america live Broadcasting

ഫാമിലി കോൺഫെറൻസ് : ന്യൂയോർക്ക് ഫൊറോനായിൽ രെജിസ്ട്രേഷൻ ആരംഭിച്ചു.

അമേരിക്കയിലേ ക്നാനായ റീജിണിന്റെ അഭിമുഖത്തിൽ നടക്കുന്ന ഫാമിലി കോൺഫെറൻസിൽ പങ്കെടുക്കുന്നതിന് തുടക്കം കുറിച്ചുകൊണ്ട് ന്യൂയോർക്കിലെ സെൻറ്. സ്റ്റീഫൻ ക്നാനായ ദേവാലയത്തിലെ ക്രിസ്തുമസ് കുർബാനയോടെ കിക്ക്‌ ഓഫ് നടത്തി. സെൻറ് സ്റ്റീഫൻ ഇടവകയിൽ നിന്നുതന്നെ നാല്പതിൽപരം കുടുംബങ്ങൾ ആദ്യദിവസം തന്നെ രജിസ്റ്റർ ചെയ്തുകഴിഞ്ഞു. ഷിക്കാഗോയിലെ സെൻറ്.ചാൾസ് ഫെസന്റ് റൺ റിസോർട്ടിൽവച്ചാണ് ജൂൺ 28 മുതൽ ജൂലൈ ഒന്നാം തിയതി വരെയാണ് പ്രഥമ ക്നാനായ ഫാമിലി കോൺഫെറൻസ് നടത്തപ്പെടുന്നത്. 

Read more

ക്നാനായ ഫാമിലി കോൺഫ്രൻസ് : ന്യൂജേഴ്‌സിയിൽ രജിഷ്ട്രേഷന് ഉജ്ജ്വല തുടക്കം.

ചിക്കാഗോ: നോർത്ത് അമേരിക്കയിലെ ക്നാനായ കാത്തലിക്ക് റീജിയന്റെ ആഭിമുഖ്യത്തിൽ 2017 ജൂൺ 28 മുതൽ ജൂലൈ 1 വരെ ചിക്കാഗോയ്ക്ക് അടുത്ത്, സെന്റ് ചാൾസിലെ ഫെസന്റ് റൺ റിസോർട്ടിൽ വച്ച് നടത്തപെടുന്ന പ്രഥമ ഫാമിലി കോൺഫറൻസിന്റെ, ന്യൂജേഴ്‌സി ക്നാനായ കാത്തലിക്ക് മിഷനിലെ റെജിഷ്ട്രേഷന് ഉജ്ജ്വല തുടക്കമായി . തിരുപ്പിറവി ദിനത്തിലെ വി. കുർബ്ബാനയ്ക്ക് ശേഷമാണ് രജിഷ്ട്രേഷന്റെ ഉദ്ഘാടനം നടത്തപ്പെട്ടത്. മിഷൻ അംഗങ്ങളായ അലക്സ് & ഷീല നെടുംതുരുത്തിൽ ദമ്പതികളിൽ നിന്നും രജിഷ്ട്രേഷൻ സ്വീകരിച്ചുകൊണ്ടാണ് മിഷനിലെ രജിഷ്ട്രേഷന് ഔദ്യോഗികമായ തുടക്കം കുറിച്ചത്. ആദ്യ ദിനത്തിൽ തന്നെ 25 കുടുംബങ്ങൾ ഫാമിലി കോൺഫ്രൻസിൽ രജിഷ്ട്രേഷൻ നടത്തുവാൻ മുന്നോട്ടു വന്നു. മിഷൻ ഡയറക്ടർ ഫാ. റെനി കട്ടേൽ റെജിസ്ട്രഷന് നേതൃത്വം നൽകി. 

Read more

ക്നാനായ റീജിയൺ ഫാമിലി കോൺഫ്രൻസ് 2017: രജിഷ്ട്രേഷന് ഉജ്ജ്വല തുടക്കം.

ചിക്കാഗോ: നോർത്ത് അമേരിക്കയിലെ ക്നാനായ കാത്തലിക്ക് റീജിയന്റെ ആഭിമുഖ്യത്തിൽ നടത്തപെടുന്ന പ്രഥമ ഫാമിലി കോൺഫറൻസിന്റെ റെജിഷ്ട്രേഷന് ആവേശോജ്വലമായ തുടക്കം. ചിക്കാഗോ സെന്റ് മേരീസ് ക്നാനായ കാത്തലിക്ക് ഇടവകയിലെ ക്രിസ്തുമസ് തിരുക്കർമ്മങ്ങൾക്ക് ശേഷം നടന്ന റെജിഷ്ട്രേഷൻ ഉദ്ഘാടനത്തിൽ ഇടവകയിലെ 40 ഓളം കുടുംബങ്ങൾ കോൺഫ്രൻസിൽ പങ്കെടുക്കുവാൻ താല്പര്യം പ്രകടിപ്പിച്ച് റെജിഷ്ട്രേഷൻ നടത്തി. റെജിഷ്ട്രേഷൻ ഉദ്ഘാടനത്തിന് കോൺഫ്രൻസ് ചെയർമാനും ക്നാനായ റീജിയൻ വികാരി ജെനറാളുമായ ഫാ. തോമസ് മുളവനാൽ, സെക്രട്ടറി ഫാ. ബോബൻ വട്ടംപുറത്ത്, റെജിഷ്ട്രേഷൻ കമ്മറ്റി ചെയർമാൻ പോൾസൺ കുളങ്ങര, സെന്റ് മേരീസ് ഇടവക റജിസ്‌ട്രേഷൻ കമ്മറ്റി അംഗങ്ങളായ മനോജ് വഞ്ചിയിൽ, ജോജോ ആനാലിൽ, തമ്പി വിരുത്തികുളങ്ങര, മേരി ആലുങ്കൽ, ആൻസി ഐക്കരപ്പറമ്പിൽ, ടിറ്റോ കണ്ടാരപ്പള്ളിൽ പാരീഷ് എക്സിക്യൂട്ടീവ് എന്നിവർ നേതൃത്വം നൽകി.

2017 ജൂൺ 28 മുതൽ ജൂലൈ 1 വരെ ചിക്കാഗോയ്ക്ക് അടുത്ത്, സെന്റ് ചാൾസിലെ ഫെസന്റ് റൺ റിസോർട്ടിൽ വച്ചാണ് ക്നാനായ റീജിയന്റെ പ്രഥമ ഫാമിലി കോൺഫ്രൻസ് നടത്തപ്പെടുക. സഭാ - സാമുദായിക വളർച്ച കുടുംബങ്ങളിലൂടെ എന്ന വിഷയത്തെ കേന്ദ്രീകരിച്ചുകൊണ്ട്, ആദ്ധ്യാത്മികവും, വിജ്ഞാനപ്രദവുമായ പരിപാടികൾ കോർത്തിണക്കികൊണ്ട് നടത്തപെടുന്ന കോൺഫ്രൻസിന്റെ വിജയത്തിനായി നിരവധി കമ്മറ്റികൾ രൂപീകരിച്ച് പ്രവർത്തനങ്ങൾ തുടങ്ങി കഴിഞ്ഞു. പ്രസിദ്ധരായ ധ്യാന ഗുരുക്കന്മാരുടെ കുടുംബ നവീകരണ ചിന്തകൾ പങ്കു വെയ്ക്കുവാനും, വൈദീക മേലദ്ധ്യക്ഷന്മാരും, വൈദീകരും, സന്യസ്തരും വിശ്വാസ സമൂഹവും ഒരേ കൂടാരത്തിൽ ഒന്നിച്ച്, ക്നാനായ സമൂഹത്തിലെ സഭാ- സാമുദായിക വളർച്ചക്ക് ആക്കം കൂട്ടുവാൻ ഉതകുന്ന പരിപാടികൾ ആസൂത്രണം ചെയ്യുവാനും അവസരം ലഭിക്കത്തക്ക വിധത്തിലാണ് ഫാമിലി കോൺഫ്രൻസ് ആസൂത്രണം ചെയ്യപെട്ടുകൊണ്ടിരിക്കുന്നത്. യുവജനങ്ങൾക്ക് അനുയോജ്യമായ പരിപാടികൾ അവരാൽ തന്നെ ആസൂത്രണം ചെയ്യപ്പെട്ടുകൊണ്ട്, യുവജനങ്ങളുടെ സജീവ പങ്കാളിത്തം ഉറപ്പു വരുത്തുവാനും വേണ്ട നടപടികൾ തുടങ്ങി കഴിഞ്ഞു.

ഹോട്ടൽ മുറിയും ഭക്ഷണവും മറ്റു ചിലവുകളും ഉൾപ്പെടെ രണ്ടു പേര് അടങ്ങുന്ന ഒരു കുടുംബത്തിന് $ 855 ആണ് രജിഷ്ട്രേഷൻ തുകയായി നിശ്ചയിച്ചിരിക്കുന്നത്. ആറ് വയസ്സിൽ താഴെയുള്ള കുട്ടികൾക്ക് സൗജന്യ രജിഷ്ട്രേഷനും ഭക്ഷണവും ലഭിക്കും. ആറ് വയസ്സിനു മുകളിൽ പ്രായമുള്ള, മാതാപിതാക്കന്മാരോടൊപ്പം താമസിക്കുന്ന കുട്ടികൾക്ക് $140 കൂടി ഭക്ഷണത്തിനും മറ്റു ചിലവുകൾക്കുമായി നിശയിക്കപ്പെട്ടിരിക്കുന്നു. 21 വയസ്സിനു മുകളിൽ പ്രായമുള്ള യുവജനങ്ങൾക്ക് $ 395 ആണ് രജിഷ്ട്രേഷൻ ഫീസ് ആയി നിശ്ചയിക്കപ്പെട്ടിരിക്കുന്നത്. രജിഷ്ട്രേഷൻ ഫീസിന് പുറമെ $ 300 കൂടി നൽകി സ്പോൺസർ ആകുവാനും, $ 750 കൂടി നൽകി വി ഐ പി സ്പോൺസർ ആകുവാനും ഉള്ള സൗകര്യവും റെജിഷ്ട്രേഷന്റെ ഭാഗമായി ഏർപ്പെടുത്തിയിട്ടുണ്ട്.

