latest

കെ.സി.വൈ.എല്‍. ഓഷ്യാന യുവജന ക്യാമ്പിന് ഉജ്ജ്വല സമാപനം

Saju Kannampally  ,  2017-07-14 01:16:25amm

കെ.സി.വൈ.എല്‍. ഓഷ്യാന യുവജന ക്യാമ്പിന് ഉജ്ജ്വല പരിസമാപ്തി

അഡിലെയ്ഡ്: ക്‌നാനായ കാത്തലിക് കോണ്‍ഗ്രസ് ഓഷ്യാനയുടെയും K.A.S.A. യുടെയും നേതൃത്വത്തില്‍ നടത്തിയ ക്‌നാനായ യുവജന ക്യാമ്പ് Untiy 2017 ന് ഗംഭീര സമാപനം. ഓഷ്യാനയുടെ വിവിധ ഭാഗങ്ങളില്‍ നിന്നായി അഡിലെയിഡില്‍ ഇക്കഴിഞ്ഞ 7, 8, 9 തീയതികളില്‍ ഒത്തു ചേര്‍ന്ന നൂറിലധികം വരുന്ന ക്‌നാനായ യുവജനങ്ങള്‍ക്ക് സഭാ സമുദായ സ്‌നേഹം ആവേശത്തിരകളിലാറാടിയാണ് Untiy 2017 ന് തിരശ്ശീല വീണത്. ഓഷ്യാന ക്‌നാനായ സമൂഹം വരുംകാലങ്ങളില്‍ പൂര്‍വ്വാധികം ആവേശത്തോടെ കൈപിടിച്ചു നടത്തുവാന്‍ കഴിവുതെളിയിക്കുന്ന പുത്തന്‍ തലമുറയെ വാര്‍ത്തെടുക്കുക എന്ന Unity 2017 ന്റെ ഉദ്ദേശലക്ഷ്യം അതേപടി സാധ്യമാക്കാന്‍ തങ്ങള്‍ക്ക് സാധിച്ചതിലുള്ള സംതൃപ്തി K.C.C.O. ഭാരവാഹികളായ ബേബി പാറ്റാകുടിലും, ജയിംസ് വെളിയത്തും K.C.Y.L.O. പ്രസിഡന്റ് ബ്ലസ് കണ്ണച്ചാപറമ്പിലും K.A.S.A. പ്രസിഡന്റ് ജോബി മള്ളിയിലും പങ്കുവച്ചു. സഭയും യുവജനങ്ങളും എന്ന വിഷയത്തെ ആസ്പദമാക്കി ഫാ. ഷിബു ജേക്കബും ഓഷ്യാനയില്‍ ക്‌നാനായ സമുദായത്തിന്റെ പ്രാധാന്യത്തെക്കുറിച്ച് സജിമോന്‍ വരവുകാലായും ക്ലാസ്സുകള്‍ നയിച്ചു. ഫാ. ജയിംസ് അരീച്ചിറ യുവജനങ്ങളോട് സംവദിക്കുകയും കുര്‍ബാനകള്‍ക്ക് നേതൃത്വം നല്‍കുകയും ചെയ്തു. ക്‌നാനായ ഡാന്‍സ് നൈറ്റും വ്യത്യസ്തമായ Ice breaking ഉം Unity 2017 ന് മാറ്റു കൂട്ടി. Adeleide K.C.Y.L. ന്റെയും K.A.S.A. യുടെയും എല്ലാ അംഗങ്ങളുടെയും അകമഴിഞ്ഞ സഹായ സഹകരണങ്ങളുമാണ് Unity 2017 നെ വിജയത്തിലെത്തിച്ചത് എന്ന് K.C.Y.L.O. സെക്രട്ടറി നീതു ബാബു തറയില്‍ പറയുകയുണ്ടായി. 2018 ല്‍ K.C.C.O. യുടെ നേതൃത്വത്തില്‍ നടക്കുന്ന 4-ാമത് കണ്‍വന്‍ഷന്‍ പൈതൃകം 18 ന് ഊര്‍ജ്ജം പകര്‍ന്നുകൊണ്ടാണ് ഏവരും പിരിഞ്ഞത്.



Latest

Copyrights@2016.