america live Broadcasting

റോക്ക് ലാൻഡ് മിഷനിൽ ബിഷപ്പ് മാർ ജോയി ആലപ്പാട്ടിന്റെ സന്ദർശനവും ക്രിസ്തുമസ് കരോൾ ഉദ്ഘാടനവും.

റോക്ക് ലാൻഡ് : ന്യൂയോര്‍ക്കിലെ റോക്ക് ലാൻഡ് സെന്റ് മേരീസ് ക്നാനായ മിഷനിൽ ഷിക്കാഗോ സീറോ മലബാർ രൂപതയുടെ സഹായ മെത്രാൻ സന്ദർശനം നടത്തി. മിഷന്റെ ദിവബലി അർപ്പിക്കപ്പെടുന്ന മരിയൻ ഷ്രയിനിൽ എത്തിയ അഭി. പിതാവിനെ മിഷൻ ഡയറക്ടർ ഫാ. ജോസഫ് ആദോപ്പള്ളില്‍, കൈക്കാരന്മാരായ സിബി മണലേല്‍, ഫിലിപ്പ് ചാമക്കാലാ, ട്രേസി മണിമല, വെസ്‌ചെസ്റ്റർ മിഷന്റെ കൈക്കാരന്മാരായ എബ്രഹാം പുളിയാലാക്കുന്നേൽ, റെജി ഒഴുങ്ങാലിൽ എന്നിവരുടെ നേതൃത്വത്തിൽ വിശ്വാസികൾ ചേർന്ന് സ്വീകരിച്ചു. തുടർന്ന് അർപ്പിക്കപ്പെട്ട ദിവ്യബലിക്ക് മാർ.ജോയി ആലപ്പാട്ട് മുഖ്യ കാർമികത്വം വഹിച്ചു. പിറവി തിരുനാളിനായി ഒരുങ്ങി കൊണ്ടിരിക്കുന്ന ക്രൈസ്തവരായ നമ്മെ സംബന്ധിച്ചിടത്തോളം, കഴിഞ്ഞ ആഴ്ച ആഗോള സഭയിൽ നടത്തപ്പെട്ട കരുണയുടെ വർഷത്തിന്റെ സമാപനം, വിശ്വാസികളുടെ ജീവിതത്തിലെ കരുണയുടെ അവസാനമല്ല മറിച്ച് കരുണയാൽ ആർദ്രമായ ഒരു ജീവിതത്തിന്റെ തുടക്കമാണ് എന്ന് അദ്ദേഹം അറിയിച്ചു. ദൈവത്തിന്റെ കരുണയില്ലാതെ ആർകും ഒരു നേട്ടങ്ങളും കൊയ്യുവാൻ സാധിക്കില്ല എന്നും, ആ കരുണയാണ് മനുഷ്യ ജീവിതത്തിന്റെ ആധാരം എന്നും അദ്ദേഹം ഓർമ്മിപ്പിച്ചു.

ദിവ്യബലിക്ക് ശേഷം സോഷ്യൽ ഹാളിൽ ചേർന്ന മീറ്റിങ്ങിൽ മിഷൻ അംഗങ്ങളുമായി സംവാദിക്കുവാനും അവരുടെ സംശയങ്ങൾ ദുരീകരിക്കുവാനും മാർ. ജോയി ആലപ്പാട്ട് സമയം കണ്ടെത്തി. ന്യൂയോർക്ക് മിഷനിൽ ഉണ്ടായ പ്രശനങ്ങളെ സഭ വളരെ ശ്രദ്ധയോടെയാണ് വീക്ഷിക്കുന്നതെന്നും, കരുതലോടെയും പ്രോകോപനങ്ങൾ ഇല്ലാതെയുമുള്ള മിഷന്റെ പ്രവർത്തനങ്ങൾ അഭിനന്ദനാർഹമാണ് എന്നും അദ്ദേഹം അറിയിച്ചു. ഈ വർഷത്തെ ക്രിസ്തുമസിനൊരുക്കമായി ഓരോ കുടുംബത്തിനും പ്രാർത്ഥിക്കുവാനായി വെസ്‌ചെസ്റ്ററിലേയും റോക്ക് ലാൻഡിലെയും മിഷനംഗങ്ങൾക്ക് ക്രിസ്തുമസ് ഫ്രണ്ടിനെ നൽകുകയും പ്രാർത്ഥനയാണ് ക്രൈസ്തവരുടെ ഏറ്റവും വലിയ ആയുധം എന്ന് അദ്ദേഹം അംഗങ്ങളെ ഓർമ്മിപ്പിക്കുകയും ചെയ്തു.

മിഷനുകളുടെ ആഭിമുഖ്യത്തിലുള്ള ക്രിസ്തുമസ് കരോൾ ജസ്റ്റിൻ ചാമക്കാലായുടെ ഭവനത്തിൽ വച്ച് അഭി. പിതാവ് ഉദ്ഘാടനം ചെയ്തു. തദവസരത്തിൽ അഭി. പിതാവ് പാടിയ കരോൾ ഗാനം ഏറെ ശ്രദ്ധ നേടി. നിരവധിപേര്‍ പങ്കെടുത്ത ക്രിസ്തുമസ് കരോള്‍ വന്‍ വിജയമായിരുന്നു. കൈക്കാരന്‍ ഫിലിപ്പ് ചാമക്കാല മിഷനുകളുടെ പേരിലുള്ള കൃതജ്ഞത പ്രകാശിപ്പിച്ചു. മിഷൻ ഡയറക്ടർ ഫാ. ജോസഫ് ആദോപ്പള്ളില്‍, കൈക്കാരന്മാരായ സിബി മണലേല്‍, ഫിലിപ്പ് ചാമക്കാലാ, ട്രേസി മണിമല വെസ്‌ചെസ്റ്റർ മിഷന്റെ കൈക്കാരന്മാരായ എബ്രഹാം പുളിയാലക്കുന്നേൽ, റെജി ഒഴുങ്ങാലിൽ എന്നിവർ പരിപാടികൾക്ക് നേതൃത്വം നൽകി.

Read more

ഷിക്കാഗോ കെ സി എസ് ന് പുതു നേതൃത്വം; ബിനു പൂത്തുറയിൽ പ്രസിഡണ്ട്. സാജു കണ്ണമ്പള്ളി വൈസ് പ്രസിഡണ്ട്

ഷിക്കാഗോ: ആഗോള ക്നാനായ സമുദായത്തിലെ ഏറ്റവും  അംഗങ്ങൾ ഉള്ള സമുദായ സംഘടനായ ഷിക്കാഗോ ക്നാനായ കാത്തലിക്ക് സൊസൈറ്റിയുടെ 2017- 2018 കാലഘട്ടത്തിലേക്കുള്ള പുതിയ എക്സിക്യൂട്ടീവ് അംഗങ്ങളായി ബിനു പൂത്തുറയിൽ (പ്രസിഡണ്ട്), സാജു കണ്ണമ്പള്ളി (വൈസ് പ്രസിഡണ്ട്), ജോണിക്കുട്ടി പിള്ളവീട്ടിൽ (സെക്രട്ടറി), ഡിബിൻ വിലങ്ങുകല്ലേൽ ( ജോ. സെക്രട്ടറി), ഷിബു മുളയാനിക്കുന്നേൽ (ട്രഷറർ) എന്നിവരെ തെരെഞ്ഞെടുത്തു.

പ്രസിഡണ്ട് സ്ഥാനത്തേയ്ക്ക് തെരെഞ്ഞെടുക്കപ്പെട്ട ബിനു പൂത്തുറയിൽ, ഷിക്കാഗോ കെ സി എസ് വൈസ് പ്രസിഡണ്ട്, ഡി. കെ സി. സി ട്രഷറർ, ഷിക്കാഗോ സേക്രട്ട് ഹാർട്ട് ഇടവക ട്രസ്റ്റി എന്നീ നിലകളിലുള്ള സേവന പാരമ്പര്യവുമായാണ് കെ സി എസ് നെ നയിക്കുവാനായി എത്തുന്നത്.

വൈസ് പ്രസിഡണ്ട് സ്ഥാനത്തേക്ക് തെരെഞ്ഞെടുക്കപ്പെട്ട സാജു കണ്ണമ്പള്ളി, കോട്ടയം അതിരൂപതാ കെ സി വൈ എൽ പ്രസിഡണ്ട്, സെക്രട്ടറി, ട്രഷറർ, അതിരമ്പുഴ പഞ്ചായത്ത് മെമ്പർ, കെ സി സി എൻ എ യുടെ ക്നാനായ ടൈംസ് എഡിറ്റർ, ഷിക്കാഗോ സെന്റ് മേരീസ് ക്നാനായ ഇടവകയുടെ സെക്രട്ടറി, പി.ആർ. ഓ ഏന്നീ നിലകളിൽ സേവനം ചെയ്തിട്ടുള്ളത്തിനൊപ്പം ക്നാനായ വോയിസ് / കെ വി ടിവി യുടെ ഡയറക്ടർ, ഷിക്കാഗോ സോഷ്യൽ ക്ലബ്ബ് പ്രസിഡണ്ട് എന്നീ നിലകളിൽ ഇപ്പോൾ സേവനം ചെയ്തു വരികയാണ്.

ജനറൽ സെക്രട്ടറി ആയി തെരെഞ്ഞെടുക്കപ്പെട്ട ജോണിക്കുട്ടി പിള്ളവീട്ടിൽ, കെ സി സി എൻ എ നാഷണൽ കൗൺസിൽ മെമ്പർ, ഇന്ത്യൻ സോഷ്യൽ വർക്കേഴ്സ് അസോസിയേഷൻ ഓഫ് ഇല്ലിനോയിസ് വൈസ് പ്രസിഡണ്ട്, സെന്റ് മേരീസ് ക്നാനായ ഇടവകയുടെ സെക്രട്ടറി എന്നീ നിലകളിൽ സേവനം ചെയ്തിട്ടുള്ളതിനൊപ്പം ഫോമാ നാഷണൽ കൗൺസിൽ അംഗം, ഷിക്കാഗോ സെന്റ് മേരീസ് ക്നാനായ ഇടവകയുടെ പി ആർ ഓ എന്നീ നിലകളിൽ ഇപ്പോൾ സേവനം ചെയ്തു വരികയാണ്.

ജോയിന്റ് സെക്രട്ടറി ആയി തെരെഞ്ഞെടുക്കപ്പെട്ട ഡിബിൻ വിലങ്ങുകല്ലേൽ, ഷിക്കാഗോ കെ സി എസ് ന്റെ പോക്ഷക സംഘടനയായ യുവജന വേദിയുടെ എക്സിക്യൂട്ടീവ് വൈസ് പ്രസിഡണ്ട്, കെ സി എസ ബോർഡ് മെമ്പർ, കെ സി വൈ എൽ സെക്രട്ടറി എന്നീ നിലകളിൽ സേവനം ചെയ്തിട്ടുണ്ട്.

ട്രഷറർ സ്ഥാനത്തേക്ക് തെരെഞ്ഞെടുക്കപ്പെട്ട ഷിബു മുളയാനിക്കുന്നേൽ തൊടുപുഴ ബ്ലോക്ക് പഞ്ചായത്ത് മെമ്പർ, ഷിക്കാഗോ സേക്രട്ട് ഹാർട്ട് ഇടവക സെക്രട്ടറി, ട്രസ്റ്റി, ഷിക്കാഗോ കെ സി എസ് ഔട്ട് ഡോർ കമ്മറ്റി ചെയർമാൻ, ഷിക്കാഗോ കെ സി എസ് ഫിനാൻസ് കമ്മറ്റി ചെയർമാൻ, എന്നീ നിലകളിൽ സേവനം ചെയ്തിട്ടുണ്ട്.