Read more

ക്നാനായ സമുദായ ത്തിനെതിരെ മാധ്യമ ആക്രമണം. ഉണരൂ... ഒന്നിക്കൂ... പ്രതികരിക്കൂ | KnanayaVoice

ചിക്കാഗോ: ആഗോളതലത്തിൽ ക്നാനായ സമുദായത്തിനെതിരെ വർഷങ്ങളായി പ്രവർത്തിച്ചുകൊണ്ടിരിക്കുന്ന ക്നാനായ നവീകരണ സമിതി എന്ന ക്നാനായ സമുദായത്തിന് പുറത്തുനിന്നു വിവാഹം കഴിച്ചവരുടെ കൂട്ടായ്‌മ, ക്നാനായ സമുദായത്തിനെതിരെ മഞ്ഞപത്രങ്ങളെ കൂട്ടുപിടിച്ചുകൊണ്ടു പെയ്ഡ് വാർത്തകൾ പുറത്തുവിടുന്നു. ഏറ്റവും അവസാനം കഴിഞ്ഞ ആഴ്ച്ച അറ്റലാന്റയിൽ ഇന്നും പുറത്തിറങ്ങുന്ന വൈഫൈ റിപ്പോർട്ടർ എന്ന ഓൺലൈൻ മഞ്ഞപത്രത്തിലൂടെയാണ് ക്നാനായ സമുദായത്തെ കരിവാരിത്തേയ്ക്കുവാൻ നവീകരണ സമിതി ഇറങ്ങി പുറപ്പെട്ടിട്ടുള്ളത്. ദിവസത്തിൽ ഒരു പ്രാവശ്യമെങ്കിലും ക്രൈസ്തവ സഭകൾക്കെതിരെയോ പുരോഹിതർക്കെതിരെയോ വാർത്തകൾ പുറത്ത് വിട്ടില്ല എങ്കിൽ ഉറക്കം വരാത്ത വൈ ഫൈ റിപ്പോർട്ടർ, കഥയറിയാതെ ആട്ടം കാണുന്ന കാഴ്ചയാണ് ഇവിടെ കാണുന്നത്. ക്നാനായ സമുദായം എന്താണ് എന്നോ, ക്നാനായ സമുദായത്തിന്റെ പാരമ്പര്യങ്ങൾ എന്താണ് എന്നോ അന്വേഷിച്ചറിയാതെ, ക്നാനായ സമുദായത്തിൽ കുറുക്കുവഴികളിലൂടെ തിരികെ കയറിപ്പറ്റാൻ ശ്രമിക്കുന്ന ചില കുബുദ്ധികളുടെ പാഴ്ശ്രമങ്ങൾക്ക് ഇടം കൊടുക്കുന്നതിലൂടെ സ്വയം ഇല്ലാതാവാൻ ശ്രമിക്കുകയാണ് ഈ റിപ്പോർട്ടർ എന്ന് പറയാതെ വയ്യ.

കോട്ടയം സബ് കോടതിയിൽ ക്നാനായ സഭക്കെതിരെ കേസ് കൊടുത്തിട്ടുണ്ട് എന്ന് അവകാശപ്പെടുന്ന നവീകരണ സമിതി പ്രചാരണ ജാഥയും സത്യാഗ്രവും ജനുവരി ഒന്ന് മുതൽ ആരംഭിക്കും എന്നാണ് അവകാശപ്പെടുന്നത്. നൂറ്റാണ്ടുകളുടെ പാരമ്പര്യമുള്ള ക്നാനായ സമൂഹത്തെ ഉടുക്ക് കൊട്ടി പേടിപ്പിക്കുവാൻ ശ്രമിക്കുന്ന ഈ നവീകരണ സമിതിക്കാർ എന്ത് കൊണ്ടാണ് പുറത്ത് നിന്ന് വിവാഹം കഴിച്ചിട്ടും ഇപ്പോഴും ഈ സമുദായത്തിൽ തിരികെ കയറിപ്പറ്റുവാൻ വേണ്ടി നവീകരണം എന്ന പേരും പറഞ്ഞു ഓടിനടക്കുന്നു എന്നത് മാത്രം മനസ്സിലാക്കിയാൽ മതി ഈ സമുദായത്തിന്റെ വിലയറിയാൻ.

കേരളത്തിലെ ക്രൈസ്തവ സഭകളുടെ സുറിയാനി പാരമ്പര്യത്തിന് തുടക്കം കുറിക്കുകയും സുറിയാനി ബന്ധം ദൃഢമാക്കുകയും ചെയ്ത ക്നാനായ സഭ എന്നത് കേവലം കത്തോലിക്കാ വിശ്വാസികൾ മാത്രമല്ല മറിച്ച് യാക്കോബായ സഭയിലും വ്യക്തമായ നേതൃസ്ഥാനം വഹിക്കുന്ന സമൂഹമാണ് എന്ന സത്യം ഈ അന്താരാഷ്‌ട്ര മാധ്യമത്തിനില്ലാതെ പോയി. ലോകം പുരോഗമിക്കുകയും ശാസ്ത്രവും സാങ്കേതിക വിജ്ഞാന ശാഖകളും വളരെയധികം പുരോഗമിച്ചിട്ടും പ്രാകൃതമായ ആചാരാനുഷ്ഠാനങ്ങളുമായി കേരളത്തിലെ കത്തോലിക്കാ വിഭാഗത്തില്‍പ്പെട്ട ക്‌നാനായ കത്തോലിക്കര്‍ നീങ്ങുന്നതിനെതിരെ സഭയ്ക്കുള്ളില്‍ നിന്നാണ് വിമത ശബ്ദം ഉയരുന്നത് എന്ന് അവകാശപ്പെടുന്ന ഈ റിപ്പോർട്ടർക്ക്, ക്നാനായ കത്തോലിക്കാ സമുദായത്തിന്റെയോ ക്നാനായ യാക്കോബായ സമുദ്ധായത്തിന്റെയോ ഏതെങ്കിലും പള്ളികളിൽ നിന്നോ ഇടവകകളിൽ നിന്നോ ഇങ്ങിനെയൊരു വിമത അഭിപ്രായം വന്നു എന്ന് തെളിവ് സഹിതം സമര്ഥിക്കുവാൻ സാധിക്കുമോ? തന്റേതായ കാരണങ്ങളാൽ നൂറ്റാണ്ടുകളായി തുടരുന്ന പാരമ്പര്യത്തിന് വിരുദ്ധമായി, പ്രായ പൂർത്തിയായതിനു ശേഷം, പാരമ്പര്യങ്ങളിൽ ഉള്ള ഉത്തമ അറിവോടെ പുറത്ത് നിന്ന് വിവാഹം ചെയ്തത്തിനു ശേഷം, ക്നാനായ അല്ലാത്ത പങ്കാളികളോടും മക്കളോടും കൂടെ തിരികെ കയറുവാൻ വേണ്ടി നടത്തുന്ന ചുരുക്കം ചിലരുടെ ജൽപ്പനങ്ങൾ ആണോ ക്നാനായ സമൂഹത്തിന്റെ ഉള്ളിൽ നിന്ന് തന്നെയുള്ള വിമത ശബ്ദമായി ചിത്രീകരിക്കുന്നത്.

ക്നാനായ സമുദായം എന്നത് നൂറ്റാണ്ടുകളായി സ്വവംശ വിവാഹ നിഷ്ഠയിൽ അധിഷ്ഠിതമായ സമുദായമാണ്. ഇന്നും എന്ത് കാരണത്താലാണ് എങ്കിൽ പോലും സമുദായത്തിന് വെളിയിൽ നിന്നും വിവാഹം കഴിക്കുന്നവരെ വെറുപ്പോടെയോ പ്രതികാര ബുദ്ധിയോടെയോ സമീപിക്കുന്ന പാരമ്പര്യം ക്നാനായ സമൂഹത്തിനില്ല എന്നതും ഈ റിപ്പോർട്ക്ക് അറിവുള്ള കാര്യമല്ല എന്നത് പ്രഥമ ദൃഷ്ട്യാ മനസ്സിലാക്കാം. വിവാഹം എന്നത് ഓരോ വ്യക്തിയുടെയും സ്വകാര്യ തീരുമാനമാണ്. സഭയോ സമുദായമോ ഒരു വ്യക്തിപരമായ തീരുമാനങ്ങൾക്ക് എതിരല്ല. എന്നാൽ ക്നാനായ മാതാപിതാക്കളിൽ നിന്നും ജന്മം കൊണ്ടവർക്ക് മാത്രമേ ക്നാനായ സമുദായത്തിന്റെ അംഗത്വം ലഭിക്കൂ എന്നുള്ള ക്നാനായ സമുദായത്തിന്റെ നൂറ്റാണ്ടുകൾ പഴക്കമുള്ള പാരമ്പര്യത്തിനും വിരുദ്ധമായി ക്നാനായ മാതാപിതാക്കളിൽ നിന്നും ജനിക്കാത്തവരെ ക്നാനായ സമുദായത്തിലേക്ക് വിവാഹത്തിലേക്ക് ചേർക്കുന്നതിനെ സഭാ - സമുദായ നേതൃത്വം ജനങ്ങളും എതിർക്കും. എന്നാൽ കുടുംബങ്ങളിലോ വ്യക്തി ബന്ധങ്ങളിലോ ഈ എതിർപ്പ് പ്രകടിപ്പിക്കില്ല എന്നതാണ് യാഥാർഥ്യം എന്നിരിക്കെ ക്നാനായ സമുദായത്തെ പറ്റി അറിവില്ലാത്തവരുടെ മനസ്സുകളിലേക്ക് സ്പർദ ഉണ്ടാവുകുന്ന വിധത്തിൽ വിഷം കുത്തി വെയ്ക്കുവാൻ വേണ്ടി നടത്തുന്ന പ്രവണത, കേവലം വായനക്കാരെ വർദ്ധിപ്പിക്കുവാൻ വേണ്ടി നടത്തുന്ന ഒരു മഞ്ഞപ്പത്രത്തിന്റെ ശ്രമം മാത്രമായി തള്ളിക്കളയുവാൻ സാധിക്കില്ല. മറിച്ച് സമുദായ സ്പർധ വളർത്തി സമൂഹത്തിൽ വിഭാഗീയത സൃഷിട്ടിക്കുവാൻ തുനിഞ്ഞിറങ്ങിയ ചിലരുടെ ഹിഡൻ അജണ്ടയാണ് ഇവിടെ നടപ്പാക്കപ്പെടുന്നത് എന്ന് ചിന്തിക്കേണ്ടിയിരിക്കുന്നു.

സിസ്റ്റർ അഭയുടെ മരണവുമായി ബന്ധപ്പെട്ട് ഉണ്ടായ വിവാദങ്ങൾ ആളിക്കത്തിക്കുവാൻ പണവും പവറും വാരിയെറിഞ്ഞുകൊണ്ടു കോട്ടയം അതിരൂപതയെ കരിവാരി തേയ്ക്കുവാൻ കിട്ടിയ അവസരങ്ങൾ തെല്ലും പാഴാക്കാത്ത നവീകരണ സമിതി, അഭയക്കേസ് കൊണ്ട് ക്നാനായ സമുദായത്തെ ബ്ളാക്ക് മെയിൽ ചെയ്യുവാൻ വർഷങ്ങളായി നടത്തുന്ന ശ്രമണങ്ങളുടെ തുടർച്ചയും റിപ്പോർട്ടിൽ വ്യക്തമാണ്.

