latest

പ്ലാസ്റ്റിക്കിന്റെ വിനാശം വിദ്യാര്‍ത്ഥികളടക്കമുള്ള പുതുതലമുറ തിരിച്ചറിയണമെന്ന്‌ കണ്ണൂര്‍ ജില്ലാ കളക്‌ടര്‍

Tiju Kannampally  ,  2018-06-19 02:46:20amm

 

ശ്രീപുരം ഇംഗ്ലീഷ്‌ മീഡിയം സ്‌കൂളില്‍ കളക്‌ടേഴ്‌സ്‌ അറ്റ്‌ സ്‌കൂള്‍ പദ്ധതി ഉദ്‌ഘാടനം ചെയ്തു
കണ്ണൂര്‍: നൂറുകണക്കിന്‌ വര്‍ഷത്തോളം നശിക്കാതെ കിടക്കുന്ന പ്ലാസ്റ്റിക്കിന്റെ വിനാശം വിദ്യാര്‍ത്ഥികളടക്കമുള്ള പുതുതലമുറ തിരിച്ചറിയണമെന്ന്‌ കണ്ണൂര്‍ ജില്ലാ കളക്‌ടര്‍ മിര്‍ മുഹമ്മദലി. പ്ലാസ്റ്റിക്കിന്റെ ദോഷങ്ങളെക്കുറിച്ച്‌ അറിവുനേടുന്ന വിദ്യാര്‍ത്ഥികള്‍ അതിന്റെ ഉപയോഗം പരമാവധി കുറയ്‌ക്കുവാന്‍ പരിശ്രമിക്കണമെന്നും അദ്ദേഹം പറഞ്ഞു. ശ്രീപുരം ഇംഗ്ലീഷ്‌ മീഡിയം സ്‌കൂളില്‍ അടല്‍ ടിങ്കറിംഗ്‌ ലാബിന്റെയും ഹരിത സൗഹൃദം പരിപാടിയായ കളക്‌ടേഴ്‌സ്‌ അറ്റ്‌ സ്‌കൂള്‍ പദ്ധതിയുടെയും ഉദ്‌ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം. ഒഴിവാക്കാവുന്ന നിരവധി സന്ദര്‍ഭങ്ങളില്‍ അനാവശ്യമായി പ്ലാസ്റ്റിക്‌ ഉപയോഗിക്കുന്നുണ്ട്‌. ഇത്‌ തിരിച്ചറിഞ്ഞ്‌ പ്രവര്‍ത്തിക്കുകയാണ്‌ ഏകപോംവഴിയെന്നും ജില്ലാ കളക്‌ടര്‍ പറഞ്ഞു. വീടുകളില്‍ നിന്ന്‌ കുട്ടികള്‍ പ്ലാസ്റ്റിക്‌ മാലിന്യങ്ങള്‍ ശേഖരിച്ച്‌ സ്‌കൂളിലെത്തിച്ച്‌ റിസൈക്ലിംഗിനായി ഉപയോഗിക്കുന്ന പദ്ധതിയാണ്‌ കളക്‌ടേഴ്‌സ്‌ അറ്റ്‌ സ്‌കൂള്‍.
ശാസ്‌ത്രരംഗത്ത്‌ അന്വേഷണത്വരയും ഭാവനയും നിര്‍മാണചാരുതയും വളര്‍ത്തിയെടുത്തു മികച്ച ശാസ്‌ത്ര സാങ്കേതിക പ്രതിഭകളെ വാര്‍ത്തെടുക്കുകയെന്ന ലക്ഷ്യം വച്ചുള്ള നീതി ആയോഗിന്റെ പദ്ധതിയായ അടല്‍ ടിങ്കറിംഗ്‌ ലാബ്‌-എടിഎല്‍ ലഭിച്ചതുവഴി ശ്രീപുരം ഇംഗ്ലീഷ്‌ മീഡിയം സ്‌കൂള്‍ അഭിനന്ദനാര്‍മായ നേട്ടമാണ്‌ കൈവരിച്ചിരിക്കുന്നതെന്നും കളക്‌ടര്‍ പറഞ്ഞു.രാജ്യത്തെ 457 സ്‌കൂളുകള്‍ക്കാണ്‌ ആദ്യഘട്ടത്തില്‍ എടിഎല്‍ ലഭിച്ചിരിക്കുന്നത്‌. ചടങ്ങില്‍ കോട്ടയം അതിരൂപതാ സഹായമെത്രാന്‍ മാര്‍ ജോസഫ്‌ പണ്ടാരശേരില്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ സി. അനിത, വൈസ്‌ പ്രിന്‍സിപ്പല്‍ ഫാ. ലിജോ കൊച്ചുപറമ്പില്‍, മുന്‍ പിടിഎ പ്രസിഡന്റ്‌ സി.കെ. കുര്യാച്ചന്‍ എന്നിവര്‍ പങ്കെടുത്തു. അധ്യാപകരായ കെ. ഉഷ സ്വാഗതവും ഷീന വിജയന്‍ നന്ദിയും പറഞ്ഞു.