കെ സി സി എൻ എ യുടെ നാഷണൽ കൗൺസിൽ അംഗങ്ങളായി കെ സി എസ്‌ മുൻ പ്രസിഡണ്ട് പ്രൊഫ. മേയമ്മ വെട്ടിക്കാട്ട്, ബിനു കൈതക്കത്തൊട്ടിയിൽ, ജോയി നെല്ലാമറ്റം, തോമസ് മാന്തുരുത്തിയിൽ, ജെയ്‌മോൻ നന്തികാട്ട്, അബിൻ കുളത്തിക്കരോട്ട്, തോമസ് അപ്പോഴിപ്പറമ്പിൽ എന്നിവരെ തെരെഞ്ഞെടുത്തു. പ്രൊഫ. മേയമ്മ വെട്ടിക്കാട്ട് കെ സി സി എൻ എ യുടെ വൈസ് പ്രസിഡണ്ട് സ്ഥാനത്തേക്ക് മത്സരിക്കുന്നുണ്ട്.

കെ സി എസ ലെജിസ്ളേറ്റിവ് ബോർഡ് അംഗങ്ങളായി സിറിൾ കട്ടപ്പുറം, ജിനോ കക്കാട്ടിൽ, കുഞ്ഞുമോൻ തത്തംകുളം, മാത്യു ഇടുക്കുതറയിൽ, മോനിച്ചൻ പുല്ലാഴിയിൽ, സജി മാലിത്തുരുത്തേൽ, ടിബു മൈലാടുംപാറയിൽ, ടോമി എടത്തിൽ എന്നിവരെയും തെരെഞ്ഞെടുത്തു. പുതുതായി തെരെഞ്ഞെടുക്കപ്പെട്ട എല്ലാ ഭാരവാഹികളും ഡിസംബർ 10 ന് രാവിലെ ഷിക്കാഗോ കെ സി എസ് കമ്മ്യൂണിറ്റി സെന്ററിൽ വച്ച് നടത്തപെടുന്ന പൊതുയോഗത്തിൽ സത്യപ്രതിജ്ഞ ചെയ്ത് അധികാരമേൽക്കും.

Read more

ഷിക്കാഗോ സെന്റ് മേരീസിൽ നിന്നും ഗുഡലുപ്പേ തീർത്ഥാടനം മെയ് മൂന്നു മുതൽ

ഷിക്കാഗോ: ഷിക്കാഗോ സെന്റ് മേരീസ് ഇടവകയിലെ തീർത്ഥാടന കമ്മറ്റിയുടെ ആഭിമുഖ്യത്തിൽ, വികാരി ഫാ. തോമസ് മുളവനാൽ, അസി. വികാരി. ഫാ. ബോബൻ വട്ടംപുറം എന്നിവരുടെ നേതൃത്വത്തിൽ മെക്സിക്കോയിലെ പ്രസിദ്ധമായ മരിയൻ തീർത്ഥാടനകേന്ദ്രമായ ഗുഡലുപ്പേയിലേക്ക് തീർത്ഥാടനം സംഘടിപ്പിക്കുന്നു. 2017 മെയ് മൂന്നാം തിയതി (ബുധൻ) ആരംഭിച്ച് ആറാംതീയതി (ശനി) പൂർത്തിയാക്കത്തക്ക വിധത്തിലാണ് തീർത്ഥാടനം ക്രമീകരിച്ചിരിക്കുന്നത്. മാതാവ് പ്രത്യക്ഷപ്പെട്ട ഗുഡലുപ്പേയിലെ തീർത്ഥാടന കേന്ദ്രങ്ങൾക്ക് പുറമെ, മെക്സിക്കോ സിറ്റിയിലെ ചരിത്ര പ്രസിദ്ധമായ സ്ഥലങ്ങളും സന്ദർശിക്കുവാൻ തീർത്ഥാടനത്തിന്റെ ഭാഗമായി അവസരം ലഭിക്കുന്നതാണ്. ഇതിനു പുറമെ 2017 സെപ്തംബർ 25 മുതൽ ഒക്ടോബർ 5 വരെ നീളുന്ന വിശുദ്ധ നാട് തീർത്ഥാടനവും സെന്റ് മേരീസ് ഇടവകയിലെ തീർത്ഥന കമ്മറ്റി ഒരുക്കുന്നുണ്ട്. തീർത്ഥാടനങ്ങളിൽ പങ്കെടുക്കുവാൻ ആഗ്രഹിക്കുന്നവർ എത്രയും വേഗം സംഘാടകരുമായി ബന്ധപ്പെട്ട് പേര് രജിസ്റ്റർ ചെയ്യേണ്ടതാണ് എന്ന് അറിയിച്ചിട്ടുണ്ട്. 

കൂടുതൽ വിവരങ്ങൾക്ക്:

ഫാ. തോമസ് മുളവനാൽ : 310-709-5111 

ജോയി ഇണ്ടിക്കുഴി: 847-826-2054 

സാജു കണ്ണമ്പള്ളി:847-791-1824 

സജി പുതൃക്കയിൽ 847-293-9409 

Read more

ചിക്കാഗോ സെന്റ് മേരീസില്‍ നാല്‍പ്പതു മണിക്കൂര്‍ ആരാധനയും കാരുണ്യ വര്‍ഷ സമാപനവും ഭക്തി നിര്‍ഭരമായി

ചിക്കാഗോ: ചിക്കാഗോ സെന്റ് മേരീസ് ക്‌നാനായ കത്തോലിക്കാ ദേവാലയത്തില്‍ നവംബര്‍ 18 വെള്ളിയാഴ്ച വൈകീട്ട് 7 മണിക്കുള്ള വിശുദ്ധ കുര്‍ബാനയോടുകൂടി ആരംഭിച്ച നാല്‍പ്പതു മണിക്കൂര്‍ ആരാധനയും, കാരുണ്യ വര്‍ഷ സമാപനവും, നവംബര്‍ 20-ാം തീയ്യതി ഞായറാഴ്ച വൈകീട്ട് 4 മണിക്കുള്ള വിശുദ്ധ കുര്‍ബാനയെ തുടര്‍ന്നുള്ള ദിവ്യകാരുണ്യ പ്രദിക്ഷണത്തോടും വാഴ് വോടും കൂടി സമാപിക്കുകയുണ്ടായി. ഇടവകയിലെ കൂടാരയോഗങ്ങള്‍, വിവിധ മിനിസ്ട്രികള്‍, സെന്റ് വിന്‍സന്റ് ഡിപ്പോള്‍ സൊസൈറ്റി, ലീജിയന്‍ ഓഫ് മേരി, അള്‍ത്താര ശുശ്രൂഷികള്‍, മേവുഡ് തിരുഹൃദയ ദേവാലയത്തിലെ ഇടവകാംഗങ്ങള്‍, ഇടവകയിലെ മതബോധന സ്‌ക്കൂളിലെ കുട്ടികള്‍ തുടങ്ങി നിരവധിപേര്‍ നാല്‍പ്പതു മണിക്കൂര്‍ ആരാധനയുടെ വിവിധ സമയങ്ങളില്‍ ആരാധനക്ക് നേതൃത്വം നല്‍കുകയുണ്ടായി. ഞായറാഴ്ച വൈകീട്ടു നടന്ന വിശുദ്ധ കുര്‍ബാനയില്‍ ചിക്കാഗോ സീറോ മലബാര്‍ രൂപതയുടെ സഹായ മെത്രാന്‍ മാര്‍ ജോയി ആലപ്പാട്ട് മുഖ്യകാര്‍മ്മികനും, മയാമ്മി സെന്റ് ജൂഡ് ദേവാലയത്തിലെ വികാരി റവ.ഫാ.സുനി പടിഞ്ഞാറേക്കര, ഇടവക വികാരി റവ ഫാ.തോമസ് മുളവനാല്‍, അസിസ്റ്റന്റ് വികാരി റവ.ഫാ.ബോബന്‍ വട്ടംപുറത്ത് എന്നിവര്‍ സഹകാര്‍മ്മികരുമായിരുന്നു. ഒരു മതം നിലനില്‍ക്കുന്നത് അതില്‍ കരുണയുടെ അംശം ഉള്ളതുകൊണ്ടാണ്. ക്രൈസ്തവ സമൂഹം ലോകം മുഴുവന്‍ പടര്‍ന്നു പന്തലിച്ചു നില്‍ക്കുന്നതിന്റെ കാരണം ആ മതം അടിസ്ഥാനമിട്ടിരിക്കുന്നത് കരുണയിലാണ്. ബൈബിളാണ് നമ്മുടെ വിശ്വാസത്തിന്റെ അടിസ്ഥാനശില. ബൈബിള്‍ കരുണയുടെ പുസ്തകമാണെന്നും, അതില്‍ പറയുന്ന എല്ലാ വ്യക്തികളും, ഈശോമിശിഹായും, പരിശുദ്ധ മറിയവും ഒഴിച്ച്, വളരെ ഇടറിപ്പോയിട്ടുള്ള മനുഷ്യരാണെന്നും, അവരെ താങ്ങിയത് ദൈവത്തിന്റെ കരുണയാണ് എന്ന് പിതാവ് തന്റെ വചന സന്ദേശത്തില്‍ ഉത്‌ബോധിപ്പിച്ചു. കാരുണ്യ വര്‍ഷം സമാപിച്ചുവെങ്കിലും കരുണ തുടര്‍ന്നുകൊണ്ടേയിരിക്കും എന്ന് പിതാവ് പറയുകയുണ്ടായി. ചര്‍ച്ച് എക്‌സിക്യൂട്ടീവ് അംഗങ്ങള്‍, അള്‍ത്താര ശുശ്രൂഷികള്‍, ഗായകസംഘം, സിസ്റ്റേഴ്‌സ് എന്നിവര്‍ ആരാധനയുടെ സജ്ജീകരണങ്ങള്‍ക്കും, കാരുണ്യ വര്‍ഷ സമാപനത്തിനും നേതൃത്വം നല്‍കി.

Read more

ക്നാനായ നൈറ്റും ക്രൈസ്റ്റ് വിൻ നൈറ്റും കെ വി ടിവിയിൽ ശനി ഞായർ ദിവസങ്ങളിൽ

ഷിക്കാഗോ: ഷിക്കാഗോ ക്നാനായ കാത്തലിക്ക് സൊസൈറ്റിയുടെ ആഭിമുഖ്യത്തിൽ നടത്തപ്പെട്ട ഷിക്കാഗോ ക്നാനായ നൈറ്റും കൈറോസ് മിനിസ്ട്രിയുടെ ആഭിമുഖ്യത്തിൽ സെന്റ് മേരീസ് ക്നാനായ പള്ളിയിൽ വച്ച് നടത്തപ്പെട്ട ക്രൈസ്റ്റ് വിൻ നൈറ്റും കെ വി ടിവിയിൽ ശനി ഞായർ ദിവസങ്ങളിൽ സംപ്രേക്ഷണം ചെയ്യുന്നു. ശനിയാഴ്ചയും ഞായറാഴ്ചയും ഷിക്കാഗോ സമയം നാലുമണിമുതൽ എട്ടുമണി മുതൽ ക്രൈസ്റ്റ് വിൻ നൈറ്റും തുടർന്ന് വൈകിട്ട് എട്ടുമണിമുതൽ ക്നാനായ നൈറ്റും സംപ്രേക്ഷണം ചെയ്യപ്പെടുന്നു. ഈ രണ്ടു പരിപാടികളും ഞായറാഴ്ച്ചയും ഇതേ സമയത്ത് പുനഃ സംപ്രേക്ഷണം ചെയ്യുന്നതാണ്. റോക്കുവിലെ ചാനൽ സ്റ്റോറിലെ റിലീജിയസ് സെക്ഷനിൽ നിന്നും സൗജന്യമായി കെ വി ടിവി കാണുവാൻ സാധിക്കും. കൂടാതെ മലയാളം ഐ പി ടിവി, ബോം ടിവി എന്നിവ ഉൾപ്പെടുന്ന യുണൈറ്റഡ് മീഡിയയിലും, ആൻഡ്രോയിസ് ആപ്പിൾ പ്ളേ /ആപ് സ്റ്റോറുകളിൽ നിന്നും സൗജന്യമായി ഡൌൺലോഡ് ചെയ്യാവുന്ന KVTV ആപ്പിലൂടെയും www.kvtv.com എന്ന വെബ്സൈറ്റിലൂടെയും ഈ പരിപാടി കാണാവുന്നതാണ്.