ക്നാനായ സമുദായത്തിന്റെ യഹൂദ പാരമ്പര്യം സംരക്ഷിച്ചുകൊണ്ട്, ക്നാനായ സമുദായത്തിന്റെ നൂറ്റാണ്ടുകളായുള്ള പ്രവർത്തനങ്ങൾക്ക് ഒരു തരി കേടു പോലും സംഭവിക്കാതെ, ക്നാനായ സമൂഹം കാത്ത് സൂക്ഷിക്കും എന്നത് ഓരോ ക്നാനായ സമൂഹാംഗത്തിന്റെയും ഹൃദയത്തോട് ചേർത്ത് വച്ചുകൊണ്ട് കാത്തുപരിപാലിക്കുന്ന ദൃഢപ്രതിജ്ഞയാണ്. ക്നാനായ സഭയ്ക്കുള്ളിൽ നിന്നും എതിർപ്പുയരുന്നു എന്ന് പറഞ്ഞുകൊണ്ട്, വായനക്കാരെ തെറ്റിദ്ധരിപ്പിക്കുന്ന ഈ വിധത്തിലുള്ള പത്രപ്രവർത്തനം യഥാർത്ഥ മാധ്യമ പ്രവർത്തകർക്ക് ചേർന്നതാണോ എന്ന് സ്വയം പരിശോധിക്കണം. ഈ വിധത്തിലുള്ള പെയ്ഡ് ന്യൂസുകൾ കൊണ്ട് മാധ്യമ ദുരുപയോഗം നടത്തുന്നവർ, അത് ക്നാനായ സമൂഹത്തിന്റെ ചരിത്രവും പാരമ്പര്യവും എന്താണ് എന്ന് അന്വേഷിക്കുവാനുള്ള സന്മനസ്സ് എങ്കിലും കാണിച്ചാൽ, ഒരു പക്ഷെ യാഥാർഥ്യം എന്താണ് എന്ന് മനസ്സിലാകും.

ക്നാനായ സമൂഹത്തെ പൊതുസമൂഹത്തിൽ കരിവാരിത്തേക്കുവാൻ വേണ്ടി വൈഫൈ റിപ്പോർട്ടറെപ്പോലെയുള്ള പെയ്ഡ് ന്യൂസിന്റെ വക്താക്കളെ കൂട്ടുപിടിച്ചുകൊണ്ടു ക്നാനായ നവീകരണ സമിതി നടത്തുന്ന ശ്രമങ്ങൾക്കെതിരെ പ്രതികരിക്കുവാൻ ക്നാനായ വോയിസ് മുന്നിട്ടിറങ്ങുകയാണ്. വരും ദിവസങ്ങളിൽ ആത്മാഭിമാനമുള്ള എല്ലാ ക്നാനായ അല്മായ - സഭാ നേതൃങ്ങളും, ഗ്രൂപ്പ് വഴക്കുകളും വിഭാഗീയതകളും വെടിഞ്ഞു കൊണ്ട് ഒറ്റകെട്ടായി ഇവർക്കെതിരെ ശക്തമായി പ്രതികരിക്കും എന്ന് പ്രതീക്ഷിക്കാം.

Read more

രണ്ടു ലക്ഷം ഡോളർ സമാഹരിച്ച ക്നാനായ റീജിയൺ നറുക്കെടുപ്പ്: ഷാജി & മിനി എടാട്ടിന് ഒന്നാം സമ്മാനം.

രണ്ടു ലക്ഷം ഡോളർ സമാഹരിച്ച ക്നാനായ റീജിയൺ നറുക്കെടുപ്പ്: ഷാജി & മിനി എടാട്ടിന് ഒന്നാം സമ്മാനം. ചിക്കാഗോ: നോർത്ത് അമേരിക്കയിലെ ക്നാനായ കാത്തലിക്ക് റീജിയന്റെ ധനശേഖരണാർത്ഥം നടത്തപ്പെട്ട റാഫിൾ ടിക്കറ്റിന്റെ നറുക്കെടുപ്പിൽ ചിക്കാഗോയിൽ സ്ഥിരതാമസമാക്കിയിരിക്കുന്ന ഷാജി & മിനി എടാട്ട് ഒന്നാം സമ്മാനമായ $5000 ന് അർഹനായി. ചിക്കാഗോയിൽ നിന്ന് തന്നെയുള്ള ജോസ് & മേരി പിണർക്കയിൽ രണ്ടാം സമ്മാനമായ 4 പവൻ സ്വർണ്ണം കരസ്ഥമാക്കി. മൂന്നാം സമ്മാനമായ ആപ്പിൾ ലാപ് ടോപ്പിനായി തെരഞ്ഞെടുക്കപ്പെട്ടത് ന്യൂ ജേഴ്സി ക്നാനായ മിഷനിൽ നിന്നുള്ള ജോസ്‌കുഞ്ഞ് ചാമക്കാലായിലാണ്. ആദ്യത്തെ രണ്ടു സമ്മാനാർഹരും നറുക്കെടുപ്പ് വേദിയിൽ വച്ച് തന്നെ സമ്മാനങ്ങൾ ക്നാനായ റീജിയന്റെ ഫണ്ടിലേക്ക് സംഭാവനയായി നൽകി. ക്രിസ്തുമസ് രാവിൽ ചിക്കാഗോ സെന്റ് മേരീസ് ക്നാനായ കാത്തലിക്ക് പള്ളിയിൽ വച്ച്, ക്രിസ്തുമസ് കുർബ്ബാനയ്ക്ക് ശേഷമാണ് നറുക്കെടുപ്പ് നടത്തിയത്. നറുക്കെടുപ്പിന്റെ ആദ്യ ടിക്കറ്റ് കരസ്ഥമാക്കികൊണ്ട് ഈ പരിപാടിയുടെ ഉദ്ഘാടന കർമ്മത്തിൽ പങ്കാളിയായ ജോസ് പിണർക്കയിൽ, നോർത്ത് അമേരിക്കയിലെ ക്നാനായ സമൂഹത്തിൽ നിന്നും ആദ്യമായി വിസിറ്റേഷൻ സന്യാസ സമൂഹത്തിലേക്ക് അംഗമായി കൊണ്ട് മുന്നോട്ടു വന്ന സി. ജൊവാൻ, ക്നാനായ സമൂഹത്തിന്റെ പുതു തലമുറയെ പ്രതിനിധീകരിച്ച് മാസ്റ്റർ ഷോബിൻ കണ്ണമ്പള്ളി എന്നിവരാണ് നറുക്കെടുത്തത്.

ക്നാനായ റീജിയന്റെ മുന്നോട്ടുള്ള പ്രവർത്തനങ്ങൾക്കായുള്ള ധനശേഖരണാർത്ഥം നടത്തപ്പെട്ട നറുക്കെടുപ്പിലൂടെ രണ്ടുലക്ഷത്തോളം ഡോളർ സമാഹരിക്കുവാൻ സാധിച്ചു എന്നത് ക്നാനായ റീജിയനോട് ക്നാനായ സമൂഹത്തിനുള്ള പ്രതിബദ്ധതയുടെയും സ്നേഹത്തിന്റെയും പ്രതീക്ഷയുടെയും പ്രതിഫലനമാണ് എന്ന് നറുക്കെടുപ്പിന് നേതൃത്വം നൽകിയ ക്നാനായ റീജിയൺ ഡയറക്ടർ ഫാ. തോമസ് മുളവനാൽ അറിയിച്ചു. ധനശേഖരണത്തിനായി ടിക്കറ്റുകൾ എടുത്ത് സഹകരിച്ച ക്നാനായ റീജിയണിലെ എല്ലാ ഇടവകകളിലെയും മിഷനുകളിലെയും അംഗങ്ങൾക്ക് അദ്ദേഹം നന്ദി പറഞ്ഞു. ഈ ധന ശേഖരണ പരിപാടിക്ക് നേതൃത്വം നൽകിയ ജോയി നെടിയകാലായിൽ, പീറ്റർ കുളങ്ങര, ജോസ് പിണർക്കയിൽ, ഗ്രേസി വാച്ചാച്ചിറ, മെഗാ സ്‌പോൺസറായ ശ്രീ ജോൺ പുതുശ്ശേരി, ഒന്നാം സമ്മാനം സ്പോൺസർ ചെയ്ത ശ്രീ സോമൻ കോട്ടൂർ, രണ്ടാ൦ സമ്മാനം സ്പോൺസർ ചെയ്ത ശ്രീ ജെയ്മി മച്ചാത്തിൽ മൂന്നാം സമ്മാനം സ്പോൺസർ ചെയ്ത എബി പ്രാലേൽ (താമ്പാ) എന്നിവരെ അദ്ദേഹം അഭിനന്ദിക്കുകയും അവർക്ക് നന്ദി പറയുകയും ചെയ്തു. നറുക്കെടുപ്പിന് ഇടവക വികാരിയും ക്നാനായ റീജിയൺ ഡിറക്ടറുമായ ഫാ. തോമസ് മുളവനാൽ, അസി. വികാരി ഫാ. ബോബൻ വട്ടംപുറത്ത്, ധനശേഖരണപരിപാടിയുടെ കോർഡിനേറ്റേഴസ് ആയ ജോയി നെടിയകാലായിൽ, പീറ്റർ കുളങ്ങര, ജോസ് പിണർക്കയിൽ, ഗ്രേസി വാച്ചാച്ചിറ എന്നിവർ നേതൃത്വം നൽകി.

Read more

കാനഡ സെൻ്റ് മേരീസ് ക്നാനായ മിഷനിൽ ക്രിസ്തുമസ് രാവ് അവിസ്മരണീയമായി

കാനഡ- സെൻറ് മേരീസ് ക്നാനായ കാത്തലിക് തിരുപ്പിറവിയുടെ തിരുക്കർമ്മങ്ങളും, ക്രിസ്തുമസ് ആഘോഷവും സംയുക്തമായി കൊണ്ടാടി. ഡിസംബർ 24-ം തീയതി 6 മണിക്ക് സെൻ്റ് ജോസഫ് ഹയർ സെക്കൻ്ററി സ്കൂളിൽ വെച്ച് നടത്തപ്പെട്ട ക്രിസ്തുമസ് ദിനത്തിലെ തിരുകർമ്മങ്ങൾക്ക് മുഖ്യ കാർമ്മികത്ത്വം വഹിച്ചത് സീറോമലബാർ എക്സാർക്കേറ്റ് ബിഷപ്പ് മാർ. ജോസ് കല്ല്യാവേലിൽ ആയിരുന്നു. ഇത് ആദ്യമായാണ് സെൻറ് മേരീസ് ക്നാനായ മിഷനിൽ ക്രിസ്തുമസ്സ് രാവിൽ തിരുപ്പിറവിയുടെ കർമ്മങ്ങൾ നടത്തപ്പെടുന്നത്.

