ചിക്കാഗോ ക്നാനായ കാത്തലിക് യുവജനവേദിയും കെ സി വൈ എൽ ഇടയ്ക്കാട്ടു ഫൊറോനായും സംയുക്തമായി  ചൈതന്യയിൽ നടത്തുന്ന  "അമ്മത്തണൽ" എന്ന സംരംഭത്തിന് സഹായഹസ്‌തവുമായി ഷിക്കാഗോയിൽ യുവജനങ്ങൾ . അശരണരും ആലംബഹീനരുമായ 

മക്കളെ യാതനകളും കഷ്ഠതകളും സഹിച്ചു ,  അത്തരത്തിലുള്ള മക്കൾക്ക് വേണ്ടി ജീവിതം മാറ്റിവെച്ച അമ്മമാരേ ആദരിക്കുന്നതിനും അവരെ സാഹായിക്കുന്നതിനുമാണ്  "അമ്മത്തണൽ" എന്ന പേരിൽ  ചിക്കാഗോ ക്നാനായ കാത്തലിക് യുവജനവേദിയും കെ സി വൈ എൽ ഇടയ്ക്കാട്ടു ഫൊറോനായും സംയുക്തമായി, ഹൃദയസ്പർശിയായ ഈ സംരംഭവുമായി കടന്നു വന്നിരിക്കുന്നത്. 
ആദ്യ ഫണ്ട് മുൻ കെ സി വൈ ൽ രൂപതാ പ്രസിഡന്റും,ചിക്കാഗോ  കെ സി എസ്‌  വൈസ് പ്രസിഡന്റും ആയ  സാജു കണ്ണമ്പള്ളിയിൽ നിന്നും ചിക്കാഗോ  യുവജനവേദി പ്രസിഡണ്ട് അജോമോൻ പൂത്തുറ ഏറ്റുവാങ്ങികൊണ്ട് "അമ്മത്തണൽ" പദ്ധതി ചിക്കാഗോയിൽ തുടക്കം കുറിച്ചു. 
ഈ മുഹൂർത്തത്തിന് മാറ്റേകുവാൻ ചിക്കാഗോ പാരിഷ് അസി. വികാരി ഫാ. ബോബൻ വട്ടംപുറത്ത് , കെ സി എസ്  പ്രെസിഡന്റ്റ് ബിനു പൂത്തുറ,സെക്രട്ടറി ജോണികുട്ടി പിള്ളവീട്ടിൽ ,സിബി കൈതക്കത്തൊട്ടി, പോൾസൺ കുളങ്ങര, ഗീതു കുറുപ്പൻപറമ്പിൽ, സിമോണ കൊറ്റംകൊമ്പിൽ , ആൽബിൻ പുലിക്കുന്നേൽ, ഷാരു എള്ള്ങ്കയിൽ  എന്നിവർ സന്നിഹിതരായിരുന്നു. 
ഈ പരിപാടിയുടെ പങ്കാളിത്തം  ഏവരിലും എത്തുന്നതിനായി ചിക്കാഗോ ക്നാനായ കാത്തലിക് യുവജനവേദി ഒരുക്കിയ കാർ വാഷ് കൂപ്പൺ പദ്ധതിയിൽ - സെന്റ് മേരിസ് ക്നാനായ കത്തോലിക്ക ഇടവകയിലെ ആളുകളുടെ സഹകരണം ശ്രേദ്ധേയമായി.  രണ്ട് ലക്ഷം രൂപയോളം ഇടവകാംഗങ്ങളുടെ സഹകരണത്താൽ ഒരു ദിവസം കൊണ്ട് ലഭിക്കുകയുണ്ടായി  എന്നത് വലിയൊരു സഹായമായി കരുതുകയും, ഇതിൽ സഹകരിച്ച ഏവർക്കും  യുവജനവേദിയുടെ പേരിലുള്ള നന്ദിയും  പ്രസിഡണ്ട് അജോമോൻ അറിയിച്ചു. ലിന്സണ് കൈതമല അരുൺ നെല്ലാമറ്റം എന്നിവർ ക്രമീകരണങ്ങൾക്ക്  നേതൃത്വം നൽകി