കണ്ണൂര്‍: നൂറുകണക്കിന്‌ വര്‍ഷത്തോളം നശിക്കാതെ കിടക്കുന്ന പ്ലാസ്റ്റിക്കിന്റെ വിനാശം വിദ്യാര്‍ത്ഥികളടക്കമുള്ള പുതുതലമുറ തിരിച്ചറിയണമെന്ന്‌ കണ്ണൂര്‍ ജില്ലാ കളക്‌ടര്‍ മിര്‍ മുഹമ്മദലി. പ്ലാസ്റ്റിക്കിന്റെ ദോഷങ്ങളെക്കുറിച്ച്‌ അറിവുനേടുന്ന വിദ്യാര്‍ത്ഥികള്‍ അതിന്റെ ഉപയോഗം പരമാവധി കുറയ്‌ക്കുവാന്‍ പരിശ്രമിക്കണമെന്നും അദ്ദേഹം പറഞ്ഞു. ശ്രീപുരം ഇംഗ്ലീഷ്‌ മീഡിയം സ്‌കൂളില്‍ അടല്‍ ടിങ്കറിംഗ്‌ ലാബിന്റെയും ഹരിത സൗഹൃദം പരിപാടിയായ കളക്‌ടേഴ്‌സ്‌ അറ്റ്‌ സ്‌കൂള്‍ പദ്ധതിയുടെയും ഉദ്‌ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം. ഒഴിവാക്കാവുന്ന നിരവധി സന്ദര്‍ഭങ്ങളില്‍ അനാവശ്യമായി പ്ലാസ്റ്റിക്‌ ഉപയോഗിക്കുന്നുണ്ട്‌. ഇത്‌ തിരിച്ചറിഞ്ഞ്‌ പ്രവര്‍ത്തിക്കുകയാണ്‌ ഏകപോംവഴിയെന്നും ജില്ലാ കളക്‌ടര്‍ പറഞ്ഞു. വീടുകളില്‍ നിന്ന്‌ കുട്ടികള്‍ പ്ലാസ്റ്റിക്‌ മാലിന്യങ്ങള്‍ ശേഖരിച്ച്‌ സ്‌കൂളിലെത്തിച്ച്‌ റിസൈക്ലിംഗിനായി ഉപയോഗിക്കുന്ന പദ്ധതിയാണ്‌ കളക്‌ടേഴ്‌സ്‌ അറ്റ്‌ സ്‌കൂള്‍.

ശാസ്‌ത്രരംഗത്ത്‌ അന്വേഷണത്വരയും ഭാവനയും നിര്‍മാണചാരുതയും വളര്‍ത്തിയെടുത്തു മികച്ച ശാസ്‌ത്ര സാങ്കേതിക പ്രതിഭകളെ വാര്‍ത്തെടുക്കുകയെന്ന ലക്ഷ്യം വച്ചുള്ള നീതി ആയോഗിന്റെ പദ്ധതിയായ അടല്‍ ടിങ്കറിംഗ്‌ ലാബ്‌-എടിഎല്‍ ലഭിച്ചതുവഴി ശ്രീപുരം ഇംഗ്ലീഷ്‌ മീഡിയം സ്‌കൂള്‍ അഭിനന്ദനാര്‍മായ നേട്ടമാണ്‌ കൈവരിച്ചിരിക്കുന്നതെന്നും കളക്‌ടര്‍ പറഞ്ഞു.രാജ്യത്തെ 457 സ്‌കൂളുകള്‍ക്കാണ്‌ ആദ്യഘട്ടത്തില്‍ എടിഎല്‍ ലഭിച്ചിരിക്കുന്നത്‌. ചടങ്ങില്‍ കോട്ടയം അതിരൂപതാ സഹായമെത്രാന്‍ മാര്‍ ജോസഫ്‌ പണ്ടാരശേരില്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ സി. അനിത, വൈസ്‌ പ്രിന്‍സിപ്പല്‍ ഫാ. ലിജോ കൊച്ചുപറമ്പില്‍, മുന്‍ പിടിഎ പ്രസിഡന്റ്‌ സി.കെ. കുര്യാച്ചന്‍ എന്നിവര്‍ പങ്കെടുത്തു. അധ്യാപകരായ കെ. ഉഷ സ്വാഗതവും ഷീന വിജയന്‍ നന്ദിയും പറഞ്ഞു.

 



Latest

Copyrights@2016.