വി. കുർബ്ബാനയെത്തുടർന്ന് ബിഷപ്പ് മാർ ജോസ് കല്ലുവേലിലും മിഷൻ ഡയറക്ടർ ഫാ. പത്രോസ് ചമ്പക്കരയും ചേർന്ന് കേക്ക് മുറിച്ചുകൊണ്ട് ആഘോഷങ്ങൾക്ക് തുടക്കം കുറിച്ചു . തുടർന്ന് മിഷന്റെ ഔദ്യോഗിക ലോഗോയും വെബ്‌സൈറ്റും അഭി. കല്ലുവേലിൽ പിതാവ് പ്രകാശനം ചെയ്തു. മിഷനിലെ സമ്പൂർണ്ണ വിവരങ്ങൾ കോർത്തിണക്കികൊണ്ടു പുറത്തിറക്കുന്ന 2017 –ലെ കലണ്ടറിന്റെ പ്രകാശനം, ആദ്യ കോപ്പി ക്നാനായ കാത്തലിക്ക് അസോസിയേഷൻ ഓഫ് കാനഡയുടെ വൈസ് പ്രസിഡണ്ട് ജെറിൻ നീറ്റുകാട്ടിലിനും സെക്രട്ടറി തങ്കച്ചൻ വെള്ളരിമറ്റത്തിനും നൽകി കൊണ്ട് അഭി. കല്ലുവേലിൽ പിതാവ് നിർവ്വഹിച്ചു. അതോടൊപ്പം മിഷൻ ലീഗിന്റെ ആഭിമുഖ്യത്തിൽ, ഇടുക്കിയിലെ പോവാൻ ഹോമിലെ അന്തേവാസികൾക്ക് സഹായം നൽകുവാൻ വേണ്ടി നടത്തി വരുന്ന ഫൈൻഡ് റൈസിംഗിന്റെ ഔദ്യോഗിക ഉദ്ഘാടനവും നടത്തപ്പെട്ടു.

തുടർന്ന് മിഷനിലെ എല്ലാ കൂടാര യൂണിറ്റുകളുടേയും ആഭിമുഖ്യത്തിൽ രാത്രി 11 – മണിവരെ നീണ്ടുനിൽക്കുന്ന മികവാർന്ന കലാപരിപാടികൾ ക്രിസ്തുമസ് കലാ സന്ധ്യയെ ഒരു അനുഭവമാക്കി തീർത്തു. ഉണ്ണിയേശുവിൻറെ തിരുപ്പിറവി അനുസ്മരിപ്പിക്കുന്ന നേറ്റിവിറ്റി ഷോ, കരോളിംഗ്, സിനിമാറ്റിക് ഡാൻസ്, മതബോധന വിദ്യാർത്ഥികളുടെ പുരാതനപ്പാട്ട്, നർമ്മത്തോടൊപ്പം ആശയ സമ്പുഷ്ടമായ ലഘുനാടകങ്ങൾ, കുട്ടികളുടേയും മുതിർന്നവരുടേയും വിഭാഗത്തിൽ പ്രത്യേകം ക്രിസ്തുമസ് സംഘഗാനങ്ങൾ ഇവയൊക്കെയാണ് പരിപാടികളിൽ ഉൾപ്പെടുത്തിയിരിന്നത്.

ഉണ്ണീശോയുടെ തിരുപ്പിറവിയുടെ കർമ്മങ്ങളിൽ പങ്കുചേരുവാനും ദൈവാനുഗ്രഹങ്ങൾ പ്രാപിക്കുവാനും ക്രിസ്തുമസ് രാവിൽ സന്തോഷപൂർവ്വം പങ്കെടുക്കുവാനും എത്തിയ 250 ൽ പരം മിഷൻ അംഗങ്ങൾക്ക് വികാരി ഫാ. പത്രോസ് ചമ്പക്കര നന്ദി അറിയിച്ചു.

Read more

ക്രിസ്തുമസ് ആശംസകൾ: ഷിക്കാഗോ സെന്റ് മേരീസ് ക്രിസ്തുമസ് LIVE on KVTV

ഷിക്കാഗോ: ഷിക്കാഗോ സെന്റ് മേരീസ് ക്നാനായ കാത്തലിക്ക് ഇടവകയിലെ ക്രിസ്തുമസ് തിരുക്കർമ്മങ്ങൾ തത്സമയം കെവിടിവിയിൽ . ഷിക്കാഗോ സമയം  വൈകിട്ട് ഏഴുമണിക്ക് ക്നാനായ റീജിയൻ ഡയറക്ടർ ഫാ. തോമസ് മുളവനാലിന്റെ  മുഖ്യ കാര്‍മ്മികത്വത്തില്‍ നടത്തപെടുന്ന തിരുക്കര്‍മ്മങ്ങള്‍ തത്സമയം തന്നെ ലോകമെമ്പാടുമുള്ള ക്‌നാനായ മക്കള്‍ക്കായി ഒരേ സമയം ടിവിയിലും വെബ്‌സൈറ്റിലും സ്മാര്‍ട്ട് ഫോണുകളിലുമായായി എത്തിക്കുകായാണ് ക്‌നാനായ സമുദായത്തിലെ പ്രഥമ ക്‌നാനായ ഓണ്‍ലൈന്‍ പോര്‍ട്ടലും ടിവി ചാനലുകളും ഒക്കെ അവതരിപ്പിച്ചുകൊണ്ടു  ഏറെ ശ്രദ്ധ നേടിയിട്ടുള്ള കെവി ന്യൂസ് ടീം. റോക്കുവിന്റെ ചാനല്‍ സ്റ്റോറില്‍ റിലീജിയസ് സെക്ഷനില്‍ സൗജന്യമായി ലഭിക്കുന്ന കെ വി ടിവി ചാനല്‍, യുണൈറ്റഡ് മീഡിയയില്‍ (മലയാളം ഐ പി ടിവി & ബോം ടിവി) എല്ലാ മലയാളം ചാനല്‍ പാക്കേജുകളുടെ കൂടെയും സൗജന്യമായി ലഭിക്കുന്നതാണ്. ഇത് കൂടാതെ സ്!മാര്‍ട്ട് ഫോണ്‍ ഉപയോഗിക്കുന്നവര്‍ക്ക് ആപ്പിള്‍ & ആന്‍ഡ്രോയിഡ് ചാനല്‍ സ്റ്റോറുകളില്‍ നിന്നും സൗജന്യമായി കെ വി ടിവി യുടെ ആപ്പ് ടൗണ്‍ലോഡ് ചെയ്ത് കാണുവാന്‍ സാധിക്കും. വെബ് സൈറ്റ് ഉപയോഗിക്കുന്നവര്‍ക്ക് kvtv.com ല്‍ പോയി തിരുക്കര്‍മ്മങ്ങള്‍ തത്സമയം കാണുവാന്‍ സാധിക്കും.

Read more

ഷിക്കാഗൊ സേക്രട്ട് ഹാർട്ട് ഇടവകയിൽ 2017 - 2018 ലേക്കുള്ള പുതിയ ഭാരവാഹികളെ തിരഞ്ഞെടുത്തു

ഷിക്കാഗൊ: ഷിക്കാഗോ തിരുഹ്യദയ ക്നാനായ കത്തോലിക്കാ ഫൊറോനാപ്പള്ളിയിൽ ബഹുമാനപ്പെട്ട വികാരി വെരി റെവ. ഫാ. എബ്രാഹം മുത്തോലത്തിന്റെ അധ്യക്ഷതിൽ പുതിയ പാരീഷ് കൌൺസിലിന്റെ യോഗം കൂടി.

എക്സ്സിക്കൂട്ടീവിലേക്കുള്ള പുതിയ ഭാരവാഹികൾ: തോമസ് നെടുവാമ്പുഴ (കൈക്കാരൻ), മാത്യു ഇടിയാലിൽ (കൈക്കാരൻ), സക്കറിയ ചേലക്കൽ (കൈക്കാരൻ), മാത്യു ചെമ്മലക്കുഴി (കൈക്കാരൻ), ബിനോയി കിഴക്കനടി (പി. ആർ. ഒ.), ടോണി പുല്ലാപ്പള്ളി (സെക്രട്ടറി), സണ്ണി മുത്തോലം (അക്കൌണ്ടന്റ്).

രൂപതാ പാസ്റ്ററൽ കൌൺസിൽ അംഗങ്ങൾ: നബീസ ചെമ്മാച്ചേൽ, തോമസ് നെടുവാമ്പുഴ, ഗ്രേസി വാച്ചാച്ചിറ.

പാരീഷ് കൌൺസിലിലേക്കുള്ള മറ്റ് പുതിയ ഭാരവാഹികൾ: റീത്താമ്മ ആക്കാത്തറ, ജോർജ്ജ് ചക്കാലതൊട്ടിയിൽ, നീത ചെമ്മാച്ചേൽ, സജി ഇറപുറം, സുജ ഇത്തിത്താറ, രാജൻ കല്ലടാന്തിയിൽ, ജോയി കുടശ്ശേരിൽ, ടോമി കുന്നശ്ശേരിൽ, സജി മാലിത്തുരുത്തേൽ, സിന്ധു മുള്ളൻകുഴിയിൽ, ഷീബ മുത്തോലം, തങ്കമ്മ നെടിയകാലായിൽ, കുര്യൻ നെല്ലാമറ്റം, ജെനിമോൾ ഒറ്റത്തെക്കൽ, ഡെന്നി പുല്ലാപ്പള്ളി, ഡോളി പുത്തെൻപുരയിൽ, മോളമ്മ തൊട്ടിച്ചിറ, ബെന്നി വാച്ചാച്ചിറ, ബിബിൻ വട്ടംതൊട്ടിയിൽ.

 (മുകളിലെ നിരയിൽ) സുജ ഇത്തിത്താറ, ഗ്രേസി വാച്ചാച്ചിറ, നീത ചെമ്മാച്ചേൽ, തങ്കമ്മ നെടിയകാലായിൽ, ഷീബ മുത്തോലം, മോളമ്മ തൊട്ടിച്ചിറ, ജോയി കുടശ്ശേരിൽ, ബിബിൻ വട്ടംതൊട്ടിയിൽ, റ്റോണി പുല്ലാപ്പള്ളീ, ബിനോയി കിഴക്കനടി താഴത്തെ നിരയിൽ: സണ്ണി മുത്തോലം, ടോമി കുന്നശ്ശേരിൽ, മാത്യു ഇടിയാലിൽ, ഫാ. ഏബ്രഹാം മുത്തോലത്ത്, തോമസ് നെടുവാമ്പുഴ, സക്കറിയ ചേലക്കൽ, മാത്യു ചെമ്മലക്കുഴി, കുര്യൻ നെല്ലാമറ്റം.