Read more

വിമൻസ് സമ്മിറ്റ് - 2017 : ഡാളസിൽ രജിസ്‌ട്രേഷൻ കിക്ക്‌ ഓഫ് നടത്തി

ഡാളസ്: ക്നാനായ കാത്തലിക്ക് വിമന്‍സ് ഫെഡറേഷന്‍ ഓഫ് നോര്‍ത്ത് അമേരിക്ക (കെ.സി.ഡബ്ല്യൂ. എഫ്.എൻ.എ.) യുടെ നേതൃത്വത്തില്‍ ഒക്ടോബര്‍ 13 മുതല്‍ 15 വരെ തീയതികളില്‍ ലാസ് വേഗസിൽ വച്ചു സംഘടിപ്പിക്കുന്ന വിമൻസ് സമ്മിത്തിന്റെ രജിസ്‌ട്രേഷൻ കിക്ക്‌ ഓഫ് ഡാളസ് യൂണിറ്റിൽ നടത്തി. ആദ്യ ദിനം തന്നെ ഇരുപതോളം പേര്‍ ഡാളസിൽ നിന്നും രജിസ്ട്രേഷന്‍ നടത്തി. ഡാളസ് വനിതാ ഫോറം പ്രസിഡന്റ് ഡാനി പല്ലാട്ടുമഠവും ഭാരവാഹികളും പരിപാടികൾക്ക് നേതൃതം നൽകി.

Read more

ചിക്കാഗോയിൽ വീണ്ടും ക്നാനായ പെരുമ. ടോബി കൈതക്ക ത്തൊട്ടിയിൽ മലയാളി അസോസിയേഷൻ കലാ പ്രതിഭ.