Read more

ചിക്കാഗോ കെ.സി.എസ് ക്നാനായ നൈറ്റ് പ്രൗഢഗംഭീരമായി

ചിക്കാഗോ കെ.സി.എസ് 
ക്നാനായ നൈറ്റ് 
പ്രൗഢഗംഭീരമായി
ചിക്കാഗോ : ക്നാനായ കാത്തലിക് സൊസൈറ്റിയുടെ (കെ.സി.എസ്) ആഭിമുഖ്യത്തില്‍ താഫ്റ്റ് ഹൈസ്കൂള്‍ ഓഡിറ്റോറിയത്തില്‍ വെച്ചുനടത്തപ്പെട്ട ക്നാനായ നൈറ്റ് സിനിമാതാരം ലാലു അലക്സ് ഉല്‍ഘാടനം ചെയ്തു. കെ.സി.എസ് പ്രസിഡന്‍റ് ജോസ് കണിയാലി അദ്ധ്യക്ഷത വഹിച്ചു. ആല്‍വിന്‍ ആനിത്തോട്ടം, ഡാനിയല്‍ തിരുനെല്ലിപ്പറമ്പില്‍ എന്നിവര്‍ ദേശീയഗാനം ആലപിച്ചു. വികാരി ജനറാള്‍ ഫാ. തോമസ് മുളവനാല്‍, സേക്രട്ട് ഹാര്‍ട്ട് ഫൊറോനാ വികാരി ഫാ. അബ്രഹാം മുത്തോലത്ത്, അസിസ്റ്റന്‍റ് വികാരി ഫാ. ബോബന്‍ വട്ടംപുറത്ത്, ഡി.കെ.സി.സി ലീഡര്‍ സിറിയക് പുത്തന്‍പുരയില്‍, കെ.സി.എസ്. നിയുക്ത പ്രസിഡന്‍റ് ബിനു പൂത്തുറയില്‍, സ്പോര്‍ട്ട് ഫോറം ചെയര്‍മാന്‍ ഷിജു ചെറിയത്തില്‍ എന്നിവര്‍ പ്രസംഗിച്ചു. 
പ്രതിഭാ തച്ചേട്ട് (വിമന്‍സ് ഫോറം), സക്കറിയ ചേലയ്ക്കല്‍, റ്റിനു പറഞ്ഞാട്ട് (കെ.സി.സി.എന്‍.എ.), ജോസ്മോന്‍ ചെമ്മാച്ചേല്‍ (കെ.സി.വൈ.എല്‍), ജിബിറ്റ് കിഴക്കേക്കുറ്റ് (യുവജനവേദി), ജോസ് സൈമണ്‍ മുണ്ടപ്ലാക്കില്‍ (ലെയ്സണ്‍ ബോര്‍ഡ്), മജു ഓട്ടപ്പള്ളില്‍ (ലെജിസ്ലേറ്റീവ് ബോര്‍ഡ്), ഡെന്നി പുല്ലാപ്പള്ളില്‍, ജോബി ഓളിയില്‍, ജോയല്‍ ഇലക്കാട്ട്(എന്‍റര്‍ടെയിന്‍റ്മെന്‍റ് കമ്മറ്റി), തോമസ് കല്ലിടുക്കില്‍ (സീനിയര്‍ സിറ്റിസണ്‍സ്), ഫിലിപ്പ് ഇലക്കാട്ട് (ഗോള്‍ഡീസ്), സ്റ്റീഫന്‍ ഒറ്റയില്‍ (കെ.സി.ജെ.എല്‍), ഷാനില്‍ വെട്ടിക്കാട്ട് (കിഡ്സ് ക്ലബ്), സിസ്റ്റര്‍ സില്‍വേരിയോസ് എന്നിവരും സന്നിഹിതരായിരുന്നു. 
ജനറല്‍ സെക്രട്ടറി ജീനോ കോതാലടിയില്‍ സ്വാഗതവും വൈസ്പ്രസിഡന്‍റ് റോയി നെടുംചിറ കൃതജ്ഞതയും പറഞ്ഞു. ട്രഷറര്‍ സ്റ്റീഫന്‍ കിഴക്കേക്കുറ്റ്, ജോയിന്‍റ് സെക്രട്ടറി സണ്ണി ഇടിയാലില്‍ എന്നിവര്‍ എം.സി മാരായിരുന്നു. മികച്ച പ്രവര്‍ത്തനങ്ങളുടെ അടിസ്ഥാനത്തില്‍ സ്പോര്‍ട്ട് ഫോറം ചെയര്‍മാന്‍ ഷിജു ചെറിയത്തില്‍, എന്‍റര്‍ടെയിന്‍റ്മെന്‍റ് കമ്മിറ്റി ചെയര്‍പേഴ്സണ്‍ ഡെന്നി പുല്ലാപ്പള്ളില്‍, കെ.സി.എസ് വെബ്സൈറ്റ് കമ്മിറ്റി ചെയര്‍മാന്‍ ദിലീപ് മാധവപ്പള്ളില്‍, കെ.സി.എസ് ഫൈനാന്‍സ് കമ്മിറ്റി ചെയര്‍മാന്‍ ബൈജു കുന്നേല്‍ എന്നിവരെ അച്ചീവ്മെന്‍റ് അവാര്‍ഡ് നല്‍കി ആദരിച്ചു. കലാതിലകം അനുഷ ജോസഫ് കുന്നത്തുകിഴക്കേതില്‍, കലാപ്രതിഭ റ്റോബി കൈതക്കതൊട്ടിയില്‍, റൈസിംഗ് സ്റ്റാര്‍സ് ആയ ഡാനിയല്‍ തിരുനെല്ലിപ്പറമ്പില്‍, അലക്സ് ജോണ്‍ റ്റോമി ചക്കാലക്കല്‍ എന്നിവര്‍ക്ക് ട്രോഫികള്‍ സമ്മാനിക്കപ്പെട്ടു. ക്നാനായ ഒളിമ്പിക്സില്‍ ഏറ്റവും കൂടുതല്‍ പോയിന്‍റ് നേടിയ ഉഴവൂര്‍-കടുത്തുരുത്തി ഫൊറോനകള്‍ക്ക് വേണ്ടി ബിജു തുരുത്തിയില്‍ മെമ്മോറിയല്‍ എവര്‍റോളിംഗ് ട്രോഫി കോര്‍ഡിനേറ്റര്‍മാരായ ജോസ് മണക്കാട്ട്, ഷൈബു കിഴക്കേക്കുറ്റ് എന്നിവര്‍ ചേര്‍ന്ന് ഏറ്റുവാങ്ങി. 
മുഖ്യാതിഥി ലാലു അലക്സിന് പ്രസിഡന്‍റ് ജോസ് കണിയാലിയും ട്രഷറര്‍ സ്റ്റീഫന്‍ കിഴക്കേക്കുറ്റും ചേര്‍ന്ന് പ്രശംസാഫലകം സമ്മാനിച്ചു. പേരന്‍റ് പെട്രോളിയം ആയിരുന്നു പരിപാടിയുടെ മുഖ്യ സ്പോണ്‍സര്‍. ബിനു പൂത്തുറയിലിന്‍റെ നേതൃത്വത്തിലുള്ള അടുത്ത രണ്ടുവര്‍ഷത്തെ പുതിയ ഭാരവാഹികളെ പ്രസിഡന്‍റ് ജോസ് കണിയാലി സദസ്സിന് പരിചയപ്പെടുത്തി. വിവിധ പോഷകസംഘടനകളുടെ ആഭിമുഖ്യത്തില്‍ വൈവിധ്യമാര്‍ന്ന കലാപരിപാടികള്‍ അരങ്ങേറി. 120 ഓളം കുട്ടികളെ പങ്കെടുപ്പിച്ചുകൊണ്ട് കിഡ്സ് ക്ലബ് നടത്തിയ പ്രോഗ്രാം പ്രത്യേക ശ്രദ്ധപിടിച്ചുപറ്റി. സമയ തേക്കുംകാട്ടില്‍, ഷാനില്‍ വെട്ടിക്കാട്ട്, ഡാന്‍സ് മാസ്റ്റര്‍ തോമസ് ഒറ്റക്കുന്നേല്‍ എന്നിവര്‍ പ്രോഗ്രാമിന് നേതൃത്വം നല്‍കി. ആല്‍വിന്‍ ആനിത്തോട്ടം, ധന്യാ വലിയമറ്റം എന്നിവര്‍ കലാപരിപാടികളുടെ എം.സിമാരായിരുന്നു. ഡെന്നി പുല്ലാപ്പള്ളില്‍, ജോബി ഓളിയില്‍, ജോയല്‍ ഇലക്കാട്ട് എന്നിവരടങ്ങിയ കമ്മിറ്റി കലാപരിപാടികള്‍ക്ക് നേതൃത്വം നല്‍കി. 
റിപ്പോര്‍ട്ട് : ജീനോ കോതാലടിയില്‍
ഉല്‍ഘാടന ഫോട്ടോ അടിക്കുറിപ്പ്
ചിക്കാഗോ കെ.സി.എസ് സംഘടിപ്പിച്ച ക്നാനായ നൈറ്റ് ചലച്ചിത്രനടന്‍ ലാലു അലക്സ് ഉല്‍ഘാടനം ചെയ്യുന്നു. (ഇടത്തുനിന്ന്) സ്റ്റീഫന്‍ കിഴക്കേക്കുറ്റ്, ജീനോ കോതാലടിയില്‍, ബിനു പൂത്തുറയില്‍, സണ്ണി ഇടിയാലില്‍, റോയി നെടുംചിറ, ഫാ. ബോബന്‍ വട്ടംപുറത്ത്, ഫാ.തോമസ് മുളവനാല്‍, പ്രസിഡന്‍റ് ജോസ് കണിയാലി, ഫാ.അബ്രഹാം മുത്തോലത്ത്, ജോസ് സൈമണ്‍ മുണ്ടപ്ലാക്കില്‍, സിറിയക് പുത്തന്‍പുരയില്‍, സക്കറിയ ചേലക്കല്‍, പ്രതിഭ തച്ചേട്ട്, ജോസ്മോന്‍ ചെമ്മാച്ചേല്‍, ജിബിറ്റ് കിഴക്കേക്കുറ്റ്, റ്റിനു പറഞ്ഞാട്ട്, ജോബി ഓളിയില്‍, ജോയല്‍ ഇലക്കാട്ട് എന്നിവരാണ് സമീപം.
ചിക്കാഗോ : ക്നാനായ കാത്തലിക് സൊസൈറ്റിയുടെ (കെ.സി.എസ്) ആഭിമുഖ്യത്തില്‍ താഫ്റ്റ് ഹൈസ്കൂള്‍ ഓഡിറ്റോറിയത്തില്‍ വെച്ചുനടത്തപ്പെട്ട ക്നാനായ നൈറ്റ് സിനിമാതാരം ലാലു അലക്സ് ഉല്‍ഘാടനം ചെയ്തു. കെ.സി.എസ് പ്രസിഡന്‍റ് ജോസ് കണിയാലി അദ്ധ്യക്ഷത വഹിച്ചു. ആല്‍വിന്‍ ആനിത്തോട്ടം, ഡാനിയല്‍ തിരുനെല്ലിപ്പറമ്പില്‍ എന്നിവര്‍ ദേശീയഗാനം ആലപിച്ചു. വികാരി ജനറാള്‍ ഫാ. തോമസ് മുളവനാല്‍, സേക്രട്ട് ഹാര്‍ട്ട് ഫൊറോനാ വികാരി ഫാ. അബ്രഹാം മുത്തോലത്ത്, അസിസ്റ്റന്‍റ് വികാരി ഫാ. ബോബന്‍ വട്ടംപുറത്ത്, ഡി.കെ.സി.സി ലീഡര്‍ സിറിയക് പുത്തന്‍പുരയില്‍, കെ.സി.എസ്. നിയുക്ത പ്രസിഡന്‍റ് ബിനു പൂത്തുറയില്‍, സ്പോര്‍ട്ട് ഫോറം ചെയര്‍മാന്‍ ഷിജു ചെറിയത്തില്‍ എന്നിവര്‍ പ്രസംഗിച്ചു. 
പ്രതിഭാ തച്ചേട്ട് (വിമന്‍സ് ഫോറം), സക്കറിയ ചേലയ്ക്കല്‍, റ്റിനു പറഞ്ഞാട്ട് (കെ.സി.സി.എന്‍.എ.), ജോസ്മോന്‍ ചെമ്മാച്ചേല്‍ (കെ.സി.വൈ.എല്‍), ജിബിറ്റ് കിഴക്കേക്കുറ്റ് (യുവജനവേദി), ജോസ് സൈമണ്‍ മുണ്ടപ്ലാക്കില്‍ (ലെയ്സണ്‍ ബോര്‍ഡ്), മജു ഓട്ടപ്പള്ളില്‍ (ലെജിസ്ലേറ്റീവ് ബോര്‍ഡ്), ഡെന്നി പുല്ലാപ്പള്ളില്‍, ജോബി ഓളിയില്‍, ജോയല്‍ ഇലക്കാട്ട്(എന്‍റര്‍ടെയിന്‍റ്മെന്‍റ് കമ്മറ്റി), തോമസ് കല്ലിടുക്കില്‍ (സീനിയര്‍ സിറ്റിസണ്‍സ്), ഫിലിപ്പ് ഇലക്കാട്ട് (ഗോള്‍ഡീസ്), സ്റ്റീഫന്‍ ഒറ്റയില്‍ (കെ.സി.ജെ.എല്‍), ഷാനില്‍ വെട്ടിക്കാട്ട് (കിഡ്സ് ക്ലബ്), സിസ്റ്റര്‍ സില്‍വേരിയോസ് എന്നിവരും സന്നിഹിതരായിരുന്നു. 
ജനറല്‍ സെക്രട്ടറി ജീനോ കോതാലടിയില്‍ സ്വാഗതവും വൈസ്പ്രസിഡന്‍റ് റോയി നെടുംചിറ കൃതജ്ഞതയും പറഞ്ഞു. ട്രഷറര്‍ സ്റ്റീഫന്‍ കിഴക്കേക്കുറ്റ്, ജോയിന്‍റ് സെക്രട്ടറി സണ്ണി ഇടിയാലില്‍ എന്നിവര്‍ എം.സി മാരായിരുന്നു. മികച്ച പ്രവര്‍ത്തനങ്ങളുടെ അടിസ്ഥാനത്തില്‍ സ്പോര്‍ട്ട് ഫോറം ചെയര്‍മാന്‍ ഷിജു ചെറിയത്തില്‍, എന്‍റര്‍ടെയിന്‍റ്മെന്‍റ് കമ്മിറ്റി ചെയര്‍പേഴ്സണ്‍ ഡെന്നി പുല്ലാപ്പള്ളില്‍, കെ.സി.എസ് വെബ്സൈറ്റ് കമ്മിറ്റി ചെയര്‍മാന്‍ ദിലീപ് മാധവപ്പള്ളില്‍, കെ.സി.എസ് ഫൈനാന്‍സ് കമ്മിറ്റി ചെയര്‍മാന്‍ ബൈജു കുന്നേല്‍ എന്നിവരെ അച്ചീവ്മെന്‍റ് അവാര്‍ഡ് നല്‍കി ആദരിച്ചു. കലാതിലകം അനുഷ ജോസഫ് കുന്നത്തുകിഴക്കേതില്‍, കലാപ്രതിഭ റ്റോബി കൈതക്കതൊട്ടിയില്‍, റൈസിംഗ് സ്റ്റാര്‍സ് ആയ ഡാനിയല്‍ തിരുനെല്ലിപ്പറമ്പില്‍, അലക്സ് ജോണ്‍ റ്റോമി ചക്കാലക്കല്‍ എന്നിവര്‍ക്ക് ട്രോഫികള്‍ സമ്മാനിക്കപ്പെട്ടു. ക്നാനായ ഒളിമ്പിക്സില്‍ ഏറ്റവും കൂടുതല്‍ പോയിന്‍റ് നേടിയ ഉഴവൂര്‍-കടുത്തുരുത്തി ഫൊറോനകള്‍ക്ക് വേണ്ടി ബിജു തുരുത്തിയില്‍ മെമ്മോറിയല്‍ എവര്‍റോളിംഗ് ട്രോഫി കോര്‍ഡിനേറ്റര്‍മാരായ ജോസ് മണക്കാട്ട്, ഷൈബു കിഴക്കേക്കുറ്റ് എന്നിവര്‍ ചേര്‍ന്ന് ഏറ്റുവാങ്ങി. 
മുഖ്യാതിഥി ലാലു അലക്സിന് പ്രസിഡന്‍റ് ജോസ് കണിയാലിയും ട്രഷറര്‍ സ്റ്റീഫന്‍ കിഴക്കേക്കുറ്റും ചേര്‍ന്ന് പ്രശംസാഫലകം സമ്മാനിച്ചു. പേരന്‍റ് പെട്രോളിയം ആയിരുന്നു പരിപാടിയുടെ മുഖ്യ സ്പോണ്‍സര്‍. ബിനു പൂത്തുറയിലിന്‍റെ നേതൃത്വത്തിലുള്ള അടുത്ത രണ്ടുവര്‍ഷത്തെ പുതിയ ഭാരവാഹികളെ പ്രസിഡന്‍റ് ജോസ് കണിയാലി സദസ്സിന് പരിചയപ്പെടുത്തി. വിവിധ പോഷകസംഘടനകളുടെ ആഭിമുഖ്യത്തില്‍ വൈവിധ്യമാര്‍ന്ന കലാപരിപാടികള്‍ അരങ്ങേറി. 120 ഓളം കുട്ടികളെ പങ്കെടുപ്പിച്ചുകൊണ്ട് കിഡ്സ് ക്ലബ് നടത്തിയ പ്രോഗ്രാം പ്രത്യേക ശ്രദ്ധപിടിച്ചുപറ്റി. സമയ തേക്കുംകാട്ടില്‍, ഷാനില്‍ വെട്ടിക്കാട്ട്, ഡാന്‍സ് മാസ്റ്റര്‍ തോമസ് ഒറ്റക്കുന്നേല്‍ എന്നിവര്‍ പ്രോഗ്രാമിന് നേതൃത്വം നല്‍കി. ആല്‍വിന്‍ ആനിത്തോട്ടം, ധന്യാ വലിയമറ്റം എന്നിവര്‍ കലാപരിപാടികളുടെ എം.സിമാരായിരുന്നു. ഡെന്നി പുല്ലാപ്പള്ളില്‍, ജോബി ഓളിയില്‍, ജോയല്‍ ഇലക്കാട്ട് എന്നിവരടങ്ങിയ കമ്മിറ്റി കലാപരിപാടികള്‍ക്ക് നേതൃത്വം നല്‍കി. 
ചിക്കാഗോ കെ.സി.എസ് സംഘടിപ്പിച്ച ക്നാനായ നൈറ്റ് ചലച്ചിത്രനടന്‍ ലാലു അലക്സ് ഉല്‍ഘാടനം ചെയ്യുന്നു. (ഇടത്തുനിന്ന്) സ്റ്റീഫന്‍ കിഴക്കേക്കുറ്റ്, ജീനോ കോതാലടിയില്‍, ബിനു പൂത്തുറയില്‍, സണ്ണി ഇടിയാലില്‍, റോയി നെടുംചിറ, ഫാ. ബോബന്‍ വട്ടംപുറത്ത്, ഫാ.തോമസ് മുളവനാല്‍, പ്രസിഡന്‍റ് ജോസ് കണിയാലി, ഫാ.അബ്രഹാം മുത്തോലത്ത്, ജോസ് സൈമണ്‍ മുണ്ടപ്ലാക്കില്‍, സിറിയക് പുത്തന്‍പുരയില്‍, സക്കറിയ ചേലക്കല്‍, പ്രതിഭ തച്ചേട്ട്, ജോസ്മോന്‍ ചെമ്മാച്ചേല്‍, ജിബിറ്റ് കിഴക്കേക്കുറ്റ്, റ്റിനു പറഞ്ഞാട്ട്, ജോബി ഓളിയില്‍, ജോയല്‍ ഇലക്കാട്ട് എന്നിവരാണ് സമീപം.