Read more

ഷിക്കാഗോ സേക്രട്ട് ഹാർട്ട് ഫൊറോന - ക്രിസ്മസിനൊരുക്കമായുള്ള കുടുംബ നവീകരണ ധ്യാനം നടന്നു

ഷിക്കാഗോ: ഡിസംബർ മാസം 17 മുതൽ 18 വരെ, പ്രവാസി ക്നാനായക്കാരുടെ പ്രഥമ ദൈവാലയമായ ഷിക്കാഗോ സേക്രട്ട് ഹാർട്ട് ഫൊറോന ഇടവകയിൽ ഫാ. ജോൺ ചെറുനിലത്ത്, ബിബി തെക്കനാട്ട്, സ്റ്റീഫൻ കണ്ടാരപ്പള്ളിൽ, ബോണി തെക്കനാട്ട്, സിറിൽ മാളിയേക്കൽതറയിൽ, പീയൂസ് കണ്ടാരപ്പള്ളിൽ, ബെഞ്ചമിൻ തെക്കനാട്ട് എന്നിവരുടെ നേത്യുത്വത്തിൽ ക്രിസ്മസിനൊരുക്കമായുള്ള കുടുംബ നവീകരണ ധ്യാനം നടന്നു. കുട്ടികൾക്കും, യുവജനങ്ങൾക്കും, മുതിർന്നവർക്കും പ്രത്യേക സെക്ഷനുകളായാണ് ധ്യാനം ഒരുക്കിയിരുന്നത്. വചന പ്രഘോഷണ രംഗത്ത് ഏറെ പ്രശംസനീയമായ രീതിയിൽ സേവനം ചെയ്യുന്ന കെയ്‌റോസ് ധ്യാന ഗ്രൂപ്പ് അംഗങ്ങളാണ് ഈ കുടുംബ നവീകരണ ധ്യാനത്തിന് നേത്യുത്വം നൽകിയത്.

യേശുക്രിസ്തുവിന്റെ ജനനതിരുന്നാളിനൊരുക്കമായി നടത്തപ്പെട്ട ഈ കുടുംബ നവീകരണ ധ്യാനം നയിച്ച ഫാ. ജോൺ ചെറുനിലത്ത്, റ്റോബി മണിമലത്ത്, ബിബി തെക്കനാട്ട്, സ്റ്റീഫൻ കണ്ടാരപ്പള്ളിൽ, ബോണി തെക്കനാട്ട്, സിറിൽ മാളിയേക്കൽതറയിൽ, പീയൂസ് കണ്ടാരപ്പള്ളിൽ, ബെഞ്ചമിൻ തെക്കനാട്ട് എന്നിവർക്കും, ഗാനശുശ്രൂഷകളാൽ അനുഗ്രഹീതരാക്കിയ സജി മാലിത്തുരുത്തേൽ, ജോ ആന്റണി, എന്നിവർക്കും, മറ്റുസംഘാടകർക്കും, കൊടും തണുപ്പിനെ അവഗണിച്ചുകൊണ്ട് ഈ ധ്യാനത്തിലെ പങ്കെടുത്ത് ഇത് വിജയിപ്പിച്ച ഏവർക്കും ബഹുമാനപ്പെട്ട ഫൊറോനാ വികാരി വെരി റെവ. ഫാദർഎബ്രാഹം മുത്തോലത്ത് നന്ദി അറിയിച്ചു.

Read more

KCYL NA ക്ക് പുതിയ നേതൃത്വം. ജയ്ക്ക് ഇല്ലിക്കൽ പ്രസിഡണ്ട്

മയാമി: ക്നാനായ കാത്തലിക്ക് യൂത്ത് ലീഗ് ഓഫ് നോർത്ത് അമേരിക്കയ്ക്ക് പുതിയ നേതൃത്വം. മിയാമിയിൽ ക്നാനായ കാത്തലിക്ക് അസോസിയേഷൻ ഓഫ് സൗത്ത് ഫ്ളോറിഡയുടെ കമ്മ്യൂണിറ്റി സെന്ററിൽ നടന്ന തെരെഞ്ഞെടുപ്പിൽ പ്രസിഡണ്ട് ആയി ജെയ്ക്ക് ഇല്ലിക്കൽ, വൈസ് പ്രസിഡണ്ട് ആയി ആൽബിൻ ഉപ്പൂട്ടിൽ, ജന. സെക്രട്ടറിയായി നീൽ എടാട്ട്, ട്രഷറർ ആയി ക്രിസ് കട്ടപ്പുറം, ജോ. സെക്രട്ടറിയായി ടോബിൻ കട്ടിനാച്ചേരിൽ എന്നിവർ തെരഞ്ഞെടുക്കപ്പെട്ടു. വെസ്റ്റ് കോസ്റ്റ് റീജിയണൽ വൈസ് പ്രസിഡണ്ട് ആയി അഞ്ജലി മറ്റപ്പള്ളികുന്നേൽ, ടെക്‌സാസ് റീജിയണൽ വൈസ് പ്രസിഡണ്ട് ആയി നിക്ക് ചക്കുങ്കൽ, മിഡ്‌വെസ്റ് റീജിയണൽ വൈസ് പ്രസിഡണ്ട് ആയി ക്രിസ്റ്റീന എടകര, സൗത്ത് ഈസ്റ് റീജിയണൽ വൈസ് പ്രസിഡണ്ട് ആയി ലിയോൺ വട്ടപ്പറമ്പിൽ, നോർത്ത് ഈസ്റ് റീജിയണൽ വൈസ് പ്രസിഡണ്ട് ആയി വിനി മാളിയേക്കൽ എന്നിവരും തെരഞ്ഞെടുക്കപ്പെട്ടു. തെരഞ്ഞെടുപ്പിന് എമി മൂലക്കാട്ട് ജെയ്ക്ക് ഇല്ലിക്കൽ, മയാമി കെ സി വൈ എൽ ഭാരവാഹികൾ എന്നിവർ നേതൃത്വം നൽകി. 

Read more

ഡിട്രോയിറ്റിൽ പുതിയ ക്നാനായ നേതൃത്വം

ക്നാനായ കാത്തോലിക്‌ സൊസൈറ്റി ഒഫ് ഡിട്രോയിറ്റ് & വിൻഡ്‌സെർ (KCS Detroit &-Windsor) 2017 -2018 ഭരണ സമതി ഡിസംബർ 17, 2016 നു തിരങ്ങെടുക്കപ്പെട്ടു. പ്രസിഡന്റ്: രാജു കക്കാട്ട്, വൈസ് പ്രസിഡന്റ്: സജി മരങ്ങാട്ടിൽ, സെക്രട്ടറി: ജോസ് ചാമക്കാല, ജോയിന്റ് സെക്രട്ടറി: തോമസ് ഇലക്കാട്ട്,

ട്രേഷറർ: ഷാജൻ മുകളേൽ, കിഡ്സ് ക്ലബ് കോഓർഡിനേറ്റർ: ജോംസ് കിഴക്കെക്കാട്ടിൽ, നാഷണൽ കമ്മിറ്റീ മെംബേർസ്: ജോബി മംഗലത്തെട്ടു, അലക്സ് കോട്ടൂർ, എസ്‌സിക്യൂട്ടീവ് കമ്മിറ്റീ മെംബേർസ് : ജോസ് മാങ്ങാട്ടുപുളിക്കൽ, ബിജു തേക്കിലക്കാട്ടു, ടോംസ് കിഴക്കെക്കാട്ട് എന്നിവർ സത്യപ്രതിജ്ഞ ചെയ്തു.

KCYL പ്രെസിഡെന്റ് : സ്റ്റാനിയ മരങ്ങാട്ടിൽ, വൈസ് പ്രെസിഡെയ്ൻറ്: ടോം കോട്ടൂർ, സെക്രട്ടറി: സാറാ മാത്യൂ ങ്യാരളക്കടുത്തുരുത്തിയിൽ, ജോയിന്റ് സെക്രട്ടറി: എമിൽ മാത്യു കിഴക്കേക്കാട്ടിൽ, ട്രേഷറർ: ആരോൺ ചക്കുങ്കൽ, കമ്മിറ്റീ മെമ്പർ: സിന്ത്യാ മാത്യു കിഴക്കേക്കാട്ടിൽ എന്നിവരേയും തിരങ്ങെടുക്കപ്പെട്ടു.

വിമൻസ് ഫോറം പ്രസിഡന്റായി ജൂബി ചക്കുങ്കലിനെ നിയോഗിക്കുകയുണ്ടായി. കമ്മിറ്റീ ഭാരവാഹികളെ ഉടൻ തീരുമാനിച്ചു അറിയിച്ചുകൊള്ളാമെന്ന് പ്രെസിഡെന്റ് അറിയിക്കുകയുണ്ടായി. പള്ളിയും അസോസിയേഷനും തമ്മിലുള്ള ബന്ധം മെച്ചപ്പെടുത്തുക, കുട്ടികളേയും, യുവജനങ്ങളേയും, ക്നാനായ പൈതൃകത്തെ പറ്റിയും ആചാരങ്ങളെ പറ്റിയും ബോധവാന്മാരാക്കുക, നൂതനവും വെത്യസ്തവുമായാ മറ്റു കർമ്മ പരിപാടികൾ നടപ്പിലാക്കുക എന്നതുമാണ് പുതിയ കമ്മറ്റിയുടെ പ്രേവർത്തന മാനദണ്ഡം എന്ന് സെക്രട്ടറി ജോസ് ചാമക്കാല മീറ്റ് ദി ക്യാൻഡിഡേറ്റ് പരിപാടിയിൽ സംബന്ധിച്ച KCS മെമ്പേഴ്സിനോട് പ്രഖ്യാപിച്ചു. സ്പിരിച്വൽ ഡയറക്ടർ ഫാ. വിനുമോൻ രാമച്ചനാട്ടു മെമ്പേഴ്സിന് ഭക്തി നിർഭരമായ ക്രിസ്മസ് സന്ദേശം നൽകുകയും പുതിയ ഭാരവാഹികളെ അനുമോദിക്കുകയും ചെയ്തു.

Read more

ക്നാനായ കാത്തലിക്ക് കോൺഗ്രസ് ഓഫ് ഒഹായോക്ക് നവ നേതൃത്വം

ഒഹായോ: ക്നാനായ കാത്തലിക്ക് കോൺഗ്രസ് ഓഫ് ഒഹായോ (KCC-OHIO) ക്ക് പുതിയ നേതൃത്വം. ജോസ് ഫിലിപ്പ് തൂമ്പനാൽ (പ്രസിഡണ്ട്), ജോമി കല്ലിക്കൽ (വൈസ് പ്രസിഡണ്ട്), ജോ മഴുവഞ്ചേരി (സെക്രട്ടറി), എൽഡിന് പ്ലാക്കോട്ടം (ജോ. സെക്രട്ടറി), ആൻ കൂട്ടുത്തറ (ട്രഷറർ) എന്നിവരാണ് 2017 - 2019 വർഷത്തേക്കുള്ള പുതിയ ഭാരവാഹികൾ.