ചിക്കാഗോ: ചിക്കാഗോയിലെ ഏറ്റവും പഴയതും സംഘാടന മികവുകൊണ്ടും അംഗത്വ ബലം കൊണ്ടും ഏറ്റവും മുൻപന്തിയിൽ തന്നെ നിലനിൽക്കുന്ന ചിക്കാഗോ മലയാളി അസോസിയേഷന്റെ ഈ വർഷത്തെ കലാ മേളയിലും ക്നാനായ പെരുമ. മുൻ വർഷങ്ങളിൽ ആൻസൺ മുല്ലപ്പള്ളി കൈയ്യടക്കിയിരുന്ന കലാ പ്രതിഭ പട്ടം, നൂറുകണക്കിന് കുട്ടികളെ പിന്തള്ളിക്കൊണ്ട്, ഇത്തവണ സ്വന്തമാക്കിയത് ടോബി കൈതക്കത്തൊട്ടിയാണ്. കരിങ്കുന്നം സ്വദേശിയായ ബിനു കൈതക്കത്തൊട്ടിയുടെയും ടോസ്‌മി കൈതക്കത്തൊട്ടിയുടെയും മകനായ ടോബി 2016 ലെ ചിക്കാഗോ കെ സി എസ് ന്റെ കലാ പ്രതിഭാപട്ടവും സ്വന്തമാക്കിയിരുന്നു. ചിക്കാഗോ കെ സി എസ് അംഗവും ചിക്കാഗോ സെന്റ് മേരീസ് ഇടവകാംഗവുമായ കൈതക്കതൊട്ടിയിൽ ബിനു കെ സി സി എൻ എ യുടെ നാഷണൽ കൗൺസിൽ അംഗം കൂടിയാണ്. മൗണ്ട് പ്രോസ്‌പെക്റ്റിലെ റിവർ ട്രെയ്ൽസ് മിഡിൽ സ്‌കൂളിലെ ഏഴാം ക്ലാസ്സ് വിദ്യാർത്ഥിയായ ടോബിക്ക് അഞ്ചാം ക്ലാസ്സ് വിദ്യാർത്ഥിയായ ടിമ്മി എന്ന സഹോദരനും, മൂന്നാം ക്ലാസ്സ് വിദ്യാർത്ഥിയായ താരാ എന്ന സഹോദരിയും ഉണ്ട്. ക്നാനായ സുഹൃദ് വേദികളിലും ഇടവകയിലെയും സഘടനയിലെയും കലാ വേദികളിലും നിറ സാന്നിധ്യമായ കൈതക്കത്തൊട്ടിയിൽ സഹോദരങ്ങൾ എല്ലാവരും തന്നെ പ്രസംഗം, ഡാൻസ്, ചിത്രരചന തുടങ്ങി എല്ലാ മേഖലയിലും കഴിവ് തെളിയിച്ചിട്ടുണ്ട്. കലാ പ്രതിഭ പട്ടം സ്വന്തമാക്കിയ ടോബിനെ മലായാളി അസോസിയേഷൻ പ്രസിഡണ്ട് രഞ്ചൻ എബ്രഹാം, ചിക്കാഗോ കെ സി എസ് പ്രസിഡണ്ട് ബിനു പൂത്തുറയിൽ, സെന്റ് മേരീസ് ക്നാനായ ഇടവക വികാരി ഫാ. തോമസ് മുളവനാൽ, മുൻ സി എം എ കലാ പ്രതിഭയും ക്നാനായ സമുദായാംഗവുമായ ആൻസൺ മുല്ലപ്പള്ളി എന്നിവർ അനുമോദിച്ചു. ക്ഷമയോടെയും അർപ്പണ ബോധത്തോടെയും മുന്നോട്ടു നയിക്കുന്ന ഗുരുക്കന്മാർക്കും കുടുംബത്തിനുമായ് ഈ പ്രതിഭാ പുരസ്കാരം സമർപ്പിക്കുന്നു എന്ന് ടോബി ക്നാനായ വോയിസിനോട് പ്രതികരിച്ചു. 