Read more

ടാമ്പായിൽ വിസിറ്റേഷൻ കോൺവെന്റ് സ്ഥാപിതമായി

ടാമ്പാ: ഫ്ലോറിഡയിലെ ടാമ്പാ തിരുഹൃദയ ക്നാനായ കത്തോലിക്കാ ഫൊറോനാ ദൈവാലയ ത്തോടനുബന്ധിച്ച് വിസിറ്റേഷൻ സഭാ സമൂഹത്തിന്റെ പുതിയ ശാഖാഭവനം സ്ഥാപിതമായി. നവംബർ പത്താം തിയതി ഷിക്കാഗോ സെന്റ് തോമസ് സീറോ മലബാർ രൂപതാധ്യക്ഷൻ അഭി. മാർ ജേക്കബ് അങ്ങാടിയത്ത് ഈ ശാഖാഭവനം വെഞ്ചരിച്ച് കപ്പേളയിൽ ദിവ്യബലി അർപ്പിച്ചു. വിസിറ്റേഷൻ സഭാ സമൂഹത്തിന്റെ നോർത്ത് അമേരിക്കയിലെ മൂന്നാമത്തെ ശാഖാഭവനമാണിത്. വിസിറ്റേഷൻ സഭാംഗങ്ങളായ സി. മീര, സി. സേവ്യർ, സി. സാന്ദ്ര എന്നിവരാണ് പുതിയ ശാഖാഭവനത്തിൽ സേവനം ചെയ്യുക.