Read more

ലോസ് ഏഞ്ചൽസിൽ ക്രിസ്തുമസ് ആഘോഷങ്ങൾ ഡിസംബർ 24ന്

ലോസ് ഏഞ്ചൽസ്: സെന്റ് പയസ് ടെൻത് ക്നാനായ കത്തോലിക്കാ ഇടവകയും ക്നാനായ കാത്തലിക്ക് കോൺഗ്രസ് ഓഫ് സതേൺ കാലിഫോർണിയ (കെ.സി.സി.എസ്.സി) യും സംയുക്തമായി ക്രിസ്തുമസ് ആഘോഷങ്ങൾ സംഘടിപ്പിക്കുന്നു. ഡിസംബർ 24ന് വൈകുന്നേരം 6:30ന് വിശുദ്ധ കുർബാനയും തിരുപ്പിറവിയുടെ തിരുക്കർമ്മങ്ങളും സെന്റ് പയസ് ടെൻത് ദേവാലയത്തിൽ വച്ച് നടക്കും. തുടർന്ന് സ്നേഹവിരുന്നും കലാ സന്ധ്യയും എൽക്സ് ലോഡ്ജ് ഹാളിൽ വച്ച് നടക്കും.

സെന്റ് പയസ് ടെൻത് ക്നാനായ കത്തോലിക്കാ ഇടവക വികാരി ഫാ. സിജു മുടക്കോലിൽ, ട്രസ്റ്റിമാരായ ജോൺ മാത്യു മുട്ടത്തിൽ, റോജി കണ്ണാലിൽ, കെ.സി.സി.എസ്.സി പ്രസിഡണ്ട് ഷിജു അപ്പോഴിയിൽ, വൈസ് പ്രസിഡണ്ട് ടീന മാനുങ്കൽ, സെക്രട്ടറി ജോൺ വള്ളിപ്പടവിൽ, ജോ. സെക്രട്ടറി ദീപക് മുണ്ടുപാലത്തുങ്കൽ, ട്രഷറർ ചാക്കോ തെക്കേക്കരോട്ട്, കമ്മറ്റി അംഗങ്ങൾ, പാരിഷ് കൗൺസിൽ അംഗങ്ങൾ എന്നിവർ പരിപാടികൾക്ക് നേതൃതം നൽകും.

Read more

കാനഡ സെൻ്റ് മേരീസ് ക്നാനായ മിഷനിൽ ക്രിസ്തുമസ് രാവ്

കാനഡ- സെൻറ് മേരീസ് ക്നാനായ കാത്തലിക് തിരുപ്പിറവിയുടെ തിരുക്കർമ്മങ്ങളും, ക്രിസ്തുമസ് ആഘോഷവും സംയുക്തമായി കൊണ്ടാടുന്നു. ഡിസംബർ 24-ം തീയതി 6 മണിക്ക് സെൻ്റ് ജോസഫ് ഹയർ സെക്കൻ്ററി സ്കൂളിൽ വെച്ച് നടത്തപ്പെടുന്ന ക്രിസ്തുമസ് ദിനത്തിലെ തിരുകർമ്മങ്ങൾക്ക് മുഖ്യ കാർമ്മികത്ത്വം വഹിക്കുന്നത് സീറോമലബാർ എക്സാർക്കേറ്റ് ബിഷപ്പ് മാർ. ജോസ് കല്ല്യാവേലിൽ ആയിരിക്കും. ഇത് ആദ്യമായാണ് സെൻറ് മേരീസ് ക്നാനായ മിഷനിൽ ക്രിസ്തുമസ്സ് രാവിൽ തിരുപ്പിറവിയുടെ കർമ്മങ്ങൾ നടത്തപ്പെടുന്നത്. വി. കുർബ്ബാനയെത്തുടർന്ന് 2017 –ലെ കലണ്ടറിൻേൻറയും സെൻറ് മേരീസ് ക്നാനായ മിഷൻറെ ലോഗോയുടേയും പ്രകാശനവും ക്നാനായ മിഷൻറെ വെബ് സൈറ്റിൻറെ ഉദ്ഘാടനവും നടത്തപ്പെടും. ഈ ക്രിസ്തുമസ് രാവ് ഊഷ്മളതയുടേയും ഹൃദ്യതയുടേയും അനുഭവമാക്കിത്തീർക്കുവാൻ സ്നേഹവിരുന്നും സംഘാടകർ ക്രമീകരിച്ചിട്ടുണ്ട്. തുടർന്ന് മിഷനിലെ എല്ലാ കൂടാര യൂണിറ്റുകളുടേയും ആഭിമുഖ്യത്തിൽ രാത്രി 11 – മണിവരെ നീണ്ടുനിൽക്കുന്ന മികവാർന്ന കലാപരിപാടികളാണ് ക്രിസ്തുമസ് കലാ സന്ധ്യയ്ക്കായി ഒരുക്കിയിരിക്കുന്നത്. ഉണ്ണിയേശുവിൻറെ തിരുപ്പിറവി അനുസ്മരിപ്പിക്കുന്ന നേറ്റിവിറ്റി ഷോ, കരോളിംഗ്, സിനിമാറ്റിക് ഡാൻസ്, മതബോധന വിദ്യാർത്ഥികളുടെ പുരാതനപ്പാട്ട്, നർമ്മത്തോടൊപ്പം ആശയ സമ്പുഷ്ടമായ ലഘുനാടകങ്ങൾ, കുട്ടികളുടേയും മുതിർന്നവരുടേയും വിഭാഗത്തിൽ പ്രത്യേകം ക്രിസ്തുമസ് സംഘഗാനങ്ങൾ ഇവയൊക്കെയാണ് പരിപാടികളിൽ ഉൾപ്പെടുത്തിയിരിക്കുന്നത്. ഉണ്ണീശോയുടെ തിരുപ്പിറവിയുടെ കർമ്മങ്ങളിൽ പങ്കുചേരുവാനും ദൈവാനുഗ്രഹങ്ങൾ പ്രാപിക്കുവാനും ക്രിസ്തുമസ് രാവിൽ സന്തോഷപൂർവ്വം പങ്കെടുക്കുവാനും എല്ലാവരേയും ക്ഷണിക്കുന്നതിനായി വികാരി ഫാ. പത്രോസ് ചമ്പക്കര അറിയിക്കുന്നു. 

Read more

ക്നാനായ കാത്തലിക് ഫാമിലി കോൺഫറൻസ് : രജിസ്‌ട്രേഷൻ പാക്കേജുകൾ പ്രഖ്യാപിച്ചു.

ചിക്കാഗോ: നോർത്ത് അമേരിക്കയിലെ ക്നാനായ കാത്തലിക്ക് റീജിയന്റെ ആഭിമുഖ്യത്തിൽ നടത്തപെടുന്ന ഫാമിലി കോൺഫറൻസിന്റെ രെജിസ്ട്രേഷൻ പാക്കേജുകൾ പ്രഖ്യാപിച്ചു. ഹോട്ടൽ മുറിയും ഭക്ഷണവും മറ്റു ചിലവുകളും ഉൾപ്പെടെ രണ്ടു പേര് അടങ്ങുന്ന ഒരു കുടുംബത്തിന് $ 855 ആണ് രജിഷ്ട്രേഷൻ തുകയായി നിശ്ചയിച്ചിരിക്കുന്നത്. ആറ് വയസ്സിൽ താഴെയുള്ള കുട്ടികൾക്ക് സൗജന്യ രജിഷ്ട്രേഷനും ഭക്ഷണവും ലഭിക്കും. ആറ് വയസ്സിനു മുകളിൽ പ്രായമുള്ള, മാതാപിതാക്കന്മാരോടൊപ്പം താമസിക്കുന്ന കുട്ടികൾക്ക് $140 കൂടി ഭക്ഷണത്തിനും മറ്റു ചിലവുകൾക്കുമായി നിശയിക്കപ്പെട്ടിരിക്കുന്നു. 21 വയസ്സിനു മുകളിൽ പ്രായമുള്ള യുവജനങ്ങൾക്ക് $ 395 ആണ് രജിഷ്ട്രേഷൻ ഫീസ് ആയി നിശ്ചയിക്കപ്പെട്ടിരിക്കുന്നത്. രജിഷ്ട്രേഷൻ ഫീസിന് പുറമെ $ 300 കൂടി നൽകി സ്പോൺസർ ആകുവാനും, $ 750 കൂടി നൽകി വി ഐ പി സ്പോൺസർ ആകുവാനും ഉള്ള സൗകര്യവും റെജിഷ്ട്രേഷന്റെ ഭാഗമായി ഏർപ്പെടുത്തിയിട്ടുണ്ട്. അടുത്ത ശനിയാഴ്ച ക്രിസ്തുമസ് കുർബ്ബാനയ്ക്ക് ശേഷം ക്നാനായ റീജിയണിലെ എല്ലാ പള്ളികളിലും മിഷനുകളിലും ഫാമിലി കോൺഫെറെൻസിന്റെ രജിഷ്ട്രേഷൻ ഔദ്യോഗികമായി ആരംഭിക്കും.

2017 ജൂൺ 28 മുതൽ ജൂലൈ 1 വരെ ചിക്കാഗോയ്ക്ക് അടുത്ത്, സെന്റ് ചാൾസിലെ ഫെസന്റ് റൺ റിസോർട്ടിൽ വച്ചാണ് ക്നാനായ റീജിയന്റെ പ്രഥമ ഫാമിലി കോൺഫ്രൻസ് നടത്തപ്പെടുക. സഭാ - സാമുദായിക വളർച്ച കുടുംബങ്ങളിലൂടെ എന്ന വിഷയത്തെ കേന്ദ്രീകരിച്ചുകൊണ്ട്, ആദ്ധ്യാത്മികവും, വിജ്ഞാനപ്രദവുമായ പരിപാടികൾ കോർത്തിണക്കികൊണ്ട് നടത്തപെടുന്ന കോൺഫ്രൻസിന്റെ വിജയത്തിനായി നിരവധി കമ്മറ്റികൾ രൂപീകരിച്ച് പ്രവർത്തനങ്ങൾ തുടങ്ങി കഴിഞ്ഞു. പ്രസിദ്ധരായ ധ്യാന ഗുരുക്കന്മാരുടെ കുടുംബ നവീകരണ ചിന്തകൾ പങ്കു വെയ്ക്കുവാനും, വൈദീക മേലദ്ധ്യക്ഷന്മാരും, വൈദീകരും, സന്യസ്തരും വിശ്വാസ സമൂഹവും ഒരേ കൂടാരത്തിൽ ഒന്നിച്ച്, ക്നാനായ സമൂഹത്തിലെ സഭാ- സാമുദായിക വളർച്ചക്ക് ആക്കം കൂട്ടുവാൻ ഉതകുന്ന പരിപാടികൾ ആസൂത്രണം ചെയ്യുവാനും അവസരം ലഭിക്കത്തക്ക വിധത്തിലാണ് ഫാമിലി കോൺഫ്രൻസ് ആസൂത്രണം ചെയ്യപെട്ടുകൊണ്ടിരിക്കുന്നത്. യുവജനങ്ങൾക്ക് അനുയോജ്യമായ പരിപാടികൾ അവരാൽ തന്നെ ആസൂത്രം ചെയ്യപ്പെട്ടുകൊണ്ട്, യുവജനങ്ങളുടെ സജീവ പങ്കാളിത്തം ഉറപ്പു വരുത്തുവാനും വേണ്ട നടപടികൾ തുടങ്ങി കഴിഞ്ഞു. പതിമനഴര നൂറ്റാണ്ടുകളായി ക്നാനായ ജനത കാത്തുസൂക്ഷിച്ച പൈതൃകവും ആരാധനാ ക്രമത്തിന്റെ അനന്യതയും തിരിച്ചറിഞ്ഞ് , സഭയെ സ്നേഹിക്കുന്ന ഒരു തലമുറയായി വളർന്ന്, ക്നാനായ പ്രേഷിത ദൗത്യം നില നിർത്താൻ ലക്‌ഷ്യം വെയ്ക്കുന്ന ക്നാനായ റീജിയണൽ ഫാമിലി കോൺഫ്രൻസിൽ കുടുംബ സമേതം പങ്കെടുത്ത് പ്രയോജനം ഉൾകൊള്ളാൻ ഏവരെയും ക്ഷണിക്കുന്നതായി കോൺഫ്രൻസ് ചെയർമാനും ക്നാനായ റീജിയൻ ഡിറക്ടറും ആയ മോൺ. തോമസ് മുളവനാൽ അറിയിച്ചു.