Read more

ഷിക്കാഗോ ക്‌നാനായ ഫൊറോനായിലെ വിശുദ്ധ വാരാചരണം ഭക്തിനിര്‍ഭരമായി

ഷിക്കാഗോ: ഷിക്കാഗോ തിരുഹൃദയ ക്‌നാനാ!യ കത്തോലിക്കാ ഫൊറോനായില്‍, ഓശാന തിരുന്നാള്‍, പെസഹാ വ്യാഴം, ദുഖ ശനി ശുശ്രൂഷകളും, ഉയിര്‍പ്പ് തിരുനാളിന്റെ തിരുകര്‍മ്മങ്ങളും ഭക്തിനിര്‍ഭരമായി ആചരിച്ചു. ഏപ്രില്‍ 9 ഞായറാഴ്ച 9.45ന് തിരുഹൃദയ ക്‌നാനായ കത്തോലിക്ക ഫൊറോനായില്‍ ഓശാന തിരുന്നാള്‍ ഭക്തിപൂര്‍വ്വം ആചരിച്ചുകൊണ്ട് വിശുദ്ധവാര തിരുകര്‍മ്മങ്ങള്‍ക്ക് തുടക്കം കുറിച്ചു. ഓശാന തിരുകര്‍മ്മങ്ങള്‍ക്ക് വികാരി വെരി റെവ. ഫാ. എബ്രാഹം മുത്തോലത്ത് കാര്‍മികത്വം വഹിച്ചു. ദിവ്യബലി, കുരുത്തോല വെഞ്ചെരിപ്പ്, കുരുത്തോല വിതരണം, വചനസന്ദേശം, കുരുത്തോല പ്രദക്ഷിണം, ദൈവാലയ പ്രവേശനം എന്നീതിരുകര്‍മ്മങ്ങള്‍ക്കുശേഷം നടന്ന കുരിശിന്റെ വഴി ഭക്തിനിര്‍ഭരമായി. ഏപ്രില്‍ 13 പെസഹാ വ്യാഴാഴ്ച വൈകിട്ട് 6:30 ക്ക് ആരാധനയും, 7:00 മണിക്ക് പെസഹാ തിരുനാളിന്റെ കാല്‍ കഴുകല്‍ ശുശ്രൂഷയും, വിശുദ്ധ കുര്‍ബാനയും ഭക്തിസാന്ദ്രമായി. ദുഖ വെള്ളീയാഴ്ച രാവിലെ 10.00 മണിക്ക് മാര്‍ ജേക്കബ് അങ്ങാടിയത്ത് മുഖ്യകാര്‍മികത്വവും മോണ്‍. ഫാ. തോമസ് മുളവനാല്‍, വെരി റെവ. ഫാ. എബ്രാഹം മുത്തോലത്ത്, & റെവ. ഫാ. ബോബന്‍ വട്ടംപുറത്ത് എന്നിവര്‍ സഹകാര്‍മ്മികരുമായി നടന്ന തിരുകര്‍മ്മങ്ങളും, ഫാ. ബോബന്‍ വട്ടംപുറത്തിന്റെ വചനപ്രഘോഷണവും ശ്രദ്ധേയമായി. പീഡാനുഭവസ്മരണയ്ക്കായി വിശ്വാസികള്‍ കയ്പുനീര്‍ കുടിക്കുകയും, കുരിശിന്റെ വഴി, പീഡാനുഭവ അനുസ്മരണം, ദിവ്യകാരുണ്യ സ്വീകരണം, നഗരികാണിക്കല്‍, തിരുസ്വരൂപചുംബനം എന്നീ ശുശ്രൂഷകളും നടന്നു. ദു:ഖശനിയാഴ്ച രാവിലെ 10 മണിയ്ക്ക് വി. കുര്‍ബാനയോടൊപ്പം പുത്തന്‍തീ, പുത്തന്‍വെള്ളം വെഞ്ചരിപ്പ്, തിരികള്‍ കത്തിച്ച് മാമ്മോദീസായുടെ വ്രതവാഗ്ദാനവും നവീകരിച്ചു. വൈകിട്ട് 7 മണിക്ക് കര്‍ത്താവിന്റെ പുനരുത്ഥാനത്തെ അനുസ്മരിച്ചു കൊണ്ട് സഭയുടെ ഏറ്റവും വലിയ തിരുന്നാളായ ഉയിര്‍പ്പ് തിരുന്നാള്‍, ആഹോഷമായ പരിശുദ്ധ കുര്‍ബാനയോടു കൂടി അര്‍പ്പിക്കപ്പെട്ടു. ഉയിര്‍പ്പ് തിരുനാളിന്റെ തിരുകര്‍മ്മങ്ങള്‍ക്ക് വികാരി വെരി റെവ. ഫാ. എബ്രാഹം മുത്തോലത്ത് കാര്‍മ്മികത്വം വഹിച്ചു.