ക്നാനായ റീജിയൺ ഡയറക്ടർ റവ. ഫാ. തോമസ് മുളവനാൽ, ടാമ്പാ ഫൊറോനാ വികാരി റവ. ഫാ. ഡൊമിനിക് മഠത്തിക്കളത്തിൽ, റവ. ഫാ. സുനി പടിഞ്ഞാറേക്കര, റവ. ഫാ. ജെയ്‌മി പുതുശ്ശേരി തുടങ്ങി പന്ത്രണ്ടോളം വൈദികരും, വിസിറ്റേഷൻ സഭാ സമൂഹത്തിന്റെ മദർ ജനറാൾ സി. ആനി ജോസ്, ഷിക്കാഗോ, ലോസ് ആഞ്ചലസ് കോൺവെന്റുകളിലെ സിസ്റ്റേഴ്സ്, ടാമ്പാ ഇടവകാംഗങ്ങൾ തുടങ്ങി ഒട്ടനവധി പേർ തദവസരത്തിൽ സന്നിഹിതരായിരുന്നു.

Read more

ഷിക്കാഗോ ക്നാനാ‍യ ഫൊറോനായിൽ കാരുണ്യ പ്രവർത്തികൾ ചെയ്ത വിശുദ്ധരേക്കുറിച്ചുള്ള എക്സിബിഷൻ ശ്രദ്ധേയമായി

ഷിക്കാഗോ: ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറോനായിൽ, കരുണയുടെ ജൂബിലി വർഷ സമാപനത്തോടനുബന്തിച്ച്, നവംബർ 13 ഞായറാഴ്ച രാവിലെ 11 മുതൽ വൈകുന്നേരം 4 വരെ നടത്തിയ വിശുദ്ധരേക്കുറിച്ചുള്ള എക്സിബിഷൻ ശ്രദ്ധേയമായി. കാരുണ്യ പ്രവർത്തികൾ ചെയ്തിട്ടുള്ള അനേകം വിശുദ്ധരിൽ തിരഞ്ഞെടുത്ത 12 പേരേക്കുറിച്ചുള്ള പ്രദർശനമാണ് നടന്നത്.

വിശുദ്ധ കുർബാനക്കുശേഷം, ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് എക്സിബിഷൻ ഉദ്ഘാടാനം ചെയ്തു. ഇതിന് നേതൃത്വം നല്‌കിയ ജനറൽ കോർഡിനേറ്റർ രാജൻ കല്ലടാന്തിയിൽ, റീത്താമ്മ ആക്കാത്തറ, തങ്കമ്മ നെടിയകാലായിൽ, റ്റിജൊ കമ്മാപറമ്പിൽ, ആൻസി ചേലക്കൽ, ടോമി കുന്നശ്ശേരിൽ, ലിറ്റിൽ ഫ്ലവർ വാച്ചാച്ചിറ, ഫിലിപ്പ് പുത്തൻപുരയിൽ, സുജ ഇത്തിത്തറ, റ്റീനാ നെടുവാമ്പുഴ, ബിനോയി കിഴക്കനടി, ജോസ് താഴത്തുവെട്ടത്ത് എന്നിവരും, ഭക്തസംഘനാ ഭാരവാഹികളും, ഇടവകജനങ്ങളും ഇതിൽ പങ്കെടുത്തു. വികാരി ജെനറാൾ മോൺ. തോമസ് മുളവനാൽ, ഷിക്കാഗോയിലെ വിസിറ്റേഷൻ സന്യാസിനികൾ, സെന്റ് മേരീസ് ഇടവകയിലെ അത്മായ പ്രതിനിധികൾ എന്നിവർ ഈ പ്രദർശനത്തിൽ സംബന്ധിച്ചു. ചിക്കാഗോ സേക്രഡ് ഹാർട്ട് ക്നാനായ കത്തോലിക്കാ ഫൊറോനായിലുള്ള ഈ പ്രദർശനത്തിൽ വിശുദ്ധരായ മൊളോക്കോയിലെ മറിയാനെ, മദർ തെരേസ, എലിസബത്ത് സീറ്റൺ, നിക്കോളാസ്, ജോൺ ബോസ്കോ, കാതറീൻ ഡ്രിസ്സെൽ, മാക്സിമിലിയൻ കോൾബെ, മൊളോക്കോയിലെ ഡാമിയൻ, വിൻസെന്റ് ഡി പോൾ, പത്താം പീയൂസ് മാർപ്പാപ്പ, വാഴ്ത്തപ്പെട്ട അന്റോണി-ഫ്രെഡറിക് ഒസാനാം, ദൈവദാസൻ ഫാ. തോമസ് പൂതത്തിൽ എന്നിവരേപ്പറ്റിയുള്ള എക്സിബിഷനാണ് നടന്നത്. ഇതിൽ ഒന്നാം സമ്മാനത്തിന് ശ്രി. രാജൻ കല്ലടാന്തിയിലിന്റെ നേതൃത്വത്തിൽ മദർ തെരേസാ പ്രാർത്ഥനാഗ്രൂപ്പവതരിപ്പിച്ച ദൈവദാസൻ ഫാ. തോമസ് പൂതത്തിലിന്റെ സ്റ്റാളും, രണ്ടാം സമ്മാനത്തിന് ശ്രീമതി തങ്കമ്മ നെടിയകാലായുടെ നേതൃത്വത്തിൽ സെന്റ്. മൈക്കിൾ കൂടാരയോഗം അവതരിപ്പിച്ച വി. എലിസബത്ത് സീറ്റൺ സ്റ്റാളും, ശ്രി. ടോമി കുന്നശ്ശേരിയിലിന്റെ നേതൃത്വത്തിൽ സെന്റ്. സ്റ്റീഫൻ പ്രാർത്ഥനാഗ്രൂപ്പവതരിപ്പിച്ച വി. ജോൺ ബോസ്കോ സ്റ്റാളും അർഹരായി.

എക്സിബിഷനും, അതിനോടനുബന്ധിച്ച് നടത്തിയ ആരാധനയും, ഈ വിശുദ്ധരേപ്പറ്റിയുള്ള വീഡിയോ പ്രദർശനവും ഏറെ വിജ്ഞാനപ്രഥവും, ആത്മീയ ഉണവിനും കാരണമായെന്ന് ഏവരും അഭിപ്രായപ്പെട്ടു.

Read more

ഷിക്കാഗോ ക്നാനാ‍യ ഫൊറോനായിൽ ഷിക്കാഗോ സോഷ്യൽ മിനിസ്ട്രിയുടെ ഉത്ഘാടനം

ഷിക്കാഗോ: ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറോനായിൽ, നവംബർ 13 ഞായറാഴ്ച 9.45ന് നടന്ന വിശുദ്ധകുർബാനക്കുശേഷം ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് ഷിക്കാഗോ സോഷ്യൽ മിനിസ്ട്രിയുടെ ഫൊറോനാതല ഉത്ഘാടനം നിർവഹിച്ചു. 2017 കാരുണ്യ ജൂബിലി വർഷ സമാപനത്തോടനുബന്തിച്ച് ഷിക്കാഗോ സീറോ മലബാർ രൂപതയിൽ സാമൂഹിക പ്രവർത്തനത്തിനുവേണ്ടി സ്ഥാപിച്ച മിനിസ്ട്രിയാണ് ഷിക്കാഗോ സോഷ്യൽ മിനിസ്ട്രി (സി. എസ്. എം.). രൂപതയിലെ ഇടവകളിലും മിഷനുകളിലുമുള്ള സെന്റ് വിൻസെന്റ് ഡി പോൾ സൊസൈറ്റി, മറ്റ് ഭക്ത സംഘടനകൾ, വിവിധ മിനിസ്ട്രികൾ എന്നിവയിലൂടെയാണ് ഇൻഡ്യയിലും അമേരിക്കയിലുമുള്ള സാമ്പത്തികമായി പിന്നോക്കം നിൽകുന്നവരെ സഹായിച്ച്കൊണ്ടിരുന്നത്. രൂപതാതലത്തിൽ സാമൂഹിക പ്രവർത്തനങ്ങൾ ഏകോപിപ്പിക്കുവാനാണ് ഷിക്കാഗോ സോഷ്യൽ മിനിസ്ടി വഴി ഉദ്ദേശിക്കുന്നത്. രൂപതാധ്യക്ഷൻ അഭിവന്ദ്യ മാർ ജേക്കബ് അങ്ങാടിയത്ത് (രക്ഷാധികാരി), സഹായ മെത്രാൻ മാർ ജോയ് ആല‌പ്പാട്ട് (പ്രസിഡന്റ്), റെവ ഫാ. എബ്രാഹം മുത്തോലത്ത് (സെക്രട്ടറി), ഫാ. പോൾ ചാലിശ്ശേരി (ട്രഷറർ) എന്നിവരാണ് ഷിക്കാഗോ സോഷ്യൽ മിനിസ്ട്രിയുടെ ഭാരവാഹികൾ.

Read more

ഷിക്കാഗോ - ഗുഡലൂപ്പെ തീർത്ഥാടനം 2017 മാർച്ച് 2 വ്യാഴം മുതൽ 6 തിങ്കൾ വരെ.

മെക്സിക്കോയിലെ വിശ്വപ്രസിദ്ധ മരിയൻ തീർത്ഥാടനകേന്ദ്രമായ ഗ്വാഡലൂപ്പെ ബസലിക്കയിലേയ്ക്ക് ഷിക്കാഗോ തിരുഹൃദയ ഫൊറോനായുടെ ആഭിമുഖ്യത്തിൽ 2017 മാർച്ച് 2 വ്യാഴാഴ്ച രാവിലെ ആരംഭിച്ച് 6 തിങ്കളാഴ്ച വൈകുന്നേരം അവസാനിക്കത്തക്കവിധം ഭക്തിനിർഭര വും ആനന്ദപ്രദവുമായ തീർത്ഥാടനം സംഘടിപ്പിക്കുന്നു. ഇതോടോപ്പം മെക്സിക്കോയിലെ ചരിത്രപ്രസിദ്ധവും സാംസ്കാരികവും കലാപരവുമായ മറ്റു സ്ഥലങ്ങളും സന്ദർശിക്കുന്നതാണ്‌.

ഗ്വാഡലൂപ്പെ തീർത്ഥാടനങ്ങൾക്കു നേതൃത്വം നല്‌കി പരിചയമുള്ള ഫൊറോനാവികാരി ഫാ. ഏബ്രഹാം മുത്തോലത്ത് ഈ തീർത്ഥാടനത്തിനു നേതൃത്വം നല്‌കുന്നു. മാത്യൂസ് പിൽഗ്രിമേജാ ണ്‌ യാത്രാക്രമീകരണങ്ങൾ ചെയ്യുന്നത്. യാത്രചെലവ് $1,050.

ഇതിൽ പങ്കെടുക്കുവാനാഗ്രഹിക്കുന്നവർ താഴെപറയുന്ന ആരുടെയെങ്കിലും പക്കൽ റെജിസ്ട്രേഷൻ ഫോം, പാസ്പോർട്ടിന്റെ കോപ്പി, SHKC PARISH എന്നെ പേരിൽ $1,050 ന്റെ ചെക്ക് എന്നിവ നല്‌കി നവംബർ 30നകം രജിസ്റ്റർ ചെയ്യുക. ആദ്യം രജിസ്റ്റർ ചെയ്യുന്ന 40 പേർക്കായിരിക്കും ഇതിൽ പങ്കെടുക്കുവാൻ അവസരം ലഭിക്കുക.