രജിഷ്ട്രേഷൻ സംബന്ധമായ കൂടുതൽ വിവരങ്ങൾക്ക് ഇടവകയിലെയോ മിഷനിലെയോ റജിസ്‌ട്രേഷൻ കമ്മറ്റി അംഗങ്ങളുമായോ താഴെ കൊടുത്തിരിക്കുന്ന നമ്പരുകളിലോ ബന്ധപ്പെടുക.

ഫാ. തോമസ് മുളവനാൽ - 3107095111

ടോണി പുല്ലാപ്പള്ളി :6302055078

പോൾസൺ കുളങ്ങര: 8472071274

Read more

ക്നാനായ കാത്തോലിക് അസോസിയേഷൻ ഓഫ് ഡാളസ് ഫോർട്ട് വ്ർത്തിനു നവനേതൃത്വം. തൊമ്മച്ചൻ മുകുളേൽ പ്രസിഡന്റ്

ഡാളസ്: ക്നാനായ കാത്തോലിക് അസോസിയേഷൻ ഓഫ് ഡാളസ് ഫോർട്ട് വർത്തിന്റെ 2017-2018 പ്രവർത്തന വർഷത്തെ ഭാരവാഹികളെ തിരഞ്ഞെടുത്തു. തൊമ്മച്ചൻ മുകുളേൽ പ്രസിഡന്റ്, അജി തട്ടാറേറ്റു വൈസ് പ്രസിഡന്റ്, സിമി പോട്ടൂർ ജനറൽ സെക്രെട്ടറി, ബേബി പറമ്പേട്ട് ജോയിന്റ് സെക്രെട്ടറി, സൈമൺ കോയിത്തറ ട്രെഷെറെർ. നാഷണൽ കൌൺസിൽ മെമ്പർമാരായി ബെറ്റി കേളചന്ദ്ര , ജോമോൻ പെരുംബേൽ, മാത്യു വടശ്ശേരിക്കുന്നേൽ, ഷിന്റോ മാടുകുത്തുകാലയിൽ, ലിജോ മാച്ചാനിക്കൽ, ജെയ്‌സൺ ഓളിയിൽ എന്നിവരെയും തിരഞ്ഞെടുത്തു. വ്യത്യസ്തവും നൂതനവുമായ കർമ പദ്ധതികൾ അടുത്ത രണ്ടു വർഷകാലയളവിൽ സംഘടിപ്പിക്കുമെന്ന് നിയുത പ്രസിഡന്റ് തൊമ്മച്ചൻ മുകുളേൽ അറിയിച്ചു.

Read more

ക്നാനായ ഫാമിലി കോൺഫ്രൻസ് 2017: വേദിയാകുന്നത് സെന്റ് ചാൾസിലെ ഫെസെന്റ് റിസോർട്സ്

ചിക്കാഗോ: ക്നാനായ റീജിയന്റെ ആഭിമുഖ്യത്തിൽ പ്രഥമ ക്നാനായ ഫാമിലി കോൺഫറൻസിന്റെ ഒരുക്കങ്ങൾ ആരംഭിക്കുമ്പോൾ, ഫാമിലി കോൺഫറൻസിന്റെ വേദി സംബന്ധമായ തീരുമാനങ്ങൾ പൂർത്തിയായി. ചിക്കാഗോയിൽ നിന്നും ഏകദേശം 50 മൈലുകൾക്കപ്പുറത്ത് സെന്റ് ചാൾസിൽ സ്ഥിതി ചെയ്യുന്ന ഫെസെന്റ് റൊസോർട്സ് എന്ന ലോകോത്തര റിസോർട്ടിലാണ്. 250 ഏക്കറിലോളം വിശാലമായ പ്രകൃതി രമണീയമായ സ്ഥലത്ത് സ്ഥിതി ചെയ്യുന്ന റിസോട്ടിൽ 80,000 ലധികം ചതുരശ്ര അടിയിൽ 33 മീറ്റിങ് റൂമുകളും ഹാളുകളുമൊക്കയായി വിശാലമായ സ്ഥല സൗകര്യങ്ങൾ ഉണ്ട്. ഫെസന്റ് റിസോർട്ടിലെ പ്രധാന ഹാളിന് 35000 സ്‌ക്വയർ ഫീറ്റിലധികം വലുപ്പമുണ്ട്. ഇത് കൂടാതെ 320 പേർക്ക് ഇരിക്കുവാൻ സാധിക്കുന്ന ലോകോത്തര ആംഫി തിയേറ്റർ, മുന്നോറോളം ഹോട്ടൽ മുറികൾ, കായികോല്ലാസത്തിനായി ലോകോത്തര സംവിധാനങ്ങൾ എന്നിവ ഈ റിസോട്ടിന്റെ പ്രത്യേകതകളാണ്. ഇത് കൂടാതെ റിസോർട്ടിലേക്ക് നടന്നു എത്തുവാൻ തക്ക ദൂരത്തിൽ നിരവധി ഹോട്ടലുകളും സ്ഥിതി ചെയ്യുന്നു. 500 കുടുംബങ്ങൾക്കായി മാത്രം നിജപ്പെടുത്തിയിരിക്കുന്ന ഫാമിലി കോൺഫ്രൻസ്, ഒരു അനുഭവമാക്കി മാറ്റുവാൻ ഉതകുന്ന രീതിയിലാണ് സൗകര്യങ്ങൾ ഒരുക്കുന്നത്. 2017 ജൂൺ 28 മുതൽ ജൂലൈ 1 വരെയാണ് ഫാമിലി കോൺഫ്രൻസ് നടത്തപ്പെടുക. ഭാരതത്തിനു വെളിയിലെ പ്രഥമ ക്നാനായ ദൈവാലയമായ ചിക്കാഗോ സേക്രട്ട് ഹാർട്ട് ദൈവാലയവും, പങ്കാളിത്തം കൊണ്ട് ഭാരതത്തിനു വെളിയിലെ ഏറ്റവും വലിയ ഇടവകയായ ചിക്കാഗോ സെന്റ് മേരീസ് ദൈവാലയവും സംയുക്തമായി പ്രഥമ ഫാമിലി കോൺഫ്രൻസിനായി ആതിഥേയത്വം വഹിക്കുമ്പോൾ ക്നാനായ റീജിയന്റെ പ്രാരംഭം കുറിച്ച ചിക്കാഗോയിലെ സമൂഹത്തിന് അഭിമാനിക്കാം എന്നതിൽ സംശയമില്ല എന്ന് ഫാമിലി കോൺഫ്രൻസ് ജനറൽ കൺവീനർ ടോണി പുല്ലാപ്പള്ളി അഭിപ്രായപ്പെട്ടു.

Read more

അശരണർക്ക് ക്രിസ്തുമസ് ഡിന്നർ ഒരുക്കി കെ സി എസ് കരോൾ മുന്നേറുന്നു.

ഷിക്കാഗോ : ഷിക്കാഗോ കെ സി എസ് ഒരുക്കിയ വ്യത്യസ്തമായ കരോൾ ജനശ്രദ്ധ പിടിച്ചുപറ്റിയിരിക്കുയാണ്. കാരുണ്യത്തിന്റെ ഹൃദയവുമായി ക്രിസ്തുമസ് കരോളിൻ പങ്കു ചേരുവാൻ അവസരം ഒരുക്കിയിക്കൊണ്ടാണ് ഈ വർഷത്തെ ക്രിസ്തുമസ് കരോൾ ചിക്കാഗോ കെ സി എസ വ്യത്യസ്‍തമാക്കിയിരിയ്ക്കുന്നത്‌. നോർത്ത് അമേരിക്കയിലെ ക്നാനായ തറവാട് എന്ന് അറിയപ്പെടുന്ന ചിക്കാഗോയിലെ ക്നാനായ ജനതയുടെ ചരിത്രത്തിന്റെ നിർണ്ണായകമായ ഭാഗമായ കെ സി എസ് ന്റെ ഫണ്ട് സമാഹരണത്തിൽ പങ്കാളികളാകുന്നതിനൊപ്പം, തങ്ങളുടെ മാതൃ രൂപതയായ കോട്ടയം അതിരൂപതയിലെ വിവിധ അഗതി മന്ദിരങ്ങളിൽ ആശ്രിതരായി കഴിയുന്നവർക്ക് വേണ്ടി ചിക്കാഗോ കെ സി എസ് ന്റെ ആഭിമുഖ്യത്തിൽ  ഒരുക്കുന്ന ക്രിസ്തുമസ് ഡിന്നറിൽ കൂടി പങ്കാളിത്തം നൽകികൊണ്ട് ഇരട്ടി മധുരം നുണയുവാനുള്ള അവസരമാണ് ചിക്കാഗോയിലെ ക്നാനായ സമൂഹത്തിനു ലഭിച്ചിരിക്കുന്നത്. ചിക്കാഗോ കെ സി എസ് ഫാനിൻസ് കമ്മറ്റി ചെയർമാൻ ബൈജു കുന്നേൽ, ചിക്കാഗോ കെ സി എസ് നെ പ്രതിനിധീകരിച്ച് അതിരൂപതയിലെ വിവിധ അഗതി മന്ദിരങ്ങളിൽ, ക്രിസ്തുമസ് ഡിന്നറിനു ആവശ്യമായ സംഭാവന വിതരണം ചെയ്തു.