തിരുന്നാള്‍ ക്രമീകരണങ്ങള്‍ക്ക് നേത്യുത്വം നല്‍കിയ കൈക്കാരന്മാരായ തോമസ് നെടുവാമ്പുഴ, മാത്യു ഇടിയാലില്‍, സഖറിയ ചേലക്കല്‍, മാത്യു ചെമ്മലക്കുഴി എന്നിവര്‍ക്കും പി. ര്‍.ഒ. ബിനോയ് കിഴക്കനടിക്കും, ശ്രുതിമധുരമനോഹരമായി ഗാനങ്ങളാലപിച്ച സജി മാലിത്തുരുത്തേലിന്റെ നേത്യുത്വത്തിലൂള്ള ഗായകസംഘത്തിനും, സുന്ദരമായി അള്‍ത്താര ഡെക്കറേറ്റ് ചെയ്ത തങ്കമ്മ നെടിയകാലായുടെ നേത്യുത്വത്തിലൂള്ള ടീമിനും, കുര്യന്‍ നെല്ലാമറ്റത്തിന്റേയും, ഫിലിപ്പ് കണ്ണോത്തറയുടെ നേത്യുത്വത്തിലൂള്ള അള്‍ത്താരസംഘത്തിനും, ഇതില്‍ സഹകരിച്ച ഏവര്‍ക്കും, തിരുന്നാളില്‍ പങ്കെടുത്ത് അനുഗ്രഹം പ്രാപിച്ച എല്ലാ വിശ്വാസികള്‍ക്കും ബഹുമാനപ്പെട്ട വികാരി ഫാദര്‍ എബ്രാഹം മുത്തോലത്ത് പ്രത്യേകം നന്ദി പറയുകയും, തിരുന്നാളിന്റെ എല്ലാ മംഗളങ്ങള്‍ നേരുകയും ചെയ്തു.

Read more

ഡിട്രോയിറ്റ് സെന്റ് മേരീസ് ക്‌നാനായ കത്തോലിക്കാ ദേവാലയത്തില്‍ വിശുദ്ധവാര തിരുക്കര്‍മ്മങ്ങള്‍ നടത്തപ്പെട്ടു

ഡിട്രോയിറ്റ്: ഡിട്രോയിറ്റ് സെന്റ് മേരീസ് ക്‌നാനായ കത്തോലിക്കാ ദേവാലയത്തില്‍ പെസഹ വ്യാഴാഴ്ച വൈകുന്നേരം 7 മണിക്ക് ആരാധനയോടെ തിരുക്കര്‍മ്മങ്ങള്‍ ആരംഭിച്ചു. ഇടവകയിലെ യുവാക്കന്മാരില്‍നിന്നു കാല്‍ കഴുകല്‍ ശുശ്രൂഷക്കായി തിരഞ്ഞെടുക്കപ്പെട്ടത് ജോര്‍ജി & ജിഫിന്‍ ചാക്കച്ചേരില്‍, മാത്യു & മൈക്കിള്‍ ചെമ്പോല, സനീഷ് വലിയപറമ്പില്‍, ആന്റോ കുരീക്കാട്ടില്‍, ജെയിംസ് ഇടയാഞ്ഞിലില്‍, ജേക്കബ് കണിയാലില്‍, നിഖില്‍ വെട്ടിക്കാട്ട്, ജെന്‍സന്‍ തോട്ടത്തില്‍, ബോണി തെക്കനാട്ട്, അജിത് പറപ്പള്ളില്‍ എന്നിവരായിരുന്നു. തുടര്‍ന്ന് ബഹു. രാമച്ചനാട്ട് ഫിലിപ്പച്ചനും, ബഹു. പള്ളിപ്പറമ്പില്‍ ജോര്‍ജച്ചനും, സൈമണ്‍ മത്തായി വലിയപറമ്പിലും ചേര്‍ന്ന് പെസഹ അപ്പം മുറിച്ച് വിശ്വാസികള്‍ക്ക് നല്‍കി. പെസഹ അപ്പവും പാലും തയ്യാറാക്കിയത് ലീജിയണ്‍ ഓഫ് മേരി അംഗങ്ങളായിരുന്നു. ദു:ഖവെള്ളിയുടെ തിരുക്കര്‍മ്മങ്ങള്‍ വൈകുന്നേരം 7 മണിക്ക് ആരംഭിച്ചു.