സണ്ണി ഇൻഡിക്കുഴി 847-674-7869

തമ്പിച്ചൻ ചെമ്മാച്ചേൽ 630-788-6486

ഗ്രേസി വാച്ചാച്ചിറ 847-910-4621

Read more

ലോസ് ഏഞ്ചൽസ് പള്ളിയിൽ സകല വിശുദ്ധരുടെയും ദിനം ആഘോഷിച്ചു

ലോസ് ഏഞ്ചൽസ്: സെന്റ് പയസ് ടെൻത് ക്നാനായ കത്തോലിക്കാ ഇടവകയിൽ സകല വിശുദ്ധരുടെയും തിരുനാൾ ഇടവകയിലെ റിലീജിയസ് എജുക്കേഷൻ സ്‌കൂളിന്റെ ആഭിമുഖ്യത്തിൽ ആഘോഷിച്ചു. വിശുദ്ധരുടെ വേഷങ്ങൾ അണിഞ്ഞുകൊണ്ട് മതബോധന സ്‌കൂളിലെ കുട്ടികൾ പ്രദിക്ഷണമായി പള്ളിയിലേക്ക് എത്തിയപ്പോൾ വിശ്വാസി സമൂഹം സകല വിശുദ്ധരുടെയും ലുത്തിനിയ ആലപിച്ചുകൊണ്ട് അവരെ എതിരേറ്റു. വികാരി ഫാ. സിജു മുടക്കോലിൽ സകല വിശുദ്ധരുടെയും തിരുനാളിന് മുഖ്യ കാർമികത്വം വഹിച്ചു. വിശുദ്ധ കുർബാനക്ക് ശേഷം ഓരോ കുട്ടിയും തങ്ങൾ പ്രതിനിധീകരിക്കുന്ന വിശുദ്ധനെ പറ്റി സംസാരിച്ചു. തുടർന്ന് കുട്ടികൾക്കായി ഗ്രൂപ്പ് അടിസ്ഥാനത്തിൽ ബൈബിൾ ക്വിസ് നടത്തി.

Read more

ചിക്കാഗോ സെന്റ് മേരീസിൽ നാല്പതു മണിക്കൂർ തത്സമയം കെ വി ടിവി യിൽ

ചിക്കാഗോ: ചിക്കാഗോ സെന്റ് മേരീസ് ക്നാനായ കാത്തലിക്ക് ഇടവകയിൽ നവംബർ 18 വെള്ളിയാഴ്ച വൈകിട്ട് 7 മണിക്കുള്ള വി. കുർബ്ബാനയോടെ ആരംഭിച്ച നാൽപ്പത് മണിക്കൂർ ആരാധന യുടെ സമാപനവും കരുണയുടെ വർഷത്തിന്റെ സമാപനവും ഇന്ന് (ഞായറാഴ്ച) വൈകിട്ട് 4 മണിക്ക് വി. കുർബ്ബാനയും ദിവ്യാകാരുണ്യ പ്രദിക്ഷണവും വാഴ്വും നടത്തികൊണ്ട് നടത്തപ്പെടുന്നു. നാൽപ്പതു മണിക്കൂർ ആരാധനയുടെ സമാപനത്തിന് ചിക്കാഗോ സീറോ മലബാർ രൂപതയുടെ സഹായ മെത്രാൻ മാർ. ജോയി ആലപ്പാട്ട് മുഖ്യ കാർമികത്വം വഹിക്കും. കൂടാര യോഗങ്ങൾ, ഇടവകയിലെ വിവിധ മിനിസ്ട്രികൾ, ചിക്കാഗോയിലെ വിവിധ സഹോദര ഇടവകകളിൽ നിന്നുള്ള പ്രതിനിധികൾ, ഇടവകയിലെ മതബോധന സ്‌കൂളിലെ കുട്ടികൾ തുടങ്ങി നിരവധിപേർ നാല്പ്പത് മണിക്കൂർ ആരാധയുടെ വിവിധ സമയങ്ങളിൽ ആരാധനക്ക് നേതൃത്വം നൽകി വരികയായിരുന്നു. വികാരി. ഫാ. തോമസ് മുളവനാൽ, അസി. വികാരി. ഫാ ബോബൻ വട്ടംപുറത്ത്, കൈക്കാരന്മാരായ ടിറ്റോ കണ്ടാരപ്പള്ളി, ബിനോയി പൂത്തുറയിൽ, സ്റ്റിഫൻ ചൊള്ളമ്പേൽ, മനോജ് വഞ്ചിയിൽ, സിസ്റ്റർ സിൽവേറിയോസ് എന്നിവർ നാൽപതു മണിക്കൂർ ആരാധനയുടെ സജ്ജീകരണങ്ങൾക്ക് നേതൃത്വം നൽകും. അനുഗ്രഹ ദായകമായ നാൽപ്പത് മണിക്കൂറുകളിലൂടെ ദിവ്യകാരുണ്യ നാഥനെ കണ്ടുമുട്ടുവാനും അനുഗ്രഹങ്ങൾ വാർഷിക്കപ്പെടുന്ന നിമിഷങ്ങൾക്ക് സാക്ഷികളാകുവാനും ഏവരെയും ക്ഷണിക്കുന്നതായി വികാരി. ഫാ. തോമസ് മുളവനാൽ അറിയിച്ചു. ഇടവകയുടെ പി ആർ ഓ ജോണിക്കുട്ടി പിള്ളവീട്ടിൽ അറിയിച്ചതാണിത്.

Read more

കെ സി സി എൻ എ തെരെഞ്ഞെടുപ്പ് 2017 : പാനലുകൾ തയ്യാർ.

ഷിക്കാഗോ: മറ്റൊരു കെ സി സി എൻ എ തെരെഞ്ഞെടുപ്പിനു കൂടി നോർത്ത് അമേരിക്കയിലെ ക്നാനായ സമൂഹം ഒരുങ്ങുന്നു. 2017- 2018 പ്രവർത്തനവർഷത്തേക്ക് കെ സി സി എൻ എ യെ നയിക്കുവാൻ വേണ്ടി തെരെഞ്ഞെടുപ്പ് ഉടൻ തന്നെ ആസന്നമായിരിക്കുന്ന സാഹചര്യത്തിൽ, നേതൃത്വ നിരയിലേക്ക് രണ്ടു പാനലുകളിലൂടെ സ്ഥാനാർത്ഥികൾ എത്തുകയായി. ഫ്ലോറിഡയിലെ താമ്പായിൽ നിന്നും ജെയിംസ് ഇല്ലിക്കൽ നേതൃത്വം നൽകുന്ന പാനലും ടെക്‌സാസിലെ ഹൂസ്റ്റണിൽ നിന്നും ബേബി മണക്കുന്നേൽ നേതൃത്വം നൽകുന്ന പാനലുമാണ് തെരഞ്ഞെടുപ്പിനായി ഒരുങ്ങുന്നത്. പ്രസിഡണ്ട് സ്ഥാനാർഥികളായി ജെയിംസ് ഇല്ലിക്കലും ബേബി മണക്കുന്നേലും എത്തുമ്പോൾ, വൈസ് പ്രസിഡണ്ട് സ്ഥാനത്തേക്ക് ഷിക്കാഗോയിൽ നിന്നും മേയമ്മ വെട്ടിക്കാട്ടും അറ്റ്‌ലാന്റയിൽ നിന്നും സൈമൺ ഇല്ലിക്കാട്ടിലും മത്സരിക്കും. ജനറൽ സെക്രട്ടറി സ്ഥാനത്തേക്ക് ഡാളസ്സിൽ നിന്നും യുവത്വം തുളുമ്പുന്ന ജൈസൺ ഒളിയിലും ന്യൂയോർക്കിൽ നിന്നുള്ള എബ്രഹാം പുതിയടത്ത്‌ശേരിലുമാണ് മത്സരിക്കുന്നത്. ന്യൂയോർക്കിൽ നിന്നും ജയ്ക്ക് പോളപ്രയിലും മിയാമിയിൽ നിന്നും ജേക്കബ് (രജ്ഞൻ) പാടവത്തിലും ജോയിന്റ് സെക്രട്ടറി സ്ഥാനത്തേക്കും സാൻ അന്റോണിയായിൽ നിന്നും ഷീജോ പഴംപള്ളിലും ലോസാഞ്ചൽസിൽ നിന്നും അനിൽ മറ്റപ്പള്ളികുന്നേലും സ്ഥാനാർത്ഥികളാകും. കെ സി സി എൻ എ യുടെ അംഗസംഘടനകളിൽ എല്ലാം തന്നെ നാഷണൽ കൗൺസിൽ അംഗങ്ങളുടെ തെരെഞ്ഞെടുപ്പ് പൂർത്തിയായിവരുന്നതോടെ തെരഞ്ഞെടുപ്പിന്റെ യഥാർത്ഥ ചിത്രം വരും നാളുകളിൽ വ്യക്തമാകും. നാഷണൽ കൗൺസിൽ അംഗങ്ങൾ തെരഞ്ഞെടുക്കുന്ന എക്സിക്യൂട്ടീവ് സ്ഥാനങ്ങളിലേക്ക് പാനൽ സംവിധാനത്തിന് അതീതമായ തെരഞ്ഞെടുപ്പാണ് നടക്കുന്നത് എങ്കിൽ പോലും ശക്തമായ പാനൽ സംവിധാനങ്ങൾ ഉപയോഗിച്ച് നടത്തപെടുന്ന തെരെഞ്ഞെടുപ്പ് പ്രചാരണങ്ങൾ വരും നാളുകളിൽ നോർത്ത് അമേരിക്കയിലെ ക്നാനായ സമൂഹത്തിൽ അലയൊലികൾ തീർക്കുമെന്ന് ഉറപ്പാണ്.

Read more

ഡിട്രോയിറ്റ് സെന്റ് മേരീസ് ക്‌നാനായ കത്തോലിക്ക ദേവാലയത്തില്‍ മിഷന്‍ ഞായര്‍ ആചരിച്ചു

ഡിട്രോയിറ്റ്: ഡിട്രോയിറ്റ് സെന്റ് മേരീസ് ക്‌നാനായ കത്തോലിക്ക ദേവാലയത്തില്‍ നവംബര്‍ 6-ാം തീയതി മിഷന്‍ ഞായര്‍ ആചരിച്ചു. രാവിലെ 10 മണിക്ക് തിരുകര്‍മ്മങ്ങള്‍ ആരംഭിക്കുകയും ബഹു. രാമച്ചനാട്ട് ഫിലിപ്പച്ചനും PIME (Pontifical Institute for Foreign Missions), സുപ്പീരിയര്‍ ബഹു. പള്ളിപ്പറമ്പില്‍ ജോര്‍ജച്ചനും നേതൃത്വം നല്‍കി. വൈദ്യുതിയോ മറ്റാധുനിക സൗകര്യങ്ങളോ ഇല്ലാത്ത തീവ്രവാദ ഭീഷണികളുള്ള ആഫ്രിക്കയിലെ ഉള്‍പ്രദേശങ്ങളില്‍ സ്വന്തം ജീവന്‍ പോലും പണയപ്പെടുത്തി ദൈവരാജ്യത്തിനു വേണ്ടി സേവനം ചെയ്യുന്ന മിഷിനറിമാരുടെ പ്രവര്‍ത്തനങ്ങള്‍ ബഹു. ജോര്‍ജച്ചന്‍ വിവരിച്ചത് വിശ്വാസികള്‍ക്ക് നവോന്മേഷം നല്‍കി. PIME മിഷന്‍ മിഷിഗണില്‍ ഒക്‌ടോബര്‍ ആറാം തീയതി ധനശേഖരണാര്‍ത്ഥം സംഘടിപ്പിച്ച സ്‌നേഹവിരുന്നില്‍ ഡിട്രോയിറ്റ് സെന്റ് മേരീസ് ക്‌നാനായ കത്തോലിക്ക ഇടവകാംഗങ്ങള്‍ നല്‍കിയ സഹകരണത്തിന് ഏറെ സന്തോഷത്തോടെ നന്ദി പറഞ്ഞു.