തോട്ടറയിലെ സെന്റ് ജോസഫ് കോൺവെന്റിന്റെ ഭാഗമായി പ്രവർത്തിക്കുന്ന ക്യാൻസർ രോഗികൾക്ക് വേണ്ടിയുള്ള പാലിയേറ്റിവ് കെയർ സെന്റർ, ഭിന്ന ശേഷിയുള്ള കുട്ടികൾക്ക് വേണ്ടി പ്രവർത്തിക്കുന്ന ഏറ്റുമാനൂരിലെ സാൻജോസ് വിദ്യാലയ, അശരണരായ സ്ത്രീകൾക്ക് വേണ്ടി പ്രവർത്തിക്കുന്ന പൂഴിക്കോലിലെ മാർത്താ ഭവൻ, ക്യാൻസർ രോഗികളെ പരിപാലിക്കുവാൻ വേണ്ടി ഗാന്ധിനഗറിൽ സെന്റ് ജോസഫ് സിസ്റ്റേഴ്‌സിന്റെ നേതൃത്വത്തിൽ പ്രവർത്തിക്കുന്ന  സെന്റ് ജോസഫ് ഹോം എന്ന ക്യാൻസർ പാലിയേറ്റിവ് കെയർ സെന്റർ, കൈപ്പുഴയിലെ സെന്റ് തോമസ് അസൈലം, എന്നിവിടങ്ങളിലാണ് ചിക്കാഗോ കെ സി എസ് ന്റെ കാരുണ്യകരങ്ങൾ എത്തിയത്.

ഇരവിമംഗലം പള്ളി വികാരി ഫാ.ജോസഫ് മുളവനാൽ സന്നിഹിതനായിരുന്നു. സമാധാനത്തിന്റെ സന്ദേശവുമായി കടന്നു വരുന്ന ക്രിസ്തുമസ് ലോകമെമ്പാടുമുള്ള ക്നാനായ കുടുംബങ്ങളിലും സമൂഹത്തിലും ആഘോഷിക്കുമ്പോൾ, വേദനയും കഷ്ടതയും അനുഭവിക്കുന്ന തങ്ങളുടെ സഹോദരങ്ങൾക്ക്, ഒരു നേരത്തെ സന്തോഷം പകർന്നു നൽകുവാൻ മുന്നിട്ടിറങ്ങിയ ചിക്കാഗോ കെ സി എസ് അംഗങ്ങളുടെ മഹാമനസ്കത അനുകരണീയവും അനുഗ്രഹദായകവുമാണ് എന്ന് ഫാ.ജോസഫ് മുളവനാൽ അനുസ്മരിച്ചു. കാരുണ്യത്തിന്റെ ഹൃദയത്തോടെ ക്രിസ്തുമസ് ആഘോഷങ്ങളെ സമീപിക്കുന്ന കെ സി എസ് ഭാരവാഹികളെയും, ഈ ഉദ്യമത്തിൽ നിറഞ്ഞ ഹൃദയത്തോടെ സഹകരിച്ച ചിക്കാഗോയിലെ എല്ലാ ക്നാനായ മക്കളെയും അഭിനന്ദിക്കുകയും അവർക്കും കുടുംബങ്ങൾക്കും ശാന്തിയുടെയും സമാധാനത്തിന്റെയും നന്മകളും അനുഗ്രഹങ്ങളും നേരുന്നതായി അദ്ദേഹം അറിയിച്ചു.

Read more

അനാഥാലയത്തിനു ക്രിസ്മസ് ദിന ഭക്ഷണമൊരുക്കുന്നു കാനഡയിലെ ചെറുപുഷ്‌പാംഗങ്ങൾ

കാനഡ- -വേറിട്ട പ്രവർത്തനശൈലിയുമായി അനാഥാലയത്തിനു ക്രിസ്മസ് ദിന ഭക്ഷണമൊരുക്കുന്നുതിന്റെ തിരക്കിലാണ് കാനഡയിലെ മിസ്സിസ്സാഗ ക്നാനായ ചെറുപുഷ്‌പാംഗങ്ങൾ . ക്രിസ്മസിനോടും പുതുവത്സരത്തോടുമനുബന്ധിച്ചു കേക്ക് മുറിക്കലും വിതരണവുമൊക്കെ വിദേശികളായ മലയാളികളുടെ ക്രിസ്മസ് ആഘോഷങ്ങളുടെ ഭാഗമായി മാറിക്കൊണ്ടിരിക്കുന്ന സാഹചര്യത്തിലാണ് നാട്ടിൽ നിന്നും വരുത്തിയ കേക്കിന് അല്പം വിലകൂടി നൽകി എല്ലാ കുടുബങ്ങൾക്കും അവരുടെ പരിചയക്കാർക്കും ഇത്തരം കേക്കുകൾ എത്തിച്ചു നൽകാനാണ് സി എം ൽ (ചെറുപുഷ്പം മിഷൻ ലീഗ് )അംഗങ്ങൾ ആവേശത്തോടെ പരിശ്രമിക്കുന്നത് .ഇതിൽ നിന്നും ലഭിക്കുന്ന ലാഭവിഹിതം വഴി കോട്ടയം അതിരൂപതയുടെ കീഴിൽ പ്രവർത്തിക്കുന്ന ബാല ഭവനത്തിന്റെ ക്രിസ്മസ് ദിന ഭക്ഷണമൊരുക്കാനാവുമെന്ന് മിഷ്യൻ ലീഗ് അംഗങ്ങൾ പ്രതീഷിക്കുന്നു.സാമ്പത്തിക ഔന്നത്യത്തിൽ ജീവിക്കുമ്പോഴും തങ്ങളാലാകുന്ന പ്രവർത്തനങ്ങളിലുടെ അനാഥരായ തങ്ങളുടെ സമപ്രായക്കാർക്ക് ക്രിസ്മസ്സിന്റെ സന്തോഷം പകരുവാനും അങ്ങനെ സി എം ൽന്റെ സ്വർഗീയ മദ്ധ്യസ്‌ഥയായ വി കൊച്ചു ത്രേസിയായുടെ ജീവിതം തങ്ങളുടെ കൊച്ചു ജീവിതത്തിലൂടെ പ്രതിഫലിപ്പിക്കുവാനും കാനഡയിലെ ക്നാനായ ബാലികാ ബാലകന്മാർ പരിശ്രമിച്ചുകൊണ്ടിരിക്കുകയാണ്. "അണ്ണാൻ കുഞ്ഞിനും തന്നാലായത്" എന്ന ചൊല്ല് പോലെ കുട്ടികളുടെ പരിമിതമായ സാഹചര്യത്തിലുടെയും ആശയടക്കത്തിലുടെയും സ്വരുപിക്കപ്പെടുന്ന തുകകൾ എത്രയും വേഗം നാട്ടിലെത്തിക്കുവാനുള്ള ഉദ്യമത്തിലാണ് ഈ സി എം ൽ അംഗങ്ങൾ .ഈ ഉദ്യമത്തിന് എല്ലാ പിന്തുണയുമായി സി എം ൽ എക്സിക്യൂട്ടീവ് അംഗങ്ങളും ,മിഷൻ ഡയറക്ടർ ഫാ. പത്രോസ് ചമ്പക്കരയുടെയും മിഷൻ ലീഗ് കോർഡിനേറ്റർ ഷീന ബിജു കിഴക്കേപ്പുറത്തിലിന്റെയും,ജോസ്മോൻ പൂഴിക്കുന്നേലിന്റെയും ,പാരിഷ് കൌൺസിൽ അംഗങ്ങളുടെയും, ഇടവകാംഗങ്ങളുടെയും പിന്തുണയും പ്രോത്സാഹനവും ഇതിന്റെ പിന്നിലുണ്ട് .

Read more

ക്നാനായ ഫാമിലി കോൺഫ്രൻസ് 2017: ടോണി പുല്ലാപ്പള്ളി ജനറൽ കൺവീനർ

ചിക്കാഗോ: ക്നാനായ റീജിയന്റെ ആഭിമുഖ്യത്തിൽ  2017 ജൂൺ 28 മുതൽ ജൂലൈ 1 വരെ, ക്നാനായ റീജിയന്റെ ആഭിമുഖ്യത്തിൽ  നടത്തപെടുന്ന ഫാമിലി കോൺഫറൻസിന്റെ ജനറൽ കൺവീനറായി ടോണി പുല്ലാപ്പള്ളി തെരഞ്ഞെടുക്കപ്പെട്ടു. പത്ത് വർഷത്തോളമായി ക്നാനായ റീജിയന്റെ ഫാമിലി കമ്മീഷൻ ചെയർ പേഴ്‌സൺ ആയി സേവനം ചെയ്യുകയാണ് ടോണി പുല്ലാപ്പളി. കോട്ടയം അതിരൂപതയിലെ യശശീരനായ അന്തരിച്ച ഷെവലിയാർ ജോൺ പുല്ലാപ്പള്ളിയുടെ മകനാണ് ടോണി പുല്ലാപ്പള്ളി. ഫാമിലി കമ്മീഷൻ ചെയർ പേഴ്‌സൺ എന്ന നിലയിൽ, ക്നാനായ റീജിയണിലെ കുടുംബ ഭദ്രതക്ക് ആവശ്യമായ സെമിനാറുകളും ക്‌ളാസ്സുകളും ഏകോപിപ്പിക്കുകയും, കുടുംബ ജീവിതത്തിലേക്ക് കാലെടുത്തുവയ്ക്കുന്ന യുവതീ യുവാക്കൾക്കായി നോർത്ത് അമേരിക്കയിലെ വിവിധ ക്നാനായ ഇടവകകൾ കേന്ദ്രീകരിച്ച് പ്രീ മാരിയേജ് കോഴ്‌സുകൾക്ക് നേതൃത്വം നൽകുകയും ചെയ്തുകൊണ്ട്, റീജിയണിലെ ശക്തമായ സാന്നിധ്യമായി പ്രവർത്തിച്ചു വരികയാണ് ടോണി. വിശ്വാസത്തിലും പാരമ്പര്യത്തിലും അധിഷ്ഠിതമായ കുടുംബ ജീവിതം എന്ന വിഷയത്തെ കേന്ദ്ര ബിന്ദുവാക്കികൊണ്ടു നടത്തപെടുന്ന ഫാമിലി കോൺഫറൻസിന്, ചെയർമാൻ ഫാ. തോമസ് മുളവനാൽ, വൈസ് ചെയർമാൻ ഫാ. എബ്രഹാം മുത്തോലത്ത്, സെക്രട്ടറി ഫാ. ബോബൻ വട്ടംപുറത്ത്, എക്സിക്യൂട്ടീവ് മെമ്പർ ജോയി വാച്ചാച്ചിറ  എന്നിവർക്കൊപ്പം റീജിയന്റെ ഫാമിലി കമ്മീഷൻ ചെയർമാനായ ടോണി പുല്ലാപ്പള്ളി കൂടി എത്തുമ്പോൾ ഫാമിലി കോൺഫ്രൻസ്, ഒരു വലിയ വിശ്വാസ സമൂഹത്തിന്റെ പ്രഘോഷണമായി മാറും.
Read more

Copyrights@2016.