തിരുക്കര്‍മ്മങ്ങള്‍ക്ക് നേതൃത്വം നല്‍കിയത് ബഹു. രാമച്ചനാട്ട് ഫിലിപ്പച്ചനും, പൈം മിഷനറീസ് റീജിയണല്‍ സുപ്പീരിയര്‍ ബഹു. പള്ളിപ്പറമ്പില്‍ ജോര്‍ജച്ചനുമായിരുന്നു. അള്‍ത്താര ശുശ്രൂഷകള്‍ക്ക് നേതൃത്വം നല്‍കിയത് ബിബി തെക്കനാട്ടും, ജോസ് ലൂക്കോസ് പള്ളിക്കിഴക്കേതിലുമാണ്്. ഉയിര്‍പ്പ് തിരുനാള്‍ തിരുക്കര്‍മ്മങ്ങള്‍ ശനിയാഴ്ച വൈകുന്നേരം 7മണിക്കാരംഭിച്ചു. വചന സന്ദേശത്തില്‍ ബഹു. പള്ളിപ്പറമ്പില്‍ ജോര്‍ജച്ചന്‍ തന്റെ കാമറൂണിലെ മിഷന്‍ പ്രവര്‍ത്തനങ്ങളുടെ ഓര്‍മ്മകളും അനുഭവങ്ങളും വിശ്വാസികളുമായി പങ്കുവെച്ചു.

മിഷിഗണിലെ പ്രമുഖ ആശുപത്രി ശൃംഖലയായ ബോമോണ്ട് ഗ്രൂപ്പിന്റെ വെയ്‌നിലുള്ള ബോമോണ്ട് ആശുപത്രിയുടെ വൈസ് പ്രസിഡന്റായി തെരഞ്ഞെടുക്കപ്പെട്ട ജോസ് കോട്ടൂരിന് ബഹു. ഫിലിപ്പച്ചനും, ബഹു. ജോര്‍ജച്ചനും ചേര്‍ന്ന് മൊമന്റോ നല്‍കി ആദരിച്ചു. ജോസ് കോട്ടൂര്‍ തനിക്ക് ലഭിച്ച നന്മകള്‍ എല്ലാവരുടെയും സ്‌നേഹവും, പ്രാര്‍ത്ഥനയും പിന്തുണയും കൊണ്ടാണ് എന്ന് നന്ദി പ്രസംഗത്തില്‍ പരാമര്‍ശിക്കുകയുണ്ടായി. ഉയിര്‍പ്പുതിരുനാള്‍ ദിനത്തില്‍ ഭക്ഷണം സ്‌പോണ്‍സര്‍ ചെയ്തത് ജോംസ് & ജീന കിഴക്കേകാട്ടില്‍, ജോസ് & ജെസ്സി പള്ളിക്കിഴക്കേതില്‍, ജോസ് & ജലീന ചാമക്കാലായില്‍, ജോസ് & മിനി കോട്ടൂര്‍ എന്നീ കുടുംബങ്ങളായിരുന്നു.

സ്‌നേഹവിരുന്നിനു ശേഷം ബഹു. രാമച്ചനാട്ട് ഫിലിപ്പച്ചന്റെ ജന്മദിനാഘോഷം നടത്തപ്പെട്ടു. കെ.സി.എസ് പ്രസിഡന്റ് രാജു കക്കാട്ടില്‍, ഇടവക ജനത്തെ പ്രതിനിധീകരിച്ച് മാത്യൂസ് ചെരുവില്‍, ജെയിംസ് തോട്ടം, ജോസ് കോട്ടൂര്‍ എന്നിവര്‍ ബഹു. ഫിലിപ്പച്ചന് ആശംസ നേര്‍ന്നു. കേക്ക് മുറിക്കല്‍ ചടങ്ങിന് സണ്‍ഡേ സ്കൂള്‍ കുട്ടികള്‍ ആശംസാഗാനം ആലപിച്ചു. വലിയ സന്തോഷത്തോടെയും ധാരാളം ജനങ്ങളുടെ പങ്കാളിത്തത്തോടെയും ഉയിര്‍പ്പു തിരുനാള്‍ നടത്തുവാന്‍ എല്ലാ സജ്ജീകരണങ്ങള്‍ക്കും നേതൃത്വം നല്‍കിയത് കൈക്കാരന്‍ ജെയിസ് കണ്ണച്ചാന്‍പറമ്പില്‍, പാരീഷ് കൗണ്‍സില്‍ അംഗങ്ങള്‍ ഒട്ടനവധി യുവതീയുവാക്കളും ചേര്‍ന്നായിരുന്നു.