തിരുകര്‍മ്മങ്ങള്‍ക്കു ശേഷം മിഷന്‍ ലീഗിന്റെ നേതൃത്വത്തില്‍ ധനശേഖരണാര്‍ത്ഥം വിവിധയിനം കായിക ഇനങ്ങള്‍ സംഘടിപ്പിച്ചു. മിഷന്‍ ലീഗ് ഡയറക്ടര്‍ സുബി തേക്കിലക്കാലട്ടില്‍, ബിജോയിസ് കവണാന്‍, ജലീന ചാമക്കാലായില്‍, മിഷന്‍ ലീഗ് പ്രസിഡന്റ് ബെഞ്ചമിന്‍ തെക്കനാട്ട്, ക്രിസ്റ്റീന തൈമാലില്‍, സ്‌നേഹ മരങ്ങാട്ടില്‍, നെയില തേക്കിലക്കാട്ടില്‍, അലീന ചാമക്കാലായില്‍ എന്നിവര്‍ മിഷന്‍ ലീഗിന്റെ പ്രവര്‍ത്തനങ്ങള്‍ക്ക് നേതൃത്വം നല്‍കി. മിഷന്‍ ലീഗിനോടൊപ്പം മിഷന്‍ പ്രവര്‍ത്തനങ്ങളുടെ ധനശേഖരണാര്‍ത്ഥം ലീജിയന്‍ ഓഫ് മേരി അംഗങ്ങള്‍ അപ്പവും ചിക്കന്‍ കറിയും ചൂടന്‍ ഓംലെറ്റുമുണ്ടാക്കി വിശ്വാസികള്‍ക്കു നല്‍കി. ലീജിയന്‍ ഓഫ് മേരി അംഗങ്ങളോടൊപ്പം പ്രസിഡന്റ് ട്രില്ലി കക്കാട്ടില്‍, സാലി ചാക്കച്ചേരില്‍, ക്ലാര വെട്ടിക്കാട്ട്, ജലീന ചാമക്കാലായില്‍, ജെയിംസ് തോട്ടം, ഷിന്‍സ് തൈതറപ്പേല്‍, മനു കുഴിപ്പറമ്പില്‍, ബിജോയിസ് കവണാന്‍, ജെയിന്‍ കണ്ണച്ചാന്‍പറമ്പില്‍, സനീഷ് വലിയപറമ്പില്‍ എന്നിവര്‍ നേതൃത്വം നല്‍കി.

വിജയികള്‍ക്ക് ബഹു. രാമച്ചനാട്ട് ഫിലിപ്പച്ചന്‍ സമ്മാനങ്ങള്‍ നല്‍കി. അമേരിക്കയില്‍ വളരുന്ന പുത്തന്‍ തലമുറയ്ക്ക് ഇടവകയുടെ മിഷന്‍ ഞായര്‍ പ്രവര്‍ത്തനങ്ങള്‍ സാര്‍വ്വത്രിക സഭയുടെ മിഷന്‍ പ്രവര്‍ത്തനങ്ങളില്‍ പങ്കുകാരാവാന്‍ വലിയ അവസരവും എല്ലാവരും ഒരു മിഷനറിയാണെന്ന ബോധ്യവും നേടാന്‍ സഹായിക്കുന്നു.

ജെയിസ് കണ്ണച്ചാന്‍പറമ്പില്‍ അറിയിച്ചതാണിത്.

 
Read more

മിയാമി സെന്റ് ജുഡ് ക്നാനായ ദേവാലയത്തിൽ വി. യൂദാ തദ്ദേവൂസിൻ്റെ തിരുനാളും, കെയറോസ് ടീമിന്റെ ധ്യാനവും നടത്തപ്പെട്ടു

മിയാമി: സൗത്ത് ഫ്ലോറിഡയിലെ മയാമി സെന്റ് ജൂഡ് ക്നാനായ കത്തോലിക്കാ ദേവാലയത്തിൽ വാർഷിക ധ്യാനവും, നൊവേനയും, വി.യൂദാതദ്ദേവൂസിൻ്റെ തിരുനാളും, പരിശുദ്ധ കന്യാകമറിയത്തിൻ്റെ ജപമാല സമർപ്പണവും 2016 ഒക്ടോബർ 20 മുതൽ 31- വരെ നത്തപ്പെട്ടു. ഒക്ടോബർ 21 മുതൽ 23 വരെ നടന്ന ധ്യാനത്തിന് ഫാ. കുര്യൻ കാരിക്കൽ, ബ്രാ. റെജി കൊട്ടാരം, പീറ്റർ ചേരാനല്ലൂർ എന്നിവർ നേതൃത്വം നൽകുന്ന കൈറോസ് ധ്യാന ടീം നേതൃത്വം നൽകി .

തിരുനാളിനോടനുബന്ധിച്ച് നടന്ന 9- ദിവസത്തെ ജപമാല വി. കുർബാന, നൊവേന വിവിധ കൂടാരയോഗങ്ങൾ നേതൃത്വം നൽകുകയായിരുന്നു. ഒക്ടോബർ 28-ാം തീയതി വെള്ളിയാഴ്ച ഇടവ വികാരി ഫാ. സുനി പടിഞ്ഞാറേക്കര തിരുനാളിന് കൊടിയേറ്റി. തുടർന്ന് മലങ്കര റീത്തിൽ വി. കുർബ്ബാന. ഫാ. ആൻ്റണി വയലിൽ കരോട്ടിൻ്റെ നേതൃത്വത്തിൽ നടത്തപ്പെട്ടു.

ഒക്ടോബർ 29-ാം തീയതി നടന്ന പാട്ടു കുർബാനക്ക് റവ. ഡോ ജോസ് ആദോപ്പിള്ളിൽ മുഖ്യകാർമ്മികത്വം വഹിച്ചു. റവ.ഡോ തോമസ് ആദോപ്പള്ളിൽ വചന സന്ദേശം നൽകി. തുടർന്ന് സ്നേഹ വിരുന്നും കലാ സന്ധ്യയും ഉണ്ടായിരുന്നു. കലാസന്ധ്യയിൽ ഇടവാകാംഗങ്ങൾ വിവിധ കലാപരിപാടികൾ അവതരിപ്പിച്ചു. 2 വയസ്സ് മുതൽ 90 വയസ്സ് വരെയുള്ള ആബാലവൃദ്ധ ജനങ്ങൾ പങ്കെടുത്ത വിവിധയിനം കലാപരിപാടികൾ കണ്ണിന് കുളിർമയേകി.

ഒക്ടോബർ 30 ഞായർ 2.30 Pm ന് മാർ. ജോയ് ആലപ്പാട്ട് മുഖ്യകാർമികനായി തിരുനാൾ റാസ നടത്തപ്പെട്ടു. ഫാ. അബ്രഹാ മുത്തോലത്ത് തിരുനാൾ സന്ദേശം നൽകി തുടർന്ന് ഭക്തി നിർഭരമായ പ്രദക്ഷിണം വാദ്യമേള അകമ്പടിയോടു കൂടിയും തുടർന്ന് സ്നേഹ വിരുന്നും നടത്തപ്പെട്ടു. പള്ളിയുടെ ധനശേഖരണാർത്ഥം നടത്തപ്പെട്ട എലയ്ക്കാ മാലയുടെ ജനകീയ ലേലത്തിൽ എല്ലാവരും പങ്കെടുത്തു. വാശിയേറിയ ലേലത്തിൽ $25200.00 ഡോളറിന് ജോസഫ് & ലീലാമ്മ പതിയിൽ മാല കരസ്ഥമാക്കി.

ഒക്ടോബർ 31- തിങ്കൾ പൂർവ്വിക സ്മരണാർത്ഥം സെമിത്തേരി സന്ദർശനവും തുടർന്ന് വി. കുർബാന ഒപ്പീസ് നടത്തപ്പെട്ടു. ലോറൻസ് & ജയ്നമ്മ മുടിക്കുന്നേൽ ഫാമിലി, ജിബീഷ് & ക്രിസ്റ്റി മണിയാട്ടേൽ ഫാമിലി ഈ തിരുനാളിൻ്റെ പ്രസുദേന്തിമാരായിരുന്നു 2017- ലെ തിരുനാൾ പ്രസുദേന്തിമാരായി സിബി &ഷീനാ ചാണാശ്ശേരി- നെ വാഴിച്ചു.

തിരുനാളിന് കൈക്കാരൻമാരാ ജോസഫ് പതിയിൽ, അബ്രാഹം പുതിയത്തുശ്ശേരിൽ, ബേബിച്ചൻ പാറാനിക്ക, തിരുനാൾ കൺവീനർ മോഹൻ പഴുമാലിൽ, ജോണി ഞാറമേലിൽ, സുബി പനന്താനത്ത്, റോയി ചാണാശ്ശേരിൽ, തോമസ് കണിച്ചാട്ടു തറ, ടോമി തച്ചേട്ട്, ടോമി പുത്തുപ്പള്ളിൽ ബെന്നി പട്ടുമാക്കിൽ, സ്റ്റീഫൻ തറയിലും മറ്റ് പാരിഷ് കൌൺസിൽ അംഗങ്ങളും നേതൃത്വം നൽകി.

Read more

ഷിക്കാഗോ ക്നാനായ നൈറ്റ് ശനിയാഴ്ച. ലാലു അലക്സിന് ഊഷ്മള സ്വീകരണം

ഷിക്കാഗോ: നവംബര്‍ 19ന് ശനിയാഴ്ച താഫ്റ്റ് ഹൈസ്കൂളില്‍ (6530 W. Brynmawr Ave, Chicago IL 60631)വെച്ച് നടത്തപ്പെടുന്ന ഷിക്കാഗോ ക്‌നാനായ കാത്തലിക് സൊസൈറ്റി (കെസിഎസ്) അംഗങ്ങളുടെ സര്‍ഗ്ഗാത്മക ആവിഷ്കാരത്തിന്റെ ആഘോഷമായ ക്‌നാനായ നൈറ്റിൽ മുഖ്യാതിഥിയായി പങ്കെടുക്കുന്ന ചലച്ചിത്ര നടന്‍ ലാലു അലക്‌സിന് ഷിക്കാഗോയിൽ ഊഷ്മളമായ സ്വീകരണം നൽകി. ഷിക്കാഗോ ഒഹയർ അന്താരാഷ്‌ട്ര വിമാന താവളത്തിൽ എത്തിയ അദ്ദേഹത്തെ ഷിക്കാഗോ കെ സി എസ് ഭാരവാഹികൾ ചേർന്ന് സ്വീകരിച്ചു. ശനിയാഴ്ച വൈകിട്ട് 6 മണിക്ക് ആരംഭിക്കുന്ന കലാസന്ധ്യയുടെ ഒരുക്കങ്ങൾ പൂർത്തിയായതായി ഭാരവാഹികൾ അറിയിച്ചു. കിഡ്‌സ് ക്ലബ്, കെസിജെഎല്‍, കെസിവൈഎല്‍ തുടങ്ങിയ പോഷകസംഘടനകളിലെ 150 ഓളം കുട്ടികള്‍ പങ്കെടുക്കുന്ന വെല്‍ക്കം പ്രോഗ്രാമോടുകൂടി ക്‌നാനായ നൈറ്റിന്റെ തിരശ്ശീല ഉയരും. മറ്റു പോഷക സംഘടനകളുടെ കലാപരിപാടികളും ഉണ്ടായിരിക്കും. പരിപാടികളുടെ മദ്ധ്യത്തിലായിരിക്കും ഉദ്ഘാടന സമ്മേളനം നടത്തപ്പെടുന്നത്. കെസിഎസ് നിയുക്ത പ്രസിഡന്റ് ബിനു പൂത്തുറയിലിന്റെ നേതൃത്വത്തില്‍ അടുത്ത രണ്ടു വര്‍ഷത്തേക്ക് തെരഞ്ഞെടുക്കപ്പെട്ടിരിക്കുന്ന എക്‌സിക്യൂട്ടീവ് / ലെജിസ്ലേറ്റീവ് /നാഷനല്‍ കൗണ്‍സില്‍ അംഗങ്ങളെ സദസ്സിന് പരിചയപ്പെടുത്തുന്ന ചടങ്ങും ഉള്‍പ്പെടുത്തിയിട്ടുണ്ട്. ക്‌നാനായ നൈറ്റില്‍ വെച്ച് കലാപ്രതിഭ, കലാതിലകം, റൈസിംഗ് സ്റ്റാര്‍, ക്‌നാനായ ഒളിമ്പിക്‌സില്‍ എറ്റവും കൂടുതല്‍ പോയിന്റുകള്‍ നേടുന്ന ഫൊറോനായ്ക്കുള്ള ട്രോഫി എന്നിവ സമ്മാനിക്കും.