Read more

മോർട്ടൻഗ്രോവ് സെൻ. മേരീസ് ഇടവക ദേവാലയത്തിലെ വിശുദ്ധ വാരാചരണം ഭക്തിസാന്ദ്രമായി സമാപിച്ചു.

ചിക്കാഗോ ; സെൻ.മേരീസ് ക്നാനായ കത്തോലിക്കാ ഇടവക ദേവാലയത്തിൽ വിശുദ്ധ വാരാചരണം ഭക്തിസാന്ദ്രമായി ആചരിച്ചു.. ഓശാന ഞായറിലെ തിരുകർമ്മങ്ങൾക്ക് വികാരി . ബഹു. ഫാ. തോമസ് മുളവനാൽ മുഖ്യ കാർമികത്വം വഹിച്ചു. യുവജന വർഷം പ്രമാണിച്ച് പെസഹാ ദിനത്തിൽ കാലുകഴുകൾ ശ്രുശ്രുഷയിൽ 12 യുവജനങ്ങൾ പങ്കെടുത്തു. ദുഃഖ വെള്ളിയുടെ തിരുകർമ്മങ്ങളിൽ ബഹു. ഫാ. തോമസ് മുളവനാൽ ബഹു. ഫാ. എബ്രഹാം മുത്തോലത്ത്, ബഹു. ഫാ. ബോബൻ വട്ടംപുറത്ത് എന്നിവർ നേതൃത്വം നൽകി. ഈസ്റ്റർ ദിനത്തിലെ തിരുകർമ്മങ്ങൾക്ക് വികാരി . ബഹു. ഫാ. തോമസ് മുളവനാൽ മുഖ്യ കാർമികത്വം വഹിച്ചു. ബഹു. ഫാ. ബോബൻ വട്ടംപുറത്ത് വചന സന്ദേശം നൽകി. കർത്താവിന്റെ ഉയിർപ്പിന്റെ ദൃശാനുഭവം ശബ്‌ദവെളിച്ചത്തോടെ നവീനാനുഭവമാക്കാൻ ശ്രീ.മാത്തച്ചൻ ചെമ്മാച്ചേൽ ,ശ്രീ.ജിനോ കക്കാട്ടിൽ എന്നിവർ നേതൃത്വം നൽകി. കൈക്കാരൻമ്മാരായ ശ്രീ. റ്റിറ്റോ കണ്ടാരപ്പള്ളിൽ,ശ്രീ.പോൾസൺ കുളങ്ങര , ശ്രീ. ജോയിച്ചൻ ചെമ്മാച്ചേൽ , ശ്രീ. സിബി കൈതക്കത്തൊട്ടിയിൽ, ശ്രീ. ടോണി കിഴക്കേക്കുറ്റ് എന്നിവർ വിശുദ്ധ വാരാചരണ പരിപാടികൾക്ക് നേതൃത്വം നൽകി. ബഹു.സി.സിൽവേരിയൂസ്, ബഹു.സി.ജെസിനാ, ബഹു.സി.ജൊവാൻ എന്നിവർ ശ്രുശ്രുഷകൾ മനോഹരമാക്കി. ശ്രീ. അനിൽ മറ്റത്തികുന്നേലിന്റെ നേതൃത്വത്തിലുള്ള ഗായക സംഘം കർമ്മങ്ങൾ കൂടുതൽ ഭക്തിസാന്ദ്രമാക്കി.

For more pictures Click Here

Read more

Copyrights@2016.