ക്‌നാനായ നൈറ്റ് 6 മണിക്ക് ആരംഭിക്കുന്നതിനാല്‍ കലാപരിപാടികളില്‍ പങ്കെടുക്കുന്നവര്‍ 5.30ന് മുമ്പായി എത്തിച്ചേരണമെന്ന് അഭ്യര്‍ത്ഥിക്കുന്നു. കലാപരിപാടികള്‍ക്ക് ഡെന്നി പുല്ലാപ്പള്ളില്‍ (8476449418), ജോബി ഓളിയില്‍ ( 6305208173), ജോയല്‍ ഇലക്കാട്ട് (8475322135) എന്നിവര്‍ നേതൃത്വം നല്‍കും. വിശദവിവരങ്ങള്‍ക്ക്: പ്രസിഡന്റ് ജോസ് കണിയാലി (630 728 7956), വൈസ് പ്രസിഡന്റ് റോയി നെടുംചിറ (630 806 1270), സെക്രട്ടറി ജീനോ കോതാലടിയില്‍ (847 312 8488), ജോയിന്റ് സെക്രട്ടറി സണ്ണി ഇടിയാലില്‍ (847 338 6872), ട്രഷറര്‍ സ്റ്റീഫന്‍ കിഴക്കേക്കുറ്റ് (773 671 9864) എന്നിവരുമായി ബന്ധപ്പെടുക.

Read more

ഷീനാ ബിജു കിഴക്കെപുറത്ത് KCWFC പ്രസിഡന്റ്

ടോറോന്റോ : ക്നാനായ കാത്തലിക്ക് വിമൻസ് ഫോറം ഓഫ് ക്യാനഡയുടെ പ്രസിഡന്റായി ഷീന ബിജു കിഴക്കേപ്പുറത്ത് തെരഞ്ഞെടുക്കപ്പെട്ടു. കെ സി സി എൻ എ യുടെ അംഗ സംഘടനയായ ക്നാനായ കാത്തലിക്ക് അസോസിയേഷൻ ഓഫ് ക്യാനഡയുടെ (KCAC) പൊതുയോഗത്തിൽ വച്ചാണ് ഷീനാ ബിജു കിഴക്കേപ്പുറത്തിനെ തെരെഞ്ഞെടുത്തത്. വർഷങ്ങളോളം ക്നാനായ യുവജനങ്ങളുമായി സംഘടനാ തലത്തിൽ പ്രവർത്തിച്ചു പരിചയമുള്ള ഷീനാ, ഉഴവൂർ സെന്റ് സ്റ്റീഫൻസ് കോളേജിലെ വനിതാ പ്രതിനിധി, കെ സി വൈ എൽ ഉഴവൂർ ഫൊറോനാ ജോയിന്റ് സെക്രട്ടറി, മിഷൻ ലീഗ്, കെ സി വൈ എൽ എന്നീ സംഘടനകളുടെ താമരക്കാട് ഇടവകയിലെ യൂണിറ്റ് പ്രസിഡണ്ട് എന്നീ നിലകളിൽ പ്രവർത്തിച്ചിട്ടുണ്ട്. ക്യാനഡയിലെ മലയാളി സംഘടനകളിൽ പ്രശസ്തമായ ഓർമ (ORMA) ക്യാനഡയുടെ കോർ കമ്മറ്റി അംഗമായി പ്രവർത്തിച്ചുകൊണ്ട് ഏവരുടെയും പ്രശംസകൾ ഏറ്റുവാങ്ങിയ ഷീനാ, ഇപ്പോൾ ടോറോന്റോ കേന്ദ്രമായി പ്രവർത്തിക്കുന്ന സെന്റ് മേരീസ് ക്നാനായ കാത്തലിക്ക് മിഷന്റെ പാരീഷ് കൗൺസിൽ അംഗവും മതബോധന സ്‌കൂൾ അധ്യാപികയും കൂടിയാണ്. താമരക്കാട് ഇടവകയിലെ ജോൺ & മേരിക്കുട്ടി ദമ്പതികളുടെ പുത്രിയായ ഷീന ഇടക്കോലി ഇടവകയിൽനിന്നുള്ള ബിജു എബ്രഹാം കിഴക്കേപുറത്തിന്റെ ഭാര്യയാണ്. കഴിഞ്ഞ മാസം ടോറോന്റോയിൽ നടന്ന ക്നാനായ മിഷന്റെ തിരുനാളിൽ രുദ്രാക്ഷ കൊന്ത 7000 ഡോളറിന് ലേലത്തിൽ പിടിച്ചത് ബിജു കിഴക്കേപ്പുറം ആയിരുന്നു. മക്കൾ: കിസിയ & എഫ്രയിം.

Read more

ജോസ് കണിയാലി ചിക്കാഗോ മലയാളി അസോസിയേഷന്‍ ഭരണഘടനാ പരിഷ്ക്കരണ കമ്മറ്റി ചെയര്‍മാന്‍

ചിക്കാഗോ: മലയാളി അസോസിയേഷന്റെ ഭരണഘടന കാലോചിതമായി പരിഷ്ക്കരിക്കുന്നതിനും ആവശ്യമായ ഭേദഗതികള്‍ നിര്‍ദ്ദേശിക്കുന്നതിനുമായി സംഘടനയുടെ മുന്‍ പ്രസിഡന്റ് ജോസ് കണിയാലി ചെയര്‍മാനായി ഭരണഘടനാ പരിഷ്ക്കരണ കമ്മറ്റി രൂപീകരിച്ചു.

മൗണ്ട് പ്രോസ്പക്ടിലെ സി.എം.എ. ഹാളില്‍ കൂടിയ ജനറല്‍ ബോഡി യോഗമാണ് ഈ തീരുമാനമെടുത്തത്. ബെന്നി വാച്ചാച്ചിറ, റിന്‍സി കുര്യന്‍, ജോര്‍ജ് നെല്ലാമറ്റം, ജോഷി വള്ളിക്കളം എന്നിവരാണ് കമ്മറ്റിയിലെ മറ്റ് അംഗങ്ങള്‍.

ഈ കമ്മറ്റി സമയബന്ധിതമായ പരിഷ്ക്കരണങ്ങള്‍ നിര്‍ദ്ദേശിക്കുകയും തുടര്‍ന്ന് ജനറല്‍ബോഡി മുമ്പാകെ സമര്‍പ്പിക്കുകയും ചെയ്യും.

Read more

KCAG അറ്റ്ലാൻറക്ക് പുതിയ നേതൃത്വം

അറ്റ്ലാന്റ: അറ്റലാന്റ കേന്ദ്രമായി പ്രവർത്തിക്കുന്ന ക്നാനായ കാത്തലിക്ക് അസോസിയേഷൻ ഓഫ് ജോർജ്ജിയാക്ക് പുതിയ നേതൃത്വം. അടുത്ത രണ്ടു വർഷത്തേക്ക് സംഘടനയെ നയിക്കുവാനായി നിയുക്തരായിരിക്കുന്നത് ഇവരാണ്.

Justin Puthenpurayil (President)

Thomas Mundathanam ( Vice-President)

Mathew Kuruvila (Raju) Pullazhiyil (Secretary)

Jessy Puthiyakunnel (Joint Secretary)

Saju Vattakunnath (Treasurer)

Luckose Chakkalapadavil (Committee Member)

Deni Eranickal ( Committee Member)

Shaji Thekkel (NC)

Simon Illikattil (NC)

George Mathew (Joby) Vazhakalayil (NC)

Shajan Poovathumoottil (Auditor)

നവംബർ 13 നു നടന്ന പൊതുയോഗത്തിൽ വച്ചാണ് പുതിയ എക്‌സിക്യൂട്ടീവ് കമ്മറ്റിയെ തെരെഞ്ഞെടുത്തത്.

Read more

ജോബോയ് മണലേലും, ആൻസ് മാളിയേക്കലും കെ. സി. സി. എൻ. എ. ബോസ്റ്റൺ യൂണിറ്റിലെ ഭാരവാഹികളായി.

ബോസ്റ്റൺ: വടക്കേ ആമേരിക്കയിലെ ക്നാനായ കത്തോലിക്ക അൽമായ സംഘടനകളുടെ സംഘടനയായ ക്നാനായ കാത്തലിക് കോൺഗ്രസ് ഓഫ് നോർത്ത് അമേരിക്കയുടെ (കെ. സി. സി. എൻ. എ) ബോസ്റ്റൺ യൂണിറ്റിൽ പ്രസിഡന്റായി ശ്രീ. ജോബോയ് ജേക്കബ് മണലേലിനേയും, സെക്രട്ടറിയായി ശ്രീമതി ആൻസ് ജോസഫ് മാളിയേക്കലിനേയും ഐക്യകണ്ഠേന തിരഞ്ഞെടുത്തു. ക്നാനായ യൂണിറ്റ് ബോസ്റ്റണിൽ സ്ഥാപിക്കുന്നതിന് നേത്യുത്വം നൽകുകയും, അതിന്റെ പ്രഥമ സാരധിയാവുകയും, ബോസ്റ്റണിലെ മലയാളി അസ്സോസ്സിയേഷനായ കേരള അസ്സോസ്സിയേഷൻ ഓഫ് ന്യു ഇംഗ്ലണ്ടിലിനെ നയിച്ച ശ്രീ. ജോബോയിയും, പ്രാർത്ഥന ഗ്രൂപ്പിന് നേത്യുത്വവും, കലാമേഘലകളിലുള്ള വൈഭവവും തെളിയിച്ച ശ്രീമതി ആൻസും അതിന്റെ ഭാരവാഹികളാകുന്നത് യൂണിറ്റിന്റെ വളർച്ചക്ക് ഏറെ പ്രചോദനമാകുമെന്ന് ഏവരും അഭിപ്രായപ്പെട്ടു.

Read more

Copyrights@2016.